ھەققانىي: ئۈندىدار (ساتىرا)

akkani

	ئۈندىدار (ساتىرا) ئاپتۇرى: ئابدۇۋەلى راخمان ھەققانىي ئالاقىگە ئاسان يول ئېچىپ كەتتىڭ ئۈندىدار، ئىلغارلىقتا ھەممىدىن ئېشىپ كەتتىڭ ئۈندىدار، دوستقا مىڭلاپ يېڭى دوست قېتىپ كەتتىڭ ئۈندىدار، ناتونۇشنى ئۆزئارا چېتىپ كەتتىڭ ئۈندىدار، ئىزدەشكەننى مىنۇتتا تېپىپ كەتتىڭ ئۈندىدار. *** «زامانىۋىي ئالاقە»دىگەن نامىڭ چىرايلىق، بۈگۈن بولدى سەن بىلەن نۇرغۇن ئىشلار قۇلايلىق، يىراقتىكى قېرىنداش-تۇققانلارغا ئوڭايلىق، نىسىپ بولدى سىنىڭدە سۆزلەشكەنگە خوشاللىق، يۈرەكلەردىن يۈرەككە ئېقىپ كەتتىڭ ئۈندىدار. *** تەرىپىڭ جىق تۈگۈمەس مىڭ بىر كېچە سۆزلىسەم، دۇتتار،راۋاپ،داپ چېلىپ قوشاقلاردا كۆيلىسەم، ئەمما ساڭا گىپىم بار،ئۆپكەم پۈلەر دىمىسەم، (سۆزلىمەيمەن پاكىتسىز بېرەر ئىشنى كۆرمىسەم،) ياخشى-يامان ھەممىگە چېپىپ كەتتىڭ ئۈندىدار. *** دۇنيا سىغار ئىچىڭگە سىرلىق ساندۇق ئىكەنسەن، ساڭا ئىجىل دوستلارغا تۈنلەپ ياستۇق ئىكەنسەن، يىگىتلەردىن قىزلارغا سوۋغا-تارتۇق ئىكەنسەن، بەزىلەرگە تاماقتىن-ناندىن ئارتۇق ئىكەنسەن، ھەممىدىن بەك بويتاققا يېقىپ كەتتىڭ ئۈندىدار. *** ئاشىقىنى مەشۇقلار تاپالمايتتى بىر چاغلار، يۈرىشەتتى ئىز قوغلاپ تال-باراڭلىق،باغ-باغلار، دىدارلاشماق تەس توختاپ لاۋىلدايتتى ئارمانلار، گەپ توشۇيتتى نەپ ئېلىپ ئوتتۇرىدا دەللاللار، شۇ مۈشكۈلنى بەك ئاسان قىلىپ كەتتىڭ ئۈندىدار. *** كۆيۈشكەنلەر خەت يېزىپ،يانچۇقىغا سالاتتى، پۇرسەت ئىزدەپ كەچقۇرۇن كىنولارغا ماڭاتتى، نەدە پۇرسەت بەرگىلى خەت يانچۇقتا قالاتتى، بىر-بىرىگە ئاشىقلار تەلمۈرۈشۈپ مارايتتى، ئەمدى مانا سالام خەت يېزىپ كەتتىڭ ئۈندىدار. *** ساڭا كۈندۈز-كېچە يوق،كۆكتە ھامان پەرۋازىڭ، كۆيلەپ تۇرار سۆيگۈدىن ياڭراق ناخشا،شوخ سازىڭ، قاياقتىندۇر توساتتىن كىلىپ ئىشقى-ئاۋازىڭ، ھالال جۇپقا شەك سالدى ئۇچۇر،كوت-كوت ...ئەلپازىڭ، قانچە ئۆيگە ئارازلىق تېرىپ كەتتىڭ ئۈندىدار. *** سىنى چاپلاپ ئېغىزغا شورىغاننى كۆردۈم مەن، يار ھېدىنى سىنىڭدىن پۇرىغاننى كۆردۈم مەن، غەرىپتىكى جىنلارنى دورىغاننى كۆردۈم مەن، سەن سەۋەپلىك ئېرىنى مورلىغاننى كۆردۈم مەن، پەردىسىنى ھايانىڭ يىرتىپ كەتتىڭ ئۈندىدار. *** كۆردۈم سەندىن رەنجىگەن نى-نى كۆڭلى مالالنى، «ئەخمەق»دىگۈم كېلەدۇر،ساڭا مەپتۇن بولغاننى، (گۈلدەك تۇرسا ياندا يار،سەندىن ئىزدەپ تاپقاننى،) كۆرمىگەن بىز زادىلا،شۇنچە چاققان دەللالنى، يۇرتتا شەيتان دېپىنى چېلىپ كەتتىڭ ئۈندىدار. *** بالام بىلەن ئۇچراشسام،كۆز ئۈزمەيدۇ سېنىڭدىن، تەگمەي قالۇر چولىسى ھال سوراشقا مىنىڭدىن، (ئايلاندىمۇ ساق بېشى سىنىڭ جادۇ-سىھرىڭدىن،) بىزار بولدۇم ئەجەپمۇ يىراق كېتەي يېنىڭدىن، گۈدەكلەرنىڭ زېھنىنى ئېلىپ كەتتىڭ ئۈندىدار. *** يازغىنىمدىن ئاغرىنىپ ئەزۋەيلىمە-تەگىمە، «ماڭا ھەممە ئەيىپنى يۈكلىدى»دەپ رەنجىمە، ئىلغار ئىدىڭ سەن ئەسلى،ئادەم شۇنداق بىر نىمە، شۇ ئىلغارغا پەزىلەت قوشۇش «لىللا تەڭلىمە»، ئازغۇنلارنىڭ قۇلىدا ئېزىپ كەتتىڭ ئۈندىدار. *** 2013-يىل 8-ئاينىڭ 12-كۈنى(ماكانى كەلپىن)

