كېۋەز تەرگۈچى قېرىنداشلىرىمىزغا سۆز

Erk~OghLi

	بۇ يازما بۇلتۇرمۇ يوللانغان،بۇ يىلمۇ تورداشلارغا پايدىسى تېگىپ قالار دېگەن مەقسەتتە قايتا يوللاندى شۇ تېمىىدىك ئىنكاسلاردىمۇ خېلى پايدىلىقلىرى بار، تېما ئاددرېسى: https://uyghur-archive.com/misranim/thread-87371-4-1.html يازما مەزمۇنى: ئەسسالامۇ ئەلەيكۇم؛ سەييارە كېۋەز تەرگۈچىلەردە ئۆزۈم ھېس قىلغان،ئۇلار ئىلگىرى-كىيىن يولۇققان ئەمەلىي ئىشلارنى ئويلاش جەريانىدا قېرىنداشلىرىمغا سۆزلىگۈم كەلدى. بىزنىڭ يۇرتقا ئاساسەن (مارالبېشى 49-تۈەن) يەكەن ۋە قاغىلىقتىن  كىشىلەر كۆپرەك كېلىدۇ. ئالدىغا كېلىۋاتقىلى نەچچە يىل بولدى، كەپ باقمىغان بۇ يىل كەلگەنلەرمۇ بار. بۇلاردىن بەزىلىرى بەكلا گۆدەك،ئىش ئۇقماس ھەم ئىشنىڭ ئالدى - كەينىنى ئويلىمايدىكەن 4~5مىز كەچلىك تاماقتىن كىيىن چۆگلەپ بانكا ئالدىغا كەلدۇق،كەلگەنلەر ئاساسەن شۇ يەردە كېلىشىدۇ. 20 نەچچىدەك ئۇرۇق تۇققان كېلىشىدىغان قېرىندىشىمىز سوپەككە نەرسە-كېرەكلىرىنى بېسىپ ماڭغىلى تۇرۇپتۇ. بىر ئاغىينەم نەگە ماڭدىڭلا، قاندا دىيىشتىڭلا دەپ سوراپتى ئۇلار تېخى دىيىشمىگىنىنى، تېرەمسە دېسە ھەئە دەپلا مېڭىشقىنىنى دېدى. ھەيرانلاقتا قالدۇق، كۈلۈشۈپمۇ كەتتۇق. ياندۇرۇپ دېدۇق؛ ھەي باللا، كېۋەز تېرىيدىغان كىشى مۇشۇنداقلا ماڭامدا؟  نەچچە پۇلدىن تېرىيدىغاننى ،يېتىپ قوپىدىغان ئورنۇڭلارنى،سىلەرگە تەمىنلەپ بېرىدىغان ئۇن-ياغ،سەي-كۆكتات ئۇچى-بۇچىنى دىيىشىپ ماڭمامسىلە، ئاپىرىۋېلىپلا سېنى ئەكەلدىم سوپەكتە، ماي كېتىدۇ بۇنىڭغا،كەتسەڭ ئۆزەڭ كېتىش، كىرا پۇلىنى بېرىش دەيدىغان گەپ چىقىدۇ. بۇندا ئىشنى جىق كۆرىۋاتىمىز.....دېدۇق ئاغىينىمىزنىڭ تويىدىن يېنىپ مارالبېشىدا ماشىنىغا چىقىپ قارىساق 7 ئادەم تۇرۇپتۇ، بۇنىڭ ئىچىدە نەچىسى بۇ يىل ئەمدى چىقىپتۇ،بۇلارنى بىر خەنزۇ ئېلىپ مېڭىپتۇ. قىززىق يېرى بۇلارمۇ دىيىشمەپتۇ تېرەمسە دېسە ھە دەپلا مېڭىپتۇ. ئۇلا خۇشچىراي تېخى. كىرايىمىزنى تۆلەپ بارغاندا تاماق ئەپ بېرىدىغان بولدى...