ھەدىلەر

bahwanbiz

	ھەدىلەر ئەجەپ ئىللىق مېھرىبان مەرى ئىسسىق ھەدىلەر ، جەم بولغاندا بالىلار سۆزى قىززىق ھەدىلەر، تەرگەنلىرى مۇھەببەت، ئەمەس تېرىق ھەدىلەر، دىلى بىلەن قوشۇلۇپ كۆزى يېنىق ھەدىلەر، قېرىنداشقا تىلىكى مارجان تىزىق ھەدىلەر، ئائىلىگە ۋاپادار، ئۇ مۇئاۋىن دادىدۇر ، ھەممىسىگە باشپاناھ ،ئۇ مۇئاۋىن ئانىدۇر ، ئىزگۈلىككە چېلىنغان رىشتە كۈيى تارىدۇر ، ئائىلنىڭ پارچىسى ،ئۇ يوپ يورۇق كارىدۇر ، تونۇر كەبىي لاۋۇلدار ،باغىرى قىززىق ھەدىلەر. ئۇ ھەرقاچان كەپىنىڭ جاپاسىنى كۆتىرەر ، ئاداۋەتنىڭ قورتىنى سۈكۈتىدە ئۆلتىرەر ، باغچىسىغا ئەجدادنىڭ سۆيگۈ تېرىپ ئۆستۈرەر ، مېھنىتىنىڭ تەرىدە،ئۇ ھاللاپ كۈن كۆرەر، شەخسىيىتى بىر رومان ، سىرلىق يېزىق ھەدىلەر. پەسىللەرگە چىرماشتى ، ئاغرىمىدى بىلمىدۇق ، كەلسە كەلمەس تۇتۇلغان قاپىقىنى كۆرمىدۇق ، بارىمىزىدىن ئاغرىنىپ چولتا خىيال سۈرمىدۇق ، بولغاچ ئۆيدە مۇئەللىم ، كوچا چىڭداپ يۈرمىدۇق ، دىللاردىكى دېڭىزدا ھارماس بېلىق ھەدىلەر. نازاكىتى سۇسلاشسا ئايپاتەمگە ئوخشىماس ، يېرىم يارتا قورساقنى مەۋھۇم يەردە توقلىماس ، ئۇ سەھەرنىڭ خورىزى ، شۇڭا ئارتۇق ئۇخلىماس، ئۇ دورىلار كاپسۇلى ، شۇڭا كېسەل يۇقلىماس ، كۆكلەيدىغان ۋەدىنى بېرەر يىللىق ھەدىلەر، بېشىدىكى ياغلىقى  ئۆڭىسىمۇ يىرتىلماس ، پىشانىسى –تەلەينى چوڭ ئوقۇرغا باغلىماس ، بۇلبۇل دىسە ئۆزىنى، خەقنى قاغا چاغلىماس ، ئۆزىگىلا مىراپ ئۇ قۇرۇق ئۆستەڭ ساقلىماس، ئانام قويغان ئوسمىسى شۇنداق قېنىق ھەدىلەر. تۇرمۇشىغا سىناقنىڭ جاۋاپ بېرەر زىنىقى ، ئۇ بۇ ئۆيدىن ۋاز كەچمەس جاۋابىنىڭ ئېنىقى ، ۋۇجۇدىدا توسۇلار موھتاجلىقنىڭ يېرىقى ، كۆۋەجەيدۇ دولقۇنلاپ ئابىي چەشمە ئېرىقى ، قاغجىرىغان دىللارغا قۇۋۋەت قېتىق ھەدىلەر . ئەل جامائەت ئالدىدا تۆۋەن قىلدى يۈزىنى، ھەم بىھۇدە ياش يۇقى قىلماي ئۆتتى كۆزىنى ، چىڭدىمىدى بىمەھەل ئۆزگە تالا- تۈزىنى ، ئارخبلىدى  چەتنىمەي ئاتىلارنىڭ سۆزىنى ، ئەنئەنىگە چىرايلىق  ھەجەپ چېتىق ھەدىلەر. ئۇسۇلىدا باغلايدۇ قېرىنداشلار باغرىنى، مەئىشەتكە بېرىلمەي تەڭ چىشلەيدۇ زاغرىنى ، دەستۇرخانغا ئېرىنمەي تەڭ تۆكىدۇ بارىنى ، بولساڭ ئەگەر بەختلىك چىڭ چالىمەن ناغرىنى ، ئۈگۈتلەردە قاينىغان ،پوشكال سىلىق ھەدىلەر. ئەجەپ يېنىك پۇت – قولى،  كېلىم بىلەن كېتىمگە ، ئادەتلەنگەن بىر سېماھ، تۆت پەسىلگە ، قېتىمگە ، قاملىشىدۇ شامالدەك ئۇششاق يۈگۈر – يېتىمگە ، قىلماس ھەرگىز يىنىكلىك ، شەجەرىگە ، بېتىمگە ، ئېتىقادى ، چىرىقى دائىم يېنىق ھەدىلەر. ئاپتۇرى : ئا. مۇھەممەت باغۋەن

mahatjan

	ئەجەپ يېنىك پۇت – قولى،  كېلىم بىلەن كېتىمگە ، ئادەتلەنگەن بىر سېماھ، تۆت پەسىلگە ، قېتىمگە ، قاملىشىدۇ شامالدەك ئۇششاق يۈگۈر – يېتىمگە قىلماس ھەرگىز يىنىكلىك ، شەجەرىگە ، بېتىمگە ، ئېتىقادى ، چىرىقى دائىم يېنىق ھەدىلەر.   دىگەندەك؛-مۇشۇ ئەسەر ھەقىقىتەن ،قېرىنداشلىرىمىزغابەكمۇ توغرا باھا بىرىلگەن ئەسەر دەپ قارايمەن، بىزنىڭ ئاتا-ئانىللىرىمىز ۋە قېرىنداشلىرىمىزدا ،ئىنسانىيەتكە ئۆلگە بولىدىغان ئىجابى تەرەپلەر بەك كۆپ، ئىجابى تەرەپلەرنى كۆپ يازايلى.سەلبى تەرەپنى ئازرااق يازايلى.

qaraxani

	مەرى ئەمەس  مېھرى ،ھاللاپ ئەمەس ھالاللاپ  بولسا كېرەك...ھەدىلىرىمىزنى بىر خوش قىلىۋېتىپسىز، ئۇلار مۇشۇنداق تەرىپكە لايىق ئىدى...

ھەرە

	بەك ياخشى يېزىپسىز.ھەدەم بولغان بولسىمۇ ئوقۇپ بېرە بولغۇيتۇم.

muhabbatsiman

	sikiltar يوللىغان ۋاقتى  2013-9-26 02:24 PM تۇرمۇشنى روسەن يورۇتۇپ بىرىپسىز . ش دەپ بېقىڭە.

muhabbatsiman

	sikiltar يوللىغان ۋاقتى  2013-9-26 04:02 PM س ... مەسىلە بارمۇ ؟ مەسىلە بوممامدىكى،بىر ش دەڭە.

larzan

	نەۋرىلەر， كېلىنلەر， كۈيئوغۇل， قىينىئاتام， قىينىئانام， ئايالىم .ئەمدى ھەدىلەر،كىينكىسى ئاكىلارما باغۋەن ئەپەندوم.بەك مەزمۇنلۇق ياخشى چىقىپتۇ.