ھەقىقەت سىز تەرەپتە بولسىمۇ ئىسپاتىڭىز بولمىسا دەۋادا ئۇتتۇرىۋىت

goldiway

	دەۋادا ھەقىقەت سىز تەرەپتە بولسىمۇ ئىسپاتىڭىز بولمىسا                                   ئۇتتۇرىۋىتىسىز                              مېھرىبان مەخمۇ،  ئارزىگۇل ئابلىمىت    دەۋالاشقۇچىلار سوت مەھكىمىسىگە دەۋا قىلغاندا، سوت مەھكىمىسى دەۋانى قوبۇل قىلغاندىن كىيىن، دەۋاگەرگە دىلونى قوبۇل قىلغانلىقىنى ئۇختۇرۇش  بىلەن بىرگە، سوت ئۈستىدىكى ھوقۇق ۋە مەجبۇرىيەتلىرى، خىيىم-خەتەر ئەسكەرتىمىسى، دەلىل ئىسپات كۆرسىتىش ئۇختۇرشى قاتارلىقلارنى يەتكۇزىدۇ. جاۋاپكارغا بولسا، دەۋاگەرنىڭ ئەرزىنى، سوت ئۈستىدىكى ھوقۇق ۋە مەجبۇرىيەتلىرى، خىيىم-خەتەر ئەسكەرتىمىسى، دەلىل ئىسپات كۆرسىتىش ئۇختۇرشى قاتارلىقلارنى يەتكۇزىدۇ. سوت ئۈستىدە دەۋالاشقۇچىلار ئۆز تەشەببۇسىغا قارتا دەلىل ئىسپات كۆرسىتىدىغان ۋاقىتتا، «بۇنداق دەلىل ئسىپاتنى ئىلىپ كىلىشىنى ئۇخمايدىكەنمەن، دەلىل ئىسپاتىمىنى ئۆيدە ئۇنتۇپ قاپتىمەن، ھازىر بىرىپ ئەپكىلەي؛ سوتتىن كىيىن تولۇقلاپ بىرەي، گۇۋاھچىمنىڭ بۇگۇن ئىشى چىقىپ قاپتۇ ، ئەتە كىلەي دىگەن ئىدى، ھازىر تىلغون ئۇرسام كىلىدۇ»دەپ جاۋاپ بىرىپ ئۆز تەشەببۇسىنى ئىسپاتلىيالمايدۇ. نۇرغۇن ۋاقىتلاردا سوت مەھكىمىسى دەۋالاشقۇچىلارنىڭ قانۇنلۇق ھوقۇق مەنپەتىنى كۆزدە تۇتۇپ، سوتىنى ۋاختىنچە توختۇتۇپ ئۇلارغا دەلىل ئىسپاتىنى ئىلىپ كىلىشكە، تولۇقلاپ ئەكىلىشكە ۋاقىت بىرىدۇ، ئەمما دەۋالاشقۇرچىلار سوتتىن بىرىلگەن مۆھلەت ئىچىدە دەلىل ئسىپاتىنى تولۇقلىيالماي، ۋاخىتدا ئىلىپ كىلەلمىگەنلىك سەۋەپلىك، سوت مەھكىمىسى تەرپىدىن دەۋا تەلۋى رەت قىلىنىدۇ. بۇنداق ۋاقىتلاردا دەۋالاشقۇچىلار سوت مەھكىمىسىدىن ۋە سوتچىدىن نارازى بولىدۇ.    «جۇڭخۇا خەلق جۇمھۇرىيتى ھەق تەلەپ دەۋا قانۇنى » نىڭ 64-ماددىسدا، دەۋالاشقۇچىلار ئۆزلىرىنىڭ تەشەببۇسىغا قارتا دەلىل ئىسپات بىلەن تەمىنلەش مەسئۇلىيتى بار دەپ بەلگىلەنگەن. ئۇرۇن ياكى تەشكىلارلاردىن ئېلىشقا تىگىشلىك ئىسپاتلارنى ئېلىشقا ئەلۋەتتە سوت مەھكىمىسى   مەسئۇل بولىدۇ. «ئالى خەلق سوت مەھكىمىسنىڭ ھەق تەلەپ دىلولىرىدىكى دەلىل ئىسپاتقا دائىر بەلگىلىمىسى» نىڭ ئىككىنچى   ماددىسدا دەۋالاشقۇچىلار ئۆز تەشەببۇسىغا قارتا دەلىل ئىسپات بىلەن تەمىنلىمىسە ياكى قارشى تەرەپنىڭ دەلىل ئىسپاتىنى ئاغدۇرۋىتەلمىسە پايدىسىز ئاقىۋەتنى ئۈستىگە ئالىدۇ دەپ بەلگىلەنگەن. سوت مەھكىمىسى ھۆكۇم كىسىم چىقىرىشتا، پاكىتنى ئاساس، قانۇنى ئۆلچەم قىلىدىغانلىقىنى ئۇچۇن، يۇقارقى قانۇن بەلگىلىمىلەرگە  ئاساسەن، ئۆز تەشەببۇسىغا قارتا دەلىل ئىسپات كۆرسىتىپ بىرەلمىگەن دەۋالاشقۇچىنىڭ دەۋا تەلۋىنى رەت قىلىپ ھۆكۇم چىقىرىدۇ. دەۋالاشقۇچىلار يۇقارقىدەك بىپەرۋالىق سەۋەبىدىن دەۋا تەلىۋىنى سوت ئۈستىدە يىتەرلىك ئىسپاتلاپ بېرەلمەي دەۋادا ئۇتتۇرىۋىتىپ پايدىسىز ھۆكۈم چىقىپ قالسا، ئۆزىنىڭ ئىسىدىكى ھەقىقەت بويىچە ئويلاپ سوتچىدىن ناھەق ھۆكۈم چىقىرىپ قويدى دەپ رەنجىپ  نارازى بولۇپ يۈرىدۇ ياكى بىر دەرىجە يۇقۇرى سوتقا نارازەلىق ئەرزى بىرىدۇ. بۇنداق ئۇقۇشماسلىق، نارازىلىق، ئاۋارىچىلىقلارنىڭ ئالدىنى ئېلىش ئۈچۈن دەۋالاشقۇچىلارغا  سەمىمىلىك بىلەن شۇنى ئەسكەرتىمىزكى دېلو قۇبۇل قىلىش باسقۇچىدا قوبۇل قىلغۇچى  بەرگەن سوت تەييارلىقىغا دائىر چۈشەندۈرۈش خاراكتىرلىك  ماتىرياللارنى ئەستايىدىل كۆرۇپ، سوتقا يىتەرلىك تەييارلىق بىلەن كىرىڭ. سوت مەھكىمىسى سىزگە ئۇختۇرۇشقا تىگىشلىك ئىشلارنىڭ ھەممىسىنى سىزگە دىلو قوبۇل قىلىش باسقۇچى ھەمدە سوتنىڭ تەييارلىق باسقۇچىدا ئۇختۇرۇپ بولىدۇ. ئەگەر بەزى ئىسپارلارنى ئالالماسلىققا، تاپالماسلىقا  ئۇرۇنلۇق  سەۋەپ بولسا ياكى گۇۋاھچىلارنىڭ ۋاقتى سوت ۋاقتى بىلەن  تۇقۇنۇشۇپ قېلىش ئەھۋالى بولسا  سوت ۋاختىنى كېچىكتۈرۈپ بىرىشنى ئىلتىماس قىلسىڭىزمۇ بولىدۇ .                                        ( ئاپتۇرلار يېڭىشەھەر ناھىيەلىك خەلق سوت مەھكىمىسىدە)

