بالامنى ئويلاندۇرغان ئىككى ئىش

قۇددۇس

	17- ئاۋغۇسىت، ئارام ئېلىپ سەگىدەپ كېلىش ئۈچۈن، سەھەردىلا 10 ياشلىق ئوغلۇمنى ئېلىپ باغراش كۆلىگە بېرىش ئۈچۈن ئاپتوبۇسقا چىقتۇق. ئاپتوبۇس بېكەتتىن ئەمدى قوزغۇلۇپ تۇرىشىغا ئارقا تەرەپتىن: -- ئۇستام، مەن مېڭىۋاتىمەن، يەنە يېرىم سائەتتە بېرىپ بولىمەن. - دىگەن ئاۋاز ئاڭلاندى. ئارقىدىنلا قويۇق خوتەن تەلەپپۇزىدا سۆزلەۋاتقان بىر يىگىت ماڭا تېلىفۇنىنى تەڭلەپ: - ئاكا، سىلە بىر دەپ بەرگەن بولسىلا - دىدى باش - ئاخىرى يوقلا ۋە تېلىفۇننى ماڭا تۇتقۇزۇپ قويدى. مەن نىمە دىيىشنى بىلمەي تۇرۇپ قالدىم. ئۇ ماڭا پەس ئاۋازدا «كورلىغا يەنە يېرىم سائەتلىك يوق قالدى» دىسىلە دىدى شىۋىرلاپ. ماشىنا ئەمدىلا بۈگۈر ناھىيەلىك بېكەتتىن قوزغالغان بولۇپ، 170 كلومېتىرلىق بۆلەكنى يولدىكى سۇرئەت چەكلىمىسى قاتارلىق سەۋەبلەر تۇپەيلىدىن ئەڭ كەمىدە ئىككى يېرىم سائەتتە ئاندىن بېسىپ بولالايتى. مېنىڭ تۇرۇپ قالغانلىقىمنى كۆرۇپ ھېلىقى يىگىت تېلىفۇنغا قاراپ ئىنتايىن تىز سۇرئەتتە : - ئۇستام مەنمۇ يولغا چىقتىم، يەنە يېرىم سائەتكە قالماي بېرىپ بولىمەن. دىدى. ھېلىقى يىگىت شۇ تەرىقىدە توختىماستىن تېلىفۇن قوبۇل قىلىپ، «يېرىم سائەت، يېرىم سائەت» دىگەن گەپنى نەچچە يۇز قاتا تەكرارلىدى. ئۇنىڭ بۇ خىل يالغانچىلىقى يېنىمدا ئولتۇرغان ئوغلۇمغا تەسىر قىلدى بولغاي، - دادا، كورلىغا نەدىمۇ يېرىم سائەتتە بېرىپ بولغىلى بولسۇن، يەنە 2 سائەت ماڭىدىغان تۇرساق دىدى. شۇ ئارادا ھېلىقى يىگىت يىگىت بىلەن پاراڭلىشىپ ئىشنىڭ جەريانىنى ئۇقتۇم. بۇ يىگىت قاراقاش ناھىيەسىدىن بولۇپ، بۈگۈر ناھىيىسىگە ئىشلىگىلى كەلگىلى ئىككى ھەپتە بولغان بولۇپ،  ھەمدە بۈگۈردىكى خۇالوڭ زاۋۇتىدا ئىشلەپتۇ. ئاش - تاماقتا قىينىلىپ قالغانلىقتىن، يۇرتتا قالغان ئايالىنى باللىرىنى ئېلىپ يېنىغا چىقىشقا تېلىفۇن قىلىپتۇ. ئۆزىنىڭ دىيىشىچە ئايالىنىڭ يېنىدا 500 يۇەن پۇل بولۇپ، 8 ياشلىق ۋە ئەمدىلا ئىككى ئايلىق بولغان ئىككى بالا بىلەن يولغا چىقىپتۇ. ئاقسۇغا كېلىپ، ئاقسۇدىن كورلىغا چىقىدىغان ئاپتوبۇسقا چىققاندا، شوپۇر 2 ئايلىق بولغان كىچىك بالىغىمۇ بېلەت ئېلىپتۇمىش. ئاقسۇدىن يولغا چىققاندا ئايالىنىڭ يېنىدا پۇل كاملاپ قالغانلىقتىن، «بۈگۈرگە بارغاندا مەن