،يوقاتقىنىڭنى قەدەر-قىممەتتىن تاپ!!!

sandal

	دوستۇم سېنى دائىم كۆرگۈنىمدە غادىيىپ تۇرۇپ باداڭدەك يوغان قۇرسىغىڭنى مەننۇنلۇق بىلەن سىلاپ ،ئەتراپتىكىلەرگە بىر خىل مەنسىتمەسلىك نەزىرىڭ بىلەن قاراپ قويىدىغانلىقىڭنى كۆرۈمەن.بۇ«قامىتىڭ»دىن پەخىرلەنگىنىڭنى ئىسپاتلاپ تۇرۇپتۇ،مەن نۇرغۇن ئانىلارنى كۆرگەن ئۇلار بارغانسىرى يوغىناۋاتقان قۇرسىغىنى سىلاپ تۇرۇپ پەخىرلىنىدۇ،ھاياتلىقتىكى بۇ روشەن سلىشتۇرما دائىم مېنى چوڭقۇر ئويغا سېلىپ قويىدۇ،ئويلاپ باق،سەن بىلەن ئەشۇ ئانىلار ئوتتۇرسىدىكى پەرىق نىمە؟سەن ھاياتقا بولغان كۈچلۈك مۇھەببەت بىلەن ئېتىلىۋاتقان«دۇنيا مېھرى مۇھەببەتكە تولسۇن»دىگەن سۆزنى ئاڭلىغانىڭدا «مەنمۇ مۇشۇ دۇنيادا ياشاۋاتىمەن ھاياتلىقتا مېنىڭمۇ تېگىشلىك بۇرچۇم بار مەن قانداق قىلىشىم كېرەك دەپ ئويلاپ باقتىڭمۇ؟»رەنجىمىگىىن دوستۇم راست گەپ قىلاي ئەقىل كۆزۈم كۆرۈپ تۇرۇپتىكى سەن ئويلاپ باقمىدىڭ،ئەگەر ئويلىغان بولساڭ يوغان قۇرسىغىڭدىن،   غادايغان قامىتىڭدىن ئەمەس نىمىدىن ھەقىقى پەخىرلىنىشنى بىلگەن بولاتتىڭ.شۇنى بىلگىنكى ئىنساننىڭ ئۇلۇقلىغى ئۇنىڭ قەدىر قىممىتىدە،قەدىر-قىممەت بولمىسا ھەر قانچە قەددى قامەت(يوغان قۇرساق)بولغان بىلەنمۇ ئۇنىڭ ئانا تۇپراقتا قەد كۆتۈرۈپ تۇرغان بىر تۈپ تېرەكچىلىك قىممىتى بولمايدۇ،چۈنكى قەدىر-قىممىتى بولمىغان ئادەم ئۆزىگىمۇ ئۆزگىگىمۇ نەپ يەتكۈزەلمەيدۇ  .ئەمما تېرەك ھاياتلىق ئىكىلوگىيەسىنى قوغداپ تەبىئەتكە گۈزەللىك ئاتا قىلالايدۇ،مانا بۇ تېرەكنىڭ خىسلىتى،تېرەكنىڭ قىممىتىدۇر.شۇنداق بەزى ئادەملەردە يوق خىسلەت ۋە قىممەت ئۆسۈملىكلەردە،ھايۋانلاردا بار.ھېلىقى قۇرسىقى بارغانسىرى يوغىناۋاتقان ئانىلار يېڭى بىر ھاياتلىقنى دۇنياغا ئاپىرىدە قىلىدىغانلىغى ئۈچۈن پەخىرلەندى،مانا بۇ ھاياتنى سۆيگەنلىك،ھاياتقا بولغان كۈچلۈك مۇھەببەت،ئانىنىڭ خىسلىتى،ئانىنىڭ قىممىتىدۇر،سەنمۇ بىر ۋاقىتلاردا ئاناڭنىڭ قۇرسىغىدا ئىدىڭ،شۇ ۋاقىتتا ئاناڭ قۇرسىغىنى سىلاپ تۇرۇپ ھاياجانلانغان،كېيىن مۇھەببەتنىڭ تەپتىدىن تۇغۇلدۇڭ،قامەتلىك چوڭ بولدۇڭ،ئانا سۈتىدىمۇ مۇھەببەتنىڭ تەپتى بار.دىمەك يارىلىشىڭ مۇھەببەتتىن ئىدى،ئەجىبا ئانا مۇھەببىتىنىڭ ئوتلۇق تەپتى،ئاپپاق سۈتىنىڭ خۇشپۇراق ھىدى ھۇجۇدىڭدىن غايىپ بولدىمۇ؟ئەقىل كۆزۈڭ تورلىشىپ قەلبىڭگە چاڭ توزاڭ قوندىمۇ؟ئۇنداق بولغاندا سەن ئاناڭغا ۋىجدانىڭغا يۈز كېلەلەمسەن؟بۇ دۇنيادا ھەممىدىن پاك،ھەممىدىن ئۇلۇق ھەممىدىن قىممەتلىك،مېھرى مۇھەببەتكە باي ئانىغا يۈز كېلەلمەسلىكتىنمۇ ئازاپلىق ئىش بولارمۇ...! دوستۇم دۇنيا گۈزەل،ھاياتلىقمۇ گۈزەل،شارائىتمۇ ئەۋزەل،ئارقاڭغا قاراپ ئەتراپىڭغا نەزەر سال،باسقان ئىزلىرىڭغا سىنچىلااپ قارا،سوغۇققانلىق بىلەن چوڭقۇر ئويلاان،سەن ھاياتلىق مۇساپەڭدە ئەل-ۋەتەن ئۈچۈن تۆھپە يارىتالىدىڭمۇ؟كىشىلەرگە مىھرى مۇھەببەت ئاات قىلالىدىڭمۇ؟ئەمەليەتتە ئادەملەردە مېھرى-مۇھەببەت بولمىسا ھاياتلىقنىڭ ھېشقانداق لەززىتى بولمايدۇ،دۇنيانى  مېھرى-مۇھەببەتكە تولدۇرۇش ئۈچۈن ھەر بىر ئادەم بىر ئۈلۈش بىر-ئۈلۈشتىن مۇھەببەت ئاتا  قىلىشى،بۇ مۇھەببەت پاك،ئىللىق،سەمىمى،غەرەزسىز بولىشى   كېرەك.دوستۇم تەكەببۇرلىقنى،مەنمەنچىلىكنى ئارقاڭغا تاشلاپ ئەسلىڭگە قايىت باشقىلار ئاتا قىلغاننى سەنمۇ ئاتا قىلالايسەن،قامىتىڭ ئامىتىڭ ئەمەس  ،يوقاتقىنىڭنى قەدەر-قىممەتتىن تاپ!!! مەنبە:ئۆزەم

