كەلگۇسى بىرھەپتە ئىچىدە ئالتۇن- كۈمۈش كۇچلۇك ئۆسىشى مۇمكىن

kulak

	كەلگۇسى بىرھەپتە ئىچىدە ئالتۇن- كۈمۈش كۇچلۇك ئۆسىشى مۇمكىن     ئامىرىكا كىڭەش پالاتا ئەزالىرى ۋە ئاقساراي ئىشخانىسىدىكى كۆپىنچە ئەمەلدارلار ئامىرىكا پارلامىنت يۇقىرى دەرىجىلىكلەرنىڭ سۈرىيەگە ھەربىي يۇرۇش قىلىش پىلان لاھىيىسىنى ئاۋازغا قويۇشقا تەقەززا بولۇشماقتا .پارلامىنت ئەزالىرىنى يازلىق دەم ئىلىشقا قويۋەتكەنلىكى ئۇچۇن 9-سىنتەبىر ئىشقا چۇشىدۇ .9-سىنتەبىردىن باشلاپ پارلامىنت يۇقىرى دەرىجىلىكلەر ئارىسىدا سۈرىيەگە ھەربىي يۇرۇش قىلىش پىلان لاھىيىسىنى ئاۋازغا قويىدىغان بولۇپ، ئاقساراي ئىشخانىسىدىكىلەرنىڭ كۆزلىرى چەكچىيىپ كىتىۋاتىدۇ .ئەمما دۆلەت مۇداپىئە مىنىستىر ئىشخانىسى ۋە ئاقساراي باياناتچىللىرى سۈرىيەگە ھەربىي يۇرۇش قىلىش پىلان لاھىيىسىنىڭ كونكىرت مەزمۇنىنى ئاشكارلىمىغان .مۆلچەرلىنىشىچە 15-سىنتەبىردىن 9-سىنتەبىر ئارلىقىدا ئامىرىكا ئوتتۇرا كۆلەملىك سۈرىيەگە ھەربىي ھەركەت قوللىنىشى مۇمكىن .    يۇقارقى خەلىقئارا ۋەزىيەتنىڭ ئوق يادۇرۇسى سۈرىيە كىرزىسىغا مەركەزلەشكەن بولۇپ، يەرشارىلاشقان ئىقدىساتمۇ شۇنىڭ ئىچىدە بولماقتا .   ئامىرىكا ئەمگەك مىنىستىرلىكىنىڭ 2013-يىلى 9-ئاينىڭ 6-كۈنى ئىلان قىلغان ئەڭ يىڭى سانلىق مەلۇماتىدا كۆرسىتىلىشىچە ،ئامىرىكا 8-ئايلىق غەيىرى يىزا ئىگىلىكتە بولغان ئىشقا ئورۇنلاشقانلار سانلىق مەلۇماتى مۆلچەردىن تۆۋەن چىققان .مۆلچەرلەنگەن قىممەت 18.0تۇمەن ئادەم ، چىققان ئەمەلىي نەتىجە 16.9تۇمەن ئادەم .    يۇقارقى سانلىق مەلۇمات ئىلان قىلىنغاندىن كىيىن ئالتۇن كۈمۈش بازىرى شىددەت بىلەن ئۆستى .   تەھلىللىرىمىزگە ئاساسلانغاندا ، بۇ قىتىملىق غەيرى يىزا ئىگىلىك قىممىتى ئامىرىكا فىدىراتسىيە بانكىسىنىڭ قويۋىتىش سىياسىتىنى كىچىكلىتىش قارارىغا نىسبەتەن كوزۇر خارەكتىرلىك سانلىق مەلۇمات بولغاچقا، بۇنىڭ ناچار چىقىشى فدىراتسىيە بانكىسىنىڭ زايوم سىتىۋىلىش سىياسىتىنى كىچىكلىتىش قارارىغا توسقۇنلۇق قىلىدۇ ،نەتىجىدە ئالتۇن كۈمۈش يەنە بىر تىرەش ئامىلىغا ئىگە بولغان بولىدۇ ،ئۇنىڭغا يانداشتۇرۇپ سۈرىيە مەسىلىسىنىڭ قىل ئۇستىدە تۇرىشى كۆپلىگەن مەبلەغ سالغۇچىلارنىڭ قىممەت مىتال بازىرىغا ئىقىپ كىرىشىگە سەۋەپچى بولىدۇ .دىمەك يىقىن بىر ھەپتە ئىچىدە ئالتۇن كۈمۈشنىڭ كۇچلۇك ئۆسىشىنى قىياس قىلالايمىز .     تىخنىكىلىق ئانالىز نۇقتىسىدىن قارىغاندىمۇ ،ئالتۇن- كۈمۈش ئوتتۇرا مۇددەتلىك ئۆسۇش يۆلىنىشىدىن تىخى چىقىپ كەتمىدى ، ئۇزۇن مۇددەتلىك ئۆسۇش يۆلىنىشىگە قەدەم قويىشى ئۇچۇن 1370دوللار ئەتراپىغا بىر قىتىم كىلىشى بۇ نورمال ھادىسە ،كۈمۈشنىڭ 23دوللار ئىچىدىكى تەڭشىلىش باسقۇچىمۇ ئىنتايىن كۆركەم ھەم چىرايلىق بولدى.دىمەك ئالتۇن- كۈمۈش تىخنىكىلىق ئانالىز نۇقتىسىدىنمۇ يىڭى بىر قىتىملىق چوڭ يۆلىنىشكە تەييارلىق كۆردى دىسەك ئارتۇق كەتمەيدۇ،.    2013-يىلى 9-ئاينىڭ 6-كۈنى خەلىقئارا ئالتۇن ھەرئۇنسىيەسى 1390دوللار (خەلق پۇلى ھەرگىرام خام ئالتۇن 273يۇەن ) 2013-يىلى 9-ئاينىڭ 6-كۈنى خەلىقئارا كۈمۈش ھەرئۇنسىيەسى 23.85دوللار (4.72يۇەن ھەرگىرام خام خام كۈمۈش )                 مەنبەسى : ئۆزۇم               ئەسكەرتىش:پايدىلىنىشقىلا بولىدۇ ، سودا ئاساسىي قىلىۋالماڭ .