بېرىمەن» دەپ شوپۇر بىلەن دىيىشىپتۇ. ھەمدە شوپۇرغا خۇالوڭ زاۋۇتىنىڭ ئالدىدا چۇشۇرۇپ قويۇڭ دەپتۇ. لېكىن، شوپۇر دىيىشكەن جايدا چۇشۇرۇپ قويماي ئۇ ئايالنى ئېلىپ كورلا خۇالوڭ سودا مەركىزىنىڭ ئالدىغا ئېلىپ كېتىپتۇ. يىگىت گەپنىڭ ئارلىقىدا «ئەمدىلا ئىككى ئايلىق بولغان بالىغىمۇ بېلەت ئالامدۇ، بالا كىچىك تۇرسا» دەيتى. مەن ئۇنىڭغا چۇشەندۇرۇپ، «يۇقىرى سۇرئەتلىك تاشيولدا ماڭىدىغان ماشىنا ناھىيە بازىرى ئىچىگە كىرمەيدۇ، سىز خۇالوڭدا چۇشۇرۇپ قويسىڭىز بولىدۇ دىگەن بولسىڭىز شوپۇر ئۇنى كورلىدىكى خۇالوڭ سودا بازىرى دەپ چۇشۇنۇپ قالغان ئوخشايدۇ» دەپ چۇشەندۇردۇم.   تېلىفۇن توختىمىدى، يىگىتنىڭ يېرىم سائەتلىك ۋاقتىمۇ قەتئى ئۆزگەرمىدى. ئاپتوبۇس مېڭىپ چېدىر بۆلىكىگە ئاز قالغاندا يىگىت تېلىفۇندا : -- ئۇستام، ئۇنداق دىيىشىپ كەتمەيلى، مەن يا ئۇچالمايدىكەنمەن، مېڭىۋاتىمەن دىدىمغۇ - دەپ ئاچچىقلاپ كەتتى. ۋە تېلىفۇننى قويۇپ، ئەگەر 15 مىنۇت ئىچىدە كەلمىسەڭ ئايالىڭنىڭ يەنە ئاقسۇغا ئېلىپ كېتىمەن دەيدۇ. دەپ ئاچچىقلاپ كەتتى. ئارقا - ئارقىدىن كەلگەن ئۈچ تېلىفۇننى ئىكرانغا قاراپ قويۇپ ئالماي ئولتۇردى. ئاڭغىچە ئاپتوبۇستىكى باشقا كىشىلەرمۇ بۇ ئىشنى مۇلاھىزە قىلىشتى. ئۇ يىگىت ماڭا قاراپ: -- ئاكا، تېلىفۇن ئۇرۇپ بىر گەپ قىلىپ قويغان بولسىڭىز، - دىدى. ئىشنىڭ بارغانسىرى يامانغا ئۆرۇلۇپ كېتىۋاتقانلىقىنى كۆرۇپ، مەنمۇ چىداپ تۇرالمىدىم - دە، ھېلىق «قارا نىيەت»، «پۇلدىن باشقىنى تونىمايدىغان»، «ئىنسابسىز» شوپۇرغا تېلىفۇن قىلدىم: -- ئەسسالامۇ ئەلەيكۇم، مەن سىزنىڭ ماشىنىڭىزدىكى ھېلىقى ئايالنىڭ ئېرى بىلەن بىر ماشىنىدا كېتىۋاتىمەن، شۇڭىلاشقا سىزگە تېلىفۇن قىلغان ئىدىم. بايا بۇ يىگىتمۇ ياخشى قىلمىدى، ھازىر ماشىنا ئەمدى چېدىرغا كەلدى، خاپا بولماڭ، يەنە بىر سائەتتە ئاران كورلىغا بارغىلى بولىدۇ. سەل توختاپ تۇرالامسىز؟ دىدىم.  تېلىفۇندا شوپۇر بىلەن پاراڭلىشىشقا باشلىدىم ۋە ئىشنىڭ جەريانىنى ئۇقتۇم. بۇ ئايال ئاقسۇغا كەلگەندە يېنىدا پۇل قالمىغان بولۇپ، بۇ شوپۇرغا يېلىنغان، بۇنىڭ بىلەن شوپۇرنىڭ ئىككى كىچىك بالىغا ئىچى ئاغرىپ، ئۆزى يانچۇقىدىن پۇل چىقىرىپ، بېلەت ئېلىپ ئايالنىڭ ئېرىنىڭ گېپى بويىچە ئايالنى ئېلىپ، خۇلوڭغا كەلگەن (ئەلۋەتتە يۇقىرى