قىينىئانام

bahwanbiz

	قىينىئانام يوغان قازان بېشىدا قىلار خىيال قىينىئانام ， ئۈگۈتلەردىن قىزىغا تەلىم بېرەر قىينىئانام ، بىلىكىدە چوڭ ئۆينى مەھكەم تىرەر قىينىئانام ، مارافۇنچە ساپما كەش كىيىپ يۈرەر قىينىئانام، تۆت تال ئالتۇن چىشىدا ساغلام كۈلەر قىينىئانام ، پۇتىڭىزغا كۈچ بېرەر ، بالىلارنىڭ ئۆملىكى ، رىماتىزىم قىلمىسۇن بۇ تۇرمۇشنىڭ زەيلىكى ، بېشىڭىزغا يېيىلدى ،بىر ھويلىنىڭ كۈنلىكى ، ئەۋلادلارغا ئۇلانسۇن بۇ جەمەتنىڭ كىملىكى، چاچلىرىدا بىر ئەسىر سەھەر تۈنەر قىينىئانام . < ھازازۇل > غا جۆيلىدى ناباپ كېلىن تىلىدا ، ئۆي ئىشىنى تاشلىدى ،ياستۇق تېڭىپ بېلىغا ، تەييار ئاشنى ، نان – چاينى قانداق سالار گېلىغا ، ئۆكتەملىشىپ ، يامانلاپ مېڭىپ باقار نېرىغا ، بوسوغىدىن بويۇنداپ ئىشىك يۆلەر قىينىئانام . قىيىن ئىكەن تۇرمۇشنىڭ تۇز – تەمىنى تەڭشىمەك ، كىرىم- چىقىم ھېسابتا،مىقدارلارنى دەڭسىمەك، ماھارەتتە بەك قىيىن ،پارچە ئەينەك دەسسىمەك، بەزەنلىرى  كۇسۇرلاپ دەيدۇ سىزنى < ئاقسۈڭەك > مىيىقىدا مىدىرلاپ سالقىن كۈلەر   قىينىئانام . نەۋرىلەرگە ساقلىغان يەل يېمىشى نەم بولۇر ، ئايەملەردە ساقلىغان نەرسە ئۈچۈن غەم قىلۇر ، ھەسرەتلىرى قىزارغان دىلكىشىمىكىن تونۇر؟ چۆلدەرىسە ھويلىسى بىر نىمىسى كەم بولۇر ، ئانىسىغا چۈشىدە داستان سۆزلەر قىينىئانام . ئاشلاپ قويسا ساقىيار قوشنىلارنىڭ يارىسى ، سازلىنىدۇ ئۇدۇمدا بۇ تۇرمۇشنىڭ تارىسى ، يېپىشمايدۇ ئۇنىڭغا قارا دىلنىڭ قارىسى ، چۆچۈرىدەك نەۋرىلەر ئۇنىڭ يۈرەك پارىسى ، بولسا نەدە موھتاجلىق دەرھال ئۈنەر قىينىئانام. توي- تۆكۈندە ھۆرمەتلىك ئولتىرىدۇ تۆرىدە ، سىرغىپ تۇرغان ھېكمەت بار قىلغان ھەر بىر سۆزىدە ، پىلىلدايدۇ جاسارەت ،يىللار تامغان كۆزىدە ، ۋالىلدايدۇ  نۇر – ئىمان ،مېھىر بالقىپ يۈزىدە ، بەرىكەتلىك بارماقتا بەخت بۆلەر قىينىئانام . توپلاملىرى پۈتۈكلۈك قانائەتنىڭ بابىدا ، پايپاقلىرى يىرتىلار پارچە پۇلنىڭ ھالىدا ، قىل ھېسابات كەم چىقماس ئۇ تاپشۇرغان سانىدا ، ئېخ، خاتىرجەم چاي ئىچەر مۇرەببىسى يانىدا ، سۆيگۈ  ياماپ بىر ئۆمۈر قەرىز تۆلەر قىينىئانام . ئۆتنىلەرگە بېرىدۇ بەك ئىنچىكە ئېتىبار ، كېسەللەرگە، تۇغۇتقا ئۇ بىباھا غەمگۈزار ، مەھەللىنى، سائىلنى  چۆچىكىدە سۇغىرار پىشمىسىمۇ پىلانى ئېتىكىدە ئاي تورار ، ساۋاتسىزلىق دەردىدە ساياق ھۆنەر قىينىئانام . كۈيئوغۇلنى تاك قىلماي سالار سۈزۈك ئىدىشقا ، شاھزادىدەك قەدىرلەپ بۇيرىمايدۇ بىر ئىشقا ، غەزنىسىنى تۆكىدۇ تاللاپ – تاللاپ ئېلىشقا ، مائارىپى يۈز  نومور ،بولماس خاتا تىنىشقا ، قەسىدەمدە رىئاللىق  چىقتىم كۈيلەپ قىينىئانام . زەمزەم ئاقار دىلىدا ،كېلىنلىرى ئۈمچەيسە ، ئاددىيلقتا پارقىرار ئۇ ئادەتتە نىم كىيسە ، كېپەك ئالتۇن چاپلىشار بۇ موماينى كىم سۆيسە ، قۇم ئېرىق بوپ ئاقارمىز ،قەبرىستانى زۈمچەيسە ، ئەۋلادلارغا قۇياشنى چىقار يۆلەپ قىينىئانام . <خورازلارنى بەختلىك> دىدى بىرسى پەش قىلىپ ، بۇ تەمسىلنى ئېيتماڭلار كۆڭۈللەرنى غەش قىلىپ ، نادان شۇنداق خارلايدۇ پۈتۈن ناننى بەش قىلىپ، مۇھاببەتنى يىغايلى خامانلارغا چەش قىلىپ ، تاقىر دىلدا تۆت قۇلاق بولوپ ئۈنەر قىينىئانام . ئاپتۇرى : ئا. مۇھەممەت باغۋەن