okoguqi9

	ئۇرۇش  بولىۋاتسا ئالتۇننىڭ باھاسى چۈشمەي ئۆسەمدىكەن ؟ ئۇرۇش بولغاندا يا ئالتۇننى يىگىلى بولمىسا؟ ... باشقىلار قولىدىكى ئالتۇننى ئىلىشىغا سىتىپ ئاشلىق ئالمامدۇ ؟ بۇ مىنىڭ ئويلىغانلىرىم خالاس.

fathullah

	رەھمەت. لىكىن مۇشۇنىڭ باھاسى ئۆسسە توي قىلماقچى بولغانلارغا ئېغىرچىلىق چۈشىدىكەن.ماڭىغۇ بەرىبىر.

alenur

	ئالتۇنغا قىزقىدىغانلار كىرىڭلا

mercury

	تەھلىلىڭىزگە رەھمەت  .  ئەتراپلىق  ھەم  ئاممىباب  تىلدا  چۈشەندۈرۈپ  بىرىپسىز  . خەلقئارا ئالتۇن بازىرى  سىز  ئوتتۇرىغا  قويغان ئىككى  ئاساسلىق ئامىلنىڭ  تەسىرىگە قانچىلىك  كۈچتە  قانچىلىك  ئۇچرايدىغىنىمۇ  بىر  مەسىلە  .  مىنىڭچە ئوتتۇرا ئۇزاق  مۇددەتلىك بازارغا  نىسبەتەن   يەنىلا  تىخنىكىلىق  ئامىلنىڭ  تەسىرى  چوڭراق  بولغۇدەك  .

KETMEN

	ئورۇش بولسا ئالتۇن بىلەن دوللارنىڭ باھاسى تەڭلا ئۆسىدۇ . نىمىشقا ؟ چۈنكى ئورۇش ئوتى قاپلىغان شەھەردىكى پۇقرالار قولىدىكى پۇلغا چوقۇم شۇ پۇلىنىڭ قىممىتنى ساقلاپ تۇرىدىغان بىرەر نەرسە ئىلىشى كىرەك ، ئۆي زىمىن ئالاي دىسە ، ئۇرۇش بولغان يەردە ھىچكىم ساتسا ،ساتىدۇكى ھەرگىز ئالمايدۇ ، شۇڭا پۇلنى تۇتۇپ تۇرىدىغان ئالتۇندەك ، قىممىتىدىن ئالدىراپ چۈشمەيدىغان ، ھەم نەگە ئاپارسا ئىتتىك پۇل بولىدىغان ،مۇئەييەن قىممىتى بار نەرسە ئىلىش ، شۇنىڭ ئۈچۈن ئالتۇن ئەڭ ئاقىلانە ،ھەم ئەڭ ئۈنۈملۈك تاللاش . ئەمدى نىمە ئۈچۈن دوللارمۇ ئۆسىدۇ ؟ چۈنكى پۇقرالار تاشقى سودىدا چوقۇم خەلقئارادا ئومۇملاشقان پۇلنى ئىشلىتىشى كىرەك ، شۇنىڭ ئۈچۈن ئۇلار ئۆزىدە بار نەق پۇلنى دوللارغا ئالماشتۇرىدۇ ،دىمەك ئىھتىياج ئاشتى دىگەنلىك ، باھا ئۆستى دىگەنلىك .   يىللاردىن بۇيانقى دوللار بىلەن ئالتۇن باھاسىنىڭ سىتاتىكىسىغا قارىساق 70% ئەھۋالدا ئالتۇن بىلەن دوللار تەتۈر تاناسىپ ، بىرى چۈشسە بىرى ئۆرلەيدۇ ، 30 % ئەھۋالدا  ئوڭ تاناسىپ تەڭ چۈشۈپ تەڭ ئۆرلەيدۇ ، مانا مۇشۇنداق ئۇرۇش ، ۋە ياكى ئىقتىسادى كرزىس يۈز بەرسە تەڭ چۈشۈپ تەڭ ئۆرلەيدۇ .   بۇمۇ نەچچە ۋاقىتتىن بىرى ئىقتىسادىي پروگراممىلارنى كۆرگەندىن كىيىنكى ھاسىلاتىم .   شەخسى كۆز قاراش خالاس . خاتا بولسا تۈزىتىپ قۇيارسىلەر .

ھۆكما

	كونىلار ئالتۇن چۈشسە، ئاشلىق ئۆرلەيدۇ دەيدىغان . ھازىرقى شارائىتتا بۇ گەپنىڭ ئاساسى بارمىدۇ ؟

quxtikiakku

	كىشىلەرنىڭ ئانالىزى ئاساسى جەھەتتىن توغرا چىقىدۇ.

YALGUZ886

	يەنە بىر قېتىم ئالتۇن چۈشكىچە ساقلاپ ئولتۇرسام بولدىغان ئوخشايدۇ . خوتۇن ئالدىغانغىچۇ !

سۈمەييە

	ياق ظأسمەي تۇرسۇن ,