رۇزى ھېيتىڭلارغا مۇبارەك بولسۇن!

مارشال

	ئەسسالامۇ ئەلەيكۇم،مۇنبەر ئەھلى.ھەممىمىز تەقەززالىق بىلەن كۈتۈپ تۇرغان پۈتكۈل دۇنيادىكى مۇسۇلمانلارنىڭ رۇزى ھېيتى بۈگۈن يېتىپ كەلدى.ئەڭ ئالدى بىلەن مۇنبەردىكى ھەممە دوستلارنىڭ رۇزى ھېيتىنى تەبرىكلەيمەن. پىژغىرىم ئىسسىقتا ئۆتكەن بىر ئايلىق رامزان ئېيى ئاخىرلىشىپ بۈگۈن ھەممىمىز بۇ قۇتلۇق كۈننى تەبرىكلەپ ئولتۇرۇپتىمىز.رۇزى ھېيت كۈنى جامائەت توپى مەسجىتكە يىغىلىپ ھېيت نامىزىنى ئۆتەپ بولغاندىن كېيىن دىدارلاشمىغىلى ئۇزۇن بولغان كىشىلەر بىلەن كۆرۈشىدۇ.ھال-مۇڭ بولىدۇ.ھېيتنىڭ خاسىيىتى بىلەن ئۆز ئۇرۇق-تۇققان،دوست -بۇرادەرلەر ئۆز ئارا بىر-بىرىنى يوقلاپ ھېيت پەتىسىنى قىلىدۇ.بۈگۈنكى مۇشۇ قۇتلۇق كۈندە ھەممىمىزنىڭ ھېيتى خوشال-خوراملىق ئىچىدە ئۆتسۇن. مۇنبەردە يەنە ئىچكىرى ئۆلكىلەردىكى ۋە چەتئەللەردە مۇساپىر بولۇپ ئۇقۇۋاتقان ، خىزمەت قىلىۋاتقان نۇرغۇن ئەزىز كىشىلىرىمىز بار.مەن ئەڭ ئاۋال شۇ مۇساپىرچىلىق دەردىدە ئۆز يۇرتى،ئۇرۇق-تۇققانلىرىنى سېغىنغان كىشىلىرىمىزگە ئوتلۇق سالىمىمنى يوللايمەن.ھېيتڭلارنىڭ خوشال-خوراملىق ئىچىدە ئۆتۈشىگە تىلەكداشمەن. مۇنبەردىكى بارلىق قېرىنداشلىرىمىزنىڭ ھېيتى خوشال-خوراملىق ئىچىدە ئۆتسۇن.بۇرۇن ئىزدىشىپ بولالمىغان كىشىلەر بىلەن دىدارلىشىپ  قىزغىن ھەمسۆھبەتتە بۇلۇشۇڭلارنى،ئازارلىشىپ كۆڭۈل رەنجىپ قالغان كىشىلەر بىلەن يارىشىپ قېلىشىڭلارنى،ھەممە ئۇيغۇرلارنىڭ ئىناق-ئىجىل ئۆتۈشىنى سەمىمىي ئۈمىد قىلىمەن. يېقىنقى ئايلاردىن بۇيان،مەزكۇر مۇنبەردە بەزى بەس-مۇنازىرە تېمىلاردا كۆپ تورداشلار پىكىر قىلىش،ئىنكاس يېزىش جەريانىدا مەۋھۇم دۇنيادا جېدەللىشىپ كۆڭۈل ئاغرىقى بولغان ئىشلارمۇ بولدى.ئەلۋەتتە،چاۋاك بىر قولدىن چىقمايدۇ.مۇنبەر ئاساسلىقى بەس-مۇنازىرە قىلىش ئارقىلىق ئۆز قىممىتىنى تاپىدۇ.تورداشلاردىن سەمىمىي كۈتىدىغىنىم،بۇرۇنقى تېمىلاردا بەس-مۇنازىرە قىلغان چاغلاردا بىر-بىرىڭلارنى رەنجىتكەن،شەخسىيىتىگە تېگىپ دىل ئازار بەرگەن ئىشلار بولسا ئۆز ئارا كەچۈرۈم سوراش ئارقىلىق يارىشۋىلىشىڭلارنى ئۈمىد قىلىمەن. كەچۈرۈم سوراش ئىشىدا مەن ئەڭ ئاۋال مۇشۇ مۇنبەردە بىلىپ-بىلمەي كۆڭلىنى رەنجىتىپ قويغان قېرىنداشلىرىمدىن ئەپۇ سورايمەن. دۇنيا مېھىر-مۇھەببەت بىلەن گۈزەلدۇر.بىز تەكلىماكان قىرغاقلىرىدىن توغرا روھىنى ئۆزىمىزگە مۇجەسسەم قىلىپ گۈزەل تارىم بويلىرىدا ئۆز جان-ھەلەكچىلىكى بىلەن ياشاۋاتقان ئۇيغۇرنىڭ پەرزەنتلىرى.بىز ئۆتمۈشنى ساۋاق،بۈگۈننى پۇرسەت،ئەتىنى گۈزەل غايە قىلىپ ياشىشىمىز كېرەك ئەلۋەتتە.بۈگۈنكى خاسىيەتلىك كۈندە ئۆز ئەتراپىڭىزدىكى ۋە ياكى مەۋھۇم تور دۇنياسىدىكى دوستلارغا ئوتلۇق سالىمىمىز بىلەن ھەممىمىز قولنى-قولغا تۇتۇپ ئورتاق ئالغا قاراپ ماڭايلى. بۇرۇنقى بەس-مۇنازىرە جەريانىدا بولدىغان قىسمەن ئورۇنسىز جېدەل،كۆڭۈل-ئاغرىقىنىڭ بۇنىڭدىن كېيىن بولماسلىقىنى،تورداشلارنىڭ بۈگۈنكى خاسىيەتلىك كۈندە يېڭىچە قىياپەت كىرىشىنى، ھاياتقا ئۈمىدۋارلىق بىلەن قارايدىغان،ئۆز ئەتراپىدىكى قېرىنداشلار بىلەن ئىناق-ئىجىل ئۆتىدىغان ياخشى مۇھىت بەرپا قىلىشنى سەمىمىي ئۈمىد قىلىمەن. بارلىق ئۇيغۇر قېرىنداشلارنىڭ رۇزى ھېيتىغا مۇبارەك بولسۇن.ئەڭ ئاخىرىدا مەزكۇر سالام خەتنى ناخشىچى سەنەۋۇر تۇرسۇن ھەدىمىزنىڭ ‹‹سالام خەلقىم››دېگەن ناخشا بىلەن ئاياقلاشتۇرسام: 2013-يىلى 8-ئاينىڭ 8-كۈنى.

