غەيۋەت دىگەن نىمە؟

rozaji2008

	غەيۋەت دىگەن نىمە؟    غەيۋەت ھەقىقەتەن ئىنسانىيەت جەمىئىيىنىڭ ئەڭ ئەشەددىي دۈشمىنى،شۇڭا ئىنسانىيەت بەخىت-سائادىتىنىڭ ئاساسىي بولغان ئۇلۇغ دىن ئىسلام دىنى بۇنى كەسكىن ھۆكۇملەر ئارقىلىق چەكلىگەن ئىدى.ئەپسۇسلىنارلىقى بىز بۇ ھۆكۇملەرنى تېخىچە ئەمەلىيلەشتۈرەلمەيۋاتىمىز....... ئەبۇھۇرەيرە رەزىيەللاھۇ ئەنھۇدىن رىۋايەت قىلىنىدۇكى،پەيغەمبەر ئەلەيھىسسالام ساھابىلارغا:‹غەيۋەتنىڭ نېمىلىكىنى بىلەمسىلەر› دېۋىدى،ئۇلار:ئاللا ۋە ئاللا نىڭ ئەلچىسى بىلگۈچىدۇر،دېدى.پەيغەمبەر ئەلەيھىسسالام:‹قېرىندىشىنىڭ ياقتۇرمايدىغان نەرسىسىنى تىلغا ئېلىشىڭ›دېدى.     يۇقىرىقىلاردىن غەيۋەت دېگەنلىك،بىرئادەمدىكى زىكرى قىلىنىشىنى ياقتۇرمايدىغان بىر ئىشنى،ئۇ يوق يەردە زىكرى قىلىش ئىكەنلىكىنى بىلدۇق.     غەيۋەتنىڭ ھاراملىقى ۋە ئۇنىڭ چوڭ گۇناھلاردىن ئىكەنلىكىگە  ئالىملار بىردەك ئىتتىپاق كەلگەن مەسىلىدۇر.ئىبنى كەسىر(ئاللا ئۇنىڭغا رەھمەت قىلسۇن) سۈرە ھۇجۇراتنىڭ تەپسىرىدە مۇنداق دىگەن:ھەر قانداق غەيۋەت پۈتۈن ئالىملارنىڭ كۆز قارىشى يويىچە ھارامدۇر.پەقەت ھەدىسنى قوبۇل قىلىش ياكى قىلماسلىق مەسسلىسىگە  ئوخشاش ئومۇمنىڭ مەنپەئىتى كۆزدە تۇتىلىدىغان مەسىللەر بۇنۇڭدىن  مۇستەسنا.     ئەمما غەيۋەتنىڭ ھارام ئىكەنلىكىگە ھەدىستىن بولغان دەلىل  ئەلەيھىسسالامنىڭ مۇنۇ ھەدىسىدۇر:‹رىبانىڭ ئەڭ يامىنى كىشىنىڭ ئۆز قېرىندىشىنىڭ ئابرويىغا تىل  ئۇزۇتۇشتۇر›.     يەنە پەيغەمبەر ئەلەيھىسسالام ئائىشە رەزىيەللاھۇ ئەنھاغا مۇنداق دېگەن:‹شۇنداق بىر سۆز ئېيتتىڭكى،ئەگەر ئۇنى دېڭىز سۈيىگە  ئارلاشتۇرسا،ئۇ دېڭىز سۈيىنى بۇلغىۋەتكەن بولاتتى›.    غەيۋەت دىگەن بىر ئادەمدە بولغان ئىشنى ئۇنىڭ ئارقىسىدا  زىكرى قىلىشتۇر!!!!     مەنبە:ياخشىلار باغچىسىدىن ئېلىندى

ھۆكما

	ئەجرىڭىزگە، ئاللاھ رەھمەت قىلسۇن !     رەھمەت .

kakkuk11

	ئەجرىڭىزگە تەشەككۈر . ئاللاھ ئەجرىڭىزنى بەرسۇن . بۇ مۇنبەردىكىلەر چوقۇم بىلىشى كېرەك تېمىكەن.

qilanqi8

	غەيۋەت قىلىش گۇناھ! بىراق، غەيۋەت قىلمايدىغانلارنى ئاساسەن ئۇچراتمىدىم.

