ئۈرۈمچى كوچا جايلىرىنىڭ ئەسلى توغرا نامى

يەر

	ئەسكەرتىش: مەن بۇ يازمىنى سىرلىق ، باس باس قاتارلىق بىر نەچچە ئۇيغۇر مۇنبەرلىرىدىن بايقاپ ئەسلى  شەكلى بويىچە مۇنبىرىمىزگە يوللاپ قويدۇم ، بۇ يازمىدا ئۇيغۇر خەلقىنىڭ ئەزەلدىن ئانا تۇپرىقى بولۇپ كەلگەن ئۈرۈمچى شەھىرىنىڭ ئاساسلىق كوچا جايلىرىنىڭ ئەسلى ئۇيغۇرچە ناملىرى تەكشۈرۈلۈپ ئېنىقلانغان بولۇپ ،ئۈرۈمچى شەھىرىنىڭ خەنلىشىپ كەتكەن ۋە يېڭىدىن خەنلەشكەن كوچا جاي ناملىرىنىڭ ئەسلى ئۇيغۇرچە نامى ئىلمىي ئىسپاتلىق شەكىلدە ئىزدىنىلىپ ئېنىقلاپ تەكشۈرۈپ چىقىلغان ، ۋە ئېنىق قىلىپ بىر ئاز ئۇزاقراق ۋاقىت بۇرۇن خەنلەشكەن (سەنشىخاڭزا دىگەنگە ئوخشاش) ۋە يېڭى خەنلەشكەن ناملار  تۈزىتىلىپ ئەسلىسى ئېلان قىلىنغان، ۋە بەزى خەنچىدىن ئۇيغۇرچىغا تەرجىمە قىلىنىپ ئۇيغۇرچە نامدەك كۆرسىتىلگەن ئەمما ئەسلىسى يەنىلا خەنلەر قويغان نام شەكىلدە بولۇپ قالغان ئىسىملارنىڭمۇ ئەسلى ئۇيغۇرچىسى ئېلان قىلىنغان ، ئانا تىلنى قەدىرلەشتىكى ئەڭ ئاددى ئۇسۇل، ئۆز جايلىرىمىزنى ئەسلى توغرا نامى بولغان ئۆز نامى بىلەن ئاتاشتۇر. ئەسلى يازما تۆۋەندىكىچە: ئانا تىلىم ياشنىسۇن!!! قېرىنداشلار دىققىتىگە : داۋاملىق كۈچ چىقىرىپ ، باراۋەر ئىزدەش نەتىجىسىدە مانا ئۈرۈمچىدىكى ئاساسلىق جاي ناملىرىنىڭ ، توغرا بولغان ئەسلى ئۇيغۇرچە نامى ئاساسەن تېپىلىپ ئېلان قىلىندى، بۇ مۇناسىۋەت بىلەن ، ئۈرۈمچىنىڭ يەر جاي ناملىرى توغرىسىدا، كۆپ ئىزدەنگەن ئاسپىرانت قېرىندىشىمىز قۇربانجان ئابدۇۋەلى قاتارلىقلارغا ۋە ئۇنىڭ يەر جاي ناملىرى توغرىسىدىكى ئىلمى ماقالىلىرىگە كۆپتىن كۆپ رەھمەت ئېيتىمىز، بۇ جەرياندا ئىسپاتلاپ ئېنىقلاش ئىشلىرىغا قاتناشقان بارلىق قېرىنداشلىرىمىزغا چىن كۆڭلىمىزدىن رەھمىتىمىزنى بىلدۈرىمىز. 2011-يىلى 1-ئاينىڭ 12 كۈنى ئۈرۈمچى شەھىرىدىكى كوچا _ جاي ناملىرىنىڭ ئەسلى ئۇيغۇرچە نامى: بەنفاڭگۇۋ _ ئېقىندالا خىيجىياسەن _ تاشبۇلاق جىيۇ جىياۋەن _ شاپتۇللۇق نىيەنزىگوۋ _ خۇمدانلىق ۋۇجىياچۈ _ ئوتۇنكوزا باجىياخۇ _ ئوتياشتام دوڭ باجىياخۇ _ سېغىز دۆڭ شى باجىياخۇ _ ئوت ئېرىق يەنئەنلۇ، خاڭچىڭ، داۋەن ، مىڭخۇاجىيە قوشۇلۇپ _ شامالباغ نەنمىن _ رەستە ماسىخاڭزا _ مال بازىرى بېيمىن _ تۆگىدەڭ خىي شەنتوۋ _ يىقىلغان تاش سەنشىخاڭزا _ بۇلاق كوچىسى خېتەنلۇ _ ساي يولى سەندۇڭبېي _ ئۈچ تاش خۇا ئەرگوۋ _ گۈلساي بەيياڭگوۋ _ تېرەكساي جىجىسوزا _ چىغدەن يەنئەرۋو _ قارلىغاچلىق شۈي موگو _ بۇلاقتاغ جۈ خۇاتەي _ گۈلتەكچە ساڭفاڭگوۋ _ تۆشۈكتام ئەرداۋچىياۋ _ دۆڭ كۆۋرۈك خۇڭيەنچى _ چوڭ كۆل دۇڭدالىياڭ (ئۈرۈمچى كەسپى ئۇنىۋېرسىتىتىنىڭ ئۈستى تەرىپىدىكى ئومومى رايون) _ تېرەكقۇم شىڭفۇلۇ _ گۈلبۇلاق جىيەنگولۇ _ ئاقبۇلاق گۇاڭچاڭ، ۋىنخۇالۇ ۋە خۇڭچىلۇنى ئۆز