شىنجاڭ غۇلجا تۈنجى نۆۋەتلىك خەتتاتلىق سەنئىتى كۆرگەزمىسى

ciao

	شىنجاڭ · غۇلجا تۇنجى نۆۋەتلىك ئاز سانلىق مىللەت  خەتتاتلىق سەنئىتى كۆرگەزمىسى ئۆتكۈزۈلدى.              يېقىندا غۇلجا شەھرى 2- نۆۋەتلىك مىللىي ئۆرپ-ئادەت مەدەنىيەت ساياھەت بايرىمى ئۆتكۈزۈش مۇناسىۋىتى بىلەن  « شىنجاڭ · غۇلجا تۇنجى نۆۋەتلىك ئاز سانلىق مىللەت  خەتتاتلىق سەنئىتى كۆرگەزمىسى» نى شىنجاڭ ھەرەمباغ سودا چەكلىك شىركىتى ئىلى تارماق شىركىتىنىڭ «ئىلى سەنەم باغچىسى» مەركىزىدە ئۆتكۈزدى. غۇلجا شەھرىدىكى 2 مىڭغا يېقىن ھەر مىللەت ئاممىسى بۇ مول مەزمۇنلۇق، يوقۇرى سەۋىيىدە يېزىلغان، سۈپەتلىك نادىر خەتتاتلىق ئەسەرلىرىدىن بەھىر ئېلىش پۇرسىتىگە ئېرىشتى ، بۇ قېتىمقى كۆرگەزمە ئارقىلىق ئىلىدىكى خەتتاتلارنىڭمۇ بىر قېتىملىق كەسپىي جەھەتتىكى ساۋىيىسىنى ئۆستۈرۈشكە ئاساس تۇرغۇزۇلدى.                      جۇڭگو خەتتاتلار جەمئىيىتىنىڭ ھەيئەت ئەزاسى ھەمدە جۇڭگو خەتتاتلار جەمئىيىتى تەھرىرلىك ، نەشىر قىلىش كومىتىتىنىڭ ھەيئىتى، جۇڭگو ئۇيغۇر تارىخ مەدەنىيەت تەتقىقات جەمئىيىتىنىڭ دائىمىي ھەيئەت ئەزاسى، ئاپتونۇم رايونلۇق خەتتاتلار جەمئىيىتىنىڭ دائىمىي ئىشلارغا مەسئۇل مۇئاۋىن رەئىسى، دۆلەتلىك بىرىنچى دەرىجىلىك سەنئەت ئۇستازى خەتتات - نىياز كېرىم شەرىقى. جۇڭگو خەتتاتلار جەمئىيىتىنىڭ ئەزاسى، ئاپتونۇم رايونلۇق خەتتاتلار جەمئىيىتىنىڭ مۇئاۋىن رەئىسى-قاينام جاپپار. ئاپتونۇم رايونلۇق خەتتاتلار جەمئىيىتىدىن ئەزا تۇرسۇن قۇربان قاتارلىقلار ئالاھىدە تەكلىپ بىلەن قاتناشتى.          كۆرگەزمىگە ئاپتونۇم رايونىمىز تەۋەسىدىكى ئۇيغۇر، قازاق، قىرغىز قاتارلىق 60 قا يېقىن خەتتاتنىڭ 120 پارچىغا يېقىن تاللانغان خەتتاتلىق ئەسىرى قويۇلدى. بۇ قېتىمقى پائالىيەت خەتتاتلىق كۆرگەزمىسى ، خەتتاتلىق ئەسەرلىرى توغرىسىدا مەخسۇس مۇھاكىمە ئېلىپ بېرىش ۋە قەلەم ماھارىتى مۇھاكىمىسى قىلىش قاتارلىق ئۈچ خىل شەكىلدە ئېلىپ بېرىلدى. كۆرگەزمىنى شەھەرلىك پارتكوم تەشۋىقات بۆلۈمى، شەھەرلىك خەتتاتلار جەمئىيىتى باش بولۇپ، ئاپتونوم رايونلۇق خەتتاتلارجەمئىيىتى، ئىلى ئوبلاستلىق خەتتاتلارجەمئىيىتى شۇنداقلا شەھەرلىك ساياھەت ئىدارىسى ھەمكارلىشىپ، شىنجاڭ ھەرەمباغ سودا چەكلىك شىركىتى ئىلى تارماق شىركىتى ئۆتكۈزۈشنى ئۈستىگە ئالغان.     بۇ قېتىمقى كۆرگەزمىنى ئوبلاستلىق، شەھەرلىك تۆت يۈرۈش رەھبەرلىك كوللېكتىۋىدىكى رەھبەرلەر كۆرۈپ ناھايىتى يوقۇرى باھا بەردى.        1 -كۆرگەزمىنىڭ ئېچىلىش مۇراسىمىدىن                      2- كۆرگەزمە پائالىيىتىدىن كۆرۈنۈشلەر.                  3-خەتتاتلىق مۇھاكىمە پائالىيەتلىرىدىن كۆرۈنۈشلەر                 4- قەلەم ماھارىتى يىغىنىدىن كۆرۈنۈشلەر                        5 - كۆرگەزمىگە قويۇلغان خەتتاتلىق ئەسەرلىرى                             6- پائالىيەت جەريانىدىكى  قىممەتلىك مىنۇتلاردىن ئەستىلىك .                خاتىمە : بۇ قېتىمقى شەھرى 2- نۆۋەتلىك مىللىي ئۆرپ-ئادەت مەدەنىيەت ساياھەت بايرىمى ئۆتكۈزۈش مۇناسىۋىتى بىلەن ئۆتكۈزۈلگەن  « شىنجاڭ · غۇلجا تۇنجى نۆۋەتلىك ئاز سانلىق مىللەت  خەتتاتلىق سەنئىتى كۆرگەزمىسى» نى ئاپتونۇم رايونلۇق خەتتاتلار جەمئىيىتىنىڭ ئەزاسى ، ئىلى ئوبلاستلىق خەتتاتلار جەمئىىيىتىنىڭ مۇئاۋىن رەئىسى ،غۇلجا شەھەرلىك خەتتاتلار جەمئىىيىتىنىڭ مۇئاۋىن رەئىسى، ئىلىدىكى تونۇلغان ياش خەتتات، ئابدۇراھمان ئابلىمىت باشتىن -ئاخىرى تەشكىللەش ، ئويۇشتۇرۇش جەھەتتىكى  كەسپى خىزمەتلەرگە مەسئۇل بولۇپ باشتىن ئاخىرى كۆرگەزمىنىڭ مۇۋەپپىقىيەتلىك ئېچىلىشىغا كۆپ ئەجىر سىڭدۈردى .

