ئەتراپىمىزدىكى ستودېنتلار...

munirdin

	-ساۋاقداشلار،شۇ تاپتا شۇنداق ھاياجانلىنىپ تۇرۇپتىمەن....مانا تولۇق ئوتتۇردا بىللە ئوقۇغان ساۋاقداشلارنىڭ كۆپ قىسمى يىغىلىپتىمىز.كۆپ قىسمىمىز ئالى مەكتەپ ئوقۇشىنى داۋاملاشتۇرۇش بىلەن مەشخۇل.بۈگۈنكىدەك يىغىلىشىمىز ئاسان ئەمەس،بولسا داۋاملىق مۇشۇنداق ئىزدىشىپ تۇرايلى! ھەممىڭلارغا سالامەتلىك تىلەيمەن...! -چوقۇم شۇنداق قىلىمىز....چوقۇم..(ھاياجانلىق چىرايلار)                                                              2يىلدىن كېيىن -ئاداش ،نەگە ماڭدىڭ؟ -ھە شۇ ئوقۇتقۇچىلىق ئىمتاھانىدىن ئۆتۈپتىكەنمەن،ئەتە تەربىلىنىشكە ماڭىدىكەنمىز،شۇنىڭ تەييارلىقى بىلەن... -ھە،مۇبارەك بولسۇن ئاداش! -رەھمەت                                                                             ********* -ئەسسالامۇ ئەلەيكۇم،قانداق ئەھۋالىڭ؟ -ۋەئەلەيكۇم ئەسسالام خۇداغا شۈكرى،ئۆزۈڭچۇ؟ سەنمۇ تېلفۇن قىلىدىكەنسەن-ھە..؟ -ھى..ھى..مەنمۇ ياخشى شۇ خىزمەت بىلەن ئالدىراش دېگىنە ،ئۇنىڭ ئۈبستىگە سەنمۇ ئالدىراش بولغاندىكىن بەك ئاۋارە قىلماي دېدىم -ھە..قانداق بىرە ئىش بىلەن ئىزدىگەنمىتىڭ؟ -كەچتە يىغىلىدىغىنىمىزنى ئۇنتۇپ قالمىغانسەن؟ -ئېسىمدە با،باشقىلاغىمۇ خەۋەر قىلغانسەن؟ -خاتىرجەم بول xxبىلەنxxيەنە xxلەرنىڭ ھەممىسى بار -yyچۇ؟ ئۇنىڭغا خەۋەر قىلمىدىڭلاما؟ -ياق،خەۋەر قىلماپتىمەن..... -ھە!؟ شۇنچە ۋاقىت ياخشى ئۆتكەن ساۋاقداش ھەم دوست تۇرۇپ بۇنداق قىلساق قانداق بولىدۇ؟ -ۋاي بولدىلا ئاداش...ئۇنىڭ يا خىزمىتى بولمىسا  كەچتىكى ئولتۇرۇشقا بىرىمىز200يۈەندىن چىقىرىدىغان تۇرساق،ئۇنىڭ ئائىلە شارائىتىمۇ تازا ياخشى ئەمەس ئۇنىڭ ئۈستىگە. -بىراق......                                                                       *********** -خۇداغا شۈكرى ! بىزنىڭ بالا ئاخىرى خىزمەتكە ئورۇنلۇشۇپتۇ. -ۋاي...مۇبارەك بولسۇن قوشنا! -رەھمەت قوشنا،ئەمدى ئاۋۇ ‹‹ ھېلىمەك››نىڭ كۆزىدىن ئوت چىقىپ كېتىدىغان بولدى دېسىلە ..ھى...ھى....-راست...راست...ھى....ھى.... راست،ئۇ جىن تەككۈرنىڭ بالىسى نېمىش قىلىۋېتىپتۇ؟ -كىم بىلىدۇ دەيلا قوشنا....ئىشقىلىپ تېگىدىن دۆت نېمىلەر ئۇ،شۇڭىمۇ ھازىرغىچە خىزمەت يوق ئۇ بىر نېمىسىگە                                                                            ************ -ئالىم بىلەن قانداق ئۆتۈۋاتىسەن؟ بۇيىل توي قىلاسىلە؟ -نەدىكى توينى دەيسەن؟ تېخىچە خىزمىتى بولمىسا ئۇنىڭ...تىجارەت قىلامىش تېخى،مەن ئۇنداق مۇقىم خىزمىتى يوق ئادەم بىلەن توي قىلغۇم يوق. -نىمە؟! سىلە ئارلىشىۋاتقىلى شۇنچە ئۇزۇن بولدىغۇ؟ -ھازىر ئەلى بىلەن يۈرۋاتىمەن.نېمىلا دېگەن بىلەن خەخ سوت مەھكىمىسىدە ئىشلەيدۇ دېگىنە(مەغرۇرانە كۈلۈمسىرەش)، ئادەم دېگەن رېئالىققا بويشۇنۇشى كېرەك،مۇھەببەت دېگەن بىلەن مانداق مۇقىم خىزمەت ئورنى ،ئىستىقبالى بولمىسا بولمايدۇ،بولدى بۇلارنى سورىما ،سەنمۇ كىيىن بىلىپ قالىسەن!                                                         ******************** -ئاداش،گۈلنۇرغا دېدىڭمۇ؟ -ياق،قانداق دەيمەن؟ ھەي.... -نېمە؟ تېخىچە ئېغىز ئاچمىدىڭما؟ شۇنچە يىل ئۇنى ياد ئېتىپ يوشۇرۇن كۆيۈپ يۈردۈڭ،ئالى مەكتەپنىمۇ پۈتتۈردۇق،يەنە قاچانغۇچە ساقلىماقچىسەن؟ -بولدىلا،خەخ دېگەن مەمۇرلۇق ئىمتاھانىدىن ئۆتۈپ بولدى،مېنىڭ بولسا تېخىچە مۇقىم خىزمىتىم يوق،مەن ئاۋال خىزمەت تاپاي..... -سەن؟!......                                                          ********************** -دادا-ئاپا: مەن ئۆز ئالدىمغا بىرەر ئىش قىلىپ باقاي دەيمەن،مېنىڭ بىر دۇكان ئاچقۇم بار -نېمە؟ سەن دۇكان ئاچماقنى شۇنداق ئوڭاي دەپ قالدىڭما؟ قۇرۇق خىيالنى ئاز قىلىپ مەمۇرلۇق ئىمتاھانىغا ياخشى تەييارلىق قىل! مەنبە: ئەتراپىمدىكى ئىشلار

azrat705

pixwa

	دىسەك گەپ تولا. ھەراسىت بۇ مۇنبەرگە سىتۇدىنىتلارمۇ كىرەمدىغاندۇ؟ ئۇ بالىلارغۇ خەنزۇچە بىلوگ ئوينايدۇ ياكى ئۈندىدار. قارىسام سىتۇدىنىت سەۋىيسىدىكى ياكى شۇ پۇراقتىكى يازمىلارنى ئانچە ئۇچىراتمىدىم.

مارشال

	ماۋۇ تېما ياخشى چىقىپتۇ،مۇمكىن بولسا رەسىم ھالىتىگە ئەكىپ ئۈندىداردا تەشۋىق قىپ قويغان بولساق ياخشى بولار ئىكەن.قولىدىن كېلىدىغان ،ۋاقتى بار دوستلارنىڭ شۇنداق قىپ قويۇشىنى سەمىمىي ئۈمىد قىلىمەن.

Mr.Neshter

	ياخشى تېمىكەن ، رەھمەت ..

rahmansaykin

	مەنمۇ بۇرۇن مەمۇرلۇق ئىمتىھاننى بەك چوڭ بىلەتتىم . تېخى ئۈزەمچە تەييارلىق قىلىپ كىتەتتىم . ئەمدى قارسىام بۇ يالغانچىلىقكەن . پۇل بىلەن ئۈتىدىغان ئىمتىھانكەن . ھەم ئىدىيەمدە ئازراق ئۆزگىرىش يۈز بىرىپ  ئىشخانىدا ئولتۇرۇپ ئاق ياقىلىق بۇلۇپ ئىشلەيدىغان ئىشتىنمۇ سەل يىرگىنىپ قالدىم . مەكتەپ پۈتتۈرسەم ئۈزەم ئايرىم ئىش قىلىمەن .

rahmansaykin

	pixwa يوللىغان ۋاقتى  2013-8-29 07:14 PM دىسەك گەپ تولا. ھەراسىت بۇ مۇنبەرگە سىتۇدىنىتلارمۇ كىر ... مۇنبەردە سىتودىنىتلار خېلى بار .

aykabi

	pixwa يوللىغان ۋاقتى  2013-8-29 07:14 PM دىسەك گەپ تولا. ھەراسىت بۇ مۇنبەرگە سىتۇدىنىتلارمۇ كىر ... ھېلىغۇ سىتودىنتكەن ،مەندەك ئوتتۇرا مەكتەپ ئۇغۇچىسىمۇ بار مۇنبەردە ،  ئىشقىلىپ نىمىشقىكىن شۇ خەنزۇچە بىلوگ ، ئۈندىدارنى پەقەت ئوينىغىم كەلمەيدۇ .  ئەلكۈيى مىكرو بىلوگىغا ئانچە مۇنچە كىرىپ قويمەن. بولمىسا مىسرانىملا ماڭا ياخشى بىلىنىدۇ . يەنلا ئۆزىمىزنىڭ سۈيۈملۈكتە .  مۇنبەردىن بەك پايدىلىنىۋاتىمەن مەن .

fathullah

	ئاغىنىلىرىم كىلەر يىل ئوقۇش پۈتتۈرىدۇ.ھېلىتىن خىزمەت غېمى.قۇل بولما ئازراق بولسىمۇ مۇستەقىل ئىش قىلغىن دىسەم....... ئىشقىلىپ مەنچە ھۆر ھالەتتە ئىش قىلغان ياخشى.