ئىچىگە ئالغان پۈتۈن جۇڭشەنلۇ _ ھىلال كوچىسى جىيېفاڭ بېيلۇ _ ئالدى ھىلال جىيەنكاڭلۇ _ ئارقا ھىلال چىڭنىيەنلۇ _ بۇلاقتاش لىيۈشەن _ يۇمىلاقتاغ پىڭدىڭشەن _ توپىتاغ نەنخۇ _ يىكەنكۆل مىڭيۈەن _ نۇرباغ يوۋخاۋلۇ _ دوستلۇق يولى شىخابا _ قىر دەريا شىداچىياۋ _ چوڭ ئۆتەڭ شىبېيلۇ ۋە شىخۇڭلۇ _ شەمشاتلىق مۇسەيچاڭ _ ئاقداۋان باگاڭ _ سايلىقكۆل دادىياۋپۇ _ شەھەر دۆڭ لىيۇ داۋەن _ قوش قىلىچ چىداۋەن _ مىسكارلىق باداۋەن _ ئاي ئۆتكەل داشىمىن ۋە شىياۋ شىمىن _ يۇمىلاق دەڭ شىنخۇا نەنلۇ _ كۆك تۇلپار تۈەنجىيەلۇ _ ھۈنەرلىك چىتەيلۇ _ سوقمىلىق خېپىڭ نەنلۇدىن خېپىڭ بېيلۇغىچە _ يورغىلىق لوڭچۈەنجىيە ( بارغۇت رېستۇرانىنىڭ ئالدىدىكى يول ) _ بۇلاقبېشى گۇاڭخۇالۇ _ چوڭ ئامبار رېنمىنلۇ دىن باشلىنىپ خىيلۇڭجىياڭلۇ ۋە ياڭزىجىياڭلۇنى ئۆز ئىچىگە ئالغان كەڭ جاينىڭ نامى _ تاش ھارۋا نىڭشىياۋەن ياكى يۆجىڭگەي _ ساھىراۋاق شىڭلىلۇ _ ( شىنجاڭ ئۇنىۋېرسىتېتىنىڭ ئالدىدىن ئۆتۈپ ئۇلانباي يولىغا تۇتىشىدىغان جايغىچە ) بىسلىقتاش بېيجىڭلۇ _ مۇز ئويمان ئارتوڭسۈن _ قوشبالىق كازىۋەن _ ئوقبېشى سۇجوۋلۇ _ قارا يۈگەن خېپىڭچىياۋ _ چوڭ تۇغان ئەرگوڭ _ چۈشكۈن جاي چاڭجىياڭلۇ _ ئاچىيول باۋشەنلۇ _ بۆرە چۈشتى شىسەن _ قۇياق بىسى ياكى قىبلىتاغ خېنەن شىلۇ ۋە جۇڭيا نەنلۇ قوشۇلۇپ _ ئۈچ ساراي خېبىي شىلۇدىن خېبىي دوڭلۇغىچە _ ئېلىگبەگ تىيەنجىن بېيلۇدىن تىيەنجىن نەنلۇغىچە _ كۆيۈك دالا چاڭچۈن جوڭلۇدىن چاڭچۈن نەنلۇغىچە _ قاپدۇرغا ۋېيشىڭلۇ _ كۆك ئويمان سەيماچاڭ _ بەيگە مەيدانى مىچۈەن _ بۆرە بېشى مىڭدۇڭچۈ _ چوڭ شاللىق ئۈرۈمچى شەھىرىگە قاراشلىق رايونلار ناملىرى: تىيەنشەن چۈ _ تەڭرىتاغ رايونى شايىباكې چۈ _ سايباغ رايونى (تۇدۇڭخابا) توۋدۇڭخې چۈ _ ئۈچ دەريا رايونى شۈيموگو چۈ _ بۇلاقتاغ رايونى مىچۈەن چۈ _ بۆرە بېشى رايونى چاڭجى چۈ _ سانجى رايونى(چامبالىق رايونى) ۋۇلۇمۇچى شىيەن _ ئۈرۈمچى ناھىيىسى بەزى شەھەر ناھىيە ئورۇن ناملىرىنىڭ ئەسلى ئۇيغۇرچە نامى: ۋۇجىياچۈ شەھىرى _ ئوتۇنكوزا شەھىرى شىخەنزە شەھىرى _ سايبالىق شەھىرى كۈيتۈن شەھىرى _ كۆك ئوغۇز شەھىرى شىخو شەھىرى _ قاراسۇ شەھىرى بۆرىتالا شەھىرى_ بۆرى دالا شەھىرى جىڭ ناھىيىسى _ ھۆرلۈك ناھىيىسى (ئۈچ ۋىلايەت ئىنقىلابىدا قويۇلغان) ئاقسۇدىكى ۋىنسۇ ناھىيىسى _ ئونسۇ ناھىيىسى ئۇيغۇر ئاپتونۇم رايونى بىلەن ئىچكىرىنىڭ چىگرىلىنىدىغان يېرىدىكى شىڭشىڭشىيانىڭ ئۇيغۇرچە نامى _ ئارا يۇلتۇز جۇڭغار ئويمانلىقىنىڭ ئۇيغۇرچە نامى _ كۆك يارىش ئويمانلىقى ئالائېر شەھىرى _ ئارال شەھىرى (تەكلىماكاندا) تۇمۇشىيۇكې شەھىرى _ تۇمشۇق شەھىرى (تەكلىماكاندا) تولۇقلىما مەزمۇن (2013-9-16 05:07 AM): قوشۇمچە ئەسكەرتىش: بۇ ھېچقاچان يېڭىدىن قويۇلۇپ قالغان ناملار ئەمەس

