پارىخور بىلەن ئەزرائىل

خەنجىرى

	خەنجىرى مال–دۇنياسى ئىنتايىن كۆپ بىر پارىخورنىڭ ئەجىلى توشۇشقا ئاز قالغاندا ئەزرائىل كەپتۇ. بۇنى كۆرگەن پارىخور ئەزرائىلدىن سوراپتۇ: - نىمە قىلغىلى كەلدىڭىز؟ ئەزرائىل جاۋاب بىرىپتۇ: - جېنىڭنى ئالغىلى كەلدىم بۇ پارىخور ئىلگىرى نۇرغۇن ئادەملەرگە پارا بىرىپ ئىشلىرىنى ھەل قىلغان ئىكەن. بۇ قېتىم بولسا ئەزرائىلغا پارا بىرىپ ئەجەلنى ياندۇرالايمەن، دەپ ئويلىغان بۇ نادان، بىلىمسىز غاپىل پارىخور ئەزرائىلغا دەپتۇ: بىر ئۆمۈر يىغقان پۈتۈن مال–دۇنيارىمنىڭ ئۈچتىن بىر قىسمىنى بىرەي، ئەجىلىمنى كەينىگە ياندۇرۇڭ! ئەزرائىل جاۋاب بىرىپتۇ: - ياق! پارىخور ئىككىنچى قېتىمدا دەپتۇ: - پۈتۈن مال – دۇنيارىمنىڭ ئۈچتىن ئىككى قىسمىنى بىرەي، ئەجىلىمنى كەينىگە ياندۇرۇڭ! ئەزرائىل جاۋاب بىرىپتۇ: - ياق! - ئۇنداق بولسا بىر ئۆمۈر يىغقان پۈتۈن مال–دۇنيارىمنىڭ ھەممىسىنى بىرەي، ئەجىلىمنى كەينىگە ياندۇرۇڭ! بۇ ئادەمنىڭ يەنە  ئازراق ئۆمرى قالغانلىقىنى بىلگەن ئەزرائىل بۇ قېتىم ماقۇل بوپتۇ. غاپىل پارىخور ئۆزىچە خۇش بوپ كىتىپتۇ: مەن ئىلگىرى نۇرغۇن ئادەمگە پارا بىرىپ ئىشلىرىمنى ھەل قىلغان ئىدىم. ئەمدى بۇ قېتىم ئەزرائىلغىمۇ  پارا بىرىپ ئەجىلىمنى قايتۇردۇم. ئارىدىن ئازراق ۋاقىت ئۆتكەندە ئەزرائىل پارىخورنىڭ جېنىنى ئاپتۇ. بۇ ئادەمنىڭ روھى ئۇ دۇنيادا ئەزرائىل بىلەن ئۇچرىشىپ ئۇنىڭدىن ئاغرىنغان ھالدا سوراپتۇ: - ئى ئەزرائىل! مەن سىزگە بىر ئۆمۈر يىغقان پۈتۈن مال-دۇنيارىمنى بىرىپ ئەجىلىمنى ياندۇرغۇزغانغۇ؟ نىمە سەۋەبتىن ۋەدىڭىزگە ۋاپا قىلماي ھېچقانچە ۋاقىت ئۆتمەيلا ئامانەتنى ئالسىز؟ بۇ ۋەدىڭىزگە ۋاپاسىزلىق قىلغىنىڭز ئەمەسمۇ؟ نىمە ئۈچۈن ۋەدىڭىزگە ۋاپا قىلمايسىز؟ ئەزرائىل دەپتۇ: ئەي غاپىل، بىلىمسىز، نادان ئىنسان! سەن دۇنيادىكى ۋاقتىڭدا نۇرغۇن ئادەمگە ئىت كەبى كۈچۈكلىنىپ پارا بىرىپ، ئىشلىرىڭنى ھەل قىلاتتىڭ. ئەڭ ئاخىرقى نەپىسىڭدە يەنە شۇ ئىپلاس تەبىئىتىڭ غالىپ كىلىپ، ماڭا پارا بىرىپ ئەجەلنى كەينىگە ياندۇرغۇزماقچى بولدۇڭ. ھالبۇكى، پۇلغا باشقا نەرسىنى سېتىۋالغىلى بولغان بىلەن ئۆمۈرنى سېتىۋالغىلى ئەسلا بولمايتتى.بىراق ئۇ چاغدا سىنىڭ ئەجىلىڭ تېخى توشمىغان ئىدى. مەن بۇنى بىلگەچكە ساڭا ماقۇل بولدۇم. بۇ مىنىڭ ۋەدەمگە ۋاپا  قىلغىنىم بولماي نىمە؟ سىنىڭ جېنىڭنى ئالىدىغان چاغقىچە ئازراق بولسىمۇ ۋاقىت ئۆتتى. بۇنىڭدىن سەن خۇش بولدۇڭ، شۇنىڭدىن كىيىن ئەجىلىڭ توشقاچقا مەن جېنىڭنى ئالدىم. دىمەك، مەن ۋەدەمگە ۋاپا قىلدىم، ئەمدى يەنە نىمە دەيسەن؟ بۇ گەپلەرنى ئاڭلىغان پارىخورنىڭ روھى گەپ قىلالماي تۇرۇپ قاپتۇ. 2012- يىل 21- ئۆكتەبىر مارالبېشى  سېرىقبۇيدا  يېزىلدى ئاپتور: مارالبېشى ناھىيە سېرىقبۇيا يېڭى بازار ئىجتىمائىي رايونى(3- ئاھالە كومىتىت)دىن

