تۇر ئانا گۆرۈڭدە بولدى مەن ياتاي

1263318936

	تۇر ئانا گۆرۈڭدە بولدى مەن ياتاي گۆھەرقىز ئىبرايىم           ئوقىغىن دىگەنتىڭ ئوقىدىم تۆت يىل ، بىلەكتىن يىلەكنى سۇغىرىپ تۆت يىل، خىزمەتكە كىتىپلا ئۇنۇتتۇم سىنى، دىدىڭكى ئاغرىنماي بالام كۈنۈڭ ئال. ماڭىمەن خىزمەتكە مەندە نە چارە، چىگرىدا سەن ئۈچۈن يۈرىگىم پارە، تاشمىدۇر گۆش ئەمەس يۈرىگىم مىنىڭ، تاشلىدىم تەڭرىگە بولدۇڭ بىچچارە. كەتكەنمۇ مەندىكى مۇھاببەت يوقاپ، بالىلىق بۇرچۇممۇ ئىسلاھ قىلىنىپ، ياق ئانا كەسىپتە رىقابەت يامان، شۇ سەۋەپ بىچچارە قالدىڭ تاشلىنىپ. بىر تىلفۇن ئالدىمكى بولدۇم مەن مالال، دوختۇردا قالماپتۇ قىلمىغان ئامال، راك دىگەن بۇ رەزىل كىسەل جان ئانا، جىسمىڭنى پۇتۇنلەي قىلىپتۇ قامال. ئاھ ئانا كۆز يىشىم ئىيىتقىنە مىنىڭ، سۆزلىسەم تۈگىمەس دەرتلىرىم مىنىڭ، بۇ تەقدىر نىمىشكە قىينايدۇ سىنى، تۇرسىمۇ ئەمەلگە ئاشماي ئارزۇيۇڭ. دۇنيادا ئىدىڭسەن بىرلا قەلبىمدە، سازاۋەر ئىدىڭغۇ ئالى ھۆرمەتكە، شۇم ئەجەل ئالدىدا ياتساڭ سارغىيىپ، تاشلىدىم مەن سىنى كىتىپ خىزمەتكە. ئاھ ئانا ماڭا دەر سۆزۈڭ يوقمىدى، ساقلىغان گەپ سۆزۈڭ تىلىڭ يوقمىدى، ئۈن تۈنسىز كىتىپسەن باقى ئالەمگە، مەن ئۈچۈن تارتىشار يىرىڭ يوقمىدى. ئانا دەپ توۋلايمەن چۈشتىن ئۇيغىنىپ، ئازاپلىق يىغلايمەن ھەر يان تولغىنىپ، كىتىپسەن جان ئانا كەلمەس يىراققا، بىر كۈنمۇ باقالماي قالدىم قايغۇرۇپ. كەسىپ دەپ جىنىمنى ئاتىدىم پۇلغا، بارىمنى بىر ئۆمۇر تىكىپ مەن دوغا، ئويلىسام مەغلۇپمەن ۋىجدان ئالدىدا، كەسىپتە نەتىجە ئالساممۇ قولغا. كۆز يۇمۇپ خاتىرجەم بولدۇڭمۇ ئانا، تۇغماستا سەن مىنى قىپ قويۇپ ئانا، دەرتلىرىم ئازمىدى قىنى ئىيىتقىنا، بۇ دەرتنى تارتىپباق دىدىڭمۇ يانا. قايتىپ كەل ھالىڭدىن ئالاي مەن خەۋەر، جان ئانا بولساڭمۇ مەڭگۈلۈك بىمار، تەرەتكە قاچاڭنى تۇتۇپ ئۆتسەممۇ، بىر ئۆمۇر سىنىڭدىن بولمايمەن بىزار.        تەقدىرگە يوقمىدۇر زادىلا چارە، ھەسرىتىڭ يۈرەكنى قىلىدۇ پارە، باللىرىڭ باقساڭچۇ قولاڭغا ئىلىپ، ئۆرنۇڭغا مەن كىتەي باقى ئالەمگە. تۇر ئانا گۆرۈڭدە بولدى مەن ياتاي، خۇدادىن يىلىنىپ سىنى مەن تىلەي، ئۆيۈڭنى بالاڭنى ئالساڭ قولۇڭغا، بۇنى مەن سەندىكى ياردەم دەپ بىلەي. ئاھ ئانا ئوقۇشقا تويدۇم خىزمەتكە، ئىنتىزار بولىمەن سىنى كۆرۈشكە، كەسىپ دەپ شۇنچىلا  تۆلەپمۇ بەدەل، قاپتىمەن ھەسرەتتە يىغلاپ ئۆلۈشكە. ئانا دەپ يىغلىسام تىترەيدۇ ئاسمان، ئانىنىڭ ھەسرىتى ئىكەنكى يامان، ئارزۇيۇڭ ئەمەلگە ئاشىدۇ چوقۇم، بۇ جىنىم تىنىمدە بولسىلا ئامان. مەن ۋەدە بىرىمەن قەرزىم ئالدىدا، ئەلەمنى ھەسرەتنى ئىچىم يۇتۇشقا، ئازاپنى قايغۇنى ئۆزگەرتىپ كۈچكە، باللىرىڭ ئالدىدا ئانا بولۇشقا. يول باشلا يىتەكلە چۈشۈمگە كىرىپ، ئويلىسام مەن سىنى ئىسىمگە ئىلىپ، باشقىلار چاقىرسا  ئانا دەپ ئەگەر ، شۇ ئازاپ ئۆتمەسمۇ يۈرەكنى تىلىپ.              بالىلىق بۇرچۇمنى قىلمىدىم ئادا، يىغلىسام قەبرەڭدىن چىقمايدۇ سادا، پۇشماندا ئۇرىمەن ئۆزەمگە كاچات، كىچىرىم قىلامسەن بىلمىدىم ئانا.

