ئۆگىنىپ قوي سەنمۇ ياشاشنى

شىرئېل

	ئۆگىنىپ قوي سەنمۇ ياشاشنى ھەقنى سۆزلەپ بولدۇق ساپاسىز ، ھالال مېھنەت كەلدى جاپاسىز ، ئاڭقىرالماي كىملەر گۇناھسىز ، ئۆگىنىپ قوي سەنمۇ ياشاشنى . كەتكەنلەرگە قالدۇق تارتىشىپ ، گاھ دالدىدا گۇناھ ئارتىشىپ ، ئۇرۇق -تۇققان كەتتى ياتلىشىپ ، ئۆگىنىپ قوي سەنمۇ ياشاشنى . ھەزەر قىلماي ئۆتمۈش ساۋاقتىن ، ئۆمۈر ئۆتتى كەلمەي قاۋاقتىن ، بەخىت ئىزدەپ چۈشمەي راۋاقتىن ، ئۆگىنىپ قوي سەنمۇ ياشاشنى . كىر ئىزدىدۇق سەۋەن تاپالماي ، يا ئەيىپنى يۈردۇق ياپالماي ، قالدى مەنزىل ئاتلار چاپالماي ، ئۆگىنىپ قوي سەنمۇ ياشاشنى . كۆڭۈل قانماي تېخى پىراققا ، جانان ئىزدەپ كەتتۇق يىراققا ، مۇھتاج تۈنلەر ئەمدى چىراققا ، ئۆگىنىپ قوي سەنمۇ ياشاشنى . تۈگىمەيدۇ ھاياتنىڭ غېمى ، تەڭشىلىپمۇ قالىدۇ كېمى ، تىرىكنىڭمۇ چۈشىدۇ دېمى ، ئۆگىنىپ قوي سەنمۇ ياشاشنى . شىرئەلى مەمەت

سىم@سىم

	كارامەت يېزىپسىز

ھەرە

	ئەجرىڭىزگە رەھمەت.ياخشى يېزىپسىز.

0908220

	چوڭقۇر  مەنىلىك يېزىپسىز .

mahatjan

	ئادەم سەن ھەر قاچان ئادەمدەك ياشا، ئالەمنى قوياشتەك ئايلان كەڭ تاشا.   خالادا پوق پۇراپ ياتقان چىۋىندىن،   مىڭ ياخشى تەستەك يەپ ئۆلگەن شۇ پاشا.