قاسىم سىدىق:تېخى نۇرغۇن سەپەر بار

توقماق

	تېخى نۇرغۇن سەپەر بار قاسىم سىدىق (ناخشا تېكسىتى) مەغرۇرلانما زەپەر قۇچساڭ،ئاندىن يۆكسەك زەپەر بار، بىر ئۆتەڭدە تۇروپ قالما،تېخى نۇرغۇن سەپەر بار. كىچىك پېئىللىق ئەزەلدىنلا ئەلگە ياققان شەربەتتۇر، مەغرۇرلۇقنىڭ قات-قېتىدا شەيتان بىلەن زەھەر بار. سەن ئاتاڭنىڭ گۆھىرىسەن،سەن ئاناڭنىڭ گۆھىرى، ئەل -جامائەت ئەزىز بىلگەن سەندىن كاتتا گۆھەر بار. كەمتەرلىكتە غاپىللىققا ئىھتىيات بار-ھەزەر بار، مەغرۇرلارنى ماراپ ياتقان پالاكەت ھەم خەتەر بار. مەغرۇرلانما زەپەر قۇچساڭ،ئاندىن يۆكسەك زەپەر بار، بىر ئۆتەڭدە تۇروپ قالما،تېخى نۇرغۇن سەپەر بار. قاراتۆننى روپاش قىلغا چ ھۆسنى نۇرلۇق سەھەر بار، ھەربىر تۆننىڭ ۋۇجۇدىدا يورۇق تاڭدىن خەۋەر بار. 2013.8.27

muhakima

	YAHXI YIZILIPTU

aptap104

	ياخشى يىزىلىپتۇ . مۇزىكانت باللار ئاكورىتلاشتۇرۇپ چالسا ...   قوللىڭىز ھارمىغاي

توقماق

	ئەتىگەندە پىغانىم ئۆرلەپ قېلىپ 3 ناخشا تېكسىتى يېزىپ قويدۇم.سەل قاپىيەۋازلىقتەك تۇيغۇ بېرىپ قويامدۇ -قانداق،بىلمىدىم.

توقماق

	مۇساپىر ناخشىسى قاسىم سىدىق (ناخشا تېكسىتى) كىممۇ سېغىنماس يورتىنى ، مەنمۇ سېغىندىم ھەر كۆنى. ئەل-جامائەت،يارۇ-دوسىت، زىكرىمدە ھەر كۆن-ھەرتۆنى. ئوچۇرۇرقامقاق قىلىپ، ھەر بانىدا قىسمەت مېنى. گاھ ھەۋەس قىلسا غېرىپ، گاھ قاترىتار خىزمەت مېنى. سەرسانلىغىمنىڭ ۋەجى كۆپ، كىم مۇساپىر -دەردى كۆپ. دەرىتنى يەڭگەن سەبرىچان، بۇ جاھاندا ۋەدە كۆپ. 2013.8.27

توقماق

	كولىما ئورا قاسىم سىدىق (ناخشا تېكسىتى) ھەسەتلەردىن كەتمەن سوقۇپ،كولىما ئورا، جان ئالساڭمۇ ماراپ ئالماي،ئۇدۇللا سورا. نۇقسانىم يوق دىيەلمەيمەن،كامىللىق قايدا؟، ئەمەسمىدى مەي باغلىغان ئۆرۆكلەر غورا؟. قېقىۋەرسەڭ پەرۋىش قىلماي غورا چىغىمدا، يېتىلەمتى ئەلگە شەربەت مېنىڭ بېغىمدا؟!. باغلىرىمنى قىلما خازان ھەسەت قۇيۇنى، خالىمايمەن قورۇلۇشنى  مەن ئۇز يېغىمدا. كەڭ قوساق بول ،بۇ جاھانغا پېتىپ كىتىمىز. ئىناق بولساق تېتىغانغا تېتىپ كېتىمىز. ئىناقلىقتىن مەنزىللەرگە يېتىپ كىتىمىز، جاڭجاللاشساق تارىختىنمۇ يۆتۆپ كېتىمىز!. 2013.8.27

ap~qilam

	ئوھوي قاسىمكو، مەن تېخى سىلىنى پەقەت فىزىكا نەزىرىيىسى بىلەنلا ھەپىلىشىدۇ دەپ ئويلىسام ئەدەبىياتتىنمۇ كامالەتكە يەتكەن ئەدىبكەنسىز ئەمەسمۇ ، ئىلھاملار بەرىكەتلىك بولغاي

baywetqe

	بۇ تېكىستلەر ياخشى يېزىلىپتۇ. قاسىم سىدىق ئەپەندىمنىڭ 70-يىللارنى مۇڭلاندۇرۇپ،80-يىللارنى ئويغۇتۇپ،90-يىللارنى تەپەككۇرغا باشلاپ 2000-يىللارنى قاناتلاندۇرۇپ كېلىۋاتقان قەلىمى توختاپ قالمىسۇن... قاسىم سىدىق ئەپەندى يازغان «بالىلىقىم كەلسەڭچۇ يېنىپ»،«ئىلى بويلىرى»،«ئانا تىلىم»،«گۈلشەندىكى نىدا»،"تۇغۇلغان كۈنۈڭ"،"سەنچىلىك"...قاتارلىق ئابدۇللا ئابدۇرېھىم، ئۆمەرجان ئالىملار ئورۇنلىشىدىكى بىريۈرۈش ناخشىلار ھېلىھەم قۇلاقلاردا جاراڭلايدۇ،ئۈزۈلمەيدۇ...

ana-yurtum

	كارامەت قاملىشپتۇ

Uyghun

	ئەتىگەندىكى كاتالىزاتور ئوبدان پايدا قىلدىمۇ نىمە؟