ئۈزۈك-ئۈزۈك تىنقلىرىم

sandal

	بىر باھارنى ئۇزاتقىنىڭدا ئۇنىڭ خۇشپۇراق ھېدلىرىغا قىيالماي يەنە بىر باھارنىڭ كېلىشىنى تەقەززالىق بىلەن كۈتىسەن، كۈنلىرىڭ ئەنە شۇنداق كۈتۈش بىلەن ئۆتىدۇ. بىلەمسەن دوستۇم سەن كۈتۈش بىلەن ئۆتكۈزگەن ئەشۇ ۋاقىتلار ھاياتىڭنىڭ بىر قىسمى ئەمەسمۇ؟ باھار قايتىپ كېلىدۇ، لېكىن ھاياتلىق قايتىلانمايدۇ. ئېسىڭدە بولسۇنكى ھاياتلىقلا بولىدىكەن ساڭا كۈندە باھار! *** ھايات ساڭا ئاچچىق مۇئامىلە قىلغاندا ئاچچىق يۇتساڭ قەلبىڭ يارىلىنىدۇ، ئارقاڭغا چېكىنسەڭ بالىلىغىڭغا قايتىسەن، ئەڭ ياخشىسى ئىككىلەنمەي تەبەسسۇم بىلەن ئالدىڭغا قاراپ ماڭ. بۇ دۇنيادا سەن بېسىپ ئۆتەلمەيدىغان تاغ-داۋان، چۆل-جەزىرە يوق. مەنزىل ھامان ئالدىڭدا. *** سەن مۇھەببەت ئۈچۈن ياشىماقچى ئەمەسمىدىڭ؟ ئۇنداقتا ئۇنىڭ سېھرى كۈچىنى ھېس قىلالىدىمۇ؟ ئۇ سېنىڭ ھۇجۇدىڭدا، ساڭا ھەممىنى كۆرسىتىۋاتقان كۆزلىرىڭدە، سۆيگۈنىڭنى باغاشلاتقان قۇچاقلىرىڭدا، مەنزىلىڭگە يەتكۈزەگەن قەدەملىرىڭدە، يېقىملىق كۈيلەرنى ئاڭلىتىۋاتقان قۇلاقلىرىڭدا، نىمەتلەردىن لەززەتلەندۈرۈۋاتقان ئېغىزىڭدا، سوغۇقتىن تىترەۋاتقان، ئىسسىقتىن كۆيۈۋاتقان ۋۇجۇدىڭدا. *** ئانا پىشانەمنى سىلاپ تۇرۇپ مېھرىڭ بىلەن ئېيىتقان« بالام»دىگەن ئەشۇ بىر ئېغىز سۆزىڭگە قانچىلىك ھېكمەتلەر يوشۇرۇنغان ھە؟ ھەر قېتىم شۇ سۆزۈڭنى ئاڭلىغىنىمدا شەرىقتىن پارلاپ چىققان نۇرلۇق قۇياش، چەكسىز بوشلۇقتىكى سانسىز يۇلتۇزلار كۆز ئالدىمدا پەيدا بولىدۇ. قۇياشنىڭ تەپتىدە سېنىڭ ئىللىق مېھرىڭ بار، يۇلتۇزلارنىڭ ئارىسىدا كۆزلىرىڭ بار، ئالەمنىڭ كەڭلىكلىرىدە باغرىڭنىڭ سىماسى بار، ساڭا تىل تەگمىسۇن سۆيۈملۈك ئانا... **** گۈلۈم ھېجران ئازاۋىدا زار بولغۇنۇم ئۈچۈن كېپىنەك بولۇپ ئۇچۇپ باردىم، بەرىق ئۇرغان جامالىڭغا قاراپ ۋىسال شارابىنى ئىچەي دىسەم زەھەر تىككەنلىرىڭنى سانجىپ غېرىپلىق چۆلىگە بەنىت قىلدىڭ.ئىشىق ناۋاسىنى ياڭرىتىپ بۇلبۇل بولۇپ باردىم،كۈلپەت لەشكەرلىرىڭنىڭ ئوقياسىدا تېنىمنى مەجرۇھ قىلىپ مەڭگۈلۈك پەرۋازىمدىن ئايرىدىڭ.مەۋجۇتلىغىڭنىڭ پەرۋىشكارى گۈلچى بولۇپ باردىم مېھنەتلىرىمدىن پۈتكەن لوڭقامغا شۇم بۇيىنى سېلىپ بېرىپ يولغا سالدىڭ.تومۇرلىرىڭدا ئاقاي دەپ سۇ بولۇپ باردىم،پۇت-قوللىرىڭنى يۇيىۋىلىپلا يۇندا ئازگىلىغا تۆكتىڭ.شەبنەم بولۇپ باردىم غەزەپتىن سىلكىنىپ قارا يەرگە دەپنە قىلدىڭ،شامال بولۇپ باھارنىڭ ھېدلىرىنى ئېلىپ كەلدىم مېنى قۇيۇنغا ئايلاندۇرۇپ ئارقىدىن ماڭا قاراپ قاھ قاھلاپ مەسخىرىلىك كۈلدۈڭ،ئاخىرى ئوت بولۇپ بېرىپ كۈلۈڭنى كۆككە سورۇدۇم. *** مەن قىزىل گۈلگە قاراپ توختىما سايراۋاتقان بۇلبۇل بار دەرەخنىڭ قېشىغا كېلىۋىدىم، بۇلبۇل پۇررۇدە ئۇچۇپ كەتتى،بىردەمدىن كېيىن بىر توپ قۇشقاش دەرەخكە كېلىپ قونۇپ توختىماي ۋىچىرلاپ ئارامىمنى قويمىدى، مەن دەرەخ قېشىدىن ئايرىلدىم،شۇندا كۆككە قاراپ ئىختىيارسىز نالە قىلدىم:ئەي پەلەك قاچانمۇ قۇشلار مەندىن، مەن قۇشلاردىن قاچمايدىغان زامان كېلەر ھە؟ *** مېنىڭ قېرىنداشلىرىم،قەلىبداشلىرىم! مەن ئۆلگەندە قەۋرە بېشىمغا قىزىل گۈل تىكىپ قويۇڭلار مەن بۇلبۇلنىڭ ئاۋازىنى ئاڭلاپ ياتاي،چۈنكى مەن ئۆلگەن بىلەن مېنىڭ يۈرىگىم ئۆلمەيدۇ!ئەگەر ماڭا ئاتاپ دوئا قىلماقچى بولساڭلار«ئى پەرۋەردىگايىم ئەشۇ قەبرىنى مەڭگۈ باھارنىڭ ھېدلىرىغا پۈركەپ تۇرغايسەن» دەپ دۇئا قىلىڭلار!!! مەنبە: ئۆز قەلىمىم

