ئۇستاز روھى

xohtekin

	_ (قەسىدە) XOHTEKIN ياغدۇراي مەدھىيە ساڭا ئەي ئۇستاز، چۈنكى سەن دىللارغا نۇرلار چاچقۇچى. بىر ئۆمۈر ھارماستىن ئىشلەپ ئەل ئۈچۈن، مۈشكىلات توسقۇندىن يوللار ئاچقۇچى. ئىجادنىڭ مەنبىئى-سېنىڭ ئەجرىڭدىن، ئۇچقۇندىن ئۇلغۇيۇپ ياندى، پارلىدى. پەن-بىلىم بابىدا تاپقاچ يۈكسىلىش، ئۈمۈدۋار دىللاردا شاتلىق يايرىدى. مىھنىتىڭ بىباھا تۆھپەڭ بىھىساپ، ئىنساننىڭ روھىغا ئىنژىنېر ئۇستاز. جۇش ئۇرار قەلبىڭدە ئۇلۇغۋار ئىستەك، ۋۇجۇدىڭ گوياكى غۇبارسىز قۇياش. مۇبارەك ئۆمرۈڭگە تىلەيمەن شاتلىق، ھۆرمىتىڭ شەنىگە يازاي كۈي-داستان. سەن خەلقىم ئۈمىدى ۋەتەننىڭ پەخرى، ئەۋلادلار مەشئىلى نىجادكار ئىنسان. ئۇستازىم جاپايىڭ بەختىڭدۇر ئەبەد، ھىممىتىڭ تۈگىمەس زۇمرەت زەر بۇلاق. رىقابەت جار سالغان سىرلىق ئالەمدە، سەن بولغاچ ھاياتتا يولىمىز  پارلاق. دىيارى كەلپىن

musilina

	رەھمەت ئۇستازلارنىڭ شەنىگە ئاتاپ يازغان شېئىرىڭىزغا، شېئىرىڭىزنى ئوقۇپ ئۆزۈمنىڭ ئوقۇتقۇچى بولغىنىمدىن يەنە بىر رەت پەخرىلەندىم،...... ئەتىكى ئوقۇتقۇچىلار بايرىمى مۇناسىۋىتى بىلەن بارلىق كەسپداشلىرىمنىڭ ئەتىكى ئوقۇتقۇچىلار  قىزغىن بايرىمىنى تەبرىكلەيمەن....

