ئىزتىراپلىق خىياللار

nazaratqi

	ئىزتىراپلىق خىياللار ئويلاپ ئۇزاق ئازابلارغا بولىمەن غەرق، ئادەملەرگە قاراپ بەزى،ياقا تۇتىمەن. نىمە ھايۋان بىلەن ئادەم ئارىدا پەرق، قىيناپ مېنى تالاي سوئال،ئازاب يۇتىمەن. بەخت ئۈچۈن بەدەل بېرىپ رىيازەت چەكسەك، كېتەر ئىكەن يىراقلارغا بىردەمدە تاشلاپ. ئاھ ئېسىت دەپ قالار ئارمان،قالاركەن ئىستەك، ئۈلپەت بولۇپ قىينايدىكەن يەنىلا ئازاب. ئادەملەردە يوقالغاندا ئەقىدە-ئىمان، بولار ئىكەن يۈرىكى تاش،ئاجىزنى كۆرسە. قوزغىلاركەن ئادەم تۇرۇپ ئادەمگە گۇمان، يىتىملەرنىڭ يېشى بىلەن ھالاۋەت سۈرسە. سۆيمەك بولساڭ بىر جاناننى ئەقىدەڭ بىلەن، نازلىق باققان خۇيى سېنى ئەيلىسە ئەسىر. تاشلاپ سېنى ، بىراۋ بىلەن ئېيتاركەن ئۆلەن، ئايلىناركەن خارابلىققا،ئۇ تۇرغان قەسىر. قەددى چىنار ئەركەكلەرمۇ بۇدەم بەك چۈشكۈن، ئويلىمايدۇ  ئۆزىمىز كىم، كىمنىڭ ئەۋلادى؟ ھاياتلىقتىن ئاسان يولنى تاپسىلا ئۈچ كۈن، كىرمەس ئەسكە، مەزلۇملارنىڭ ھىچ ئاھۇ-پەريادى! ئەۋلاد شۇدەم قاچار ئىلىم-ئىرپاندىن يىراق، ئاتىلارنىڭ كۆيۈنگىدەك بولمىغاچ ھالى. ئويغاقلارنىڭ تىلار داۋام باغرىنى پىراق، نېمە قىلسا بولالمىغاچ ئازابتىن خالى. تۈنلەر بىدار، ئىزتىراپلىق خىياللار ئارا، تىلەپ دائىم:دىنداشلارغا تەۋپىق ۋە ئىمان. تۇيۇق يولنىڭ ئەڭ ئاخىرقى بېكىتى قارا، ھىس قىلمايسەن،كۆز ئالدىڭنى توسىغاچ تۇمان. ھاياتلىقتا تىنىق پۇرسەت، تىنىق غەنىمەت، رەببىمىزنى كۆز ئالدىڭدا قىلغاندا خىيال. تەپەككۇردىن زېھىن ئۈزمەس ئويغاق ئەزىمەت، ئەڭ ئاخىرقى تىنىقىدا قۇچىدۇ ۋىسال! مەنبە: ئىجادىيىتىم.

BAHADIRHAN

	كىلىشتۈرۈپ بىر نەچچە كۇپلىت قاتۇراي دىسەم دەل ۋاقتىدا ئىلھام كەلمەي قويدى - دە، ۋاي ئىسىت، ئەجەپ ئىسىل تەپەككۈر قىپتىكەنسىز قىرىندىشىم، ئورتاقلىشالمىغىنىم ئۈچۈن كۆڭلۈم يىرىم بولسىمۇ، شۇ قەدەر ئىسىل دۇردانىلىرىڭىزنى بىزگە تەقدىم ئەتكىنىڭىز ئۈچۈن سىزگە مىڭلارچە تەشەككۈر. ئاقساقاللىق قىلغاندەك بولسىمۇ بىر پىكىر بەرسەم: قەددى چىنار ئەركەكلەرمۇ بۇدەم بەك چۈشكۈن، ئويلىمايدۇ  ئۆزىمىز كىم، كىمنىڭ ئەۋلادى؟ ھاياتلىقتىن ئاسان يولنى تاپسىلا ئۈچ كۈن، كىرمەس ئەسكە، مەزلۇملارنىڭ ھىچ ئاھۇ-پەريادى! ئاخىرقى مىسرادىكى ھىچ دىگەن بىر بوغۇم سۆز گەرچە مەزمۇننى كۈچەيتىشكە ياردەم بەرسىمۇ، بوغۇم ئارتۇقلۇقى تۈپەيلى شىئىرنىڭ ھۈسنىگە زەرەر بىرىپ قويۇپتۇ.