شاتئاي

	بەك مۇڭكەن

zulpukar

	ماۋۇ تېمىغا  ئىنكاستىكى  مۇزىكا قۇشۇلۇپ تېخىمۇ رومانتىك بوپتۇ....   چۇقۇم شۇنداق دۇئا قىلىپ قويىمەن

XAHZAD

	تىنىقلىرىڭىز تېىىمۇ يېقىملىق مۇڭ چىققاي

ARZUY

	مۇڭلۇق مۇزىكا ئىكەن .

ali010

	سىز ئۆلگەندىن كىيىن جەننەتكە كىرگەي دەپ دۇئا قىپ قويمەن چۇنكى جەننەتتىن باشقا يەردە باھارنىڭ ھدى بولماسلقى مومكىن. بۇ مۇزىكا بەكلا يقىملىقكەن

miskin1314

	ئاللاھ تىلەكلىرىڭىزگە يەتكۇزگەي ، مۇزىكا بەك مۇڭلۇقكەن .

tapammidim

	ياخشى چىقىپتۇ. قوللىرىڭىزغا دەرت كەلمىسۇن.

سالاپەت

	بۇ تېما ھەقىقەتەن ياخشى يوللىنىپتۇ ئاپرىن

nazila998

	سىزنىڭ ئۈزۈك - ئۈزۈك تىنىقلىرىڭىزغا شاتئايخاننىڭ مۇڭلۇق مۇزىكىسى قوشۇلۇپ ، ئادەمگە بىر خىل رومانتىك تۇيغۇ ئاتا قىلدىكەن ،