ھۆكما

	ئەجەل ۋاقتى توشقاندا بىر ئاللاھدىن غەيرى ھىچ قانداق نەرسە ئۇنى توسۇپ قالالمايدۇ. ئاللاھ ھەممىگە قادىر ! ئاللاھنىڭ بۇيرېغان ئىشنى ھىچكىم ئۆزگەرتەلمەيدۇ.

xoh-xoh024

	ئاللاھ ئگەم ھەممگە قادر دۇر

alenur

	بەررا ئىبنى ئازىپ رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: (ھەقىقەتەن مۆئمىن بەندىنىڭ دۇنيادىن ئايرىلىدىغان، ئاخىرەتكە ئالدىنى قىلىنىدىغان ۋاختى كەلگەندە، ئۇنىڭغا ئاسماندىن خۇددى يۈزلىرى قۇياشتەك نۇرلۇق، ئاپئاق يۈزلۈك پەرىشتىلەر چۈشىدۇ، ئۇلار بىلەن بىللە جەننەتنىڭ كېپىنەكلىرى، جەننەتنىڭ خۇشپۇراقلىرىدىن خۇشپۇراق ئەتىرلەر باردۇر، بۇ پەرىشتىلەر مۆئمىندىن بىر كۆز يېتىم مىقداردا ئولتۇرىدۇ، (يەنى كۆرگىلى بولغۇدەك يىراقلىقتا ئولتۇرىدۇ) ئاندىن ئۆلۈم پەرىشتىسى كېلىدۇ، ئۇ مۆئمىننىڭ بېشىدا ئولتۇرۇپ مۇنداق دەيدۇ: ئەي پاك، ئېسىل روھ، جان! ئاللاھنىڭ مەغپىرىتىگە ۋە رازىلىقىغا چىققىن! ئاندىن روھ، جان خۇددى تۇلۇننىڭ ئاغىزىدىن بىر تامچە سۇ تامغاندەكلا شۇنداق ئاسان چىقىدۇ، ئۆلۈم پەرىشتىسى روھنى تاپشۇرۇپ ئالىدۇ، ئاندىن ئۇنى ئالغاندا، قولىدا كۆزىنى يۇمۇپ ئاچقىچىلىلىكمۇ قويماي تۇرسا، پەرىشتىلەر ئېلىپ، بۇ پاك روھنى ئاشۇ كېپەنلەردە ئاشۇ ئەتىرلەردە قىلىدۇ، بۇ روھدىن مىسكىدىنمۇ خۇشپۇراقراق پۇراق چىقىدۇ، بۇ خۇشپۇراقلار يەر يۈزىدە تېپىلىدۇ، ئاندىن پەرىشتىلەر ئۇ روھنى ئېلىپ يۇقىرغا ئۆرلەيدۇ، ئۇلار پەرىتىشلەرنىڭ جامائەتلىرىدىن ئۆتسىلا، بۇ پاك، ئېسىل روھ كىم بولىدۇ؟ دەپ سورىشىدۇ، يۇقىرغا ئۆرلەۋەتقانلار: ئۇ بەندىنىڭ دۇنيادىكى ئەڭ گۈزەل ئىسىملىرىنى تىلغا ئېلىپ، پالانىنىڭ بالىسى، پالانى بولىدۇ، دەپ جاۋاب بېرىدۇ، پەرشىتلەر ئۇنى دۇنيا ئاسمىنىغا ئاپىرىپ، ئاسمان ئىشكىنىڭ ئېچىلىشىنى تەلەپ قىلىدۇ، ئۇ مۆئمىن روھى ئۈچۈن ئىشىكى ئېچىلىدۇ، ئاندىن بۇ ئېسىل روھقا ھەربىر ئاسماننىڭ ئەڭ يېقىن مۇقەررەپ پەرىشتىلىرى ئەگىشىۋالىدۇ، ئۇلار يەنە بىر ئاسمانغىچە ئەگىشىپ بارىدۇ، تاكى بۇ مۆئمىننىڭ روھى يەتتىنچى ئاسمانغىچە ئاپىرىلىدۇ، (ھەربىر ئاسماننىڭ مۇقەررەپ پەرىشتىلىرى يەنە بىر ئاسمانغىچە ئەگىشىۋالىدۇ) ئاندىن، ئاللاھ مۇنداق دەيدۇ: مىنىڭ بۇ بەندەمنىڭ كىتابنى، ئىللىيىن دەرىجىلىك ئەڭ يۇقىرى ئالى مەرتىبە قاتارىدا يېزىڭلار! بۇ بەندەمنى زىمىنغا قايتۇرۇڭلار، ھەقىقەتەن مەن ئۇلارنى زىمىندىن ياراتتىم، ئۇلارنى زىمىنغا قايتۇرىمەن، ئۇلارنى زىمىندىن يەنە بىر قېتىم يارىتىپ چىقىرىمەن، ئاندىن مۆئمىننىڭ روھى ئۆزىگە قايتۇرۇلىدۇ،) ئاندىن كىيىن، ئىككى پەرىشتە كېلىپ، ئۇنى ئولتۇرغۇزۇپ، رەببىڭ كىم؟ دەپ سورايدۇ: مۆئمىن، رەببىم ئاللاھ دەيدۇ. پەرىشتىلەر: دىنىڭ نېمە؟ دەيدۇ: مۆئمىن بەندە: دىنىم ئىسلام دىنى دەيدۇ. پەرىشتىلەر ئاراڭلارغا ئەۋەتىلگەن بۇ كىشى قانداق كىشى بولىدۇ؟ دەيدۇ: ئۇ بەندە: ئۇ، ئاللاھنىڭ ئەلچىسى، پەيغەمبىرىدۇر دەيدۇ. پەرىشتىلەر: سىنىڭ ئىلىمىڭ قانداق؟ سەن بۇنى نەدىن بىلدىڭ؟ دەيدۇ مۆئمىن بەندە: مەن ئاللاھنىڭ كىتابىنى ئوقۇدۇم، بۇ كىتابقا شەكسىز ئىمان كەلتۈردۈم، ۋە تەستىقلىدىم دەيدۇ،ئاشۇبولسا« ئاللاھ مۆئمىنلەرنى مۇستەھكەم ئىمان بىلەن مۇشۇ دۇنيادا ۋە ئاخىرەتتە مەھكەم تۇرغۇزىدۇ» 14 – سۈرە ئىبراھىم، 27 –ئايەتتۇر.ئاندىن ئاسماندىن بىر توۋلىغۇچى، نىدا قىلىپ، بەندەم راست دېدى، ئۇنىڭغا جەننەتتىن كۆرپە سېلىڭلار! جەننەت كىيىملىرىدىن كىيىم كىيدۈرۈڭلار، ئۇنىڭ ئۈچۈن جەننەت تەرىپىگە بىر ئىشىك ئېچىپ بېرىڭلار دەيدۇ، ئاندىن ئۇ بەندىگە جەننەتنىڭ راھەتلىرى، رىزىقلىرى، پاك، مول تۇرمۇشلىرى، خۇشپۇراقلىرى يېتىپ كېلىدۇ، ئۇنىڭ ئۈچۈن قەبرىسى بىر كۆز يېتىم مىقدارى شۇنداق كەڭ كەڭرىتىلىدۇ.

بىكتەر

	alenur يوللىغان ۋاقتى  2013-9-15 12:11 PM بەررا ئىبنى ئازىپ رەزىيەللاھۇ ئەنھۇدىن، رەسۇلۇللاھ سە ... يىغلاپ تۇرۇپ ئوقۇدۇم ،رەھمەت !

isyan0101

	بەررا ئىبنى ئازىپ رەزىيەللاھۇ رەھمەت ئاللاھىم ھەربىرلىرىمىزنى بۇ دۇنيادىن ئەمەللىرىمىزنىڭ ياخشى بۇلۇپ شۇنداق ياخشى بولغان ئۇلۇم ئاتا قىلىشنى تىلەيمەن .ئاللا رەھمەت قىلسۇن قېرىندىشىم

nazila998

	alenur يوللىغان ۋاقتى  2013-9-15 12:11 PM بەررا ئىبنى ئازىپ رەزىيەللاھۇ ئەنھۇدىن، رەسۇلۇللاھ سە ...      بۇ ئىنكاسىڭىزنى ئوقۇپ بولغۇچە يۈرۈگۈم ئەجەپ ئىزىلدى ، رەخمەت سىزگە قىرىندىشىم

azizgul

	rahmat