alenur

	قەن ئانام قەن ئانام ھى ھى  ياخشى چىقىپتۇ بۇ شئىرلىرىڭىز

天z鹅

	I‏كىلىن بولماق بەك تەسكەن ،مۇشۇ كۇنلەدە توي قىلغىنىمغىمۇ پۇشايمان قىلىپ قېلىۋاتىمەن  سىز  مەدىھلىگەندەك قېينانىلا ساناقلىقمىكىن بۇجاھاندا، بايا تېخى بىر ھازا يىغلاپ دەردىمنى كۆزۇمدىن ئالغان ئدىم  مۇنبەرگەكىرىپلا تېمىڭىزنى كۆ رۇپ چوقۇم بىرە دەرتمەن كىلىن  يوللىدىمىكىن دەپ كىرىگەنتىم ،ھەي ،قېينىئانىلارنىڭ تېخى دەردى جىق كېلىنلەنىڭ تېخى دەردى جىق .....يولدۇشۇم بىلەن شۇنداق ياخشى ئۆتىمەن بولمىسا بەزىدە مۇشۇ قېينئانامنى دەپلا ئاجرىشايچۇ بولدى دەپمۇ ئويلاپ قالىمەن  يەنە شۇ باللىرىمنى دادىسىنى ئويلاپ سەۋىر قىلىمەن ، ئىچىم ئاچچىق بولۇپ تۇرغاندا بۇ تېمىنى كۆرۇپ كۆپ سۆزلەپ قويدۇم كەچۇرۇڭلار،،،يەنىلا بارلىق قېينئانىلارنىڭ تېنىگە ساقلىق ئائىلىسىگە بەخىت خاتىرجەملىك تىلەيمەن،تېما ئىگىسىگىمۇ رەخمەت ،ئانىلىرىمىزنى مەدىھلىگەن قوللىرىڭىز بەركەتلىك بولغاي!

