ئەر دىگەن سەندەك بولسا...

1263318936

	ئەر دىگەن سەندەك بولساھ                                                    گۆھەرقىز ئىبرايىم        كۆز يىشىم ئىقىپ تۈگىدى، كۆز يەتكۈسىز ئەلەم قۇملىرىغا كۆمۈلۈپ  قاغجىراپ قۇرىغان قەلبىم  ھايات ئازاپ شاماللىرىنىڭ كۆز يەتكۈسىز ئىزلەپ تاپقۇسىز  نەپرەت چۆللىرىگە ئۇچۇرۇپ كىتىشى بىلەن نشانىدىن مەنزىلسىز ئاداشتى.     مەن سىنىڭچە خۇددى ساڭا لاتارىيە بىلىتىدە مۇكاپات چىقىپ  قالغاندەكلا  تاسادىپىي قولۇڭغا چۈشۈپ قالغان ئولجا ئىدىم، سەن بۇ بەختنى كۆرۈپ ئۆزەڭنى يوقىتىپ ئاغزىڭ قۇلىغىڭغا يەتكەن ئىدى يۇ لىكىن بۇ بەختكە ئىشەنمەيتىڭ ، قانچىلىك تىز پەيدا بولغان بولسا شۇنچىلىك تىز يوقاپ كىتىشىدىن ئەنسىرەپ مىنى پۇتۇن ھۇجۇدۇڭ بىلەن مۇنۇپۇل قىلاتتىڭ، قورقۇتۇپ باشقۇرۇش كويىدا تۇرۇپ تىللاپ، تۇرۇپ سىلكىپ، تۇرۇپلا نەرسە كىرەكلىنى ئىتىپ........ مىنى سىناپ باقاتتىڭ.      مەن سىنى ياخشى كۆرۈپ، سىنىڭ قەدىرلىشىڭگە ئىرشىش مەخسىتىدە ئۆزەمنىڭ ھايات ئارقىنىنى ساڭا تاپشۇرغان ئىدىم، مەن ساڭا سادىق ئىدىم. لىكىن سەن ماڭا ئىشەنمەي گۇمان نەشتىرىڭنى قەلبىمگە سانجىپ، يۈرىگىمنى ئازاپ ئوتىدا كاۋاپ قىلاتتىڭ.       مىنىڭ تۇرمۇشۇم سىقىلىش؛ رەنجىش؛ ئاغرىنىش؛ پۇشمان؛ تۇنجۇقۇش؛ قورقۇش؛ ۋەھىمە ۋە جىددىلىشىش ئىلكىدە داۋام قىلاتتى.       "مەندىن رازى بولمايلا ياشامسەن، مەن يەنە ساڭا نىمە قىلىپ بەرسەم بولىدۇ" ماڭا سىنىڭ ھىچنەرسەڭنىڭ لازىمى يوق، مەن باشقىلاردەك ئىسىل كىيىپ چوڭ يەپ چوڭ ئىچىشكە ھەۋەس قىلىپمۇ كەتمەيمەن پەقەت تۇرمۇشۇمنىڭ رىتىملىق تىنچ خاتىرجەم تىنىمنىڭ سالامەت بولىشىنىلا ئۈمىت قىلىمەن. لىكىن سەن ماڭا  بۇلارنى بىرەلمەيتىڭ.      مەن سەندىن تولىمۇ قورقاتتىم، ھەر كۈنى ئۇيقۇمغا قانمىساممۇ سەندىن 2سائەت بۇرۇن تۇرۇپ ئۆينى ۋە تەققى تۇرقۇمنى پاكىز رەتلىك قىلىپ، ناشتىلىغىڭنى تەييار قىلىپ سىنى ئويغىتىپ كىيىم كىچەكلىرىڭنى رەتلىك كىيگۈزۈپ، ئايىغىڭنى مايلاپ تالاغىچە چىقىپ سىنى ئۈزىتاتتىم.     سەن ئىشقا كەتكەندىن كىيىن ئۆزەمنى تاشلاپ بىر سائەت ئۇخلىۋىلىشنى تولىمۇ ئۈمىت قىلاتتىميۇ بىراق بىر تەرەپتىن يالغۇز ئۇخلاپ قارا بىسىپ قىلىشىدىن قورۇقسام بىر تەرەپتىن مۇشۇ ئۇخلىغانچە ئۇخلاپ قىلىپ، چۈشلۈك تاماقتا سەندىن ئىزا ئاھانەت ئىشتىپ قىلىشتىن قورقۇپ ئۆيدە تىگى يوق ۋەھىمىلىك خىياللارغا چۆكۈپ كىتەتتىم، ئاساسلىغى يەنە سىنىڭ تەرسا سەپرا مىجەزىڭ ۋە قانۇن ساپاسىڭنىڭ تۆۋەنلىگىدىن سىنىڭ بىرەر جىدەل ماجراغا چىتىلىپ قىلىپ قانۇن تورىغا چۈشۈپ قىلىشىڭدىن ئەنسىرەپ ۋەھىمە ئىچىدىلا 2 سائەتنى ئۆتكۈزۈپ چۈشلۈك تاماققا مەغۇل بولاتتىم.     