سەفەر

	ئوقۇتقۇچىلار بايرىمىنى قىزغىن تەبرىكلەيمەن

ئەرتۇرا

	     بىباھا گۆھەردەك خىسلىتىڭ  ئۇستاز ( ئوقۇتقۇچىلار بايرىمىغا سوغاتلىق) بىباھا گۆھەردەك خىسلىتىڭ ئۇستاز، يوق شۇڭا تۆھپەڭگە مىننىتىڭ ئۇستاز. ھەممە دەر ئوقۇتۇش جاپالىق خىزمەت، لېكىن ساڭا راھەت قىسمىتىڭ ئۇستاز. راست ئىكەن ئالتۇننى زەرگە بىلىشى، ئالىمغا بىلىنەر قىممىتىڭ ئۇستاز. چەكتىن ئاشسا خىزمىتىڭ ھار ئالمىدىڭ، جاپالىق خىزمەتتە قات-قېتىڭ ئۇستاز. چۈنكى ئوقۇتۇشتىن باشقا ئىشىڭ كۆپ، ئىش بىلەن تولىدۇ كۆپ قېپىڭ ئۇستاز. ئوقۇتۇش ئۈنۈمسىز يالماپ باشقا ئىش، چېلىنماس ھەسرەتلىك شۇ دېپىڭ ئۇستاز. يەنىلا پاك سۆزلەپ پاك ياشاپ كەلدىڭ، پاك ياشاش بوپ كەلدى خىزمىتىڭ ئۇستاز. «ئاق» قايسى؟«قارا»ھەم بىلمەيتى ئەۋلاد، ئەۋلادقا بىلدۈرگەن ھىممىتىڭ ئۇستاز. ئەۋلادى مىللەتنىڭ تەقدىرى يورۇق، بولغاچقا ئەۋلادقا «نۇر» گىپىڭ ئۇستاز. قەدرىڭنى بىلگەنلەر گۈللەندى شۇڭا، بىلمىگەن خارلاندى قۇت تېپىڭ ئۇستاز. ئەل ۋەتەن ئۈمۈدى پەقەت سىنىڭدە، شاتلانسۇن ئارمانىڭ پاك سېپىڭ ئۇستاز. 2013-9-10            مۇئەللىم ئورنى پەس. 1 «ساراڭ» دەر سۆزلىسەم  مەن ساراڭ ئەمەس، سۆزلىدىم ئوقۇتۇش بولغاچقا بىر خەس. ئانا تىل يەكلىنىپ باستى يەنە  نەس، ئۇستازنى نەس باسسا ئەل خاراپ پەۋەس. مۇئەللىم ئورنى پەس، ئەلنىڭ بەختى تەس. 2 باشلىقلار تۇرىدۇ خۇددى داھىدەك، كۆرمەيدۇ پۇخرانى كەشى لايىدەك. يالۋىرىپ  چاپىمىز ئىشقا يايىدەك، بىز ماتا ئۇلاردۇر ئەتلەس شايىدەك. مۇئەللىم ئورنى پەس ئەلنىڭ بەختى تەس. 3 شۇ تۈزۈم سەۋەپلىك باردۇر داۋامسىز، سۆھبەتتە يىغمىساق بىزلەر  يارامسىز. تەنقىدلەر بىزنىلا كىرىپ سالامسىز، قورقۇتۇپ تىللايدۇ «سىلەر بولامسىز!»، مۇئەللىم ئورنى پەس ئەلنىڭ  بەختى تەس. 4 دىن چەكلەشتىن ئەخلاق ئۆزلىشىپ ئالا،   كۆپەيمەكتە مەكتەپتە داۋامسىز بالا . شۇڭلاشقا بىلىملەر ئۆزلىشىپ چالا ، رىزاسىز بۇرچىمىز ئايلىنار دالا. مۇئەللىم ئورنى پەس ئەلنىڭ بەختى تەس. 5 ئوقۇغۇچى قىرىقتىن كۆپ سىنىپتا ، كۈنلۈك بىردىن تاپشۇرۇق بار قېلىپتا. ئامال يوق بۇنىڭغا بىزدەك غېرىپتا. چارچايمىز تۈزۈمنى ساناپ ئېيىپتا ، مۇئەللىم ئورنى پەس ئەلنىڭ بەختى تەس. 6 بالىنى ئازىلاپ ئۇستازنى خارلاپ، ماڭغان مائارىپ تۈگىشىدۇ زارلاپ. ھەم ياراملىق ئەۋلات چىقمايدۇ پارلاپ ، قارايلى تارىخقا ئىبرەتلىك چارلاپ، مۇئەللىم ئورنى پەس، ئەلنىڭ بەختى تەس. (7 ئىلىمگە خىيانەت، ئەلگە قىيامەت ، بىراق بىزدە كۆپتۇر بۇنداق قىياپەت. بولسىمۇ ئۇستازغا ياخشى سىياسەت. لىكىن بىزدە يوقتۇر ئۇنداق دىيانەت.