چۈشەن

	天z鹅 يوللىغان ۋاقتى  2013-9-12 06:05 PM I‏كىلىن بولماق بەك تەسكەن ،مۇشۇ كۇنلەدە توي قىلغىنىمغى ... سەۋىر قىلىڭ قىرىندىشىم ،پىتنىڭ ئاچچىقىدا چاپاننى ئوتقا سالىدىغان ئىشنى قىلماڭ ،ئىسىڭىزدە بولسۇن ئاللاھ سەۋىر قىلغۇچىلار بىلەن بىللە ،قىيىن ئانىڭىز سۆزلىسە بىردەم سۆزلەپ توختايدۇ ماقۇل دەپ قويۇپ ئىشىڭىزنى قىلىۋەرسىڭىز بولىدۇ ،ھەممىدىن مۇھىمى يولدىشىڭىز بىلەن ياخشى ئۆتكەندىكىن  شۇ ئەڭ ئەۋزەل ئەمەسمۇ !! بەزى ئىشلاردا سەۋىر قىلساق بىردەمدە ئۆتۈپ كىتىدىكەن ،ئاچچىقىغا پايلىماي بەزى گەپلەرنى دەۋەتكەن بىلەن ،ئويلاشماي قىلغان گەپ سۆزلەر كىيىنچە بىشىغا بالا بولىدىغان گەپكەن ،قىيىن ئانىڭىز ئۇنداق قىلماپسىز بۇنداق قىلماپسىز دەپ خاپا بولسا خاپا بولمىسىلا بۇندىن كىيىن دىققەت قىلاي دەپ كۈلۈپ قويسىڭىز يەنە ئاچچىقلاشقا خاپا بولۇشقا باھانسى قالمايدۇ -دە توختاپ قالىدۇ ،سىزدىن كىتىدىغىنى پەقەت ئىككى ئىغىز گەپ خالاس !!       كۆپ سۆزلەپ قويغان بولسام كەچۈرۈڭ ،يامان مەخسىتىم يوق ،پەقەت سىزگە ياخشى بولسۇن دېدىم !! كۆپ ئويلىماڭ قىرىندىشىم سەۋىرچان بولۇڭ ! ئاللاھ سەۋىر قىلغۇچىلار بىلەن بىللىدۇر!

kakkuk11

	شېئىرىڭىز ياخشى چىقىپتۇ ، بەركەتلىك بولۇڭ ... تۈنۈگۈن ئايالىم بۈگۈن قەن ئانام ئەتە ئۆز ئانامغا نۆۋەت كېلدىكەن -دە ! مېنىڭ ھازىرچە قەن ئانام يوق ، بولمىسىغۇ قەن ئانامنى تاللاپ قويدۇم ھى ھى

Rujak

	خاتۇن ئىلىپ بولۇپ قىينانام بولغاندا  كىلىپ ئاندىن بۇ تىمىغا ئىنكاس يازامەن ،

madonna

	چۈشىنىپ كەتمەيمەن بۇنداق ئىشلارنى .

anka1314

	نادانغا قىلغان ئىسىت سۆزۈم   . تىمىنى چۈنمەنمەي ئىنكاسلار  غەلىتە

xoh-xoh024

	توي قلېپ بولۇپ قىينانام بولغاندا  كىلىپ ئاندىن بۇ تىمىغا ئىنكاس يازامەن ،

天z鹅

	چۈشەن يوللىغان ۋاقتى  2013-9-12 09:01 PM سەۋىر قىلىڭ قىرىندىشىم ،پىتنىڭ ئاچچىقىدا چاپاننى ئوت ... ‏رەخمەت سىزگە قېرىندىشىم سەۋىرنى تەۋسىيە قىلغۇچىلارغا ئاللاھ رەھمەت قىلسۇن ،مەنمۇ شۇنداق قىلىشقا تىرىشىۋاتىمەن ،.قالغىنى ئاللاھنىڭ ئىلكىدىكى ئىش بەزىدە ھەقىقەتەن ناھاقچىلىققا چىدىيالماي قالىمەن  يا يولدۇشۇمغا دىيەلمەي تەڭلىككى سېلىپ بىئارام قىلماي دەپئىچىمگە يۇتىۋېرىپ مۇشۇنداق كايىپقالىدىغان بولۇپ قالدىم