سۇرئەتلىك تاشيول بىلەن ماڭىدۇ)، لېكىن خۇالوڭنىڭ ئالدىدا بۇ ئەرنى تاپالمىغان، ئەرگە تېلىفۇن قىلغاندا ئەر يېرىم سائەتتە بارىمەن دەپ نەق ئۈچ سائەت ساقلاتقۇزغان. شوپۇر: -- ماڭا پۇلمۇ لازىم ئەمەس، بۇ ئايالنى ئېلىپ كەپتىمەن، مەن ھازىر كورلىدىن يەنە ئاقسۇغا ماڭدىم، ماڭا يېرىم سائەتتە قىممەت، ئايالىنى ئېلىۋالسىلا بولاتتى، نىمىشقا ماڭا يالغان گەپ قىلىدۇ، گەپنىڭ راستىنى قىلسا، بۈگۈردىكى ئاچالدا ساقلاپ تۇرسا بولمامدۇ؟ - دىدى.  ھەمدە  - مەن يەنە يېرىم سائەتتىن كېيىن چەرچى ھەق ئېلىش پونكىتىغا يېتىپ بارىمەن، چەرچى چىققاندىن كېيىن، ئاقدوڭ مۇلازىمەت پونكىتى ئەتراپىدا ئايالىنى ئېلىۋالسۇن، ئەگەر ئۆز ۋاقتىدا كەلمىسە مەن كېتىۋىرىمەن. دىدى ئاچچىقلاپ: -- ئۇستام، ماڭا قارىسىلا، ياخشىلىق قىلغاندىن كېيىن ئاخىرغىچە قىلسىلا، ھازىر بىز چېدىردا كېتىۋاتىمىز، بىزمۇ يەنە يېرىم سائەتكە قالماي دۆلەت تاشيولى بىلەن يۇقىرى سۇرئەتلىك تاشيول ئايرىلغان بۆلەككە بارىمىز، ئەگەر سىلە بالدۇر كېلىپ قالسىلا خاپا بولماي جىندەك ساقلاپ تۇرسىلا، مەن شۇ يەرگە بارغاندا ئېرىنى ماشىنىدىن چۇشۇرگۇزۋاتاي، بۇنىڭ تېلىفۇنى قەرز بولۇپ قاپتىكەن، ئېغىر كۆرمەي سېلى تېلىفۇن ئۇرالا - دەپ ئىشنى ئوڭشاپ قويدۇم ۋە ھېلىقى يىگىتنى ئەشمىگە كەلگەندە شۇ يەردىن بىر كىچىك ماشىنا كىرا قىلىپ، ئاقدوڭ مۇلازىمەت پونكىتى ئەتراپىدا يۇرۇپ، ئايالىنى يۇقىرى سۇرئەتلىك تاشيولدىن ئېلىپ كېلىۋېلىشىنى ئېيتتىم. چۇنكى ئاقدوڭ مۇلازىمەت پونكىتى بىلەن ئەشمە يېزىسىنىڭ ئارلىقىمۇ بەش كلومېتىر ئەتراپىدا بولۇپ، ئەگەر ئايالىنى بىۋاستە ئاقدوڭتە كۇتىۋالسا، بۈگۈرگە قايتىپ كېتىدىغانغا ماشىنا تاپماق تەس توختايتتى.      ئوغلۇمنىڭ ئىنكاسى:     يېنىمدا ھەممىنى ئاڭلاپ تۇرغان ئوغلۇم، ھېلىقى يىگىت چۇشۇپ كەتكەندىن كېيىن:    دادا، ھېلىقى ئادەم يالغان گەپ قىلغاچقا شوپۇرنىڭ ئاچچىقى كېلىپتۇ، بولمىسا شوپۇر ياخشى ئادەم ئىكەن دىدى. 18- چىسلا، كورلىدىن بۈگۈرگە قاراپ يولغا چىقتۇق.  