، مۇئەللىم ئورنى پەس، ئەلنىڭ بەختى تەس. 8 باشقىلار ئۇستازنى   ئۇلۇغ بىلىدۇ ، شۇڭا  ئۇلار باي  بەخىتلىك كىلىدۇ، بىزدە غاجاپ تىللاپ ئەخمەق قىلىدۇ، ھالىمىز شۇڭلاشقا يۈرەك تىلىدۇ. مۇئەللىم ئورنى پەس، ئەلنىڭ  بەختى تەس. 9 ئۇ ئايدىن بۇئايغا مائاش يەتمەيدۇ، مال باھا ئۆسۈشتىن نېرى كەتمەيدۇ، توي تۆكۈن مائاشنى تازا  ئەپلەيدۇ. شۇڭلاشقا نامراتلىق بىزنى خەپلەيدۇ، مۇئەللىم ئورنى پەس ، ئەلنىڭ  بەختى تەس. 10 ھەربىر  خەت پىلاندا بولمىساق زىرەك، ئايلىنىپ قالارمىز كىرەكسىز تىزەك. شۇڭا بەك ئىشلەيمىز خىزمەتنى دىمەك. ئىشلەشتە يوق بىزگە بىرەرمۇ تىرەك، مۇئەللىم ئورنى پەس ، ئەلنىڭ بەختى تەس. 11 ھاجەت راۋا بولماي تۇرىدۇ سەپ-سەپ، باشقىغا بىزلەردىن تەگمىگەچكە نەپ، قاچاركەن ھەممىسى«نەپ تەگمىدى» دەپ، شۇڭلاشقا غەم باسار بولۇپ بىر سەلەپ، مۇئەللىم ئورنى پەس ، ئەلنىڭ بەختى تەس. 12 ئوقۇتۇشنى دىمەس  «جاپالىق ئەمگەك»، بار تېخى «ھەممىدىن ئاسان »دەپ كەتمەك. يوقتۇر ھەقىقەتنى  ئىزدىمەك يەتمەك، شۇڭا بارساختىلىق يوقنى بار ئەتمەك، مۇئەللىم ئورنى پەس، ئەلنىڭ  بەختى تەس. 13 چېقىمچى چاقىدۇ باشلىققا داتلاپ، غەيۋەتخور غاجايدۇ قارىنى چاپلاپ، دۈشمىنىڭ يۈرۈيدۇ ئەتراپنى قاپلاپ، ياراتماي دوستلۇرۇڭ كىتىدۇ ياتلاپ. مۇئەللىم ئورنى پەس، ئەلنىڭ بەختى تەس. 14 تىلىمىز ئىدى بەك ئۇلۇغ ھىكمەتتە، " ئەڭ گۈزەل تىل يېزىقكەن " دەپ زىننەتتە. خەلقارادا يۈرەر  ئەنە  ئىززەتتە بىراق بىزدە  سانالدى بەك ئىللەتتە، مۇئەللىم ئورنى پەس، ئەلنىڭ بەختى تەس. 15 قوشتىل ، شۇ «قوشتىل»دەك ئادىل ئاقمايدۇ، تەلەپ پىكىر  ھەق گەپ  پەقەت ياقمايدۇ، ھەرىمۇ بىر-بىرنى بىزدەك چاقمايدۇ، ئۇستازىغا  بىزدەك  كۆزدە باقمايدۇ. مۇئەللىم ئورنى پەس، ئەلنىڭ بەختى تەس. 16 جاپالىق ئىشلىسەڭ ئەجرىڭ چىقار كەم، ھەقىقەت بولمىغاچ خۇلاسىدە  ھەم ، ئەقىللىق بولساڭمۇ ئىشلەتسەڭمۇ پەم، ئازاپلار ھەممىسى يوقتۇر تاتلىق تەم، مۇئەللىم ئورنى پەس، ئەلنىڭ بەختى تەس. 17 مائارىپتا خورىتىش بولغاچ  بەك  تولا، مۇئەللىم ئىشى كۆپ تەگمەيدۇ چولا ، ئىشلار كۆپ  ھەم ئېغىر، يېغىردۇر دولا. جاپا بولسا ئىنسانغا شۇنچىلىك بولا، مۇئەللىم ئورنى پەس، ئەلنىڭ بەختى تەس. 18 ئوقۇتۇشتىن مۇھىم ئۇقتۇرۇش دائىم ، بۇيرۇقنى ئاڭلىشىڭ كىرەك بەك لازىم. ئوقۇتۇش بىر چەتتە قالار يەپ ۋايىم ، (قاچانمۇ كىلەر؟) دەپ مىنىڭ باھارىم. مۇئەللىم ئورنى پەس ئەلنىڭ بەختى تەس. 19 ئەمىليەتتىن  ئىزدىمەي ھەقىقەتنى ، يەكلەيدۇ دائىملا ھەق پەزىلەتنى. مۇئەللىم تاپالماس ھەق ھەرىكەتنى. قىينىلىپ ئىزدەيدۇ پاك تەبىئەتنى. مۇئەللىم ئورنى پەس ئەلنىڭ بەختى تەس. 20 مۇشەققەت دەستىدىن ئاقارغان بۇ چاچ، بولغاچقا خىزمەتلەر ئەگرى گادىرماچ. بەختىمىز ھەردائىم تۇرسىمۇ قاچ-قاچ، ئۈمۈدۋار بىز لىكىن ھەقىقەت بولغاچ، مۇئەللىم ئورنى پەس ئەلنىڭ  بەختى تەس. 2013-8    مەنبە :ئۆز قەلىمىم.