سىنىڭ ئاياق تىۋىشىڭ ماڭا بەش قولدەك تونۇش، مەن ئاياق تىۋىشىڭنى ئاڭلاپلا خۇددى توك تەپكەندەكلا قىلىۋاتقان ئىشىمنى تاشلاپ، تۇپۇمغا توشەي كىيىشكىمۇ ئۈلگۈرمىگەن ھالدا ئالدىڭغا سىنى قارشى ئالغىلى چىقاتتىم. قوشنىلىرىم مىنى ياپۇنلۇق ئايالغا سىلىشتۇرغاندا پەقەت دۇمبىسىدە شىڭلىسى كەم دىيىشىدۇ. مەن نىمىشكە سەندىن بۇنچىۋالا قورقىمەن؟ ئۆزەممۇ بىلمەيمەن.     "نەگە بارىسەن؟، نىمە ئىشىڭ بار؟ لالمىدەك بازاردىن كىرەلمىگەن!" مەن سىنىڭ بۇ زەھەردەك تەھەددى سۆزلىرىڭدىن قورقۇپ ھەتتا قىرىنداشلىرىم چاقىرسىمۇ ئۆيدىن چىقماي تەنھا يالغۇز ياۋايى ھالدا  سۇر باسقان  بۇ كۈلبەمدە غىرىپ  ياشايمەن.     سەن باشقىلارنىڭ نەرسىسىنى ئوغۇرلىۋىلىش؛ ئىلىۋىلىش؛ تىقىۋىلىش؛ ئالدىۋىلىش كويىدا ھىرىپ چارچاش ئىچىدىلا ياشايتىڭ؛ مەن خۇددى ھۇجۇدۇمنى ئائىلەمنى ھارام مەينەت چىرىندىلار قاپلاپ كەتكەندەك يىرگىنىش ئىچىدە ياشايتىم.    سەن ئىلىۋالغان تىقىۋالغان ئەسكى تۇسكى نەرسىلىرىڭدىن پايدىلنىپ نەچچە يەردە نەچچە ئۆينى قاتۇرۇپ چىقتىڭ،  بىراق كونا يىڭى نەرسىلەردە ئەپلەپ سەپلەپ سالغان ئۆيلىرىڭ نەچچە ئايغا بارمايلا بۇزىلاتتى، ھىلى كۆمۇلگەن تۇربىنىڭ سىسىغان يىرىدىن تىشىلىپ سۇ چىقىپ كەتسە، ھىلى يۈندە تۇربىسى سۇنۇپ كىتەتتى، بۇ  تۇربىلارنى دەپ ئۆينى چاقاتتۇق، توك بىسىمىنى كۆتىرەلمىگەن توك سىمى ئۈچۈن ئۆي بىزەكلىرىنى بۇزاتتۇق.... كۈنلىرىمىز سىلىش بۇزۇش ئوڭلاش ئىچىدە بىكار بولماستىن جىددىلىك، ھىرىپ- چارچاش تىللاش سىلكىش....خۇددى بۇ نەرسىلەرنى مەن بۇزۇپ قويغاندەك مىنى تىللاپ  ئىتتەك تالاپ، نادانلارچە خۇيلىنىپ، سىلكىپ بىر نەرسىلەرنى ئىتىپ سۇندۇرمۇغىچە  بۇ نەرسىلەر ئوڭلانمايتى.     مەن سىنىڭ تىل ئاھانەتلىرىڭ ئىچىدە داچىدەك ئۆيلىرىڭنى جىمجىت مازارغا تەڭ قىلماي ياشايتىم، چۈنكى ماڭا ھاشەمەت ئەمەس ئاددىلىق، خاپىلىق ئەمەس خۇشاللىق، جىددىلىك ئەمەس خاتىرجەملىك، خورلۇق ئەمەس قەدىرلىنىش، قورقۇنۇچ ئەمەس ئىنسانىي غورۇر لازىم ئىدى.     مەن ئۆز گۇنايىم ئۈستىدە كۆپ ئويلىنىدىغان بولۇپ قالدىم، مىنىڭ گۇنايىم خاتا يەردە، خاتا ۋاقىتتا، ئەرزىمەس بىر ئىنساننى سۆيۇپ قىلىش.............. مەن سەن بىلەن قاچان ئائىلە قۇردۇم شۇندىن تارتىپ خاتىرجەملىگىم بۇزلۇپ بىخەتەرلىگىم تەھدىتكە ئۇچراپ كەلمەكتە ئىدى، مەن ھەتتا سىنىڭ يىنىڭدا خاتىرجەم ئۇخلىيالمايتىم. ئۇيقىچىلىقتا خورەك تارتىپ قالسام ياكى ئۇيقىچىلىقتا يەل قويىۋىتىپ قالسام ئۇرنىدىن تۇرۇپ مىنى ئۇرۇپ كىتەرمۇ؟ مەن مۇشۇ ئەندىشە ۋە دىشۋىشلار ئىلكىدە سىنىڭ ئۇخلاپ كىتىشىڭنى ساقلاپ، يۇمۇلغان كۆزلىرىمنى زورىغا ئىچىپ ئولتۇراتتىم. سەن بىلەن بازارغا چىقىشتىن ئىغىز ئىچىش مۇمكىن ئەمەس،"ھە بول نىمە دىگەن تۈگىمىگەن .."  دىگەنچە سەن مىنى خۇددى پادا ھەيدىگەندەك جىددىلەشتۇرۈپ ھەيدەپلا يۈرەتتىڭ،   "پوقتىن باشقىنى يىگەن ، مەندەك مىليونىرنىڭ خوتنى ئەمەسمۇ؟ ئۆيدىكى تاماق گىلىغا تاقىشىپ قالىدۇ... " مەن سىنىڭ بۇ تاپا تەنىلىرىڭدىن قىچىپ بازاردىن تاماق يىيىشنى ھارام قىلدىم ئۆز قولۇمدىن زىرىكسەممۇ شۇ تاماقنى ئۆيدە ئىتىپ يىمەكتىن باشقا ئامالىم يوق ئىدى.      مەن  5000يۈئەن مۇئاش ئالىدىغان ئايال تۇرۇپ سىنىڭ ئالدىڭدا 5 مۇغا لايىق ھۆرمىتىم بولمىسىمۇ رەنجىمەستىن سەۋىر قىلىپ، سەي ئالغىلى چىققان يەردە تىقىۋالغان 5 يۇئەن پۇلۇمدىن پايدىلىنىپ بالامنى مىھمان قىلىپ ئۆزەمگە تەسەللى بىرىپ بالامنى دادا مىھرىدىن ئايرىماي بەدەل بىلەن ياشاپ كەلدىم.     "ئىتنىڭ ئۆلىگىدەك يىتىشىنى"  مەن كىسەل بولۇپ يىتىپ قىلىشتىن ئەمەس بىشىمنىڭ يەرگە تىگىشى بىلەن سىنىڭ خۇيۇڭنىڭ تۇتۇپ تىللاپ كىتىشىڭدىن قورقاتتىم، شۇ سەۋەپتىن مەن ئىنجىقلاپ يۈرسەممۇ بىر كۈن يىتىۋالماستىن، كۈتۈنۈشكە مۇھتاج بولساممۇ سىنىڭ ئىتتەك تالاشلىرىڭدىن ئورنۇمدىن تۇرۇپ  ياشىدىم.      سەن سىرىتتا 100يۇئەن ئۈچۈن تولىمۇ مەرت ئىدىڭ، لىكىن 1 يۇئەن ئۈچۈن ئۇرشۇپ ھەممىلا يەردە يۈزىمىزنى كۆتۈرۈپ تۇرغۇۇسىز قىلىۋىتەتتىڭ، مىنى سىنىڭ ئايالىڭ دىيىشتىنمۇ نۇمۇس قىلىدىغان ھالغا چۈشۈرۈپ قويغان ئىدىڭ.      مەن ئۆزەمنى قەدىرلەپ ھاياتنى سۆيۈپ ئىنسانچە ياشاش ئۈچۈن سەندىن ئادا جۇدا بولۇپ كىتىشنىمۇ ئويلىدىم بىراق سىنىڭ تەھدىت ۋەھىمىلىرىڭدىن ئۇنداق قىلالمىدىم،  سەن تاپالمايدىغان يەرگە قىچىپ كىتىشنى ئويلىدىم بىراق بالامنىڭ كىلىچىگى ئۈچۈن  ئۇنداق قىلمىدىم، ئۆلىۋىلىشنىمۇ ئويلىدىم بىراق قىرىنداشلىرىم ئۈچۈن ئۇنداق قىلمىدىم. مەن ئۈنسىز سۈكۈت ئىچىدە ئازاپتا تۇنجۇپ، بالام ئۈچۈن قۇربانلىق بىرىپ ۋە بەدەل تۆلەپ لىۋىمنى چىشلەپ بارلىق ئەلەملىرىمنى يۈرەك قىتىغا يوشۇرۇپ، ھەر بىر مىنۇت ۋاختىمنى غەزەپ- نەپرەت، ئاغرىنىش، تۇنجۇقۇش، قورقۇش، ۋەھىمە ۋە جىددىلىك ئىچىدە ئۆتكۈزۈپ تولىمۇ چارچىدىم، ئىغىر يۈرەك كىسەل دىگەن  مۇكاپاتنى چىكەمگە گۈل قىلىپ قىستىم، لىكىن سەن بۇنىڭلىق بىلەنمۇ ئۆزگىرىپ قالمىدىڭ، سىنىڭ جان بىلەن كىرگەن خۇيۇڭنىڭ جان بىلەن چىقىشىغا كۆزۈم يەتتى.     مەن چارچىدىم، تولىمۇ چارچىدىم، ھاياتلىقتا ئەركىنلىك، ئادالەت، باراۋەرلىك، قەدىر قىممەت مەن ئۈچۈن ئەمەلگە ئاشماس غايە بولۇپ، ماڭا قۇچاق ئاچمىدى، مەن ئۇۋالچىلىق ئىلكىدە قورقۇنۇچ ۋە تۈنجۇقۇش ئىلكىدە كۆزۈڭنىڭ ئىچىگە قاراپ، گۇناسىز بولساممۇ سىندىن كەچۈرۈم سوراپ قەدىرسىز ياشاپ ھالسىرىدىم، يۇرىگىم جىنىمنى سىقتى.     ھاياتىمدا سەندىن بىر نەرسىگە ئىرشىمەن دەپ ئويلاپ باقمىدىم بىراق كۆز يۈمۇش ئالدىدا سەندىن تىلەيدىغىم : ئەر دىگەن سەندەك سەپرا ، سەندەك تۇترۇقسىز، سەندەك زالىم بولىدىغان  بولسا قىزىمىزنىڭ تويىنى قىلمىغىن، ئۇ بولسىمۇ ئەركىنلىكتىن نەپەس ئىلىپ ئازادە ۋە بىخەتەر ياشىسۇن.

