تاۋباۋدىن ئالغان مال كەلمىسە، پۇلنىمۇ قايتۇرمىسا قانداق قىلىش ...

mars-adimi

	تاۋباۋدىن ئالغان مال كەلمىسە، پۇلنىمۇ قايتۇرمىسا قانداق قىلىش  كېرەك؟ ئەسسالامۇ-ئەلەيكۇم ھۆرمەتلىك تورداشلار. ئالدى بىلەن ھەممىڭلارنىڭ تېنىگە سالامەتلىك، ئىشلىرىڭلارغا ئۇتۇق، تۇرمۇشۇڭلارغا بەخت تىلەيمەن. مەن تاۋباۋ تورىدىن مال ئېلىۋاتقىلى 3 يىلدىن ئاشقان. ھازىرغىچە ئالغان ماللىرىمنىڭ ھەممىسى تۇلۇق كەلگەن ئىدى. لېكىن ئۆتكەن ئايدا سوممىسى1000 يۈەنگە يېقىن بولغان بالىلار ئورۇندۇقى ئالغان. لېكىن ھازىرغىچە كەلمىدى. ئىشنىڭ تەپسىلاتى مۇنداق: مالنى 8-ئاينىڭ 3-كۈنى ئېلىپ شۇ كۈنى پۇلنى تۆلىۋەتتىم. مال ساتقۇچى تەرەپ مالنى ماشىنىدىن سېلىپ بېرىدىغانلىقىنى، تېز يەتكۈزۈش شىركىتىدىن سالسا كىراسىنىڭ كۆپ بۇلۇپ كېتىدىغانلىقىنى ئېيتتى. مەن قۇشۇلدۇم. بىراق، 12 كۈنگىچە مال كەلمىگەندىكىن، مەن مال ساتقۇچى تەرەپ بىلەن ئالاقىلاشتىم. ئۇ ماڭا <<يولنى كەلكۈن بۇزۇۋېتىپ ماشىنا ماڭالماي مال قايتىپ كەپتۇ، قايتا سېلىپ بېرەي>> دېدى. مەن قوشۇلدۇم. لېكىن يەنە 10 كۈن ساقلىغان بولساممۇ مال كەلمىدى. مەن مال ساتقۇچى بىلەن ئالاقىلىشىپ مالنى سۈيلىسەم، ئۆزەڭ سۈرۈشتۈرۈۋال، دەپ تېلفۇننى ئۈزۈۋەتتى. شۇنىڭدىن كېيىن ئۇنىڭ بىلەن ئالاقىلىشالمىدىم. تېلفۇننىمۇ ئالمىدى، 阿里旺旺 دا خەت يازساممۇ جاۋاپ قايتۇرمىدى. شۇنداق قىلىپ بۇ مالنى ھازىرغىچە تاپشۇرۇپ ئالالمىدىم. تاۋباۋ تورىنىڭ <<مال ساتقۇچىنى ئەرز قىلىش>> ئىقتىدارىنىڭ ۋاقتى 15 كۈن بۇلۇپ، ئۇنىڭدىن ئېشىپ كەتسە ئەرز قىلغىلى بولمايدىكەن. مۇشۇ خىل ئەھۋالغا ئۇچراپ ھەل قىلالىغانلار بولسا، يول كۆرسەتكەن بولساڭلار. تاۋباۋ تورىدا يەنە باشقا ئەرز قىلىش يوللىرى بارمۇ؟ ئۆزەم تۇرۇۋاتقان يەرلىك سودا سانائەتنى مەمۇرى باشقۇرۇش ئىدارىسى، ئىسىتىمالچىلار جەمئىيىتى ۋە باشقا مۇناسىۋەتلىك ئورۇنلار ئارقىلىق بۇ ئىشنى ھەل قىلغىلى بولامدۇ؟ ياردىمىڭلارنىڭ ئايىمىغايسىلەر. ھۆرمەتلىك باشقۇرغۇچىلار: خاپا بولماي بۇ تېمىنى ۋاقتىنچە تەستىقلاپ بەرگەن بولساڭلار. قانائەتلىنەرلىك جاۋابقا ئېرىشكەندىن كېيىن، ئۆچۈرۈۋەتسەڭلار بولىدۇ. رەھمەت.