Abdusalam508

	نىمىشقا بىز ھەممىمىز ئۈندىدارغا گۇناھ قۇيىۋالىدىغاندىمىز دەيمەن...ئۈندىدار ئۆيۈمنى بۇزدى..ئۈندىدار ئېرىمنى بۇزدى،خوتۇنۇمنى بۇزدى دەپ.. ئۈندىدار پەقەت بىر ئالاقە قورالى چ چ دىن ئازىراقلا ئىلغار بولمىسا ئاساسلىق ئىقتىدارى ئىككىلىسى ئالاقە قورالى.. ئۈندىدار ياخشى قورال ،مەسىلە ئۇنى ئىشلەتكەن ئادەمنىڭ ئىدىديىسى..بىر ئادەم ئۇنى بېسىپ ھەركەتكە كەلتۈرمىسە ئۇ ئاپتۇماتىك بىر قىزبالىنى ئەرگە،ئەرنى ئايالغا تۇنۇشتۇرۇپ مۇھەببەتلەشتۈرۈپ،ئاشنا قىلىپ قويمايدۇ..ئەگەر ئىدىيىسى ساپ بولغان ئادەم بۇنى ئىشلەتسە ئۇنىڭ خەتەرلىك ياكى پايىدىسى يوقلىقىنى ھېس قىلالامايدۇ..بەلكى ئۇنىڭدىن ناھايىتى ياخشى پايدىلىنىپ ئىشلىتىدۇ...تېلىۋۇزۇردا كۆرەلمىگەن ىەۋەرلەرنى بىزگە دەل ۋاقتىدا تەمىنلەپ بېرەلەيدۇ  ..بۇ پەقەت بىزگە كەلگەن كىچىككىنە قولايلىق تەرىپى..ئىنچىكىلەپ كەلسەك بىزگە نۇرغۇن پايدىسى بار..لېكىن مەسىلە بۇنى ئىشلەتكەن ئادەمنىڭ ئىدىيىسى،كاللىسى..... ئېسىمىزدە بۇلىشى كېرەككى ئۈندىدارنى ئادەم بويسۇندۇرىدۇ..ھەرگىزمۇ ئۈندىدار ئادەمنى ئەمەس...ئەسلى گۇناھ ئۈندىداارنى توغرا ئىشلىتەلمىگەنلەردە..

sargarda

	قانداق  نىمە   ئۇ   ،  ئۈندىدار  ؟   qq     غا   ئوخشامدۇ  ؟   ئاغزىمغا  چىش چىققاندىن بىرى پەقەت ئىشلىتىپ  باقماپتىمەن  .

alenur

	Abdusalam508 يوللىغان ۋاقتى  2013-8-13 01:49 PM نىمىشقا بىز ھەممىمىز ئۈندىدارغا گۇناھ قۇيىۋالىدىغاند ... راسىت دەيسىز ئۆزىمىز ھېسىياتىمىزنى كونتىرول قىلشىنى بىلمەي ئۈندىداردىن ئاغرىنساق بولمايدۇ ،بارچە گۇناھ ئۆزۈمدە تۇرۇپ قاپ كۆتۈرۈپ نەگە باراي دىگەن شۇدە

akkani

	Abdusalam508 يوللىغان ۋاقتى  2013-8-13 01:49 PM نىمىشقا بىز ھەممىمىز ئۈندىدارغا گۇناھ قۇيىۋالىدىغاند ... بۇ شېئىردىمۇ دەل سىز دىگەن مەزمۇن ئىپادىلىنىدۇ.مەسىلەن: «ماڭا ھەممە ئەيىپنى يۈكلىدى»دەپ رەنجىمە، ئىلغار ئىدىڭ سەن ئەسلى،ئادەم شۇنداق بىر نىمە، شۇ ئىلغارغا پەزىلەت قوشۇش«لىللا تەڭلىمە»، ئازغۇنلارنىڭ قۇلىدا،ئېزىپ كەتتىڭ ئۈندىدار.

aski0903

	ئىنسان تىلى شۇنداق ئېسىل سۆزلەرنى قىلالايدۇ ھەم ئادەم تىللىيالايدۇ،قورال ئەسكىلەرنىمۇ ئاتالايدۇ ھەم ياخشىلارنىمۇ، ئەقىل ياخشى يولغا ھەم باشلىيالايدۇ يامانغىمۇ ھەم، لېكىن بىز كۆپىنچە يامانلىققا بەكرەك ئەگىشىدىكەنمىز، شۇ يامانغا ھەم ياخشىغا ئورتاق ئىشلىتىلىدىغان نەرسىلەر بارلىققا كەلمىسىمۇ بوپتىكەن.

zulmat1

	hiy  yana disam yana xugap udigan kox bislik hanjar

رولچى

	غەرىپتىكى جىنلارنى دورىغاننى كۆردۈم مەن، مېنىڭچە، مۇشۇ بىر مېسىراغا قايتا ئىشلەش كېرەك ھەققانىي ئەپەندى؟!

ap~qilam

	ئۈندىدار نۇمۇرىڭىز قانچە ھەققانى  ئاكا   ، ئىشقىلىپ پايدىلىق يەرگە ئىشلەتسە ئوبدان نېمە بۇ