ئەرتۇرا

	     بىباھا گۆھەردەك خىسلىتىڭ  ئۇستاز ( ئوقۇتقۇچىلار بايرىمىغا سوغاتلىق) بىباھا گۆھەردەك خىسلىتىڭ ئۇستاز، يوق شۇڭا تۆھپەڭگە مىننىتىڭ ئۇستاز. ھەممە دەر ئوقۇتۇش جاپالىق خىزمەت، لېكىن ساڭا راھەت قىسمىتىڭ ئۇستاز. راست ئىكەن ئالتۇننى زەرگە بىلىشى، ئالىمغا بىلىنەر قىممىتىڭ ئۇستاز. چەكتىن ئاشسا خىزمىتىڭ ھار ئالمىدىڭ، جاپالىق خىزمەتتە قات-قېتىڭ ئۇستاز. چۈنكى ئوقۇتۇشتىن باشقا ئىشىڭ كۆپ، ئىش بىلەن تولىدۇ كۆپ قېپىڭ ئۇستاز. ئوقۇتۇش ئۈنۈمسىز يالماپ باشقا ئىش، چېلىنماس ھەسرەتلىك شۇ دېپىڭ ئۇستاز. يەنىلا پاك سۆزلەپ پاك ياشاپ كەلدىڭ، پاك ياشاش بوپ كەلدى خىزمىتىڭ ئۇستاز. «ئاق» قايسى؟«قارا»ھەم بىلمەيتى ئەۋلاد، ئەۋلادقا بىلدۈرگەن ھىممىتىڭ ئۇستاز. ئەۋلادى مىللەتنىڭ تەقدىرى يورۇق، بولغاچقا ئەۋلادقا «نۇر» گىپىڭ ئۇستاز. قەدرىڭنى بىلگەنلەر گۈللەندى شۇڭا، بىلمىگەن خارلاندى قۇت تېپىڭ ئۇستاز. ئەل ۋەتەن ئۈمۈدى پەقەت سىنىڭدە، شاتلانسۇن ئارمانىڭ پاك سېپىڭ ئۇستاز. 2013-9-10            مۇئەللىم ئورنى پەس. 1 «ساراڭ» دەر سۆزلىسەم  مەن ساراڭ ئەمەس، سۆزلىدىم ئوقۇتۇش بولغاچقا بىر خەس. ئانا تىل يەكلىنىپ باستى يەنە  نەس، ئۇستازنى نەس باسسا ئەل خاراپ پەۋەس. مۇئەللىم ئورنى پەس، ئەلنىڭ بەختى تەس. 2 باشلىقلار تۇرىدۇ خۇددى داھىدەك، كۆرمەيدۇ پۇخرانى كەشى لايىدەك. يالۋىرىپ  چاپىمىز ئىشقا يايىدەك، بىز ماتا ئۇلاردۇر ئەتلەس شايىدەك. مۇئەللىم ئورنى پەس ئەلنىڭ بەختى تەس. 3 شۇ تۈزۈم سەۋەپلىك باردۇر داۋامسىز، سۆھبەتتە يىغمىساق بىزلەر  يارامسىز. تەنقىدلەر بىزنىلا كىرىپ سالامسىز، قورقۇتۇپ تىللايدۇ «سىلەر بولامسىز!»، مۇئەللىم ئورنى پەس ئەلنىڭ  بەختى تەس. 4 دىن چەكلەشتىن ئەخلاق ئۆزلىشىپ ئالا،   كۆپەيمەكتە مەكتەپتە داۋامسىز بالا . شۇڭلاشقا بىلىملەر ئۆزلىشىپ چالا ، رىزاسىز بۇرچىمىز ئايلىنار دالا. مۇئەللىم ئورنى پەس ئەلنىڭ بەختى تەس. 5 ئوقۇغۇچى قىرىقتىن كۆپ سىنىپتا ، كۈنلۈك بىردىن تاپشۇرۇق بار قېلىپتا. ئامال يوق بۇنىڭغا بىزدەك غېرىپتا. چارچايمىز تۈزۈمنى ساناپ ئېيىپتا ، مۇئەللىم ئورنى پەس ئەلنىڭ بەختى تەس. 6 بالىنى ئازىلاپ ئۇستازنى خارلاپ، ماڭغان مائارىپ تۈگىشىدۇ زارلاپ. ھەم ياراملىق ئەۋلات چىقمايدۇ پارلاپ ، قارايلى تارىخقا ئىبرەتلىك چارلاپ، مۇئەللىم ئورنى پەس، ئەلنىڭ بەختى تەس. (7 ئىلىمگە خىيانەت، ئەلگە قىيامەت ، بىراق بىزدە كۆپتۇر بۇنداق قىياپەت. بولسىمۇ ئۇستازغا ياخشى سىياسەت. لىكىن بىزدە يوقتۇر ئۇنداق دىيانەت.