يىگىتمەن(تەلقىنى)

تەلقىنى

	شۇنداق بىرخىيالى ئويچان يىگىتمەن، سامادا بۈركۈتتەك ئەركىن يىگىتمەن. ئەجدادىم روھىنىڭ ۋارىسى بۇتەن، تاغلاردا بۆرىدەك چاققان يىگىتمەن. ئوغۇزخان ئۈلگەمدۇر ئەزمەت بولۇشقا، سادىردەك باھادىر سەرۋاز يىگىتمەن. خاس ھاجىپ،مەھمۇتتەك بۇۋاملار ئۆتكەن، ئىلىم-پەن بابىدا سۇلتان يىگىتمەن. كىرورەن ئانامنى ئەسلەپ تارىمدا، قۇملۇقنىڭ چۈشىدە چولپان يىگىتمەن. توغراقنىڭ روھى بار ئارزۇلىرىمدا، تەۋپىقتەك ئىزلارغا ئاشىق يىگىتمەن. ئۇيغۇرۇم بالىسى ئۇيغۇر يىگىتى، ئۇيغۇرنىڭ قىنىغا مايىل يىگىتمەن. دۇتتارنىڭ پەدىسى،راۋابقا زەخمەك، ئانامنىڭ قوينىدا ئەركە يىگىتمەن. كىم دەيدۇ ئۇيغۇرنى تىگى پەس مىللەت، ئۇيغۇرنى باغاشلاپ سۆيگەن يىگىتمەن. مەيلى ئۇ مەدەنىي ياكى خۇراپىي، ئۇيغۇرنى كۈيلىگەن خەندان يىگىتمەن. ئات مىنىپ يايلاقتا ئارمانلار بىلەن، كۈسەنگە يول ئالغان سەيياھ يىگىتمەن. مۇغۇللار پۇرىقى كىلەر تۇرپاندىن، قەشقەردە ياش تۆككەن دەرتمەن يىگىتمەن. ئەرلىكىم ۋىجدانىم،ئەرلىكىم تەختىم، نۇزۇكقا تاغلاردەك يۆلەك يىگىتمەن. سەنەمنىڭ غىرىنى،غۇنچەمنىڭ نۇرى، مەردلىكتە ھاتەمدەك سېخىي يىگىتمەن. ئەل ئۈچۈن ئۆلۈمدىن يانمايمەن ھەرگىز، خەلقىمگە بارىمنى بەرگەن يىگىتمەن. ئەخمەتتەك،سادىردەك جاسارىتىم بار، يۈرىكىم ئوت ئاتەش گۈلخان يىگىتمەن. مەنبەسى:تەلقىنى قەلىمى ئەسكەرتىش: مۇنبەرداشلارنىڭ ئەسەر دىكى سۆزلەرنىڭ ھەقىقىي مەنىسىنى چۈشىنىشىنى ئۈمىد قىلىمەن ،تەكلىپ -پىكىر قۇبۇل قىلىنىدۇ ئەمما ھاقارەتكە چىدالمايمەن.كۈسەن ئەينى چاغدا ئۇيغۇر مەدەنيىتىنى جاھانغا تۇنۇتقان شۇنداقلا دۇنيا مەدەنىيەتلىرىنىڭ ئۆزئارا ئۇچرىشىدىغان مۇھىم ئۆتىڭى ئىدى،ئۇيغۇرلار مەدەنىيەت تارىخىدا كۈسەن ناھايىتى مۇھىم ئەھمىيەتكە ئىگە،مۇغۇللار:«باھادىرنامە»دىكى مۇغۇل ئىمپىرىيىسىنىڭ پايتەختى،«قەشقەردە ياش تۆككەن دەرتمەن يىگىتمەن»:ئەينى چاغدا ئاپپاق غۇجىنىڭ قەشقەردىكى قانلىق تارىخىغا ئۆكۈنۈش ھىسياتى.

alenur

	كۈسەن دىگەن گەپنى ئاڭلاپ كۈسەن ئۇستاز ئېسمىگە كەپ قالدى  شۇ ئۇستازنىڭ دەرسىنى ئاڭلىغاندىن بېرى كۈسەنلىكلەرگە بىر خىل ھۆرمىتىم بار مېنىڭ http://ajzhv5aggp.l33.yunpan.cn/lk/QGWHZVWTvdNXY

othor

	بەك  ياخشى  يىزىپسىز ،،،  ئېسىل  ئەسەرلىرىڭىزنى  مۇنبەر ئەھلىدىن ئايىماڭ

kawa

	كىم دەيدۇ ئۇيغۇرنى تىگى پەس مىللەت، ئۇيغۇرنى باغاشلاپ سۆيگەن يىگىتمەن. مەيلى ئۇ مەدەنىي ياكى خۇراپىي، ئۇيغۇرنى كۈيلىگەن خەندان يىگىتمەن. نىمە دىگەن يارقىن مىسرالار بۇ.

qaraxani

	كۆرگۈنۈم قەلەمدىن چىققان غالىپ تەبەسسۇم...

sardor

	مۇنبەر پۇلى بىلەن مۇكاپاتلىماقچى ئىدىم لىكىن،تاماملاش باسقۇچىدا بەت ئىچىلمايۋاتىدۇ .بىرەر باشقۇرغۇچى چەكلىمەكچىمۇ مىنى .....       ئەسلى 100مۇنبەر پۇلى بىلەن مۇكاپاتلىماقچى ئىدىم ،نۇرماللاشقاندا ئەمىلىلەشتۈرىمەن .   شىئىر ئىنتايىن ياخشى ئىكەن.

Gvlbargi0999

	بۇ شېئىرىڭىز ناھايىتى ياخشى چىقىپتۇ،ئاپىرىن! تېخىمۇ نادىر شېئىرلارنى سوۋغا قىلىشىڭىزنى ئۈمۈت قىلىمەن!

تەلقىنى

	رەھمەت قىرىنداشلىرىمنىڭ ماڭا بەرگەن ئىلھام بۇلاقلىرىغا

muyas

	راستىلا ياخشى يىزىلىپتۇ ... سۆز ئىبارىلەر ئىنتايىن جانلىق .... چوڭقۇر مەناغا ئىگە ،ئوقۇسا ئوقۇسا  بىر خىل يۈرەككە تەگكۈدەك مەنالارغا ئىگە ئىكەن ... ئاپىرىن قولىڭىزغا دەرت بەرمىسۇن .. . تىخىمۇ ياخشى ئەسەرلەرنى يىزىپ چىقىشىڭىزنى ئۈمۈد قىلىمەن.....

muyas

	ئەرلىكىم ۋىجدانىم،ئەرلىكىم تەختىم، نۇزۇكقا تاغلاردەك يۆلەك يىگىتمەن. سەنەمنىڭ غىرىنى،غۇنچەمنىڭ نۇرى، مەردلىكتە ھاتەمدەك سېخىي يىگىتمەن. ھازىر جەمئىيتىمىز مۇشۇنداق يىگىتلەرگە تىخىمۇ مۇھتاج دەپ ئويلايمەن... شۇنداق بولغاندا بەزى قىزلىرىمىزدا شەرمى-ھايا سۇسلۇشۇپ كەتمەس بولغۇيتتى بەلكىم.....