ئاغزى ئاغزىغا تەگمەي ئانىسىدىىن چارە كۆرۈپ  ماختىغاندەك قىپ كېتىشتى،ئۇلار سۆزلەپ توختىغاندىن كىيىن بىز ئەمەلىي مىساللارنى دەپ ئاخىرىدا ئۇلارغا؛ كىرايىڭلارنى ئۆزۈڭلار تۆلەڭلار،بۇ تۆلىسە ئۇنىماڭلار،تاماق ئەپ بەسىمۇ يېمەڭلار، كەپ باققان بىرسىڭلار بېرىپ ھەممىنى دىيىشىپ ئاندىن قانۇن ئورگانلىرىغا كىرىپ توختاملىشىپ ئىش قىلىڭلار دەپ جىق گەپ قىلدۇق بۇنداق ئاغزاكى قىلغان گەپلىرىمىز ئاز ئەمەس نەچچە يىلدىن،شۇنداق بولسىمۇ يەنە دەۋاتىمىز،مەن ئۆزۈم ئاددىي دېھقان بالىسى، يېرىمىزمۇ ھەم ئادەم سېلىپ تەرگۈزگۈدەكمۇ بار.كاللامغا كەلگىنى بويىچە كېلىۋاتقان ھەم كېلىدىغانلارغا ئازراق بولسىمۇ پايدىسى تېگىپ قالار دەپ بۇ تېمىنى يازماقتىمەن مەقسەت؛ دوستلىرىم، قېرىنداشلىرىم. بولسا ئۇيغۇرنىڭكىنى تېرىڭلار،خەنزۇنىڭكىنى تەرسەڭلار دىققەت قىلىڭلار. يۇقارقىدەك تاماق ئەپ بەرسە، كىرايىڭلارنى تۆلەپ قويسا بۇلارغا ئۇنىماڭلار ھەم ئىشىنىپمۇ كەتمەڭلار. قانۇن ئورۇنلىرىغا كىرىپ توختاملىشىپ ئىش قىلىڭلار،توختاملىشىشتىن بۇرۇن  تېرىيدىغان كېۋىزىڭلارنى، ياتىدىغان ئورنۇڭلارنى،سىلەرگە بېرىدىغان(ۆكپىنچىسى ئاخىرىدا ھېساپلاپ پۇل تۇتۇۋالىدۇ) ئۇن-ياغ،سەي كۆكتات مەسىلىسى، قۇربان ھېيىتتا قانداق قىلىش مەسىلىسى،كېۋەزنى قاچانغىچە تېرىيدىغانلىقىڭلارنى، تۈگۈگۈچە تېرەمسىلەر ياكى مەلۇم ۋاقىتقىچە تېرەمسىلەر؟ پۇلىنى تولۇق بېرەمدۇ ياكى يېرىمىنى بېرىپ يېرىمىنى يىل ئاخىرىدا بېرەمدۇ؟(ئاساسەن تۈگسىلا بېرىدۇ،ئاندا ساندا يېرىمىنى بېرىمەن دەپ تۇرۇۋالىدىغانلىرىمۇ بار) ئاندىن ئەڭ مۇھىمى؛ جىڭغا بەك-بەك، يەنىمۇ بەك دىققەت قىلىڭلار. بىز ئۇيغۇرلار ئۆزىمىزنى مۇسۇلمان ھېساپلاپ جىڭغا قەتئىي ساختا قىلمايمىز(ئىنشائاللا) ئەمما ئۇلاردىن بەزىلىرى قىممەت بېرىمىز،پۇلنى جىق بېرىمىز دەپ قىزىقتۇرۇپ جىڭدا سىزنى موكلايدۇ.موكلايدىغانلىرى ئاساسەن ھەممىسى دېگۈدەك بىر خىل تەڭشىۋالىدۇ، جىڭىڭ چاتاقكەن دېسەڭلار ئەمسە ئىشەنمىسەڭ ئانىڭكىگە ئاپىرىپ سىنايمىز دەپ يەنە شۇنداق تەڭشەلگەن جىڭغا ئاپىرىدۇ،بۇنداق جىڭلار ئاساسەن 50كىلودىن ئاشقاندىن كىيىن ئۆزىنى كۆرسىتىدۇ ،81 كىلو كېۋەزنىڭ ئۇيغۇرنىڭ جىڭىدا 93كىلو كەلگىنىنى نېمە دەيمىز؟!!!  (تۆۋەندە يەنە بىر مىسال كۆرسىتىلىدۇ) گەپلىرىم بەلكىم چالا قالغاندۇ. قالغىنىنى ئۆزۈڭلار بىلىپ ئۆزۈڭلارغا،ئىشىڭلارغا،قېرىنداشلىرىڭلارغا چىڭ بولۇڭلار.