ئاپتوبۇسنىڭ 13، 14- ئورۇندىكى بىلەتنى بىر موماي بىلەن ئۇنىڭ 45 ياشلار ئەتراپىدىكى ئوغلى ئالغان بولۇپ، ئورۇن ئىلگىرى كىيىن ئىكەن، بۇلارنىڭ يېنىدا يەنە 3 ياشلار ئەتراپىدىكى بىر كىچىك بالا بولغانلىقتىن، ئۈچ ئەۋلات بىرگە ئولتۇرۇش ۋە قولاي بولۇش ئۈچۈن، ھېلىقى  موماينىڭ ئوغلى 12- نورمۇلۇق ئورۇنغا چىقىپ، ئاپىسىنىڭ قېشىدا ئولتۇرۇپتۇ. شۇ ئەسنادا 12- نومۇرلۇق ئورۇننىڭ ئىگىسى 35- 40 ياشلار ئەتراپىدىكى چوكان چىقىپ كەلدى. ھېلىقى ئەر ئىشنى چۇشەندۇرۇپ، -- خاپا بولماي ئالمىشىپ بەرگەن بولسىڭىز، كىچىك بالا بىلەن سىزگىمۇ ئەپسىز بولۇپ قالغىدەك دىدى.  15- نورمۇلۇق ئورۇندۇتىمۇ بىر ئەر كىشى بولۇپ، ئەر كىشى بىلەن ئولتۇرۇشنى ئەپسىز كۆردىمۇ ياكى باشقا سەۋەپمۇ ھېلىقى چوكان ئورۇن ئالمىشىشقا ئۇنىمىدى شۇنىڭ بىلەن موماينىڭ ئوغلى ئۆزىنىڭ ئورنىغا چىقىپ ئولتۇردى. گەرچە ئۆزىنىڭ ئورنىدا ئولتۇرغان بولسىمۇ، لېكىن ھېلىقى چوكان ئالدىدىكى ئىككى قىزچاققا (قىزى بولسا كېرەك) -- دوت شۇملار، بالدۇر چىقىپ ئولتۇرۇشۇپ تۇرشساڭ مۇشۇ ئىشمۇ يوق - دەپ غودراشقا باشلىدى. ھېلقى موماي بولسا چوكانغا گەپنى چۇشەندۇرۇپ ھىچ چۇشەندۇرۇپ بولالماي قالدىمۇ ئاخىرىدا -- بولدى، ئۆزىڭىزلا ئولتۇرۇڭ، مېنىڭمۇ بېلىتىم بار، ھېلى شوپۇر چىقىپ ماڭىمۇ ئورۇن تېپىپ بېرەر - دەپ ئولتۇرغان ئورنىدىن قوپۇپ كېتىپ، ئوغلىنىڭ يېنىدا ئۆرە تۇردى. موماينىڭ ئوغلى بولسا تولىمۇ ئوڭايسىز ئەھۋالغا چۇشۇپ قالدى. شۇنىڭ بىلەن مەن ۋە باشقىلار ھېلىقى 15- ئورۇندا ئولتۇرغان ئەرگە : -- سىزلا ئالدىغا چىقىپ ئولتۇرىڭە، بەرىبىر ئۆزىڭىز يالغۇز ئىكەنسىز دىدۇق. شۇنىڭ بىلەن ھېلقى ئەر گەپ قىلماي ئالدىدىكى ئورۇنغا چىقىپ، ھېلىقى چوكان بىلەن بىرگە ئولتۇردى. باياتىن غوتۇلداپ ئاغزى بېسىقمىغان چوكان بولسا ئاخىرى يەنىلا «ناتونوش ئەر» بىلەن بىرگە ئولتۇرۇپ، پۈتۈن مۇساپىنى بىر ئېغىزمۇ گەپ قىلماي مېڭىش بىلەن ئۆتكۇزدى.    ماڭا تەسىر قىلغىنى شۇ بولدىكى، مېنىڭ ھەپسەپەردىشىم بىلەن ئوغلىنىڭ نومۇرىمۇ ئىلگىرى كىيىن بولۇپ، ھەمسەپەردىشىم ئوغلىنىڭ قېشىدا ئولتۇرۇش ئۈچۈن ئالدىغا چىقىپ ئولتۇرغان ئىدى. ئۇ ئولتۇرغان ئورۇن بىر يولداش يىگىتنىڭ ئىكەن.  ھېلىقى يولداش چىققاندىن كېيىن، ھەمسەپەردىشىم، ئۇنىڭغا ئورۇن ئالمىشىپ بېرىشنى، ئوغلى بىلەن بىرگە ئولتۇرماقچى ئىكەنلىگىنى ئېيتىۋىدى، ھېلىقى يولداش گەپ قىلمايلا «بولىدۇ، سەن ئولتۇرىۋەر» دەپ، ئالمىشىپ بەردى. لېكىن ئۇنىڭ ئالماشقان ئورنى ئاپتوبۇسنىڭ ئەڭ ئاخىرىدىكى ماتۇرنىڭ ئۇستىدىكى ئورۇن ئىدى.