MiRul

	پاكىت ئاساس قانۇن ئۆلچەم دېگەن مانا شۇ  دە                                                    لېكىن بەزى دېلولاردا پاكىت ئېنىق بولسىمۇ يەنىلا ئاقماس قەغەز                       قانۇن ئېنىق بولسىمۇ بىراق سوتچىلىرىمىز شۇ قانۇننى توغىرا ئىشلىتەي دەپمۇ بېسىم تۈپەيلىدىن ئىشلىتەلمەيدىغان ئەھۋاللار كۆرۈلۈپ قالىدۇ                        ئاللاھ بەندىسىنى شۇ سوت مەھكىمىسىگە ئەرز-دەۋا قىلىشقا نېسىپ ئەتمىگەي

tarim-darya

	قانۇن پاكىتنى ئاساس . قانۇننى ئۆلچەم قىلىدۇ .

rahmansaykin

	دادام بىر يولداشنى زەخمىلەندۈرۈپ قۇيۇپتىكەن . بەش ئاي بولدى . داۋالىشىپمۇ قۇتۇلالماي يۈرۈيمىز .

tadber

	قانۇن پاكىتنى ئاساس . قانۇننى ئۆلچەم قىلىدۇ ما گەپكە مەن تازا ئىشەنمەيمەن      بۇ گەپلەر  قەغەز ئۈستدە كۆرگىلى بولدىغان ئەمەلىيەتتىن تاپقىلى بولمايدۇ.  يەنە  شۇ قانۇننى ئىجرا قىلىدىغان  شۇ ئادەملەر بولغاندىكىن ئۇلارنىڭ بۇنىڭغا ئەمەل قلىمايدىغانلىرى  كۆپ .