qoman

	بۇ غەيۋەتكە كىرەمدۇ ؟ تاللاش : مەسچىت ياكى زامانىۋىلىشىش ؟ ناملىق تېما ئاستىدىكى ، 53 - قەۋەتتىكى ئائا0998 نىڭ يازمىسىغا ئىنكاس . مۇسۇلمانلار نېمىشقا بىرلىكە كىلەلمەيدىغاندۇ، بىر دىندا تۇرۇپ ۋە بىر مىللەت تۇرۇپ نېمىشقا بىر بىرى بىلەن چېقىشالمايدىغاندۇ، ئۇلارغا ئىتىپاقلىق تىلەيمەن.                           ---------       ئەسسالامۇ ئەلەيكۇم 53 - قەۋەتتىكى قېرىندىشىم ئائا0998 ، سىزنىڭ يوقۇرىدىكى يازمىڭىزغا مۇنداق جاۋاب بېرىپ باقاي ، ئويلۇنۇپ كۆرەرسىز .       ئەسسالامۇ ئەلەيكۇم قېرىندىشىم ، بەلكىم سىزنىڭ ئاتا - ئانىڭىز ، بوۋا مومىلىرىڭىز ، ھەتتاكى يەتتە ئەۋلادىڭىز ئۆزلىرىنى ئىسلامدا توغرا يول تۇتۇپ ، اللەنىڭ قۇلچىلىقىنى قىلىپ ، ساغلام ئەقىدە بىلەن شەرىئەت ئەھكاملىرىنى ئىجرا قىلىپ كېلىۋاتقان مۆمىن مۇسۇلمان - دەپ ھېسابلايدىغانلىقى ئېنىق ، ئەلۋەتتە . سىزمۇ بۇنى ئېتىراپ قىلىدىغانسىز ؟ دېمەك سىز ھەم سىزنىڭ يەتتە ئەۋلادىڭىز سۈننى مەزھەبتىكى مۇسۇلمانلاردۇر . ئۇلار ئەزەلدىن تۈرلۈك نەزىرلەرنى قىلىپ كەلگەن مەۋلۇد ئوقۇتۇپ ھەم ئوقۇپ كەلگەن ، قەبرىستانلىقلاردا قۇرئان ئوقۇپ كەلگەن ... قاتارلىق نۇرغۇنلىغان ياخشى بىدئەتلەرنى ئايەت ۋە ھەدىسكە ، شەرىئەت ئەھكاملىرىغا ئۇيغۇن ھالدا ، اللەنىڭ رازىلىقى ئۈچۈن قىلدۇق - دەپ ، ئۆزلىرىگە ئىشەنچ قىلىپ كەلگەن ، ئەلۋەتتە .    ئەمدى يېقىنقى 20 ، 30 يىيدىن بۇيان دىيارىمىزدىمۇ ئۆزلىرىنى ئەسلىيەتچى ، ياكى ئەھلى تەۋھىد - دەپ ئاتايدىغان ، شۇنداقلا نەزىر قىلغان ، مەۋلۇد ئوقۇغان ، قەبرىستانلىقلاردا قۇرئان ئوقۇپ دۇئا قىلغان مۇسۇلمانلارنى ( يەنى يەتتە ئەۋلادىڭىزنى ) بىدئەت ئىشلارنى قىلىدۇ ، اللەقا شېرىك كەلتۈرىدۇ ، ئۇلار دوزىخىلاردۇر ، ئۇ بىدئەتچىلەرنى ، ئۇ مەزھەبلەرنى يوقۇتىمىز _ دەپ ھاقارەت قىلىۋاتسا ، سىز ئۆزىڭىزنىڭ ھەم يەتتە ئەۋلادىڭىزنىڭ ئەقىدىسىنىڭ توغرىلىقىنى ئىسپاتلاشقا ھەم قوغداشقا ھەركەت قىلمامسىز ؟؟؟!!!   ياكى سىزمۇ دۈشمىنى نان بەرسىمۇ قۇيرۇق شىپاڭشىتىپ ئەگىشىپ ماڭىدىغان لالما ئىتتەك ، شۇلارنىڭ كەينىدىن مېڭىپلا كېتەرسىزمۇ ؟ ( بۇ پەقەت شۇنداقلارغا قارىتىلغان بىر مىسال ، توغرا چۈشەنگەيسىز ) . چۈنكى نۇرغۇن كىشىلەر شۇلارغا ئىشىنىپ قېلىپ ، شۇلارنىڭ ئارقىسىدىن چالۋاقاپ ، جاھانغا پاتماي كېتىۋاتىدۇ ....       ئەگەر اللە بەرگەن ئەقلىمىزنى ئازراقلا ئىشقا سالساق ، بىزدە ئازراق بولسىمۇ ئەقىدە بىلىمى ۋە ۋىجدان - غورۇر بولىدىغان بولسا ، ئۇرۇق ئەۋلادىمىزنى ، بولۇپمۇ دىنى ئەقىدىمىزنى يوقۇتۇش ئۈچۈن كۆرىشىۋاتقان بۇ خلدىكى مۇناپىقلارنىڭ 32 تال چىشىنى قولىغا كۆتەرتىپ قويساقمۇ ئازلىق قىلىدۇ .       مۇسۇلمانلار دىن دۈشمەنلىرىنىڭ مانا مۇشۇنداق بىدئەت باھانىسى بىلەن زىدىيەت سېلىشلىرىدىن ، ھەدەپ پىتنىخورلۇق قىلىپ ، بۆلگۈنچىلىك ، تەپرىقىچىلىق قىلىشلىرى سەۋەبىدىن بىرلىككە كېلەلمەيدۇ ، چىقىشالمايدۇ ، ئىتتىپاقلىشالمايدۇ .       ئۇنداقتا بىز مۇسۇلمانلار ئىتتىپاقلىشىمىز دەيدىكەنمىز پەيغەمبىرىمىز مۇھەممەد مۇستەفا سۇەللەللاھۇ ئەلەيھى ۋەسەللەم : « مەن سىلەرگە ساھابىلىرىمنى ، ئاندىن ئۇلارغا يېقىن بولغان تابىئىنلىرنى ، ئاندىن ئۇلارغا يېقىن بولغان ئەتبائىلارنى لازىم تۇتۇشىڭلارنى ۋەسىيەت قىلىمەن .ئاندىن كېيىن يالغانچىلىق ئاشكارە يامراپ كېتىدۇ ، ... ( سەھى ھەدىسلەر توپلىمىدىن ) » - دەپ بىشارەت بەرگەن ، تابىئىنلاردىن بولغان تەڭداشسىز مۇجتەھىد ئالىمى ئىمام ئەزەم رەھمىتۇللا ئەلەيھىنىڭ ئۆگەتكەن ئەقىدىسى بويىچە قۇرئان ۋە ھەدىسكە ئەمەل قىلساق .ئاندىن  ئىمام مالىك ، ئىمام شاپىئى ۋە ئىمام ئەھمەد ھەمبەلى قاتارلىق مۇجتەھىد ئالىملارنىڭ ئەقىدە ، ئىجتىھادىنى توغرا - دەپ تەستىق قىلساق ، يامان بىدئەتلەرنى يوقۇتۇشقا تىرىشساق ، ئاندىن ئىتتىپاقلىشالايمىز - دەپ قارايمەن .   ئەگەر مۇشۇ تۆت پىقھى ئالىمىنىڭ ئىجتىھادىنى مەزھەبنى يوقۇتۇش باھانىسى بىلەن يوقاتماقچى بولىدىكەن ، ئېنىقكى ، ئۇنىڭ ئەقىدىسى باتىل ئەقىدىدۇر ، ئۇ ئازغۇندۇر . بىدئەتنىڭ ھەممىسى ئازغۇنلۇق ، مەزھەب يوق - دېگۈچىلەرنىڭ پىتنىلىرىدىن قاتتىق ھەزەر ئەيلىشىمىز كېرەك . ... اللەقا ئامانەت .

