ئايالىم

bahwanbiz

	ئايالىم رەڭدار تۇرار تۆت تېمىم سەن بولغاچقا ئايالىم ، پارچە پۇرات يوق غېمىم سەن بولغاچقا ئايالىم ، ئارتۇقۇم بار يوق كېمىم ، سەن بولغاچقا ئايالىم ، كۆز ياش چۈشمەس بىر تېمىم، سەن بولغاچقا ئايالىم ، راھەتلىنەر بۇجېنىم  ، سەن بولغاچقا ئايالىم  . كوتولدايدۇ مىكىيان ، مەسئۇل بىرى بولمىغاچ ، ۋىچىرلايدۇ نىمىشقا بالىجانلىق قارلىغاچ ، ھالال جۈپتى بولمىسا كىم ياشايدۇ زارلىغاچ ، كۈن قېشىدا تولۇنئاي كۈلۈپ تۇرسۇن  پارلىغاچ ، كېرەك ئەمەس يات خېنىم ، سەن بولغاچقا ئايالىم . مېھرىڭ بىلەن تۇتىشار ئائىلىنىڭ تۈتۈنى ، باراۋەرلىك ئىمزادا پۈتۈلىدۇ بېتىمى ، يول قويۇشلار ، ئۆتۈنۈش بولدى قانچە قېتىمى ؟ ئاددىللىقتا ئايرىلار < قىلمىشكار > نىڭ ھۆكىمى ، قىسىلمايدۇ بۇ تىلىم سەن بولغاچقا ئايالىم . بەرىكەتلىك قوللاردا قايناپ تۇردى قازانلار ، كۈچ يىغىلىپ بىلەككە ھەرىكەت قىلدى بازغانلار ، قايتىپ كەلسۇن ئۆيىگە ، بىلىپ – بىلمەي ئازغانلار ، ئانىلارنى كۈيلەيدۇ شەجەرىنى يازغانلار ، چارچىمايدۇ بۇ بېلىم ، سەن بولغاچقا ئايالىم . سۈلكىتىڭدە گۈل بولۇپ ،ياشاپ  كەلدىڭ ئىپپەتلىك ، سەمىيمىيەت بابىدا باھا ئالدىڭ قممەتلىك ، دوست – دۈشمەنلەر ئالدىدا كىم ئوروقكەن ، كىم ئەتلىك ؟ ئەل جامائەت ئالدىدا ئېرىڭ بولدى ھۆرمەتلىك ، ئۇزۇن بولدى بۇ تىلىم ، سەن بولغاچقا ئايالىم . قىنيىئاتاڭ ، قىيئاناڭ رازى بولدى سېنىڭدىن ، ئۇرۇق  -تۇغقان ھەققىنى ئەزىز بىلدىڭ جېنىڭدىن ، مىننەت تەلەپ قىلمىدىڭ ئاچا ، سىڭىل – ئىنىڭدىن ، ئۈلگە ئالسۇن باشقىلار ، ئەۋرىشكە بەر قېنىڭدىن ، ئەۋلاد ئالار نۇر _ئىلىم ، سەن بولغاچقا ئايالىم . مۇزلىمايدۇ قايناقسۇ ،كىيىملىرىم پۈرلەشمەس ، مايلىق تۇرسا ئاشقازان ، ئۈچەي ھەرگىز چۆللەشمەس ، بىسەرەمجان ھالەت يوق  ،ياقا، يەڭلەر كىرلەشمەس ، يىلتىز تارتقان بۇ كۆڭۈل ئۆزگە باغقا ئۆزلەشمەس ، نورمال يەلدە چاقلىرىم  ، سەن بولغاچقا ئايالىم . ئەر كاپىتان تۇتسا رول ، كۆك چېيىنى دەملەيسەن ، يىڭنە چاغلىق كېرەكلىك نەرسە بولسا غەملەيسەن ، بەزەن كۆڭۈل پۇچۇلسا ، كۆز يېشىڭدا يەملەيسەن ، قوپال تۇرمۇش كەشىنى كىرپىگىڭدە چەملەيسەن ، بولماس شۇڭا داغلىرىم ، سەن بولغاچقا ئايالىم . كۆپەيمەكتە كۈن ئارىلاپ توي –تۆكۈن ۋە رەسمىيەت ، سەن ساقلىغان نەرسىدە بارمۇ بىر خىل خاسىيەت ، شاپائەت بار،  يەتمىدى بالىلارغا ئەرزىيەت ، يۈز ئۆرىسەڭ مېنىڭدىن قالدۇرىمەن ۋەسىيەت. ھايات گۈدەك چاغلىرىم ، سەن بولغاچقا ئايالىم . كۆز نۇرۇڭدا  ساقايدى زوكام تەگكەن ئۆپكىلەر ، تۇخۇم كەبىي كۆپەيدى قوي كالا ھەم ئۆچكىلەر ، يەڭگىل ، يەڭگىل تىنىقلار كۈلۈمسىرەپ چۈش كۆرەر ، ئوقوم سۇنسا يانداشساڭ ، ماغدۇرۇمغا كۈچ كىرەر ، قوۋۇرغىلىق ياغلىرىم،  سەن بولغاچقا ئايالىم . ئىشتىن قايتسام پۇرايمەن مۇھاببەتنىڭ ھېدىنى ، پەرۋىشىڭدە كۆكلەتتىڭ ئەۋلادلارنىڭ دېنىنى ، بەرىكەتلىك دۆڭ قىلدىڭ ھەمراھىڭنىڭ  يېنىنى ، ھەجەپ بولۇق ئۆستۈردۈڭ تۇرمۇش دىگەن سېدىنى ! گۈلگە تولدى باغلىرىم ، سەن بولغاچقا ئايالىم . زىلۋالىقىڭ سارغايدى ،ۋاقىت قىستى كۆزىنى ، يىقىنلىشىپ پەسىللەر ،قىلدى چاخچاق سۆزىنى ، سەگەك ھالدا بويلىدىڭ ۋەدىلەرنىڭ ئىزىنى ، چىن ئايرىدىڭ سىناقنىڭ ئۆردەك ياكى غېزىنى، شادلاندى  كۈي- تارلىرىم ، سەن بولغاچقا ئايالىم . سۈكۈتىڭدە ساقلىدىڭ بۇ ھاياتنىڭ  سىرىنى ، ئاق سۈتۈڭدە چايقىدىڭ  موھتاجلىقىنىڭ   كىرىنى ، چىشلىرىڭدا ساقلىدىڭ ئىستىمالنىڭ دىرىنى ، يارالغاندەك ياشىدىڭ ،بۇ كەپىنىڭ كېلىنى . مەغرۇر ئۆستى تاغلىرىم ، سەن بولغاچقا ئايالىم . تارقالماقتا بۇلۇتلار ،ئاي سۆيمەكتە تېرىكىم ، قىممىتىمنى ئۆلچەيسەن شۇڭا باردۇر كېرىكىم ، ھالال تەردە ئىشلىسەم ،ئاغرىمايدۇ بىلىكىم ، بىر شېرى كۈي ئىچىدە ،ئاشار مەڭگۈ تىلىكىم ، ئەجەپ سۈزۈك  تاڭلىرىم ، سەن بولغاچقا ئايالىم ! ئاپتۇرى : ئا. مۇھەممەت باغۋەن

