NASA يېگى «قارا ئۆڭكۈر» دىن 10 نى تاپتى

bilimxumar

	NASA يېگى «قارا ئۆڭكۈر» دىن 10 نى تاپتى بىلىمخۇمار ناسا يېقىندا مەخسۇس كائىناتتىكى قارا ئۆڭكۈرلەرنى «ئوۋلاش» ئۈچۈن ياساپ ئالەم بوشلۇقىغا چىقارغان «NuSTAR» ناملىق ئېكس-نۇرى ئالەم تېلېسكوپىنى ئىشلىتىپ كائىناتتىكى بەزى بىر نىشانلارنى تېكشۈرىۋاتقاندا، كۈتۈلمىگەن يەردىن 10 دانە غايەت زور كۆلەملىك قارا ئۆڭكۈرنى تېپىۋالغان.  ئوخشاش رايوننى ناسا نىڭ «Chandra» ۋە ياۋروپانىڭ «XMM-Newton» دەپ ئاتىلىدىغان ئېكس-نۇرى ئالەم تېلېسكوپلىرى بىلەن تېكشۈرۈش ئارقىلىق، بۇ 10 قارا ئۆڭكۈرنىڭ راستلىقىنى جەزىملەشتۈرگەن.  بۇنداق تۆۋەن ئېنېرگىيىلىك نۇر بىلەن نامايان بولىدىغان قارا ئۆڭكۈرلەر ئەڭ دەسلەپتە 1962-يىلى بايقالغان بولۇپ، ئۇ چاغدا ئالىملار بۇنداق نۇرلارنىڭ نېدىن كېلىۋاتقانلىقىنى چۈشىنەلمىگەن.  ھازىر بولسا ئالىملار يۇقىرىقى يېڭى تىپلىق ئالەم تېلېسكوپلىرىنى ئىشلىتىپ، ئۇلارنىڭ كائىناتتىكى غايەت زور كۆلەملىك قارا ئۆڭكۈردىن كېلىۋاتقانلىقىنى جەزىملەشتۈرمەكتە.  بۇ قېتىم بايقالغان قارا ئۆنكۈرنىڭ بەزىلىرى بىزنىڭ قۇياشنىڭ ماسسىسىدىن 17 مىليارد ھەسسە ئېغىر ئىكەن. بۇ بايقاش نەتىجىسى ئامېرىكىدا چىقىدىغان «ئاسترونومىيە-فىزىكا ژورنىلى» (Astrophysical Journal) نىڭ 2013-يىلى 20-ئاۋغۇست سانىدا ئېلان قىلىنغان بولۇپ، ئۇ ئىلمىي ماقالىنىڭ ئاساسلىق ئاپتورىNASA مەركىزى JPL دىن Daniel Stern ئىكەن. 1-رەسىم: بۇ قېتىم بايقالغان 10 قارا ئۆڭكۈرنىڭ كۆرىنىشى بولۇپ، ئۇلارنىڭ ئورنى يۇلغۇن-چېچىكى رەڭلىك ئىستىرىلكا بىلەن كۆرسىتىلگەن. 2-رەسىم: ناسا نىڭ «Spitzer» ئالەم تېلېسكوپى 10 يىلدىن بېرى سۈرەتكە ئېلىپ توپلىغان كائىنات رەسىملىرىنىڭ بىرلەشتۈرۈلگەن كۆرىنىشى.   پايدىلىنىش ماتېرىيالى: http://www.cbsnews.com/8301-205_162-57602411/nasa-space-téléscope-discovers-10-monster-black-holes/ http://www.cbsnews.com/2300-205_162-10017985.html

istikbal

	ئەركىن سېدىق ئاكىمىزغا رەھمەت ئۇلۇغ ئاللاھ ئىگەم قۇلىڭىزغا دەرت بەرمىسۇنئەركىن سېدىق ئاكىمىزنى بىلمەيدىغانلار مەرھەممەت ئۇيغۇر دوكتۇر ئەركىن سېدىق  http://www.uynews.com/mazmun.php?hid=1302

izqel

	ئالەم ئىشلىرى تەتقىقاتى بىلەن بىزنى ئەڭ يىڭى خەۋەرلەردىن خەۋەردار قىلىۋاتقانلىقىڭىزغا قۇرۇق بولسىمۇ رەھمەت دەپ ئولتۇردۇق.تىنىڭىزگە سالامەتلىك،ئائىلىڭىزگە ئۇتۇقلار تىلەيمىز.سالامەت بولۇڭ ئەركىن ئاكا.ئاللاھ سىزدىن رازى بولسۇن.