بىر بىرىڭلارغا قارا سانىماڭلار،ئالدىماڭلار مىسال؛ مەلۇم ليەندۈيدە 10 نەچچىدەك بىر يەردىن چىققان بىر نەچچىسى ئۇرۇق تۇققان كېلىدىغانلار بىر خەنزۇنىڭكىدە يېتىپ قوپۇپ باش ئاخىرى كېۋەز تېرىيدۇ،خەنزۇ جىڭنى ئۆزۈڭ تۇت دەپ ئۇلارغا بېرىدۇ.مەلۇم يامغۇر ياغقان كۈنى بۇلاردىن بىرى ئاغزى ئېچىلمىغان 25كىلولۇق ئۇننى ئىچى پۇشۇپ جىڭلاپ باقىدۇ.قىززىق،بۇ ئۇن 22 كىلو كەپ قالىدۇ،ھوي بۇ نېمىش ئەمدى؟ يەنە بىر خالتا ئۇننى جىڭلايدۇ يەنە ئوخشاش،بۇلار پاتپاراق بوپ خەنزۇ بىلەن گەپلىرىنى يېرىم يارتا ئۇقتۇرۇپ ۋارقىرىشىپ كېلىشەلمەيدۇ. ئەرز قىلىمىز دەپ ماڭسا خەنزۇ ليەنجاڭنى قىچقىرىپ ئىشنى يوقاتماقچى بولىدۇ،ئەمما ئىش بېسىقماي ئۇلار توختىمايدۇ.ئاخىرى ليەنجاڭ ھازىر ئۇلار ئىشتىن چۈشۈپ كەتتى،ئەتە قانۇن ئورگىنىغا (سىفاكۇ) بېرىپ ھەل قىلايلى،ھازىر ئارىمىڭلارنى ئېلىڭلار دەيدۇ.ئۇلار ماقۇل بوپ قايتىشىدۇ،جىڭنى بولسا بىر بىرسىگە ئىشەنچ قىلىشالماي ئەڭ ئىشەنچلىك دېگەن بىرسىنى سەن ئاپىرىپ تىقىپ قوي دەيدۇ. بۇنى بىلىۋالغان خەنزۇ ھېلىقى تىقىپ قويغان ئاداشنى ئالداپ يۈرۈپ 3000كوي پۇل بىلەن جىڭنى ئەكەلدۈرۈپ ئورنىغا يېڭى ساق جىڭدىن بىرنى ئاپارغۇزۇپ قويىدۇ. ئەتىسى جىڭنىڭ ئالماشتۇرۇۋېتىلگەنلىكىنى بىلگەن ئۇلار شۇنداق بولسىمۇ قانۇن ئورگىنىغا بارىدۇ،ئەمما ئىسپات يوق،ئۇ يەردە گېپى ئاقمايدۇ. يېنىپ چىقىپ نېمە قىلىشىنى بىلەممەي تۇرغاندا خەنزۇ ئۇلارنى مېھمان قىلىپ گەپنى يوقىتىپ كېۋىزىنى تەرگۈزمەكچى بولۇپ ئاشخانىغا كىرىپ ئۇلارنى راس مېھمان قىلىدۇ. ئىشلاردىن گۇمانلىنىپ تۇرغانلار گەپتىن گەپ چىقىپ ئالماشتۇرۇۋەتكەن كىشىنى بىلىپ قالىدۇ ھەمدە ئۇنى بولۇشىغا تىللايدۇ،ئەمما ئۇ كىشى يەنىلا ئۇلار بىلەن بىللا كېۋەز تېرىپ پۇلىنى ئېلىپ قايتىدۇ ئۆزىمىزنى ئۆزىمىز غاجاۋاتىمىز،شىلىۋاتىمىز،گاھىمىز بىلىپ تۇرۇپمۇ قىلىۋاتىمىز ھازىر تېخى بىر يولداش بىلەن بىر قۇر سوقۇشىۋېتىپ كىرىپ يېزىشىم،(يەنە شۇنداق ھېچنىمىنى دىيىشمەيلا مېڭىشىپتۇ، ئۇ يولداش سەن ئىشىمنى بۇزدۇڭ دەپ جېدەل قىلغۇسى با)شۇڭا ھسەل ھاياجاندا گەپلەر قولاشماي قالدى، توغرا چۈشەنگەيسىلەر