vincent

	مەنمۇ خەتتاتلىققا بەك ھەۋەس قىلىمەن،شۇنداق ياخشى يېزىلغان خەتلەرنى كۆرسەم ئىنچىكىلەپ قاراپ ،شۇ خەتنى يازغۇچىنىڭ ھەربىر ھەرپلىرىنى يېزىش جەريانىدا قانداق قەلەم تەۋرەتكەن  قەلەم تۇتقان ھەرىكەتلىرى ،ئۇسۇلى ،سىمالىرى كۆزئالدىمدا ئەكىس ئېتىدۇ.(پەرەز قىلىمەن ،ئەمما مەن نەق مەيداندا كۆرمىگەن)

0996800410

	چىرايلىق يېزىلغان خەتكە قارىسام يۈرىكىم توختاپ قالدىمىكىن دەپ ئويلايمەن . مەن يىغىپ ساقلىغان (كومپيوتېر)ھۆسىنخەت ئەسەرلىرى1000پارچىغا يېقىن ، سىلەرگە لازىم بولسا تەڭ بەھرىلىنەيلى . چ چ 384205014

mustapa222

	بۇ بەك قالتىس ئىش ، بالدۇراق ئۇققان بولساق نەق مەيدانغا بېرىپ كۆرۈپ كېلەتتىمكەن، بۇ رەسىملەرنى كۆرۈپ بەك ھاياجانلاندىم ھەم ئۆزەمنىڭ ئوتتۇرا مەكتەپتىكى رەسىم-ھۆسىنخەت ئوقۇتقۇچۇم ئەنۋەر مۇئەللىممۇ بار ئىكەن ئەمەسمۇ بۇلارنىڭ ئىچىدە، شۇ ۋاقىتلاردا رەسىم ۋە ھۆسنخەتكە قاتتىق ئىشتىياق باغلاپ ئۆگەنگەنىدىم، شۇڭا ھازىرمۇ قاتتىق ھەۋىسىم بار...تولىمۇ ھاياجانلاندىم..

ABDUMAJID

	ياخشى پائالىيەت بوپتۇ.  تولىمۇ  خۇرسەن  بولدۇم.

iptihar2014

	بەك ياخشى بوپتۇ بۇ پائالىيەتنىڭ ئورۇنلاشتۇرغانلىقى . مۇبارەك بولسۇن ،.

nazar

	ئەجەپ ئېسىل پائاليەت بوپتۇ   . . .  ئۇيغۇر يىزىقى نېمىدىگەن گۈزەل . . .  ھەي ئانا تىلىم ، سەن نېمىدېگەن يىقىملىق . . .   ھەي ئانا يىزىقىم ، سەن نېمىدېگەن گۈزەل . . .

hiyal0097

	مۇبارەك بولسۇن ، مۇشۇنداق ئەھمىيەتلىك پائالىيەتلەرنىڭ كۆپىرەك ئۆتكۈزۈلىشىگە تىلەكداشمەن ،

iltebir

	بۇ پائالىيەتنىڭ ئۇتۇغلۇق بولغانلىغىنى تەبرىكلەيمەن.

لوپنۇرى

	ناھايىتى ئەھمىيەتلىك پائالىيەت بوپتۇ. پائالىيەتنى تەشكىللىگەن، ئېسىل ئەسەرلىرى بىلەن پائالىيەتنى رەڭدارلىققا ئىگە قىلغان ئەزىزلەرگە كۆپتىن-كۆپ تەشەككۈر.