qiqakkiz

	بۇنداق يالغانچىلىقلار ئادەتتىكى ئىش بۇلۇپ كەتتىغۇ ھازىر . ھەممە ئادەم ئاڭلىق ،ساپالىق بولغان بولسا دۇنيادا رەزىللىكلەر يوق بۇلاتتى . ئوغلىڭىز بەك ئەقىللىقكەن .

fathullah

	ياخشى نىيەتتە يېزىلغانكەن.بىراق........... ھەرخىل ئەقىدىدە ھەرخىل قاراش.ئانا بالىنىڭ بىللە ئولتۇرۇشىدىن بىر ئايالنىى يات ئەر بىلەن بىللە ئولتۇرۇشتىن ساقلاپ قېلىش مۇھىم.

sawir724

	ئەنە ئاشۇنداق يالغان چىلىقلار بىر  بىرمىزگە بولغان ئىشەنچ نىڭ يوقۇلىشىدىكى تۇپ سەۋەپ لەرنىڭ بىرى

hayat

	ئالدىنقى يىلى قىشتائۈرۈمچىدىن غۇلجىغا ماڭماقچى بولۇپ بىكەتكە كەلسەم  سائەت 6دە قوزغىلىدىغان ماشىنىنىڭ ئاستىنىڭ بىر بىلەت قاپتۇ. ئۈستى تەرىپىنىڭ بارئىكەن. ئاپام ئىككىمىز ئىدۇق. ئامالسىز ئاپامغا ئاستى تەرەپنىڭكىنى ئۆزەم ئۈستى تەرەپنىڭكىنى ئالدۇق. بىراق ئاستى تەرەپنىڭ ئاخىرقى بىلەت بولغاچقا كەينى تەرەپ دىرىزە يىنى بولۇپ قاپتۇ. مەنغۇ مەيلى، بىراق ئاپامنىڭ سالامەتلىكى تازا ياخشى ئەمەس ئىدى. ئۇنىڭ ئۈستىگە ئۇ كۈنى چۈشكەن ماشىنىنىڭ دەل ئاپام ياتقان ئورۇندىكى دىرىزىنىڭ قايسىدۇر بىر بۇلۇڭىدىن سوغۇق كىرىپ تۇراتتى. ئامالسىز يۇتقاننى دىرىزىگە تارتتىم. ئوتتۇرىدىكى ئورۇندا بىر ياش بالا بار ئىكەنتۇق. ئۇ بالىغا دەپ بېقىشنىمۇ ئويلاپ باقتىم. بىراق ئۆزى چىش يىرىپ بىر نېمە دېمىگەندىن كىيىن لاۋزىلىشىپ قالماي دەپ دېمىدىم. بىر چاغدا قارىسام ئاپام مۇزلاپ بولالماي قاپتۇ. ئۇنىڭغىچە ئالدى تەرەپتىكى ئوتتۇرا ياشلىق بىر ئايال ئەھۋالنى كۆرۈپ دەرھال ئۆزىنىڭ ئورنىنى بەردى. مەنمۇ ئۇ ئايالنىڭ مۇزلاپ قالماسلىقى ئۈچۈن ئۈستىدىكى ئورۇندا يېتىشنى ئېيتتىم. نېمىلا دېگەن بىلەن ئۈستىدىكى ئورنۇم ئوتتۇرىدا ئىدى. مەن ئەسلىدىكى ئاپام ياتقان ئۇرۇنغا جايلىشىپ دىرىزىنى قايتا بىر نۆۋەت تەكشۈرسەم ئازراق چىقىلغان يەر بار ئىكەن . شۇ يەرنى ئوڭشاپ قويىۋىدىم بايىقىدىن ياخشى بولۇپ قالدى. شۇندىلا ئوتتۇرىدا ياتقان بالىغا قارىدىم. شىنجاڭ ئۇنۋىرسىتىتىدا ئوقۇيدىكەن. دەم ئېلىش قىلىپ ئۆيىگە قايتىپتۇ. لېكىن ئۇ بالىغا بۇ ئىش توغۇرسىدا ئارتۇقچە گەپ قىلمىدىم. بىزدە بىر گەپ بارغۇ « بوينىدىن باغلىغان ئىت ئوۋغا يارىماس » دەپ .