بانكىر

	گۇما ناھىيلىك خەلق دوختوخانىسىدىكى ياللانما ئامانلىق قوغدىغۇچىلار بۈگۈن 2 نەپەر قىرىندىشىنىڭ ج خ ئورگانلىرى تەرىپىدىن ئىلىپ كىتىلىشىگە سەۋەپچى بولدى. سەۋەبى: ئادەتتىكى ماجرا. يول قويسىمۇ بولىدىغان ئىشلاركەن.

XERHAN

	توغرا دەيسىز دوستۇم ، سىرتقا ئىشلىگىلى چىققانلار ھازىر مېڭىشقا باشلىدى ، بۇ ئەھۋالدا قەيەرگە ، كىمنىڭ ئالدىغا ، قانداق شارائىت بىلەن ، قانچىلىك ھەق بىلەن بارىدىغىننى ئالدىن كىلىشىپ بېرىشى ، مومكىن بولسا قارشى تەرەپنىڭ تىگى - تەكتى يەنى مۇقىم تۇرۇشلۇق ئورنى دىگەنلەردىن خەۋەردار بولىشى ، ئۆزىنىڭ بېرىپ ئىشلىگەن ئورنىنى ئۆزى تۇرۇشلۇق ھۆكىمەت ئورۇنلىرى ۋە مۇناسىۋەتلىك رەھبەرلىككە دوكلات قىلىپ قويىشى لازىم دەپ ئويلايمەن . ئالدىنقى بىر مەزگىلدىكى يىللاردا كىۋەز تەرگۈچىلەرنى ھۆكىمەت ئورۇنلىرى بىر تۇتاش ئېلىپ چىقىپ بىر تۇتاش قايتۇرۇپ ئەكىلەتتى ، ھازىر كىشىلەر ئۆز ئالدىغا چىقىپ كىتىدىغان بولدى . شۇڭا سىرىتقا ئىشلىگىلى ( كىۋەز تەرگىلى ) چىقىدىغانلار ئەڭ ئاۋال بىخەتەرلىك ، ئاندىن ئىش ھەققى ، ئاندىن ياتاق - تاماق شارائىتى قاتارلىقلارنى ئالدىن ئويلاشقىنى ياخشى .

