موھتاجلىق

bahwanbiz

	موھتاجلىق رودىپايدەك يېپىشتىڭ پەشلىرىمگە  موھاجلىق ، چاقماق يېقىپ ئۇلغايتىپ غەشلىرىمگە موھتاجلىق ، كوتۇلدىدىڭ توختىماي كەچلىرىمگە موھتاجلىق ، قېرىشقاندەك سۇ تۆكتۇڭ مەشلىرىمگە موھتاجلىق ، يامان كۆزدە يېپىشتىڭ چەشلىرىمگە موھتاجلىق . تاھارەتتە سۇ بولدى ئۇچى تۆشۈك پايپىقىم ، يەر شارىدەك تەرلىسەم ، ماي بولمىدى ساپلىقىم ، ئۇسسىغاندا قېرىشىپ ،تەم بەرمىدى تاتلىقىم ، ئىنجىقلىسام ئۈمۈدسىز، سەت ئالايدى ئاپپىقىم ، ئەجەپ تەگدى كاشىلاڭ ، گەپلىرىمگە موھتاجلىق . تىزىم پاكىز بولمىدى ئائلىنىڭ غېمىدە ، مەغلوپ بولدى ئىسلاھات ،مەن ھەيدىگەن كېمىدە ، ئۇشتۇپ – ئۇشتۇپ ئاق ناننى ،چىلالمىدىم چىنىگە ، ساقايتمىدى ئادەتنى خەق تەڭلىگەن دېمىدە ، راھەت دىمەي چاپلاشتىڭ ، سەپلىرىمگە موھتاجلىق . ئۇن خالتىسى يىرتىلدى ، گۆش- ماي كىردى چۈشۈمگە ، قوۋۇرغام دەر ۋېتامىن ،ماي قونمىدى گۆشۈمگە ، توقوپ ئەللىك يالغاننى ،پالچى سۆزلەر تۆشۈمگە ، ھارام دەيمەن ئامالسىز ، لىكىن ماڭدىم ئۆسۈمگە ، چېچىپ ساختا راھەتنى تەنلىرىمگە موھتاجلىق . دەرۋازامغا توختىماي چاپلىنىدۇ بارغاقلار ، چىشلىرىدىن ئايرىلدى چاچتىن رەنجىپ تارغاقلار ، مال باھاسى بولماقتا نەپسى يامان تىمساقلار ، دات يىمىكتە پوستىمنى ، بۇ پەسىلدە كىم ئاقلار ؟ رەنجىمەستىن گۇۋاھ بول ، يەللىرىمگە موھتاجلىق . شەيتانچاققا ئارتىلسام ، خەق لېۋىنى پۈرۈشتى ، يىقىنلاشسام لېگەنگە ، يانپىشىنى سۈرۈشتى ، سەل ھودۇقۇپ قول بەرسەم ،سوغۇق نۇردا كۆرۈشتى ، نىسى قىلسام دۇكاندار چىرايىنى تۈرۈشتى ، بولدى تىكەن سانجىما ، رەڭلىرىمگە موھتاجلىق . ئەر ئاتالماق تەس ئىكەن كەسىر تامنىڭ ئىچىدە ، كوت- كوت پاراڭ قىلماقتا قوۋۇرغىنى تىككىدە ، ئامەتلىرىم چۈشەرمۇ غايىپ شاختىن توككىدە ، ھاردۇقلىرىم چىقارمۇ ھايات سۆيسە چوككىدە ، شالتىقىڭىنى تەككۈزمە،  يەڭلىرىمگە موھتاجلىق . باغرىمدىكى تېلىفۇن زاڭلىق قىلىپ تاقالدى ، چىقىملارنىڭ دەستىدىن قاناتلىرىم چاتالدى ، مەيۈسلەنگەن تەقدىرىم بىر لەقەمدە ئاتالدى ، مۇكاپىتى چەكچەيگەن لاتارىيەنى يات ئالدى ، لوڭقا قويغىن خالىساڭ،  بەللىرىمگە موھتاجلىق . خوراز بىلسەم ئۆزۈمنى، دۇنيا قىلدى مەدىكار ، كىم توموزدا تۆكتى تەر ، كىم قىلىۋاتىدۇ شىكار ؟ رىئاللىقىم ئايرىسۇن، كىم ئىشلەمچى كىم بىكار ؟ ئىكەن ئەسلى بۇنىڭغا كەچمىشلىرىم سەۋەپكار ، غەيۋەت تەرمە بولدى بەس ! غەشلىرىمگە موھتاجلىق . ئېتىقادىم يېرىلدى، شاخلىرىدىن ئۆزىچە ، رەڭسىزلىكىم سىغماپتۇ ، خامىليۇننىڭ كۆزىچە ، ئىناقلىقىم خام ئىكەن،  ئۆزگىلەرنىڭ سۆزىچە ، سېنڭ ئالەم ئىكەنۇ ، خەلقىممىكەن زەرىچە ؟ ئەمدى ئاپەت باشلىما،  دەشتلىرىمگە موھتاجلىق . كېسەل بولدى قېرىشىپ ،باغلىرىمدا مىۋىلەر ، سېرىق سۇنى ئۇلغايتىپ ،ئالۋۇن بولدى جىلۋىلەر ، تادان قورساق ياش تۆكۈپ ، سامان قورساق كېرىلەر ، تۆكتۈم شۇڭا پارتىلاپ ، ھاياتىمدىن تەرمىلەر ، خائىن چىللاپ ئەكەلمە ، < پەش > لىرىمگە موھتاجلىق ! تىك سىزىقتا ئۆرلىدى ، بالىلارنىڭ چىقىمى ، بارماق بىلەن سانىلار قوشنىلارنىڭ يېقىنى ، تۇرۇپ –تۇرۇپ مۇجۇيدۇ ئايالىمنىڭ بىقىنى ، نىمانچىلا تۈگۈلگەن بۇ تۇرمۇشنىڭ سىقىمى ؟ جىنىس رىكوت بېرەمسەن < ئەڭ > لىرىمگە موھاجلىق . ئاپتۇرى : ئا. مۇھەممەت باغۋەن

boraoghli

	بارىكاللا، ياخشى چىقىپتۇ…

uyol

	راسلا ياخشى يېزىپسىز

sargarda

	ئەجەب   بىر  يەردە   ئوقۇغاندەك  قىلمەنيا  ؟

ixanq113

	boraoghli يوللىغان ۋاقتى  2013-8-17 08:46 PM بارىكاللا، ياخشى چىقىپتۇ… ئۇزۇن بولدى مۇنبەردىن يوقاپ كەتتىڭىزغۇ تۇرغۇنجان ؟ ..سىزنىڭ ئەسەرلىرىڭىزدىن مۇنبەردە تەڭ بەھىرلەنسەك بولاتتى....

ixanq113

	بەك ياخشى چىقىپتۇ ، ئەجرىڭىزگە رەھمەت....

fathullah

	شىئىر بولا ماشتاق بولا.ئەمما لىكىن راس يارىدى ماۋۇ شىئىر.قوللىرىڭىز تالمىغاي.

XAHZAD

	ئاجايىپ ياخشى چىقىپتۇ ماۋۇ شىئىر ، كۈڭۈل ئارامىنى ئاغۇدەك

xajarim

	ئەتىگەن قاق سەھەردە مۇشۇنداق ياخشى شىېئرنى ئوقۇغىنمىدىن خۇرسەنمەن.....  قولىڭىزغا دەرت كەلمىسۇن.....

alenur

	بەكمۇ ياخىشى يېزىلپتۇ رەھمەت