|
|
|
|
ﺋﺎﻟﺪﯨﻨﻘﻰ ﺭﻩﺕ, ﺋﻮﻗﯘﺗﻘﯘﭼﯩﻨﯩﯔ ﻛﯚﺯﯨﻨﯩﯔ ﺋﺎﻟﺪﯨﺪﺍ ﺑﯩﻤﺎﻻﻝ ﺋﻮﻟﺘﯘﺭﺍﻻﻣﺴﯩﺰ؟ ﭘﯩﭽﯩﺮﻻﺵ , ﺋﯘﺷﺸﺎﻕ ﮪﻪﺭﯨﻜﻪﺗﻠﻪﺭ ﺩﯦﮕﻪﻧﻠﻪﺭﻧﻰ ﻳﯘﺷﯘﺭﻏﯩﻠﻰ ﺑﻮﻟﻤﺎﻳﺪﯗ. ﺑﻪﺯﻯ, ﺋﻮﻗﯘﺗﻘﯘﭼﯩﻼﺭ ﻳﺎﺩﯨﻼﺵ ﺋﻪﮪﯟﺍﻟﯩﻨﻰ ﺗﻪﻛﺸﯜﺭﯛﺷﻨﻰ ﺋﺎﻟﺪﯨﻨﻘﻰ ﺭﻩﺗﺘﯩﻦ ( ﺑﯩﺮﯨﻨﺠﻰ ﺭﻩﺗﺘﯩﻦ ) ﺑﺎﺷﻼﺷﻨﻰ ﻳﺎﺧﺸﻰ ﻛﯚﺭﯨﺪﯗ. ﺷﯘﯕﻼﺷﻘﺎ, ﺋﺎﻟﺪﯨﺪﺍ ﺋﻮﻟﺘﯘﺭﯨﺪﯨﻐﺎﻥ ﺳﺎﯞﺍﻗﺪﺍﺷﻼﺭ ﺩﺍﺋﯩﻢ ﺑﯩﺮﯨﻨﺠﻰ ﺑﯘﻟﯘﭖ ﺋﻪﻣﻪﻟﯩﻴﻪﺗﺘﯩﻦ ﺋﯚﺗﻜﯜﺯﯛﺵ ﭘﯘﺭﺳﯩﺘﯩﮕﻪ ﺋﯧﺮﯨﺸﯩﺪﯗ. ﻛﻪﻳﻨﯩﺪﯨﻜﻰ ﺳﺎﯞﺍﻗﺪﺍﺷﻼﺭ ﺋﯘﻻﺭﻧﯩﯔ ﺑﯘﻧﺪﺍﻕ «ﻛﯧﻴﯩﻨﻜﯩﻠﻪﺭﮔﻪ ﺑﻪﺧﺖ ﻳﺎﺭﯨﺘﯩﭗ ﺑﯧﺮﯨﺶ» ﺭﻭﻟﯩﺪﯨﻦ ﺋﯩﻨﺘﺎﻳﯩﻦ ﻣﯩﻨﻨﻪﺗﺪﺍﺭ ﺑﻮﻟﯩﺪﯗ. ﺋﻪﻣﻪﻟﯩﻴﻪﺗﺘﻪ, ﺋﺎﻟﺪﯨﻨﻘﻰ ﺭﻩﺗﺘﯩﻜﻰ ﺋﻮﻗﯘﻏﯘﭼﯩﻼﺭﻧﯩﯔ ﻛﯚﭘﯜﻧﭽﯩﺴﻰ ﭘﺎﻛﺎﺭﻻﺭ ﺑﻮﻟﯩﺪﯗ. ﺋﻪﮔﻪﺭ ﺋﯘﻧﺪﺍﻕ ﺑﻮﻟﻤﺎﻳﺪﯨﻜﻪﻥ, ﺋﯘ ﮪﺎﻟﺪﺍ ﺋﯘ ﭼﯘﻗﯘﻡ ﺳﯩﻨﯩﭗ ﻣﯘﺩﯨﺮﯨﻨﯩﯔ ﻧﯘﻗﺘﯩﻠﯩﻖ ﺗﯩﺰﮔﯩﻨﻠﻪﺵ ﺋﻮﺑﯧﻜﺘﻰ ﮪﯧﺴﺎﺑﻠﯩﻨﯩﺪﯗ…
