azat408 يوللىغان ۋاقتى 2013-9-6 12:20 AM 
ئۇيغۇر ئۇرخۇن خانلىغى يىمىرلىگەندىن كىيىن ،ئۇيغۇرلار ...
قارلۇق قەبىلىسى ئۇيغۇرلارنىڭ يۇقۇرى تەبىقىدىكى قەبىلىسى بۇلۇپلا قالماي، يەنە ساكلار قەبىلىسىمۇ ئوتتۇرا دەرىجىلىك ئاقسۆڭەكلەر قەبىلىسى ھىسابلىنىدۇ. قەشقەرغە ئوغۇزلار كېلىشتىن بۇرۇن ئۇلار قەشقەرنىڭ ئەسلى ئاھالىسى بولۇپ، قەشقەر شەھرىنى ئەڭ بۇرۇن ساكلار بەرپا قىلغان. بۇ قەبىلىدىن قول-ھۈنەرۋەنلەر، سودىگەرلەر كۆپرەك چىقىدۇ، ساكلارنىڭ سودا ئېڭى بىرقەدەر يۇقۇرى بولۇپ، ئەسلى يۇرتى بولغان ھىندى-پارس تەرەپلەردىن يىپەك يولىنى بويلاپ مال يۆتكەپ خان جەمەتىگە سېتىپ، خاقانىيىلىكلەرنى ماددىي-ئەشيا بىلەن تەمىنلەيدۇ ۋە ئۆزلىرىمۇ قول-ھۈنەرۋەنچىلىك بىلەن شۇغۇللىنىپ، بەلگىلىك ئورۇنغا ئىگە بولىدۇ. قەشقەر-ئاتۇش رايونىغا سودا قىلىشنى ئەڭ بۇرۇن ئاشۇلار ئۈگەتكەن. ئۇلارنىڭ بىر ئۇچى ھىندىستاندىكى ساكيا(ساكيامونى-بۇدداھ دىنىنىڭ ياراتقۇچىسى) قەبىلىسىگە تۇتاش بولۇپ، قارلۇق قەبىلىسى (جان جەمەتى قەبىلىسى) ئىسلام دىنىنى قوبۇل قىلغاندىن كېيىن، گەرچە ئۇلار قەشقەرغە قارلۇقلاردىن بۇرۇن كەلگەن بولسىمۇ(مىلادى 4-ئەسىردە) ، دەسلەپتە ئىسلام دىنىنى قوبۇل قىلىشنى خالىمىغاچقا (بۇدداھ دىنى ئۇلاردا چوڭقۇر يىلتىز تارتىپ كەتكەچكە)، چەتكە قېقىلىپ، قارلۇق قەبىلىسى باشچىلىقىدىكى مۇسۇلمانلارنىڭ مەسخرىسىگە ئۇچراپ، قەشقەر شەھرى ئەتراپىدىكى جايلارنى ماكان تۇتقان، ھەمدە ئورنىمۇ بارغانسېرى تۆۋەنلىگەن. چۈنكى ئاۋام خەلقمۇ ئۆزىنى يۇقۇرى تەبىقىدىن كۆرسىتىش ئۈچۈن ئىسلام دىنىنى بەس-بەستە قوبۇل قىلغان، چۈنكى 10-ئەسىردە مۇسۇلمان بولۇش بىر خىل ئىمتىياز ۋە يۇقۇرى تەبىقىنىڭ بەلگىسى ئىدى. ساكلار مۇسۇلمانلاردىن يىراق تۇرۇش ئۈچۈن، ئامالسىزلىقتىن ھازىرقى كونىشەھەر ناھىيىسىنىڭ توققۇزاق (توققۇز ساك- ناھىيە تۇرۇشلۇق بازار)، ئوغۇساق(ئوغۇز- ساك، يەنى شالغۇت قەبىلە، ئورنى قەشقەر شەھرىگە ئەڭ يېقىن)، ئاتۇشنىڭ ئېكىساق( ئىگە ساك) ۋە قۇمساق( قەۋم ساك) قاتارلىق جايلىرىغا كۆچۈپ كەتكەن ۋە كېيىن شالغۇتلىشىپ مۇسۇلمان بولغان. بۇ جايلارنىڭ نامى ھازىرمۇ شۇنداق ئاتىلىۋاتىدۇ. دىمەك ساكلار ئوغۇز(ئاساسى قەبىلىسى قارلۇق)لار تەرىپىدىن يىمىرىلگەن بولۇپ، ئۇلارنىڭ تەقدىرى 16-ئەسىردىكى ئامېرىكا قىتئەسىنىڭ ئەسلى ئاھالسى بولغان ھىندىيانلارنىڭ تەقدىرىگە ئوخشىشىپ كېتىدۇ.
بۇ يازمىنى ئاخىرىدا UYGRAF تەھرىرلىگەن. ۋاقتى 2013-9-9 01:08 PM
يوللىغان ۋاقتى 2013-9-8 05:17:58 PM