qaraxani

	نىمىدىگەن چىن ھېسسىيات ،نىمىدىگەن چوڭقۇر مۇھەببەت بۇ،قەلىمىڭىز ۋە ھېسسىياتىڭىزنىڭ ساپلىقىدىن ئىزتىراپقا چۆكتۈم،سىز تۇغما شائىرە ئىكەنسىز،بارىكاللا...

kakkuk11

	كەچۈرۈم قىلامسەن بىلمىدىم ئانا ، بىخۇدلۇق دەردىدە قىلغان خاتانى . رەببىمدىن تىلەيمەن ساڭا ئاسانلىق ، قەدىرلەپ سەن بەرگەن گۈزەل ھاياتنى . ئاللاھ ئاسانلىق بەرسۇن قېرىندىشىم.

xoh-xoh024

	نىمىدىگەن چىن ھېسسىيات ،نىمىدىگەن چوڭقۇر مۇھەببەت بۇ،

lokmanhakim

	ئانا ئۇلۇغ،ئانىنىڭ بارىدا قەدىرىنى قىلايلى!

tokqi123

	شېئىر ياخشى ھىسسىياتلىق چىقىپتۇ،لېكىن ئاتا-ئانىنى ھايات ھاختىدا ياخشى بېقىپ ھۆرمىتىنى قىلىۋالايلى،ئۇلار كەتكەندىن كېيىن ھەرقانچە زارە قىلساقمۇ ئورنىغا كەلمەيدۇ.

handanjan

	ئوخشاش ھېسسىيات…

sehi

	ھايات بارىڭدا قەدرىڭنى ئەجەپ بىلمەپتىمەن ئەمدى مىنىڭ مۇشۇ ناحشىنى توۋلىعىم كىلۋاتدۇ

xatuti

	كۆزۈم ياشلاندى.... بالام ئوقۇشتىن قايتقىچە ئاللا جېنىمنى تېنىمدە قىلارسەنمۇ.....؟!؟

ئەزىز0999

	بەك  ياخشى چىقىپتۇ، ئاللاھ ئاتا- ئانىلىرىمىزنىڭ تېنىنى سالامەت قىلسۇن (ئامىن)