ياز بولمىسا بوپتىكەن!...

hedayet

	ياز بولمىسا بوپتىكەن! ئوچۇق پاچاق، مەيدىلەر نامايىش قىپ ئۆزىنى، خۇددى مايمۇن كۆتىدەك بوياپ لەۋ ھەم يۈزىنى، ئالا-چەكمەن قىلسىمۇ پاسىقلارنىڭ كۆزىنى، كۈنلەش نېمە، بىلمەيدۇ ئاچا-سىڭىل، قىزىنى، قىلمايلا قوي بولدىلا، دەيۈزلەرنىڭ سۆزىنى! كۆيەر دوزاخ ئوتىدا، ياز بولمىسا بوپتىكەن!... ‹‹مەن كاپىرمۇ غەرىپچە كېيىم-كېچەك كىيگەنگە، قىستاپ كەتسە تەرىتىم ئۆرە تۇرۇپ سىيگەنگە، ئانچە مۇنچە ئايرىماي ئىچكەنگە ھەم يېگەنگە؟ بىناماز دەپ تىللىما، قەلبىم ئايان ئېگەمگە!››ـ دەپ، ئۆلۈكۈڭ ساتىسەن سېنى ‹‹كاپىر!›› دېگەنگە، ئىش تەس مەھشەر سوتىدا، ياز بولمىسا بوپتىكەن! شەرمىي-ھايا دەپسەندە بولغاچ يېزا-شەھەردە، بىلسە ئىدى مىللىتىم قالغىنىنى خەتەردە، ئىنساپ تىلەپ قەۋمىمگە يىغلاپ كېچە، سەھەردە، ئاچچىق يۇتۇپ ھەر ساباھ، ناشتا قىلدىم زەھەردە، تەنقىدلىدىم ئىللەتنى يېزىپ ھەرخىل ئەسەردە، يۆگەنسەممۇ جۇۋىدا ياز بولمىسا بوپتىكەن! شۇ ئاتالمىش ‹‹مەدەنىي ھايات››ىڭغا مىڭ لەنەت! ‹‹مەن زىيالىي›› دەپ يۈرگەن ساۋادىڭغا مىڭ لەنەت! ھەيدىۋالغان شۇ«خوندا، پاسات››ىڭغا مىڭ لەنەت! ئايۋان-ساراي، قەسىرلەر، راباتىڭغا مىڭ لەنەت! سېنى كۆككە ئۆرلەتكەن قاناتىڭغا مىڭ لەنەت!!! ياشىساممۇ ئۇۋىدا، ياز بولمىسا بوپتىكەن!... 2013-يىلى 8-ئاۋغۇست مەنبە: ئۆزۈم

18099736949

	ياخشى چىقىپتۇ .

es7303

	بەكمۇ ئىسىل  چىقىپتو ئاكا قولىڭىزغا ئاللاھ دەت بەرمىسۇن...مىسرانىمنى موشۇنداق ئىسىل تىمىلار بىلەن ئاۋات قىلغاييسىز

baxkaqun

	ئاپىرىن سىزگە ياخشى يېزىپسىز..

tilk

	مۇسۇلمانلارنىڭ كۆڭلىمىزدىكى گەپلەرنى قىپسىز.

tilk

	مۇسۇلمانلارنىڭ كۆڭلىمىزدىكى گەپلەرنى قىپسىز.

intikam2

	ئەسسالامۇ ئەلەيكۇم ۋەرەھمۇتۇللاھى ۋەبەرەكەتىھۇ! ئەزىز  قېرىندىزىم، سىزنى مىسرانىمدا  كۆرۈپ  بۇلۇتلۇق ئاسماندا  قۇياش چىققاندەك خوش بولۇپ كەتتىم،  كەلگەن قەدىمىڭىزگە مەرھابا! بۇ شېئرىرىڭىز  مۇسۇلمان قېرىنداشلارنىڭ  كۆڭلىگە چاڭقىغاندا  مۇز دوغ ئىچكەندەك  بەكمۇ ياقىدۇ!  سىزگە ئاللاھ رەھمەت قىلسۇن! تولۇقلىما مەزمۇن (2013-8-12 06:35 PM): كەچۈرۈڭ! قېرىندىشىم، سىزنى كۆرۈپ خوش بولۇپ  ئىملاغا دىققەت قىلماپتىمەن.

abdurahman5

	ئاللاھ ئەجرىڭىزنى بەرسۇن.

XAHZAD

	ئاللا مۇراد مەقسىتىڭىزگە يەتكۈزگەي