ﺋﻮﺗﺘﯘﺭﯨﺪﯨﻜﻰ ﺋﻮﺭﯗﻧﻼﺭ «ﺗﻮﻗﻘﯘﺯﻯ ﺗﻪﻝ ﮔﯚﮪﻪﺭ ﺯﯦﻤﯩﻦ» ﮪﯧﺴﺎﺑﻠﯩﻨﯩﺪﯗ . ﺑﯘ ﻳﻪﺭﮔﻪ ﻧﯘﺭﻏﯘﻥ ﺋﯘﺯﯗﻥ ﻗﯘﻻﻗﻼﺭ ﻳﯩﻐﯩﻠﻐﺎﻥ ﺑﯘﻟﯘﭖ, ﺋﯘﻻﺭ ﮪﻪﺭ ﺗﻪﺭﻩﭘﻨﻰ ﻛﯚﺭﯛﭖ, ﮪﻪﻣﻤﻪ ﮔﻪﭘﻨﻰ ﺋﺎﯕﻼﭖ ﺗﯘﺭﯨﺪﯗ. ﺋﯘﻻﺭ ﺋﺎﺭﯨﺴﯩﺪﺍ ﭘﺎﺕ – ﭘﺎﺕ ﻗﯩﺰﻏﯩﻦ ﺩﻭﻟﻘﯘﻧﻼﺭ ﻗﻮﺯﻏﯩﻠﯩﭗ, ﺑﯩﺮ ﻧﻪﺭﺳﯩﻠﻪﺭﻧﻰ ﺋﺎﻟﻤﺎﺷﺘﯘﺭﯗﭖ ﺋﻮﻟﺘﯘﺭﯨﺸﯩﺪﯗ. ﭘﺎﺭﺗﺎ ﺋﺎﺳﺘﯩﺪﯨﻜﻰ ﻳﻪﺭ ﺋﺎﺳﺘﻰ ﻳﻮﻟﯩﺪﺍ ﺩﺍﺋﯩﻢ ﺑﯩﺮﻩﺭ ﭘﺎﺭﭼﻪ ﺭﻩﺳﯩﻢ, ﺑﻮﻻﻕ ﭘﯩﺴﺘﻪ ﻳﯜﺭﯛﺷﯜﭖ ﺗﯘﺭﯨﺪﯗ . ﺋﯘﻻﺭﻧﯩﯔ ﺋﺎﺭﯨﺴﯩﺪﯨﻜﻰ ﻣﻪﻟﯘﻡ ﺑﯩﺮ ﺗﻮﭖ ﺋﻮﻗﯘﻏﯘﭼﯩﻼﺭ ﭘﺎﺕ- ﭘﺎﺕ ﻗﺎﻗﺎﻗﻼﭖ ﻛﯜﻟﯜﺷﯜﭖ, ﭘﯜﺗﯜﻥ ﺳﯩﻨﯩﭙﺘﯩﻜﯩﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﺋﯚﺯﯨﮕﻪ ﺗﺎﺭﺗﯩﺪﯗ. ﺋﺎﺭﻗﺎ ﺗﻪﺭﻩﭘﺘﯩﻜﯩﻠﻪﺭﻧﯩﯔ ﺋﻮﺗﺘﯘﺭﯨﭽﻪ ﺑﻮﻱ ﺋﯧﮕﯩﺰﻟﯩﻜﻰ 1.75 ﻣﯧﺘﯩﺮﺩﯨﻦ ﺋﯧﮕﯩﺰ ﺑﯘﻟﯘﭖ, ﺳﯩﻨﯩﭙﻨﯩﯔ ﺗﻪﻧﺘﻪﺭﺑﯩﻴﻪ ﭼﻮﻟﭙﺎﻧﻠﯩﺮﻯ ﻛﯚﭘﺮﻩﻙ ﺷﯘﻻﺭﻧﯩﯔ ﺋﺎﺭﯨﺴﯩﺪﯨﻦ ﭼﯩﻘﯩﺪﯗ. ﺋﻪﻣﻤﺎ ﺧﺎﺗﺎﻟﯩﻖ ﺋﯚﺗﻜﯜﺯﯛﭖ «ﺳﯜﺭﮔﯜﻥ» ﻗﯩﻠﯩﻨﻐﺎﻧﻼﺭﻣﯘ ﺑﺎﺭ. ﻣﻪﻥ ﺋﺎﻟﯩﻲ ﻣﻪﻛﺘﻪﭘﺘﻪ ﺋﻮﻗﯘﻏﺎﻥ ﯞﺍﻗﯩﺘﻠﯩﺮﯨﻤﺪﺍ ﺑﯘ ﺧﯩﻞ ﺋﻪﮪﯟﺍﻟﯩﻨﻰ ﺋﯚﺯ ﻛﯚﺯﯛﻡ ﺑﯩﻠﻪﻥ ﻛﯚﺭﮔﻪﻥ.