ArmanimⅡ

	12 كۈنگىچە مال كەلمىگەندىكىن، مەن مال ساتقۇچى تەرەپ بىلەن ئالاقىلاشتىم. ئۇ ماڭا <<يولنى كەلكۈن بۇزۇۋېتىپ ماشىنا ماڭالماي مال قايتىپ كەپتۇ، قايتا سېلىپ بېرەي>> دېدى. مەن قوشۇلدۇم. لېكىن يەنە 10 كۈن ساقلىغان بولساممۇ مال كەلمىدى....... مال 12 كۈنگىچە كەلمىگەندە سىز مال ساتقۇچى بىلەن ئالاقىلىشىپ، پۇل تۆلەش ۋاقتىنى ئۇزارتقانمۇ؟! ئېسىمدە قىلىشىچە، تاۋباۋ تورىدىن مال سىتىۋالغاندا مال ئۈزۈنغىچە كەلمىسە، مال ساتقۇچى بىلەن ۋاقتىدا ئالاقىلشىپ، پۇل تۆلەش ۋاقتى دەمدۇ ياكى مالنىڭ كېلىش ۋاقتى دەمدۇ ئەيتاۋۇر ئاشۇنداق بىر ۋاقىتنى ئۇزارتىدىغان بىر ئۇسۇلى باركەنتۇق. تاۋباۋ تورىدا ئالدامچىلىق ئاۋۇپ كەتكەندىن بۇيان مەن تاۋباۋ دىن مال سىتىۋىلىپ باقمىدىم. مال سىتىۋىلىشقا توغرا كەلسە  http://www.jd.com  ،  www.amazon.cn  مۇشۇ تورلاردىن ئېلىپ ئالىمەن. تاۋباۋ نىڭ تەپسىلاتى بىلەن تۇنىشىدىغانلار بۇنىڭغا بىر جاۋاپ بەرسۇن.          国美， 苏宁 ماۋۇ تورلاردىن مال سىتىۋىلىپ باققانلار بولسا بىر تەجرىبەڭلارنى ئوتتۇرغا قويساڭلار.

chongbazar

	شۇنچە ئۇزۇنغىچە نېمە ئىش قىلدىڭىز. ئادەتتە 10 كۈنگىچە مالنى تاپشۇرۇۋالغانلىقىڭىزنى مۇقۇملاشتۇرۇۋەتمىسىڭىز ئۆزلىكىدىن مالنى تاپشۇرۇۋالغان بولۇپ، پۇل قارشى تەرەپكە ئۆتۈپ كېتىدۇ. ئەگەر مال ۋاقتىدا كەلمىسە، مال ساتقۇچى بىلەن ئالاقىلىشىپ مالنىڭ كېلىش ۋاقتىنى ئۇزارتىسىز. ئەگەر پەقەرتلا مەسئۇل بولمىسا ياكى ئالاقىلاشقىلى بولمىسا، مال قايتۇرشنى تەلەپ قىلسىڭىز بولىدۇ. قارشى تەرەپ مال قايتۇرۇش تەلىپىڭىز قوشۇلسا ياكى قارشى تەرەپنىڭ ھېچقانداق كارى بولمىسا، 10 كۈندىن كېيىن ئۆزلىكىدىن مال قايتۇرۇلدى دەپ بېر تەرەپ قىلىپ، پۇل سىزگە قايتىپ كېلىدۇ. شۇڭا مال ۋاقتىدا كەلمىسە مال تاپشۇرۇۋېلىش ۋاقتىنى ئۇزرارتىشنى تەلەپ قىلسىڭىز بولاتتى. ئەمما سىز ۋاقىتنى ئۆتكۈزۈۋەتكەندەك قىلىسىز. ئەمدىكى بىردىن بىر ئامال سېتىشتىن كېيىنكى مۇلازىمەتنى تاللاپ ئىشلەتسىڭىز بولىدۇ. ئاندىن تاۋباۋ تور مۇلازىملىرى بىلەن ئالاقىلىشڭ. يەنە بارلىق ئالاقە خاتىرىسىنى ساقلاپ قويۇڭ. ئۇندىن باشقا باھا يازىدىغان ئورۇنغا مۇناسىۋەتلىك ئىشلارنى يېزىپ ناچار باھا بېرىڭ. ئەمما سىزنىڭ يازغانلىرىڭىز ھەم مال سېتىۋالغان ۋاقىتقا قارىغاندا پۇرسەتنى ئازىراقمۇ ئەمەس، بەكلا ئۆتكۈزۈۋېتىپسىز. شۇنداقتىمۇ مەن دېگەن ئۇسۇللارنى قوللىنىپ بېقىڭ.

uzdil.com

	بۇ خىل ئەھۋالدا سىزگە پۇلنى شەرتسىز قايتۇرۇپ بەرسۇن. ئالدىدىكى ئالاقىلىشىڭىز خاتىرىڭىز 阿里旺旺 دا ئېلىپ بېرىلغان بولسا سىز ئۈچۈن ئىسپات بولىدۇ. ئەگەر ئۇنداق بولمىسا، قارشى تەرەپنى 阿里旺旺 دا گەپكە سېلىپ يېتەرلىك ئىسپات توپلاڭ. تەپسىلاتىنى مەن بىلەن ئالاقىلىشىڭ، بۇنداق ئىشلارنى مەن كۆپ بىر تەرەپ قىلغان.