uyol

	سەۋىر قىلىڭ

ali010

	توۋا  ما ئشلانى كۆرۇڭ.مەن ياخشى ئادەم چولگە كىرىپ قالسمۇ.چولنى باغ قىلدۇ.ئەسكى ئادەم گۇزەل باغقا كىرسمۇ باغنى چول قىلۋىتدۇ دەپ ئاڭلغان . ھەي تۇرمۇش.سەن نەدە؟ ئارزۇ ئستەكلەر نەدە ؟ ئنگلىس خەلىق ماقالسى :ياشا ھەم ياشاقا يول قوي .تۇرمۇشتا ھوزۇر ھالاۋەتلىك ياشاش بلەن بىرگە جۆرسگمۇ شۇنداق ئەركىن ياشغىدەك شارائىت يارتىپ بىرىش ئنساندارچلىقنىڭ بۇيۇك پەزلىتدۇر

mahatjan

	مەن  5000يۈئەن مۇئاش ئالىدىغان ئايال تۇرۇپ سىنىڭ ئالدىڭدا 5 مۇغا لايىق ھۆرمىتىم بولمىسىمۇ رەنجىمەستىن سەۋىر قىلىپ، سەي ئالغىلى چىققان يەردە تىقىۋالغان 5 يۇئەن پۇلۇمدىن پايدىلىنىپ بالامنى مىھمان قىلىپ ئۆزەمگە تەسەللى بىرىپ بالامنى دادا مىھرىدىن ئايرىماي بەدەل بىلەن ياشاپ كەلدىم. ئەر چوقۇم ئەرلىك مەسئۇلىيەتنى ۋە مەجبۇرىيەتنى ئورۇنلىشى كىرەك.

fathullah

	ئەڭ ياخشىلىرىڭلار ئايالىغا ياخشى مۇئامىلىدە بولغانلىرىڭلاردۇر!      –پەيغەمبىرىمىز مۇھەممەد(ئاللاھ ئۇ زاتقا ياخشىلىق ئاتا قىلسۇن!)

zulpukar

	تورمۇش دىگەن ئاجايىپ بولىدىكەن.....   بەزى ياخشى ئەرلەرگە  ياخشى ئايال چىقمىغان،،، بەزى ياخشى ئايالغا  ياخشى ئەرلەر چىقمىغان......   تەغدىر دىگەن شۇدە....

akyda007

	ئاياللار نىمدىگەن چىداملىق ھە؟

kurut0991

	تەڭشەلمىگەن جاھاندە بۇ......بىر ياخشىغا بىر يامان دەپ....غەيرەتلىك بولۇڭ.......