مۇشائىرەگە مەيلى بارلار مەرھەمەت....

musilina

	ئەسسالامۇ ئەلەيكۇم،مىسرانىم  مۇنبىرىدىكى ئەزىزلەر ، ھەممىڭلار سالامەت تۇردۇڭلارمۇ؟مۇنبەردىشىڭلار مۇسىلىنەدىن سىلەرگە ئالىي ئېھتىرام،  ئەزىز مۇنبەرداشلار ، ھەممىڭلارنىڭ تېنى سالامەت بولسۇن، ئىشلىرىڭلار ئۇتۇقلۇق بولسۇن، چېھرىڭلاردىن كۈلكىلەر ئۆچمىسۇن،باسقان قەدىمىڭلاردىن گۈللەر ئۈنسۇن. ئەمدى مەقسەتكە كەلسەك ، خېلى بوپتۇ  ماڭا مۇنبەردە مۇشائىرە  سورۇنى ھازىرلاپ باقمىغىلى،بۈگۈن كۆڭۈل ئۈنچىلىرىمىزنى چېچىشقان ھالدا، مۇشائىرە قىلىشايلى  دېگەن مەقسەتتە بۇ مۇشائىرە سورۇنىنى ھازىرلىدىم،قېنى ئەمسە،مۇشائىرەگە  مەرھەمەت قىلايلى.... ھېجرانىڭ شۇنچە كەلدىغۇ ئېغىر، كۆزۈمدىن قۇرىماس تامچە ياشلىرىم. يۈتتى ئىزىڭ،كەتتىڭ يىراقلاپ، يەتمەس ساڭا  ئاھۇ –زارلىرىم. پەس ئارزۇ –ھەۋەسكە بولۇپ قالما قۇل ، ئۇ سېنى باشلار تېگى يوق ھاڭغا. ئاھ ئۇرۇپ ،ھەسرەتلەر چەكسەڭمۇ بىكار، گۈلدەك ياشلىقىڭ قايتماس ئارقىغا. ئەسكەرتىش : يۇقارقى  ئىككى كۇبلىت شېئىر  ئايرىم مەزمۇننى ئىپادىلەيدىغان شېئىرلاردۇر، مۇشائىرە قائىدىسى كۇبلىتلارنىڭ ئاخىرقى مىسراسى باش مىسرا قىلىنىپ باشلىنىدۇ، ئىختىيارى قىلغانلار ئۆزلىرى خالىغان شېئىرلارنى قوشۇپ مۇشائىرەنى داۋاملاشتۇرسا بولىۋېرىدۇ، قېنى ئەمسە ، مەرھەمەت... مېنى نائۈمىتتە قويمىغايسىلەر.... مەنبە : كۆڭۈل ئۈنچىلىرىم

wisalay

	يەتمەس ساڭا ئاھۇ زارلىرىم، قارىماستىن كەتتىڭ يىراقلاپ. ئۆتۈپ كىتەر بۇ كۈنلەرمۇ ھەم، يۈز ئۆرىمە بۇنداق بىراقلام. گۈلدەك ياشلىقىڭ قايتماس ئارقىغا، ھەر بىر كۈنۈڭنى قەدىرلە ئەي ياش . مەنىسىز ئۆتمىسۇن باسقان قەدىمىڭ، يول تاپقىن يۈز تاپقىن ئۆرلىگىن ئەي ياش. ئۇھ،ھەجەپ تەسكىنا شېئىر يازماق.ئانچە قاملاشماي قالدى،قېنى ما مۇنبەر شائىرلىرى،ئۇخلاپ قالدىڭلارما؟بوپتۇ ئەتە يېزىڭلار.

تەمكىن

	يۈز ئۆرىمە بۇنداق بىراقلام، ئاشىغىڭنى نا ئۈمۈد قويۇپ. ۋەدىلەشكەن ئايرىلماس ئۈچۈن، شۇنچە تىزلا قالدىڭمۇ تويۇپ. يول تاپقىن يۈز تاپقىن ئۆرلىگىن ئەي ياش، شۇندىلا تەيياردۇر ساڭا پىششىق ئاش. يول تاپساڭ ئۇنۇتما ئەل-جامائەتنى، ئەلنىڭ دۇئاسىدىن كۆككە يىتەر باش.                                                           ئىشتىراك ئەيلىدىم ئەي مۇسلىنە قىز،                                                       مۇشائىرىگە ئاۋاز قوشاي دەپ.                                                       نائۈمۈد قالمىسۇن ئارزۇلىرىدىن،                                                       ئىلھامىم بېغىدىن گۈللەر تۇتاي دەپ.

nazaratqi

	ئىلھامىم بېغىدىن گۈللەر تۇتاي دەپ، كېچىلەر ئۇيقۇدىن بىدار ئولتۇرۇپ. جانانغا تۆكىمەن كۆڭۈل سىرىمنى، ۋىسالنىڭ جامىغا مەينى تولدۇرۇپ.

nurchi01

	ۋىسالنىڭ جامىغا مەينى تولدۇرۇپ كەلسەڭچۇ يىنىمغا مىنى كۈلدۈرۈپ ئاخىرى يىتىسەن مەخسەت مۇراتقا شۇ چاغدا كىتسەن مىنى ئۆلتۈرۇپ

deel

	‏گۈلدەك ياشلىقىڭ قايتماس ئارقىغا ‏لىكىن سىنىڭ گۈزەل كىلەچىكىڭ بار ‏ئارقىغا قارىسا ئاچچىق ئەسلىمە ھەم ئازاپ ‏لىكىن ئالدىڭدا خۇشال كۈنلىرىڭ بار ‏ ‏ئۇھ ئەجەپ تەسكىنا مۇشائىرە يازماق ‏قاملاشمايلا قالدى ئەپۇ قىلارسىلەر ‏

ardamay

	يەتمەس ساڭا ئاھۇ زارلىرىم، يەتمەس ياكى ئۈنسىز نىدارىم، تۈكۈلسىمۇ ئۈنچە ياشلىرىم، پەرۋا قىلماس يەنە نىگارىم.

ardamay

	گۈلدەك ياشلىقىڭ قايتماس ئارقىغا، ھاياتىڭ بېغىغا چۈشكەندەك خازان، مەنىسىز ئۆتىدۇ پۈتۈن ھاياتىڭ، گەرياشلىق چاغلاردا ئالمىساڭ«خامان»

سىم@سىم

	يەتمەس ساڭا  ئاھۇ –زارلىرىم سەن يىراقتا مەن ئوت- پىراقتا ۋىسالىڭغا يىتەلمىسەممۇ بەخىت تىلەيمەن مەن بۇ ياقتا مەن شىئېر يېزىپ باقمىغان ، 4- مىسراسى سەل قاملاشمىدى لېكىن ئاران مۇشۇنى يازالىدىم ، بەك تەسكەن .

othor

	ardamay يوللىغان ۋاقتى  2013-9-9 01:35 PM گۈلدەك ياشلىقىڭ قايتماس ئارقىغا، ھاياتىڭ بېغىغا چۈشكە ... گەر  ياشلىق چاغلاردا ئالمىساڭ (خامان)، بولارسەن خارۇ-زار ھەرجايدا ھامان. ھاياتلىق يولۇڭغا ھەمرا بىر ئۆمۈر ياشلىقتا ئېرىشكەن ھەر بىر دانە دان.