yancin

	بانكىر يوللىغان ۋاقتى  2013-9-9 04:50 PM گۇما ناھىيلىك خەلق دوختوخانىسىدىكى ياللانما ئامانلىق  ... ئىنكاسىڭىزنى ئۇقۇپ كۆڭلۈم ئەجەپ يېرىم بولدى.بۇ تىمىنى تەكرار يوللىغان بولساممۇ تەستىقلانمىغان.يوللاپ قۇياي.دوستلارغا تەۋسىيە قىلىپ قۇيارسىز. نادانلىق بىلىمسىزلىك ۋەجىدىن پالتىغا دەستە بۇلۇپ دەرەخ كېسىۋاتقان تىلداشلىرىم ئاللاھ سىلەرنى ھىدايەت قىلسۇن.ئۆزقىلمىشىڭلاردىن نۇمۇس قىلغۇدەك غۇرۇر ،ۋىجدان ئىمان  ئاتا قىلسۇن. قېرىندىشىم ئۆز قەۋمىڭنى چاقمىغىن قېرىندىشىم ئۆز قەۋمىڭنى چاقمىغىن، ئۇلار سېنىڭ باشپاناھىڭ قاياشىڭ. ياتلار سېنى ئۇچۇرسىمۇ كۆكلەردە، قەۋمىڭ بىلەن تويۇڭ ھەمدە ماماتىڭ. تىرناق دىسە كەسمە قۇشۇپ بارماقنى، ئانىلارنىڭ يۈرىكى خۇن بولمىسۇن. مارىلىما رۇجەكلەرنى تۈنلەردە، دەرتلىك ياشلار ساڭا ئۇيۇن بولمىسۇن. ياتنىڭ ياندىن ئۆزنىڭ جاندىن ئۈتىدۇ، تاشلىۋەتكىن شەيتان بەرگەن لوپىنى. چەكلىك ئۆمرۈڭ مەئسىيەتكە تولمىسۇن ، قەلبىڭ بىلەن دەڭسەپ باققىن ئۈلۈمنى. پاك رەببىمىز بەك رەھىمدىل بولسىمۇ، كەچۈرمەيدۇ مۇناپىقنى غالچىنى. سۇخەنچىلىك چېقىمچىلىق بەك يامان، ئىشەنمىسەڭ ئوقۇ سۈرە مەسەدنى*. پاك ئىسلام- ئۇ رەببىمىزنىڭ مۈلكىدۇر، پەسلىمەكچى بولدى شەيتان ھەسەتتە. پەسلەنمەيدۇ ھەق نۇپۇزى  ھېچقاچان، ئۇنىڭ جايى ئەرشى-ئەلا پەلەكتە. ھىماتچىسى بولساڭ ئەگەر زۇلۇمنىڭ، ھەق ئالدىدا بولدۇڭ چۇقۇم بىر زالىم. زالىملارنىڭ ئورنى نەدە بىلەمسەن،؟؟؟؟ ھاۋىيەگە تاشلار ئۇنى ئاللاھىم. قېرىندىشىم ئۆز قەۋمىڭنى چاقمىغىن، يات يىگۈچە قېرىنداشىڭ ئۆلگىچە. مۇناپىقنىڭ ھۈكمى ئېغىر قۇرئاندا، قاتتىق جازا قەبرىدە ۋە  مەھشەردە. ئۇيالماستىن مەسچىتلەرنى ساقلىدىڭ، جۈمئىلەردە كادىر قانچە سانىدىڭ. يات كەلمىدى پاك ئاللاھنىڭ ئۈيىگە، ۋىجدانىڭنى دوغا تىكىپ سەن كەلدىڭ. ئۆز قەۋمىڭنى مارىلىغان دەملەردە، ئاللاھ سېنى كۈرۈپ تۇردى بىلدىڭمۇ؟؟؟؟؟ ھەققە ئەلگە ئاسىي بولغىن بالام دەپ، سېنى ئاناڭ شەيتان ئۈچۈن باقتىمۇ؟؟؟؟؟؟ تۇخۇ تۈكى مەنپەئەتچۈن شىر كەبىي ھۆركىرىدىڭ چىچاڭشىدىڭ قاينىدىڭ. سۆزلىرىڭنىڭ دەھشىتىدىن تاغلارمۇ، گۇمران بۇلۇپ تۇزۇشىنى بىلمىدىڭ. قالتىس خۇشال بولدى شەيتان شاتلىنىپ، غەمناك بولدى مەخلۇقاتنىڭ رەببى زات. كەل ئەي بەندەم تەۋبە قىلغىن دېسىمۇ، بۇ ھالاكەت يۇلى يان دەپ ئېيتسىمۇ، ئەقىدەڭنى سېتىپ مەلئۇن ئىبلىسقا، قۇلاق يۆگەپ قوڭغۇراقنى ئوغرىلاپ، ياشاۋەردىڭ ئىمانىڭدىن ياتلىشىپ. ئىزلىرىڭدىن ئۈندى پىتنە-ھەم پاسات. قېرىندىشىم ئۆز قەۋمىڭنى چاقمىغىن، بۇ دۇنيادا ۋاقىتلىقتۇر ئىمتىياز. ئىستىغپارنىڭ تانىسىغا ئېسىلغىن، ئىككى دۇنيا بولماي دېسەڭ شەرمىساز. قېرىندىشىم ئۆز قەۋمىڭنى چاقمىغىن، بىلسەڭ ھايات ئەسلى بىزگە ئىمتىھان. چېقىمچىلار رەقىبىدۇر ئاللاھنىڭ چېقىمچىغا نىجاتلىق يوق ھەر زامان!!!!!! قېرىندىشىم ئۆز قەۋمىڭنى چاقمىغىن، ئىبلىس نازى ئۈچۈن ھەقتىن يانمىغىن. مەھشەردىكى شۇ ئەڭ ئېغىر كۈنلەردە تىزىلساڭ گەرتوڭگۇزنىڭمۇ كەينىگە، ھالىڭ سېنىڭ قانداق بۇلۇر ئويلىغىن!!!!!! قېرىندىشىم ئۆز قەۋمىڭنى چاقمىغىن، ئۆزگە ئۇۋال ياتقا بايرام قىلمىغىن. قايتقىن ئەمدى مەرھەمەتلىك ئاللاھقا، گۇمراھلىقتا سەن تېڭىرقاپ يۈرمىگىن!!!!!! يېتەر ئەمدى قاچانغۇچە ئازىسەن؟؟؟ ئەلگە قامچا ياۋغا شۇتا  بولمىغىن!!!!!!!!! شەۋۋالنىڭ 11-كۈنى *-سۈرە مەسەد،

mosajan0997

	ياخشى پىكىر بوپتۇ! قوللايمەن ،دىمىسىمۇ مۇشۇ تەرەپلەرگە دىققەت قىلىش كېرەك زادى.

دەتمەن

	مەن بر ھەپتىدە 200 نەچچە ئادەمگە سىرىتقا چىقىپ ئىشلەش رەسمىيتى بىجىردىم . ئىشلىگىلى چىققانلارنىڭ كاللىسىداھازىر  پەقەت ۋە پەقەت پۇل تىپىشلا بار كەن  لىكىن ئالدىنىپ كىتىش دىگەن ئوي خىياللار يوق ئىكەن .

amanturk

	توغرا پىكىر بوپتۇ،بولسا مۇناسىۋەتلىك ورۇنلارغا بېرىپ ئولتۇراقلىشىش كېنىشكىسى بېجىرۋالسا تخىمۇ ياخشى.

uyol

	ئورۇنلۇق

xoh-xoh024

	ھەي ئاللا ئگەم ئۈزې بار   ھەممە ئشنېڭ سورېقې بار

bazarbay