kakkuk11

	ئەسسالامۇ ئەلەيكۇم ئاكىجان ئۇستاز شېئىرىڭىز بەك ياخشى چىقىپتۇ . سىز يازغان تۇنجى مۇخەممەس كۆرۈشۈم بۇرۇن ئۇچراتمىغان ئىدىم . بەخىتلىك ئائىلىڭىزگە تېخىمۇ كۆپ بەخىتلەرنى تىلەيمەن . مەنمۇ خوتۇن ئالسام ئۇنى بىر كۈيلەپ يېزىۋەتمىسەم ھى ھى

ablimitt

	بەك كۆپ بولمىغان بولسا ئايالىم چارچىغاندا ئۇقۇپ بېرىپ ، ساپاندىن چىقىرىپ سۆرەمگە سالاركەنمەن.

tarim-darya

	ياخشى يېزىلغان مۇخەممەس ئىكەن .جاپاكەش ئاياللىرىمىزنى داڭلاشقا لايىقمىز .چۇنكى ئائىلدە  باللىرىمىزغا مىھرىبان ئانا . ئۆيگە يۆلەك ...

zapar

	يوۋ باللا، خاتۇن دېگەننى شەرەت بىلەن باشقۇرىمىز دەيمەن، ئەگەر بۇ شېئىرنى خاتۇنۇمغا ئوقۇپ بەرسەم مېنى چوقۇم ئۈرۈمچىگە ئاپىرىدۇ.

mahatjan

	ئالەمنىڭ گۈزەللىكى ئادەملەر بىلەن،   ئادەمنىڭ گۈزەللىكى بالىلار بىلەن.   ئالەمنىڭ،ئادەمنىڭ شۇ گۈزەللىكى،    شۇ جاپكەش مىھرىبان ئانىلار بىلەن.

rizwangul0995

	رەھمەت بەزى ئىنكاسلارغا كۇلمەي تۇرالمىدىم .....

uqkun5

	ئاياللار بىلەن دۇنيا گۇزەلدۇر. ئاياللار ئەرلەرگە يۇگەندۇر.

nurchi01

	ھەي بەزى..........