دۇنيادا ھەممىدىن مۇئەللىم بولماق تەس

musilina

	ئەسسالامۇ ئەلەيكۇم مۇنبەردىكى  بارلىق ئەزىزلەر،مەنكى مۇسىلىنەدىن ھەممىڭلارغا ئوتلۇق سالام،گەرچە بۈگۈن بىزنىڭ ( ئوقۇتقۇچىلارنىڭ ) بايرىمى بولسىمۇ، بىراق  نورمال دەرس ئوقۇلغاچقا ، ئەتىگەندىن بېرى ئالدىراشچىلىقتا ھەرقايسىڭلارغا سالام بېرەلمەي قالدىم،ئەمدى بولسىمۇ بۈگۈنكى ئوقۇتقۇچىلار بايرىمى مۇناسىۋىتى بىلەن مۇنبەردىكى بارلىق كەسپداشلىرىمنىڭ ئوقۇتقۇچىلار بايرىمىنى قىزغىن تەبرىكلەيمەن،ھەممىڭلارنىڭ بايرىمىغا مۇبارەك بولسۇن..... چۈشتىن كېيىن  مەكتەپكە كەلسەم بىر ئوقۇغۇچۇم ‹‹خانىم ،بايرىمىڭىزنى تەبرىكلەپ ئۈچ كۇبلىت شېئىر يېزىپ كەلگەن ئىدىم››دەپ ،شېئىر يېزىلغان بىر ۋاراق قەغىزنى قولۇمغا بەردى،قارىسام دەل بىز ئوقۇتقۇچىلارنىڭ كۆڭلىدىكىنى ئىپادىلەيدىغان شېئىركەن،شۇڭا مۇنبەرگە يوللاپ قويۇشنى لايىق تاپتىم،بىراق ئالدىراشلىقتا بۇ شېئىرنى قايەردىن كۆچۈرگەنلىكىنى سورىۋالماپتىمەن،ئۆزى ئەلۋەتتە  بۇنداق شېئىرلارنى يازالمايدۇ،چۈنكى ئاران 4-يىللىقتا،بۇ شېئىرنىڭ ئاپتورىنىڭ كىملىكىنىمۇ بىلمىدىم،ئەگەر بىلىدىغانلار بولسا دەپ بەرسەڭلار.... دەرستىن كېيىن ئوقۇتقۇچىلار مەكتەپ زالىدا  يىغىلىپ  ئازىراق پائالىيەت ئۆتكۈزگەن ئىدۇق،پائالىيەتتە ئوتتۇرىدا ئوقۇپ بەرسەم ،بىرنەچچەيلەندىن باشقا ھەممەيلەنگە ياراپ كەتتى بۇ شېئىر،شېئىرنىڭ ماۋزۇسىمۇ قويۇلماپتىكەن،ما ماۋزۇسىنى ئۆزۈم قويۇپ قويدۇم.... دۇنيادا ھەممىدىن مۇئەللىم بولماق تەس ئاغرىدىم بەش كۈن دەرسىم قالدى، ھەر سائەت دەرسكە ئەللىك كوي ئالدى، مەركەزنىڭ پەرمانى نەلەردە قالدى، دۇنيادا ھەممىدىن مۇئەللىم بولماق تەس. رۇخسەت سورىسام كۈنلىكىم ئون كوي، بارمىدۇق ئۆلۈمگە،قېلىپ قالدى توي، ئەي مۇدىر،بىزنىمۇ بىزە ئويلاپ قوي، دۇنيادا ھەممىدىن مۇئەللىم بولماق تەس. ئويلاپ باق،مۇئەللىم جېنى تۆمۈرمۇ، بور يۇتۇپ،كېسەل بوپ ئۆتتى ئۆمۈرمۇ، چارچايدۇ كۈنۇ -تۈن ئىشلەپ ئۆكۈزمۇ، دۇنيادا ھەممىدىن مۇئەللىم بولماق تەس. مەنبە : ئوقۇغۇچۇم خاتىرىسى

kakkuk11

	ئوقۇغۇچىڭىزنى ئۆزىڭىزدەكلا تەربىيلەپسىز -دە !

تاڭنۇر

	چىگىلىگەن ياغلىقنى يىشىۋەت دەيدۇ ، ساقال ھەم بۇرۇتنى قىرقىۋەت دەيدۇ ، غورۇرنى مەنسەپكە سېتىۋەت دەيدۇ ، باغلاقتىن ئىبلىسنى قۇيۋەت دەيدۇ ، دۇنيادا ھەممىدىن مۇئەللىم بولماق تەس ،

hekmat110

	ھەممدىن ئاساسى قاتلامدا ئىشلەش تەس.....