، مۇئەللىم ئورنى پەس، ئەلنىڭ بەختى تەس. 8 باشقىلار ئۇستازنى   ئۇلۇغ بىلىدۇ ، شۇڭا  ئۇلار باي  بەخىتلىك كىلىدۇ، بىزدە غاجاپ تىللاپ ئەخمەق قىلىدۇ، ھالىمىز شۇڭلاشقا يۈرەك تىلىدۇ. مۇئەللىم ئورنى پەس، ئەلنىڭ  بەختى تەس. 9 ئۇ ئايدىن بۇئايغا مائاش يەتمەيدۇ، مال باھا ئۆسۈشتىن نېرى كەتمەيدۇ، توي تۆكۈن مائاشنى تازا  ئەپلەيدۇ. شۇڭلاشقا نامراتلىق بىزنى خەپلەيدۇ، مۇئەللىم ئورنى پەس ، ئەلنىڭ  بەختى تەس. 10 ھەربىر  خەت پىلاندا بولمىساق زىرەك، ئايلىنىپ قالارمىز كىرەكسىز تىزەك. شۇڭا بەك ئىشلەيمىز خىزمەتنى دىمەك. ئىشلەشتە يوق بىزگە بىرەرمۇ تىرەك، مۇئەللىم ئورنى پەس ، ئەلنىڭ بەختى تەس. 11 ھاجەت راۋا بولماي تۇرىدۇ سەپ-سەپ، باشقىغا بىزلەردىن تەگمىگەچكە نەپ، قاچاركەن ھەممىسى«نەپ تەگمىدى» دەپ، شۇڭلاشقا غەم باسار بولۇپ بىر سەلەپ، مۇئەللىم ئورنى پەس ، ئەلنىڭ بەختى تەس. 12 ئوقۇتۇشنى دىمەس  «جاپالىق ئەمگەك»، بار تېخى «ھەممىدىن ئاسان »دەپ كەتمەك. يوقتۇر ھەقىقەتنى  ئىزدىمەك يەتمەك، شۇڭا بارساختىلىق يوقنى بار ئەتمەك، مۇئەللىم ئورنى پەس، ئەلنىڭ  بەختى تەس. 13 چېقىمچى چاقىدۇ باشلىققا داتلاپ، غەيۋەتخور غاجايدۇ قارىنى چاپلاپ، دۈشمىنىڭ يۈرۈيدۇ ئەتراپنى قاپلاپ، ياراتماي دوستلۇرۇڭ كىتىدۇ ياتلاپ. مۇئەللىم ئورنى پەس، ئەلنىڭ بەختى تەس. 14 تىلىمىز ئىدى بەك ئۇلۇغ ھىكمەتتە، " ئەڭ گۈزەل تىل يېزىقكەن " دەپ زىننەتتە. خەلقارادا يۈرەر  ئەنە  ئىززەتتە بىراق بىزدە  سانالدى بەك ئىللەتتە، مۇئەللىم ئورنى پەس، ئەلنىڭ بەختى تەس. 15 قوشتىل ، شۇ «قوشتىل»دەك ئادىل ئاقمايدۇ، تەلەپ پىكىر  ھەق گەپ  پەقەت ياقمايدۇ، ھەرىمۇ بىر-بىرنى بىزدەك چاقمايدۇ، ئۇستازىغا  بىزدەك  كۆزدە باقمايدۇ. مۇئەللىم ئورنى پەس، ئەلنىڭ بەختى تەس. 16 جاپالىق ئىشلىسەڭ ئەجرىڭ چىقار كەم، ھەقىقەت بولمىغاچ خۇلاسىدە  ھەم ، ئەقىللىق بولساڭمۇ ئىشلەتسەڭمۇ پەم، ئازاپلار ھەممىسى يوقتۇر تاتلىق تەم، مۇئەللىم ئورنى پەس، ئەلنىڭ بەختى تەس. 17 مائارىپتا خورىتىش بولغاچ  بەك  تولا، مۇئەللىم ئىشى كۆپ تەگمەيدۇ چولا ، ئىشلار كۆپ  ھەم ئېغىر، يېغىردۇر دولا. جاپا بولسا ئىنسانغا شۇنچىلىك بولا، مۇئەللىم ئورنى پەس، ئەلنىڭ بەختى تەس. 18 ئوقۇتۇشتىن مۇھىم ئۇقتۇرۇش دائىم ، بۇيرۇقنى ئاڭلىشىڭ كىرەك بەك لازىم. ئوقۇتۇش بىر چەتتە قالار يەپ ۋايىم ، (قاچانمۇ كىلەر؟) دەپ مىنىڭ باھارىم. مۇئەللىم ئورنى پەس ئەلنىڭ بەختى تەس. 19 ئەمىليەتتىن  ئىزدىمەي ھەقىقەتنى ، يەكلەيدۇ دائىملا ھەق پەزىلەتنى. مۇئەللىم تاپالماس ھەق ھەرىكەتنى. قىينىلىپ ئىزدەيدۇ پاك تەبىئەتنى. مۇئەللىم ئورنى پەس ئەلنىڭ بەختى تەس. 20 مۇشەققەت دەستىدىن ئاقارغان بۇ چاچ، بولغاچقا خىزمەتلەر ئەگرى گادىرماچ. بەختىمىز ھەردائىم تۇرسىمۇ قاچ-قاچ، ئۈمۈدۋار بىز لىكىن ھەقىقەت بولغاچ، مۇئەللىم ئورنى پەس ئەلنىڭ  بەختى تەس. 2013-8    مەنبە :ئۆز قەلىمىم.

