يېڭى iPhone بازارغا سېلىنماقچى

nirvana1216

	ئىلگىرىكى خەۋەرلەردە بۇ يىل ئالما شىركىتى ئىككى دانە يېڭى iPhone بازارغا سالىدىغانلىقى ئىزچىل ئېقىپ يۈرىۋاتقان بولسىمۇ، ھازىرغىچە تېخى ئىشەنچىلىك مەلۇماتلار يوق ئىدى. بۈگۈن ئاشكارىلانغان ئىشەنچىلىك مەلۇماتلارغا ئاساسلانغاندا، بۇ خەۋەر راست بولۇپ چىققان.  ئالما شىركىتى بۇ يىل 9-ئايدا ئىككى خىل يېڭى نۇسخىدىكى ئايفوننى رەسمىي ئېلان قىلىدىغان بولۇپ، بۇلارiPhone 5S ۋە iPhone 5C دىن ئىبارەت. بۇنىڭ ئىچىدە، iPhone 5C يانفونى بولسا دەل ئاشۇ مىش-مىش خەۋىرى تارقالغىلى ئۇزۇن بولغان سۇلىياۋ قاپ سەپلەنگەن تۆۋەن باھالىق ئايفون، iPhone 5S بولسا دەرىجىسى كۆتۈرۈلگەن نۇسخىدىكى يېڭى بىر ئەۋلاد يانفونىدۇر. يەنە بىر يېڭىلىق شۇكى، ئىلگىرىكى يىللاردا يېڭى ئەۋلاد iPhone ئېلان قىلىنغان تەقدىردىمۇ، 1-تۈركۈمدە بازارغا سېلىنىدىغان دۆلەتلەر ئىچىدە جۇڭگو يوق بولۇپ، شۇ سەۋەپلىك يېڭى iPhone ئېلان قىلىنغاندا جۇڭگو بازىرىدا باھاسى ھەسسىلەپ ئۆسۈپ كېتىدىغان پاسسىپ ئامىل شەكىللەندۈرۈپ قويغان ئىدى. بۇ خەۋەرنى ئاشكارىلىغان ئىشەنچىلىك ئەربابنىڭ بىلدۈرىشىچە، بۇ ئىككى خىل ئايفون ھازىر ئاللىقاچان ئىلىمىز سانائەت ۋە ئۇچۇرلاشتۇرۇش مىنىستىرلىقىنىڭ تەستىقىدىن ئۆتكەن بولۇپ، بىرلەشمە خەۋەرلىشىش ۋە جۇڭگو تېلگىرافى تەڭلا ۋاقىتتا سېتىشنى باشلايدىكەن. تېخىمۇ مۇھىم بولغىنى شۇكى، بۇ قېتىم جۇڭگودىكى خەۋەرلىشىش كارخانىلىرى تۇنجى قېتىم يەرشارى بويىچە ماس قەدەمدە سېتىشنى يولغا قويىدىغان بولۇپ، 9-ئاينىڭ ئاخىرىغىچە يېڭى ئايفوننى سېتىۋالغىلى بولىدىكەن. بىراق، كونكىرىت سېتىلىش باھاسى ھازىرچە ئېنىق ئەمەس. كىشىلەر ئەڭ كۆڭۈل بۆلىدىغان يەنە بىر مەسىلە بار، ئۇ بولسىمۇ LTE نۇسخىدىكى ئايفون. ئىگەللىنىشىچە، ئىجازەتنامە مەسىلىسى تۈپەيلىدىن، ھازىرچە سىناق يانفونلىرىنىڭ ئورالمىسىغا LTE خېتى يېزىلمىغان. LTE نۇسخىدىكى ئايفوننىڭ ئىلىمىز بازىرىغا كىرىش-كىرمەسلىكى جۇڭگو سانائەت ۋە ئۇچۇرلاشتۇرۇش مىنىستىرلىقى تارقىتىدىغان 4G تورى ئىجازەتنامىسىگە باغلىق ئىكەن. ئەگەر بۇ ئىجازەتنامە 9-ئايدىن بۇرۇن تارقىتىلسا، ئۇ ھالدا LTE نۇسخىدىكى 4G تورىنى قوللايدىغان ئايفون دۆلىتىمىز بازىرىدا بىمالال سېتىلىدۇ؛ ئەگەر ئىجازەتنامىنىڭ تارقىتىلىش ۋاقتى كەينىگە سۈرۈلسە، ئۇ ھالدا پەقەت يانفون  سىستېمىسى، يەنى iOS قىسمىنىڭ دەرىجىسىنى كۆتۈرۈش ئۇسۇلى ئارقىلىق LTE تورىنى قوللاشنى ئىشقا ئاشۇرۇشقا بولىدۇ.