patima2

	بەزدە ئىسپاتمۇ بىكار جۇمۇ

xoh-xoh024

ھۆكما

	ئىسپات بولسىمۇ، يولى بولمىسا يانا بولمايدۇ.

fathullah

	قايسى قانۇننى دەيدىغان بولغىيتى؟ھېلىقى قانۇن–ھۆكۈمران سىنىپنىڭ خاھىشى دەپچۇ؟

pixwa

	بۇ تېمىنى راستىنلا سوتچىلار يوللىغان بولسا ھەقىقەتەن ياخشى ئىش بوپتۇ، بىزنىڭ مۇنبەرلىرىمىزدە مۇشۇنداق كىشىلەرگە بىلىم بىرىدىغان، مەسلەھەت، ئەقىل كۆرسىتىدىغان تېمىلارنىڭ كەمچىللىكى بىر بىتەرەپلىمىلىك، لىكىن مەن ئۆزۈمنىڭ تەجرىبىسىگە ئاساسەن، بىر نەچچە تەكلىپىمنى قوشۇمچە قىلىمەن. 1. ئەگەر داۋالاشقۇچىلار يۈكسەك ھوشىيارلىقنى ساقلىمايدىكەن، سوت ھامان ئادىل بولالمايدۇ. چۈنكى دىموكىراتىيە ھامان مەۋجۇت، لىكىن ئۇ ئىزدەپ تاپالىغانلارغا نىسىپ. قانۇندا يوچۇق ھامان مەۋجۇت، چۈنكى دۆلىتىمىز قانۇن سىستىمىسى ھازىر تىخى مۇكەممەللىكتىن كۆپ يىراق. 2.سوت نەتىجىسى ھۆكۈمەتنىڭ، ئەمەلدارلار مۇناسىۋەت تورىنىڭ، مەھكىمە باشلىقلىرىنىڭ ھەتتا سوتچىلارنىڭ، بەزىدە ئادۋۇكاتلارنىڭ رايىغا بىقىپ قالىدۇ. شۇنىڭ ئۈچۈن: 1. ناھەقچىلىققە ئۇچىرسىڭىز بولۇپمۇ، ئورگان، كارخانا ياكى كوللىكتىپلار تەرىپىدىن، ئىمكان بار مەمۇرى جەھەتتىن ئەرىز قىلىڭ، سوت مەھكىمىسىگە ئەرىز قىلىشتىن ساقلىنىڭ، چۈنكى ئىككىنچى سوت ھۆكۈمى چىقىرىلىپ بولغاندىن كىيىن يەنە قايىل بولمايدىغان دىلولاردا يۇقىرىلاپ ئەرىز قىلسىڭىزمۇ قانۇندا يەنىلا ئىككىنچى سوت ھۆكۈمىنى ئاساس قىلىش بەلگىلەنگەن. دىمەك سىزنىڭ ئەرىز يولىڭىز ئۈزۈلۈپ قالىدۇ. 2. ئۆزىڭىزدىن ئىجتىمائىي مۇناسىۋىتى، يولى، پۇلى يامانلار بىلەن ئۇرۇق-تۇققانلار ئارا داۋا قىلىشماقچى بولسىڭىز ئىمكان بار مۇرەسسە بىلەن ئىش ھەل قىلىڭ، بولمىسا سوتقا، ئادۋۇكاتقا پۇل خەجلەپ, ئاقىۋەت ئشىكى بەش تەڭگە توقۇمى ئون بەش تەڭگە دىگەندەك بولىدۇ.3. بىكار ئاۋەرە بولۇشتىن ساقلىنىش ئۈچۈن ئەڭ ياخشىسى سىز داۋانى باشلاشتىن بۇرۇن، داۋا مەزمۇنىڭىزغا ئائىت بارلىق قانۇن-نىزاملارنى، مۇمكىن بولسا دىلو مىساللىرىنى ئىزدەپ كۆرۈپ چىقىڭ. چۈنكى ئادۋۇكات ۋە سوتچىلار مۇ سىزگە ئۆزىڭىزچىلىك ياردەم قىلالمايدۇ.      يۇقارقى قارىشىمغا بۇ تېما ئازراق دەلىل بولالايدۇ دەپ قارايمەن http://pixwa.cn/forum.php?mod=viewthread&tid=4&extra=page%3D1 يۇقارقىلار ئۆزۈمنىڭ خاس پىكىرىم، تەنقىدى پايدىلىنارسىلەر.