tewelgha

	بارلىق ئۇستازلار ، بايرىمىڭلارغا مۇبارەك بولسۇن !!!! __________________________           بىپەرۋا بىرسى دېدى مېنى زەر گۆھەر ، بىرسى دىدى كېرەكسىز چالما . بىرسى دىدى مېۋىسىز بىر شاخ ، بىرسى دېدى قىزارغان ئالما . بىرسى مېنى ئۇستاز دەۋىلىپ ، يۈرۈگۈمگە دەرت -ئەلەم سالدى. كۈلكىسى يالغان ،سۆرۈن تەلەتلەر، يۈرۈگۈمنى مۇجۇپ ،جېنىمنى ئالدى. ماختىغانغا ئۇچۇپ كەتمىدىم ، تىللىغانغا قىلمىدىم  پەرۋا . دەرت تارتتىم ئەممە ئۈلۈپ كەتمىدىم، كەڭ قۇرساقلىق بولدى ماڭا ھەمراھ. (بۇ ناخشىنى بەك ياخشى كۆرىمەن،شېئىردىكى مەزمۇن ھازىرقى ئوقۇتقۇچىلارنىڭ ئەھۋالىغا تولىمۇ ماس كېلىدۇ ، شۇڭا تېكستنى يوللاپ قويدۇم)

qaraxani

	قەدرىڭگە يەت ئۆزۈڭمۇ  ئۇستاز تال-تال چاچلار تۇرسا تاراقسىز، تۇرسا كىيىمىڭ رەتسىز ۋە توپا. بايرىمىڭدا ئۇستاز سىياقسىز، يۈرسەڭ قارشى ئالامدۇ كوچا. بۇ سۈرەتتە كۆرگەنلەر سېنى، دەيدۇ چوقۇم ئادەم بېدىكى. سەندىكى روھ ،سالاپەت قېنى ، بىزگە يوقمۇ ئۇستاز كېرىكى. بىر تال چېچىڭ،بىر تال تۈگمەڭدىن، كىملىگىڭنى يەكۈنلەيدۇ ئەل. يېتەكلىگەن تاي ۋە تۆگەڭدىن ، ئايان بولار ئومىچىڭ تۈگەل. ئۈلگە ئالار سېنىڭدىن بارچە، سەن كىملەرنى قىلدىڭ پىر كالان. باغۋەن بىلەن ئېچىلار  غۇنچە، باغۋەن بىلەن گۈل بەرگى خازان. قەدىر قىممەت بولسۇن بارلىقىڭ، مىللەت ئۈچۈن كېرەك ئار-نومۇس. ئۆزدىن باشلاش بولسۇن يارلىقىڭ، ھاياتقا سەن باقما پەقەت سۇس. بايرىمىڭغا كۆڭۈل بۆلمىسەڭ، كالىنداردا ،قوزۇقتا كۈنۈڭ. كەسپىڭنى يا دىلدىن سۆيمىسەڭ، ئېچىلامدۇ ئىزباسار گۈلۈڭ. مۇئەللىمسەن ،مۇئەللىمەسەن، مېڭىش-تۇرۇش ،گەپ سۆزۈڭگە باق. كۆزلەر مېنى كۆرمەس دىمە سەن، ئىزلىرىڭىدا بارمۇ نام ئاتاق؟

abaytarim

	بارلىق باغۋەنلەر بايرىمىڭلارغا مۇبارەك بولسۇن !  قەلىمىڭىزگە بەرىكەت تىلەيمەن ...

uyol

	باغۋەنلەرنىڭ بايرىمىغا مۇبارەك بولسۇن