ﺩﯦﺮﯨﺰﻩ ﺗﯜﯞﯨﺪﯨﻜﻰ ﺋﯘﺭﯗﻧﻼﺭ ﺧﯘﺩﺩﻯ «ﺋﺎﻳﺮﯨﻢ ﺧﺎﻧﯩﻼﺭ» ﻏﺎ ﺋﻮﺧﺸﺎﻳﺪﯗ , ﺩﻩﺭﺱ ﺗﯩﯖﺸﺎﭖ ﮪﯧﺮﯨﭗ ﻗﺎﻟﻐﺎﻧﺪﺍ , ﺗﺎﻣﻐﺎ ﻳﯚﻟﯩﻨﯩﯟﺍﻟﺴﺎ ﺑﯘﻟﯩﺪﯗ, ﺑﻪﻙ ﻛﯚﯕﯜﻟﻠﯜﻙ . ﺋﯘﻻﺭ ﭼﯩﺮﺍﻏﻨﯩﯔ ﺋﯘﺯ ﭼﺎﺗﯩﻨﻰ ﯞﻩ ﺩﯦﺮﯨﺰﯨﻨﻰ ﺋﯩﮕﻪﻟﻠﻪﭖ ﺗﯘﺭﯨﺪﯗ, ﺋﻪﮔﻪﺭ ﭼﯩﺸﯩﻐﺎ ﺗﯩﮕﯩﭗ ﻗﻮﻳﺴﯩﯖﯩﺰ, ﻗﻪﮪﯩﺮﯨﺘﺎﻥ ﺳﻮﻏﻮﻗﺘﺎ ﺑﯩﺮ ﻛﯚﺯﻧﻪﻛﻨﻰ ﺋﯧﭽﯩﭗ ﻗﯘﻳﯘﭖ, ﺗﺎﺯﺍ ﺋﻪﺩﯨﭙﯩﯖﯩﺰﻧﻰ ﺑﯧﺮﯨﺪﯗ .ﺋﯘﻻﺭ ﻳﻪﻧﻪ ﻛﯚﺯﻩﺗﭽﯩﻠﯩﻚ «ﯞﻩﺯﯨﭙﯩﺴﻰ» ﻧﻰ ﺋﯜﺳﺘﯩﮕﻪ ﺋﺎﻟﻐﺎﻥ. ﺩﺍﺋﯩﻢ ﺋﯘﻻﺭﻧﯩﯔ «ﺋﻮﻗﯘﺗﻘﯘﭼﻰ ﻛﻪﻟﺪﻯ» ﺩﯦﮕﻪﻥ ﺑﯩﺮ ﺋﯧﻐﯩﺰ ﮔﯧﭙﻰ ﺑﯩﻠﻪﻥ, ﯞﺍﺭﺍﯓ- ﭼﯘﺭﯗﯕﻐﺎ ﺗﻮﻟﻐﺎﻥ ﺳﯩﻨﯩﭗ ﺋﯩﭽﻰ ﺑﯩﺮﺩﻩﻣﺪﯨﻼ «ﻳﯩﯖﻨﻪ ﭼﯜﺷﺴﻪ ﺋﺎﯕﻼﻧﻐﯘﺩﻩﻙ» ﺟﯩﻤﯩﭗ ﻛﯧﺘﯩﺪﯗ, ﺋﯘﻻﺭﻧﯩﯔ ﺭﻭﻟﻰ ﮪﻪﻗﯩﻘﻪﺗﻪﻥ ﺯﻭﺭ.
ﺋﯘﻧﺪﺍﻗﺘﯘ ﺳﯩﺰﭼﯘ؟ ﺋﺎﻟﺪﯨﺪﺍ ﺋﻮﻟﺘﯘﺭﯗﺷﻨﻰ ﻳﺎﺧﺸﻰ ﻛﯚﺭﻩﻣﺘﯩﯖﯩﺰ ﻳﺎﻛﻰ ﻛﻪﻳﻨﯩﺪﯨﻤﯘ؟
|
|
|
|
|
|