ھۆكما

	ھەرقانداق مىللەتلەرنىڭ ئادەم ئىسمى، يەر-جاي ئىسىملىرى ئۆز پېتى ئاتېلىشى كېرەك ئىدى. لېىن خەنلەر يەر-جاي ئىسمىنىغۇ ئۆزگەرتېۋەتتى، تاس قالدى ئادەملەرنىڭمۇ ئىسمىنى ئۆزگەرتكىلى . شۇڭا ئۆز ئانا تېلىمىزنى قوغداش ئۈچۈن ئەڭ ئالدىن ئۆزىمىز يەر-جايلىرىمىزنىڭ ئىسمىنى ئەسلى ئاتالغۇسى بويۇنچە ئاتىسشىز زۆرۈل.    تېما ئىگىسىگە رەھمەت !

muhabbatsiman

	ئەمدى ئۆزگەرتمەك تەس.

سائەت

	(چوڭلار دىن ئاڭلىشىمچە)  يەنئەن يولى ياشلار باغچىسى ئالدى تەرىپىنى بۇرۇن جىگدىلىك دەيدىكەنتۇق.بۇرۇن شۇ ئەتراپتا جىگدە دەرىخى بەك كۆپ كەنتۇق.

ئەرك099

	مىنىڭچە بۇ بىر ئەھمىيەتلىك تىما ئىكەن،   بۇ يەر ناملىرىمۇ بەك چىرايلىق ئاڭلىندىكەن ئەسلى  .

سىم@سىم

	جىڭ ناھىيىسى _ ھۆرلۈك ناھىيىسى (ئۈچ ۋىلايەت ئىنقىلابىدا قويۇلغان) ھۆرلۈك ناھىيەسى دىسە خاتالىشىپ كىتەرمىزمۇ ؟

nazigul8

	ساقلاپ قويغىدەك ئەھمىيەتلىك تېما بوپتۇ، رەھمەت يوللىغىنىڭىزغا.

太阳

	مەن  بىرىپ باقمىغان ، لىكىن بىلىۋالغاننىڭ زىينى يوق