ئۇتغۇر

	kaLGundi يوللىغان ۋاقتى  2013-8-19 08:47 PM بالىڭىزغا دەپ قۇيۇڭ. زىھنىنى ئەرزىمەس ئىشلارغا ئۇپرات ... بۇنداق تەنە ئارلىشىپ كەتكەن ‹‹ھېسداشلىق››لارنى قىلمايلا قويۇڭ!!! ئۆزىڭىزمۇ بالىغا كۆڭۈل بۆلمەڭ! ئەتە ئۆگۇن مۇشۇنداق ئىشلارغا كۆڭۈل بۆلۈرۋېرىپ زىھنىىڭزنى يىغالماس بۇلۇپ قالسىڭىز چاتاق چىقىدۇ. ئەقىل زىھىن دىگەن بازاردا ساتىدىغان نەرسە ئەمەس.

xohsanam886

	توۋا بەزى ئىنكاسقا نىمە دىگۈلۈك؛

axek13999649893

	توۋا مەن  كۆگەن خوتەنىلك  باللانىڭ  ئىچىدە  بىرە ياخشىسىنىمۇ كۆمىدىم   بىر قىتىم  بىر مۇنچە  باللا ئولتاساق   بىر  بالا كىرىپتۇ  تىلپۇن بىىرپ  تۇرڭلا  ئۆيگە  تىلپۇن قىلاتتىم  دىدى   شۇنىڭ بىلەن بىزمۇ ھۆرمەت قىلدقمۇ قانداق   شالاققىدە  ھەممىز چقىرپتۇق   ئۇ  ماندا قاراپ  ئاقسۇلۇق بىر ئاغىنىمزىنىڭ   ل ج   تىلپۇنننى  ئىلىپ  سۆزىلشىپ .ولتۇرتتى بىر  دەمدە يوق شۇندىن بۇيان  بىر يەردە  شۇ  يەرنىڭ  شىۋىسدا گەپ قىغانلارغا بىر خىل ئۆچمەنلىكىم  كىلىدۇ تولۇقلىما مەزمۇن (2013-8-20 05:44 PM): .......................................

sirdax998

	axek13999649893 يوللىغان ۋاقتى  2013-8-19 10:19 PM توۋا مەن  كۆگەن خوتەنىلك  باللانىڭ  ئىچىدە  بىرە ياخشىس ... ‏ئەجەپ ئوخشاش ئىشقا يولۇقىپتىمىز دىسە.  مېنىڭمۇ بىر تىلفۇنۇمنى بىرسى سز دىگەندەك ئېلىپلا يوقاپ كەتكەنتى پويىزدا. يا قەيەرلىكلىكىنى بىلمەيمەن. شۇندىن بېرى باشقىلاې تىلفۇن سورسا بەرمەسلا بولدۇم،خاپا بولسىمۇ...