BAHADIRHAN

	ئادەملەردە يوقالغاندا ئەقىدە-ئىمان، بولار ئىكەن يۈرىكى تاش،ئاجىزنى كۆرسە. قوزغىلاركەن ئادەم تۇرۇپ ئادەمگە گۇمان، يىتىملەرنىڭ يېشى بىلەن ھالاۋەت سۈرسە. بۇ كۇپلىتتىكى مەزمۇننى يىتىملەرنىڭ يېشى بەدىلىگە ھالاۋەت كۆرۈۋاتقانلارنىڭ ئادەملىكىگە گۇمان تۇغۇلىدىكەن، دىگەن مەزمۇندا چۈشەندىم. بىراق، ئۈچىنچى مىسرانى ھەر خىل شەكىللەردە ئويلاپ باقساممۇ ئاشۇ مەنانى تېخىمۇ ياخشى ئىپادىلەپ بىرەلەيدىغان ئۇسۇلنى تاپالمىدىم. چۈنكى قوزغىلاركەن ئادەم تۇرۇپ ئادەمگە گۇمان دىگەن بۇ مىسرا مەن چۈشەنگەن مەزمۇننى ئىپادىلەشكە تازا ئاجىزلىق قىلىپ قالىدىغاندەك ھىس قىلدىم. ئويلىغانلىرىم بەلكىم ئارتۇقچە بولۇشى مۇمكىن، ئاقساقاللىقىمنى كەچۈرۈڭ ھە بۇرادەر، نازارەتچىنىڭ چىشىغا تىگىپ قويۇپ، داۋاملىق نازارەت ئاستىدا ياشىغۇم يوق مىنىڭ!

faruh193

	جەمىيەتكە شۇندا قارىسام .ھەممە كىشىلەر ناھايىتى ياخشىدەك كۇرنىدۇ  ، لىكىن كۇپۇنچىسى ساختىدەك .   لىكىن ياخشىلار ئەسكىلەردىن كوپ ئىكەن .

mahatjan

nazaratqi

	BAHADIRHAN يوللىغان ۋاقتى  2013-9-3 03:39 PM كىلىشتۈرۈپ بىر نەچچە كۇپلىت قاتۇراي دىسەم دەل ۋاقتىدا  ... پىكرىڭىز ئورۇنلۇق..... ئاشۇ«ھىچ» نىمبولۇپ قوشۇلۇپ قالغاندۇ-دەيمەن... راستلا ئارتۇقچە ئىدى....

qaraxani

	ئىنسان پەقەت ئۈچ نانغىلا توياركەن، توياركەنۇ نان غېمىنى قوياركەن. غاپىللىقتىن ئۆچسە ئەقىل شاملىرى، بىر-بىرىنىڭ كۆزىن جەزمەن ئوياركەن... ئو.ساۋۇت

nazaratqi

	BAHADIRHAN يوللىغان ۋاقتى  2013-9-3 03:45 PM ئادەملەردە يوقالغاندا ئەقىدە-ئىمان، بولار ئىكەن يۈرى ... راستىنلا چوڭقۇر ئويلاپ يېتەلمەپتىمەن.... ئەشۇ  مىسرانى مۇنداق ئالسام دەل جايىغا چۈشەتتىكەن... «تۇغقان تۇرۇپ بىر-بىرىگە قوزغىلار گۇمان»...دېسەم بوپتىكەن..- ھەتتەڭەي...

شاھلالە

	ئادەمىنىڭ روھىنى كۆتۈرگىدەك تۇرمۇشنى ساغلاملاشتۇرغىدەك شئىرلار ،ئەسەرلەر يوقمۇ باللار بىر بولسا مۇھەببەت توغىرسىدا بىر بولسا غەم -قايغۇ توغىرسىدا ئادەم بەك زىرىكىپ قالدىكەن چارچاپ تۇرغاندا ................................

0908220

	خىياللىرىڭىزنى  شىئرغا  قاتۇرۇپسىز  دە