sawir724

	ئاللاھ رەھمەت قىلسۇن قىرىندىشىم سىزگە بەك ياخشى يىزىپسىز

nazigul8

	شۇنى بىلگىنكى ئىنساننىڭ ئۇلۇقلىغى ئۇنىڭ قەدىر قىممىتىدە، قەدىر-قىممەت بولمىسا ھەر قانچە قەددى قامەت(يوغان قۇرساق)بولغان بىلەنمۇ ئۇنىڭ ئانا تۇپراقتا قەد كۆتۈرۈپ تۇرغان بىر تۈپ تېرەكچىلىك قىممىتى بولمايدۇ، چۈنكى قەدىر-قىممىتى بولمىغان ئادەم ئۆزىگىمۇ ئۆزگىگىمۇ نەپ يەتكۈزەلمەيدۇ . دوستۇم دۇنيا گۈزەل، ھاياتلىقمۇ گۈزەل، شارائىتمۇ ئەۋزەل، ئارقاڭغا قاراپ ئەتراپىڭغا نەزەر سال! باسقان ئىزلىرىڭغا سىنچىلاپ قارا! سوغۇققانلىق بىلەن چوڭقۇر ئويلان! سەن ھاياتلىق مۇساپەڭدە ئەل-ۋەتەن ئۈچۈن تۆھپە يارىتالىدىڭمۇ؟ كىشىلەرگە مىھرى مۇھەببەت ئاات قىلالىدىڭمۇ؟ يۇقۇرىدىكى مۇنۇ گەپلەر ياخشى يېزىلىپتۇ ئەجرىڭىزگە رەھمەت!

uyol

	راسلا ئېسىل چىقىپتۇ.ەھمەت سىزگە

banu.

	ئويلىنىشقا  تىگىشلىك ...... بەزى  ۋاقىتلاردا  قەدىر  قىممەتنىڭ  نىمىلىگىنى  بىلمەي  يۈرۈپ كەتكەن كۈنلەرنىچۇ   !~! ئۇف

mahatjan

	شۇنى بىلگىنكى ئىنساننىڭ ئۇلۇقلىغى ئۇنىڭ قەدىر قىممىتىدە، قەدىر-قىممەت بولمىسا ھەر قانچە قەددى قامەت(يوغان قۇرساق)بولغان بىلەنمۇ ئۇنىڭ ئانا تۇپراقتا قەد كۆتۈرۈپ تۇرغان بىر تۈپ تېرەكچىلىك قىممىتى بولمايدۇ، چۈنكى قەدىر-قىممىتى بولمىغان ئادەم ئۆزىگىمۇ ئۆزگىگىمۇ نەپ يەتكۈزەلمەيدۇ .   توغرا.

akyda007

	ناھايتى ياخشى يېزىپسىز،،،،باركاللاا ،،،،كۆڭلۇم خېلى نۇرلىنىپ قالدى