qayan444

	غەيۋەت قىلىش ئېغىر گۇنادۇر ،  سىز بىر ئادەم ئۈستىدىن غەيۋەت قىلسىڭىز ،  شۇ ئادەمنىڭ گۆشىنى يىگەندەك گۇنا  ئۆتكۈگەن بولىسىز....     ئادەم گۆشى  = ھارام

guljanat

	رەھمەت ياخشى تىمىكەن

ilthja

	ياخشى تىما يوللاپسىز، اللە ئەجرىڭىزنى بەرسۇن! لىكىن، ئەمما، بىراق ،شۇغۇنىسى بىرئاز ئازبوپ قاپتۇ، بۇنىڭ دائىرسىنى يەنىمۇ كەڭەيتىش كىرەك ئىدى.

52arslan

	مىسرانىم تورىغا ئەزا قوبۇل قىلىشتا شەرىئەتتىكى مۇشۇ تىمىدا دىيىلگەن مەزمۇنلارنى يېڭى ئەزا بولغۇچىغا كۆرسىتىپ ، شەرىئەتكە ئەمەل قىلىش توغرىسىدا ۋەدە بەرگەندىن كىيىن ئاندىن ئەزالىققا   .قوبۇل قىلىدىغان قىلسا دەيمەن بەزى ئادەملىرىمىز  ساپاسىزلىقتا شۇ دەرىجىگە يەتكەنكى : ھەي ئۆزىنى مۇسۇلمان ئاتىۋالغان ئىنسان بالىسى بولىمىش ئىككى پۇتلۇق كىشى ، مۇنۇ دەۋاتقىنىڭ دىنىمىزدا گۇناھ ، مۇنۇ دەۋاتقىنىڭنى پەيغەمبىرىمىز چەكلىگەن دىسە شۇ گەپ قىلغان كىشىنىگە ھوجۇم قىلىدىغان . بىر جەمىيەتتە ساپاسىزلارنىڭ بولىشى ، مەدەنىيەتسىز كىشىلەرنىڭ بولىشى بەك چوڭ مەسلە ئەمەسكەن ، ئەمما بىزدىكى بىر قىسىم كىشىلەردەك ئۆزىنىڭ ساپاسىزلىقىنى باشقىلارنى تۇنجۇقتۇرۇش ، سېسىتىش ، غەيۋىتىنى قىلىش ئارقىلىق يېپىشقا ئۇرۇنۇش ئەڭ ئېغىر مەسلىكەن !

sawir724

	ياخشى تىما مىنىڭ ئەزەلدىن غەيۋەت بىلەن خوشۇم يوق بۇرۇن لاردا غەيۋەتنى ئاياللار قىلىدۇ دەيدىغان گەپ باتى ئەمىلىيەتتە قارايدىغان بولساق بەزىبىر ئەرلەر غەيۋەت قىلىشتا ئاياللاردىن ئىشىپ چۇشكىدەك قىلغىلى باشقا ئىشى يوقتىكىدەك ھەي