رىۋايەت

	ئۆزىڭىزدىن كېتىپتۇ  تاۋباۋدىن مال ئېلۋاتقىلى ئۈچ يىل بولدى دەيسىز   تەجرىبە ياكى  ئۆزىنىڭ ھوقۇق مەنپەئەتىنى قوغداش دەيدىغان ئۇقۇم يوقكەن سىزدە    تاۋباۋدىن مال سېتىۋالغاندا  ھەپتىگىچە مال كەلمىسە چوقۇم 延长收货时间 قىلىپ  ۋاقىتنى ئۇزارتىش كېرەك   سىزگە يول كۆرسىتەي قېرىندىشىم

رىۋايەت

	پۇل ئاللىقاچان مەككار سودىگەرنىڭ قولىغا ئۆتۈپ بوپتۇ  ئەھۋالدىن قارىغاندا   1.  退货 نى بېسىڭ   2.   پاراڭلىشىش خاتىرىسىدىن سىزگە مالنى قانداق سەپ بەرمەكچى بولغانلىقى توغرىسىدىكى ئىسپاتنى  رەسىم شەكلىدە كېسىپ  ئىسپات رەسىم قاتارىدا يوللاڭ   全额退款  نى تاللاڭ    سەۋەبىگە   مال قولغا تەگمىدى دەيسىز    مەن ھازىر يانفوندا         ئەتە ۋاقىت چىقىرىپ سىزگە ياردەم قىلىپ پۇلىڭىزنى ئەپكېلىشىپ بېرەي    باشقا يەرگە ئەرز قىلسىڭىز پايدىسى يوق   بۇ دېلونى پەقەت  تاۋباۋ شىركىتى ئۆزىلا سورايدۇ

ArmanimⅡ

	رىۋايەت يوللىغان ۋاقتى  2013-9-25 02:18 AM پۇل ئاللىقاچان مەككار سودىگەرنىڭ قولىغا ئۆتۈپ بوپتۇ  ئ ... 1 ئايدەك بۇلۇپ قالغان ۋاقىتتىكى پۇلنىمۇ قايتۇرۇپ ئەكەلگىلى بۇلامدۇ؟!  مومكىن بولسا مۇشۇ تۇغۇرلۇق تەپسىلى بىر توختالساڭلار.  بىزمۇ شۇ بانادا بىر بىلىمگە ئىگە بۇلۇپ قالساق ئەجەپ ئەمەس.

Elem

	بىلىپ قويۇشقا تىگىشلىك ئىشكەن ماۋۇ.  بولسا قولىدىن كىلىدىغان تورداشلار ياردىمىڭلارنى ئايىمىساڭلار . شۇ بانادا توردىن مال سېتىۋالغاندا يولۇقىدىغان ئاۋارىچىلىكلەرنى ھەل قىلىشنى ئۈگىنىۋالساق .

quxanmas

	مەنغۇ ئۈچ كۈن ئىچىدە مال  ئەۋەتمىسە   دەرھال  پۇلنى قايتۇرۇرۇش  ئىلتىماسنى تولدۇرمەن ، مال ئەۋەتكەن بولسا    مالنىڭ   نەگە  كەلگەنلىكىگە  قارايمەن ،ئازراق  بىنۇرماللىق  كۆرۈلسىلا   مالنى  قايتۇرۋېتىمەن  ،ھەر  قانچە ئەرزا ن  بولسىمۇ  ئىشەنچ  دەرىجىسى  تۆۋەن  دۇككاندىن مال   سېتۋلمايمەن  ،شۇڭا  ئالدىنىپمۇ  باقمىدىم ...........سىز  سېتىشتىن كىيىنكى مۇلازىمەت دىگەن جاينى  تاللاپ  مەشغۇلات  قىپ بېقىڭ  ،تاپشۇرۋېلىش دىگەن جاينى   تاللىمغان بولسىڭىزلا   ،ئىككى -ئۈچ  كۈندىدە  ھەل قىلغىلى  بولشى  مۇمكىن   ...............

بانكىر

	مەن يىئېركاڭ ماركىلىق ئاياغ بىلەن 2قۇتا شارىپ فۇيىنجىنىڭ سىياسىنى ئىلىپ باققان، مال ۋاقتىدا كەلگەن. ناھايىتى كۆپ دىققەت قىلغۇلۇقكەن. بۇ ئىشتا ئالدىنىپ قالساق زىيان بولىدۇ باكا.