asrar729

	ئەركىن ئاكىمىزغا ئوخشاش دۇنيانىڭ ھەر قايسى جايلىرىدا خىزمەت قىلۋاتقان داڭلىق ئالىملىرىمىز ئۆز كەسپىگە مۇناسىۋەتلىك ياكى ئەتىراپىدا يۇز بىرۋاتقان پايدىلىنىش قىممىتى با ئۇچۇرلارنى بىزگە يەتكۈزسە ئۇيغۇر ياشلىرىدا ئىلىم قىزغىنلىقىنى يەنىمۇ بىر بالداق يۇقرى  كۆتۈرۈلگەن بولاتتى.

nazigul8

	مەن خەنچە يازمىلاردا ئۇ قارا ئۆڭكۈرنىڭ پەيدا بولۇش ئەھۋاللىرى ۋە ئۆزىگە يېقىن كېپ قالغانلىكى نەرسىلەرنى سۈمۈرۈپ كىرىپ كېتىدىغانلىقى، سۈمۈرۈش كۈچى يەنى ئىچىگە تارتىش كۈچىنىڭ ئىنتايىن زور بولىدىغانلىقى توغرۇلۇق، بەزى يازمىلارنى كۆرگەن ئىدىم. بەلكىم بەكلا ئالدىراش ئىشلەيسىز چوقۇم، شۇندا تۇرۇپمۇ ئۇيغۇر قېرىنداشلارنى ئۇنتۇپ قالماي، ۋاقىت چىقىرىپ، ھەم ئەجىر سىڭدۈرۈپ،  ئالەم ئىشلىرىدىن تەپسىلى خەۋەر بېرىپ تۇرغىنىڭىزغا رەھمەت!

قۇمباغ79

	ئەركىن ئاكا،سىزنىڭ قىممەتلىك ۋاختىڭىزنى چىقرىپ ،بىزلەرنى كائىناتتىكى يېڭلىقلاردىن خەۋەردار قىلغانلىقىڭىزغا كۆپ رەھمەت. يېڭدىن بايقالغان قارا ئۆڭكۈر بىلەن بۇرن بايقالغان قارا ئۆڭكۈرنىڭ تۈزلىشى،خۇسۇسيىتى ئوخشاشمىدۇ؟ئەگەر ۋاختىڭىز بولسا مۇشۇ قارا ئۆڭكۈر توغرىسدا تەپسىلى ئۇچۇر بەرگەن بولسىڭىز؟

ablimitt

	ئاشۇ قارا ئۆڭكۈرنىڭ ئېغىر ماددىلېرىدىن يەرشارىغا 100 توننا كىلىپ قالسا، ئۇنى ھالقا-ئۈزۈكلەرگە كۆز (كۈمۈردەك بولسىمۇ) قىلىپ بازارغا سالسا خانىم-قىزلار نەچچە مىنوتتىلا تالىشىپ ئەپ كىتەر-ھە...

ablimitt

	zanjir36 يوللىغان ۋاقتى  2013-9-12 06:08 PM قارا ئۆڭكۈر دىگىنى پىلانتقا ئوخشايدىغان تاشمۇيا .  ئاد ... رەسمى پىلانىت دىسە بۇلارمىكىن، ياكى كىيىنلەردىن يەر شارىغا  ياكى ئاي شارىغا ئوخشاش پىلانىت بۇلۇپ شەكىللىنەر...

★Esl~YaXa★

	قارا ئۆڭكۈر  باشقا پىلانتلارنى ئۆزىگە تارتىپ چوڭىيدۇ دەپ ماتىريال كۆرگەنتىم ``` ناۋادا 10 نى بولسا

kakkuk11

	تېمىغا چوڭقۇر تەشەككۈر...                             2-قەۋەتتىكى ئىنكاسقىمۇ تەشەككۈر...