ئاق چاچلىق بىر ئالىم چۈشۈمدە ھامان!

qaraxani

	ئاق چاچلىق بىر ئالىم چۈشۈمدە ھامان! (مەرھۇم ئالىم ئابدۇشۈكۈر مۇھەممەت ئىمىن تەۋەللۇتىنىڭ 80 يىللىغىغا) قاراخان بەختلىك ئۆتتۈڭمۇ ئۆيۈڭدە ،ئەلدە، بۇ بىزگە قاراڭغۇ زەبەردەست ئالىم. كىم سېنى ئىتتىردى دىسەم ئەجەلگە، سەن دىدىڭ ‹‹نادانلىق››ئۆسەكچى زالىم. تەگدىمۇ دىسەممەن ئىمانىڭ چەلگە، دىدىڭسەن ئۇ داغقا چىدىماس بېتىم. ھاياتلىق كانىنى قازغاندا تىنماي، تۆپەڭدە پىتنىخور ئاچتى يەرمەنكە بەزىلەر ئورىمۇ قازدى ئۇخلىماي، سەن ئاچقان راۋان يول،يېشىل چىمەنگە. چاپلاشتى ساڭا كۆپ مەلئۇن رۇدىپاي، سەن ئۇنى ئورىدىڭ يالقۇن كېپەنگە. باستى كۆپ سەۋدالىق ئەلىمى سېنى، تەئەججۈپ ئەيلىدىڭ ئۇنىڭغا يارقىن. ھەركىمنىڭ كۆرسىتىپ قويدۇڭ رىسقىنى، زاۋالدا قالغانغا بولدۇڭ نۇر - چېقىن. سەن بولدۇڭ تارىمنىڭ زۇمرەت تاشقىنى، سەن بىلەن ئۆركەشلەپ ئاقتى روھ ئېقىن. قەدىمجاي سېنىلا  تۇغقاندەك پەقەت، ئېغىر يۈك يەلكەڭنى باستىغۇ بەتتەر. سەن بىلەن ئېچىلدى ئەلدە پاراسەت، سەن  ئەينى سامادا  چاقنىغان ئەختەر. ئەل كۈلسە بىلدىڭسەن ئۇنى پاراغەت، قويمىدىڭ ئىقلىمنى قىلچە بىنەزەر. فارابى تىكىلەر ساڭا پەخىرلىك، يۈسۈپمۇ سېنى دەر داستان خۇمارى. مەھمۇدنىڭ تىللىرى چىقتى تەسىرلىك، ئېسىلدى بوينۇڭغا مەشرەپ تۇمارى. ئۇيغۇرنى تاپقۇزدۇڭ شۆھرەت ئەسىرلىك، چىقاردىڭ ھەييامدەك مەجنۇن شۇئارى. رەسۇلنىڭ يېشىدا توپتىن ئايرىلدىڭ ، قالدى توم،بەھىرلىك ئامانەتلىرىڭ. مەرىپەت يولىدا دەرۋىش، سائىلدىڭ ، قالدى كۆپ يېشىمسىز بىشارەتلىرىڭ. سەن غورۇر ،ۋىجدانغا تۇغما نائىلدىڭ، بەدەل كۆپ ،ئاز بولدى دارامەتلىرىڭ. تامادىن يىراقسەن مېھنەتكە مۇشتاق، مىننەتكە سەندە يوق قىلچىمۇ ئورۇن. قوغلاشماي ئۆتتۈڭغۇ سەپتە نام-ئاتاق، يۇلغۇندەك قىزىرىپ، تۇرمىدىڭ سولغۇن. بىلگەنگە بۇ ئالەم دىدىڭغۇ سىناق، نەپسىڭگە بىر كۈنمۇ بولمىدىڭ تۇتقۇن. كەلمەسكە كەتتىغۇ سېنىڭدەك زەكى، تاپالماس مىڭ يىلدا چەكسىمۇ پەرياد. مەيلى سەن ئۇيغۇر بول ياكى ئەجنەبى، ئالىمسىز بازىرىڭ بولار پات كاسات. ئاڭا كۆر ساھىبخان گۈمنام، تەجەللى، ئەي ئالىم چۈشۈمنى قىلىۋەر ئاۋات!

kakkuk11

	ئەسسالامۇ ئەلەيكۇم قاراخان شېئىرىڭىزنى ياقتۇرۇپ ئوقۇدۇم . رەھمەت . ھارمىغايسىز ئىجادىيىتىڭىز ئۇتۇقلۇق بولسۇن ! بۇ مۇسەددەس شېئىر شەكلىمۇ ؟

dostum

	ئېسىل چىقىپتۇ. ياقتۇرۇپ ئوقۇدۇم.

handanjan

	kakkuk11 يوللىغان ۋاقتى  2013-9-11 09:05 PM ئەسسالامۇ ئەلەيكۇم قاراخان شېئىرىڭىزنى ياقتۇرۇپ ئوقۇ ... ئۇنداق ئەمەسمىكىن

handanjan

	ياردەم ياردەم ياردەم قىلىڭلار…

uyol

	ئۇستاز راسلا ياخشى يېزىپسىز. رەھمەت سىزگە

uyol

	ئۇستاز راسلا ياخشى يېزىپسىز. رەھمەت سىزگە

ap~qilam

zanjir36

	uyol يوللىغان ۋاقتى  2013-9-12 12:00 AM ئۇستاز راسلا ياخشى يېزىپسىز. رەھمەت سىزگە ئۇستاز ؟

qaraxani

	kakkuk11 يوللىغان ۋاقتى  2013-9-11 09:05 PM ئەسسالامۇ ئەلەيكۇم قاراخان شېئىرىڭىزنى ياقتۇرۇپ ئوقۇ ... ۋەئەلەيكۇم ئەسسالام ،رەھمەت، توغرا  بۇ مۇسەددەس (ئالتىلىك) شېئىر شەكلى...