ھۆكما

	iphone 5 s  ئۆتكەن يىلى چىققان بەشىنچى ئەۋلات ئالما تېلىفۇن شۇ . ئۇ ۋاختا دۆلىتىمىز بىۋاستە كىرگۈزمىگەنلىكى  ئۈچۈن شاڭگاڭ ئارقىلىق كىرگۈزگەچكە باھسى دەسلاپتا  ئونمىڭ يۈەندىن بازارغا كىرگەن ئىدى . بۇ قىتىم دۆلىتىمىزگە بىۋاستە كىرگەچكە باھاسى تۆۋەن كىردىغۇ دەيمەن.   رەھمەت !

بانكىر

	باھاسى قانچە پۇلكەن؟

rahmansaykin

	پۇل يوق ئۇنىڭغا

axek13999649893

	رەسىمى بولسا كۆرەپ   باقىلى

uyol

	جۇڭگۇدا نېمىشقا بازارغا سېلىنمايدۇ؟؟

پەرى

	خىزمەتدىشىمنىڭ  iPhone  تېلېفۇنى يۈتۈپ كەتكەندە يىغلاپ  ئورۇقلاپ كەتكىننى  كۆرۇپ  قىممەت تېلىفۇننىمۇ تۇتامدۇ كىشى ،يەنىلا مۇشۇ ئاددىي تېلفۇنۇم ياخشىكەن ..يۈتتۇرۇپ قويساممۇ  ئازابلىنىپ  يۇرمەيدىكەنمەن دەپ ئويلىغان ئىدىم ..بۇ تېلېفۇننىڭ قانداق ئالاھىدە ئېقتىدارلىرى بار ؟

xoh-xoh024

	باھاسې 6599يۈەن

KETMEN

	شىرىنجان دەپ ئالمىنى دەريا ئاتقانلا ، ئەمدى ئالما دەپ ۋاقتىنى ، زىھنىنى ، پۇلىنى بىكارغا ئىقىتىۋاتىدۇ ، ئەلۋەتتە بۇلار بىر قىسىملار ، ئەمما بۇ بىر قىسىملا كۆپ سالماقتىدە . ھەي.......

KETMEN

	zvmrat يوللىغان ۋاقتى  2013-9-9 09:51 PM خىزمەتدىشىمنىڭ  iPhone  تېلېفۇنى يۈتۈپ كەتكەندە يىغلاپ  ئ ... ۋوجۇ ، ئەمىسە ھىلىقى ئورۇقلىتىش ئورۇنلىرى سىمىز خانىملارغا دورا بىرىپ ، چىنىقتۇرغىچە ،چەپەر ئوغرىدىن ئىككىنى ياللاپ يانفۇنىنى ئوغۇرلاتسا ، ۋاھ بىر چالمىدا ئىككى پاختەك سوقىدىكەن ئەمەسما ،سىمىز بودەك خانىم قىزلار يانفۇننىڭ دەردىدە ئورۇقلىۋالسا ، ئورۇقلاپ بولغاندىن كىيىن  ئورۇقلىتىش مەركىزى يانفۇننى قايتا ئوراپ سوۋغا قىلسا ، خانىم قىزلار خوشاللىقىدا يەنە جىق تاماق يىۋىلىپ سەمرىپ يەنە ئورۇقلىغىلى بارسا ، يەنە شۇ ئۇسۇلنى ئىشلەتسە ، ئۇرۇقلىتىش ئورۇنلىرىنىڭ خىرىدارلىرى ئۈزۈلمىسە ،پۇلنى چويلا سۈزگەندەك سۈزسە ، ئىرىقنىڭ ئا بىشىدىن ئىقىتىۋىتىپ  ،ما بىشىدىن سۈزۈپ خەجلىسە .....   ياكى مەن ئۆزۈم بىرىپ قىلىپ باقسام بولامۇ يا ؟؟؟؟   ھەمكارلىشىدىغانلا بارما ؟؟؟