apndim

	بەزىلەر دىيىشەر دىھقان بولماق تەس، بەزىلەر ئېيتىدۇ موللام بولماق تەس، زىيالى قاخشايدۇ، سودىگەرمۇ بەس، مەن دەيمەن ھەممىدىن ئۇيغۇر بولماق تەس. ھەرساھە ۋايسايدۇ ھەممىسى دەرتمەن، كۆرمەيسەن بىرسىنى مۇرادقا يەتكەن، چىرايى كۈلسىمۇ ئىچى زەرداپكەن، جاھاندا ھەممىدىن ئۇيغۇر بولماق تەس. ھەركەسىپ، ھەركىمنىڭ دەردى ئۆزگىچە، موللىدىن، مۇئەللىم، قەلەمدارغىچە، ساقچىدىن، دوختۇردىن، ئەمەلدارغىچە، جاھاندا ھەممىدىن ئۇيغۇر بولماق تەس. باشلىقسەن ۋەلىكىن ھوقۇق يوق سەندە، سەن گويا خارەتنىڭ قولىدا رەندە، تەڭرىگە ئاسىيسەن، بەندىگە بەندە، جاھاندا ھەممىدىن ئۇيغۇر بولماق تەس. ياشاش ئۈچۈن كەچسەڭمۇ ئانا تىلىڭدىن، كەچسەڭمۇ ئەجدادىڭ، ئاتا-ئاناڭدىن، رازى ئەمەس ھەتتاكى كەچسەڭ ئىماندىن، جاھاندا ھەممىدىن ئۇيغۇر بولماق تەس. كىملىكىڭ ئۇيغۇرمۇ؟- ئىشلىرىڭ چاتاق، مىڭ توغرا قىلساڭمۇ چىقىدۇ پۇتاق، «داغدام يول»، «ئىتىبار» ئاچمايدۇ قۇچاق، جاھاندا ھەممىدىن ئۇيغۇر بولماق تەس. مۇئەللىم كاللاڭنى يۇمىساڭ بولماس، ۋەزىپەڭ ھەرگىزمۇ ئۇقۇتۇش بولماس، باھانەڭ: ئامال يوق، ياشىماي بولماس، جاھاندا ھەممىدىن ئۇيغۇر بولماق تەس. مەكتەپتە دەرىسلەر ئۆز تىلىڭدىن يات، ئىمتىھان يات تىلدا، ئانا تىل بەربات، ئۇستازمۇ، شاگىرتمۇ چىكىدۇ پەريات، جاھاندا ھەممىدىن ئۇيغۇر بولماق تەس. بالىمىز مەكتەپتە ئىسلامدىن يىراق، بارمىسا مەكتەپكە قالار«توم-تۇۋاق»، نە جاۋاپ بىرەرمىز كەلگەندە سوراق، جاھاندا ھەممىدىن ئۇيغۇر بولماق تەس. موللا سەن مەسچىتتە ۋەزىڭ دىن ئەمەس، بىلمەيسەن سەن زادى كىمگە ھەم-نەپەس، قورقىسەن ھەق گېپىڭ ئەكىلەر قەپەس، جاھاندا ھەممىدىن ئۇيغۇر بولماق تەس. زىيالى قەلبىڭدە بولسىمۇ ئارمان، سوراقلاپ تۇرىدۇ ھەركۈنى ۋىجدان، ھىجىيىپ تۇرساڭمۇ غورورۇڭ پايخان، جاھاندا ھەممىدىن ئۇيغۇر بولماق تەس. ئەگەرسەن سەنئەتكار ياكى سازەندە، ئىنسانلىق ئىززىتىڭ ھامان دەپسەندە، دەردىڭنى مۇڭلاشقا نەئىلاج سەندە، جاھاندا ھەممىدىن ئۇيغۇر بولماق تەس. يازغۇچى، شائىرسەن قولۇڭ باغلاقلىق، كۆڭلۈڭدە مىڭ خىيال، چىققىنى چاغلىق، مىڭ دەرتمەن بۇلالماس ساڭا ياماغلىق، جاھاندا ھەممىدىن ئۇيغۇر بولماق تەس. نامىڭ يوق تۇنۇماس چەتئەللەردىمۇ، ئورنۇڭ يوق ھېچقانداق ئورگانلاردىمۇ، سەن ھەتتا مۇساپىر ۋەتىنىڭدىمۇ، جاھاندا ھەممىدىن ئۇيغۇر بولماق تەس. ساقاللىق، ھىجاپلىق بولدى گۇناھلىق، ھەتتاكى قىزلىرىڭ ئارتالماس ياغلىق، ئىززىتىڭ يوقالدى ھايۋانچە چاغلىق، جاھاندا ھەممىدىن ئۇيغۇر بولماق تەس. بىلىمەن ئۇيغۇرنىڭ «چاتىقى »تولا، چېقىمچى، ھەسەتخور، غەيۋەتچى تولا، تارىختىن ھاياتنىڭ چاخچىقى تولا، شۇڭىمۇ ھەممىدىن ئۇيغۇر بولماق تەس. ئىلاھا بىز ئاجىز، ساڭا تەس ئەمەس، رەھمەت قىل، بىرلەشتۈر، قىلغىن ھەم - نەپەس، ساڭىلا يىغلايمىز سەن بىلمەس ئەمەس، جاھاندا ھەممىدىن ئۇيغۇر بولماق تەس.

tarim-darya

	يامان قىززىق چىقىپتۇ .

akbar0997

	بولۇپمۇ يېزا قىشلاقلاردا ئوقۇتقۇچى بولماق تەس .

mahatjan

	ئوتقۇچى بولغۇم يوق پەقەت،      بولدۇممۇ چىكىمەن جاپا مۇشەققەت.       ۋە لىكىن ئوقوتقۇچىنىڭ ھىمايىسىدە،        ئوقۇغۇچى بولوپ ئۆتسەم دەيمەن تا ئەبەت.

kakkuk11

	apndim يوللىغان ۋاقتى  2013-9-11 12:48 PM بەزىلەر دىيىشەر دىھقان بولماق تەس، بەزىلەر ئېيتىدۇ مو ... ئۇيغۇر بولماق تەس ؟؟؟

asma0996

	تاڭنۇر يوللىغان ۋاقتى  2013-9-11 12:38 PM چىگىلىگەن ياغلىقنى يىشىۋەت دەيدۇ ، ساقال ھەم بۇرۇتنى ق ...   ھەجەپ ئىسىل يېزىلغان شېئىركىنا....! ئاخىرى بولسا يېزىۋەتمەمسىز؟  مەن بەك ئامراق مۇشۇنداق شېئىرلارغا.....