مارشال

	توردىكى دوستلارنىڭ  تەربىۋى ئەھمىيتى بار ياخشى فىلىملەر بولسا ئىنكاس شەكلىدە يوللاپ قۇيۇشىنى سەمىمىي ئۈمىد قىلىمەن.

aybarqn

	ۋەئەلەيكۇم ئەسسالام مارشال،سىزنىڭمۇ ھېيتىڭىزغا مۇبارەك بولسۇن.تولىمۇ ئەھمىيەتلىك تېما بوللاپسىز،ھېيىت سەھىرىدە قىممەتلىك ھېيتلىق سوۋغات تاپشۇرۋالغاندەك بولدۇم.تولىمۇ ئورۇنلۇق تەكلىپلەرنى ئوتتۇرىغا قويۇپسىز،ئەلۋەتتە،ھېيتتا ئۆزئارا ئەپۇ قىلىشىپ ئىناق-ئىجىل ھېيىت ئۆتكۈزسە،ھېيىت ھەقىقىي مەنىسى بىلەن ئۆتكۈسىدۇر.

abdulla350

	ۋەئەلەيكۇم ئەسسالام بىرگە بولسۇن!!!! ھېيتنامىزى سەئۇدى ئەرەبىستاندىمۇ ئوقۇلغانمىدۇ؟!

Rujak

	ۋەئەلەيكۇم ئەسسالام  مارشال سىزنىڭمۇ ھىتىڭىزغا  مۇبارەك بولسۇن ، ھەم بارلىق مىسرانىم تور  ئەھلىنىڭ ھىيتىغا مۇبارەك بولسۇن.

mostafa

	ۋەئەلەيكۇم ئەسسالام مارشال ئەپەندىم،سىزنىڭمۇ ھېيتىڭىزغا مۇبارەك بولسۇن! ھەم بارلىق مۇسۇلمان ئۇيغۇرئەھلىنىڭ ھىيتىغا مۇبارەك بولسۇن. ھېتتا بارلىق مىسرانىم ئەھلىنىڭ ھېتىنى كۈڭۈللۈك خاتىرجەم ئۈتكۈزۈشگە تىلەكداشمەن

jangivar

	ۋەئەلەيكۇم ئەسسالام،روزا ھېيتلىق سالامىڭىزغا چىن كۆڭلىمدىن رەخمەت ئېيتىمەن! يۇقرىدا قىلغان تەۋسىيەلىرىڭىزدىن شۇنداق خۇرسەن بولدۇم.ئۇيغۇر مۇسۇلمان قېرىنداشلىرىمىزنىڭ ئىناق،ئېجىل،ئۆز-ئارا قوللىشىپ ئۈتۈشىنى چىن دىلىمدىن ئۈمۈد قىلىمەن.

rizwangul0995

	ۋەئەلەيكۇم ئەسسالام مارشال، سىزنىڭمۇ ھېيتىڭىزغا مۇبارەك بولسۇن . بارلىق مۇسۇلمانلارنىڭ روزا ھېيتىنى قىزغىن تەبرىكلەيمەن.

zvmrat

	ئەسسالامۇ ئەلەيكۇم  مارشال ئاللاھنىڭ سالىمى سىزگە  بولسۇن! سىزنىڭمۇ روزا ھېيتىڭىزغا مۇبارەك بولسۇن! ئەھمىيەتلىك تېمىڭىزدىن شۇنداق خۇرسەن بولدۇم ..ئاللاھ سىزگە رەھمەت قىلسۇن . ھى ھى مەنمۇ ئەتىگەندىلا بىلىپ-بىلمەي دىلىنى رەنجىتىپ قويغان قېرىنداشلىرىمدىن ئەپۇ سوراپ ئەڭ گۈزەل تىلەكلەرنى تىلىۋالدىم ....كۆڭلۇم شۇنداق ئازادە ..ئاللاھ مەندىن رازى بولسۇن  ئىنشائاللا. ئۇلۇغ ئاللاھ رەنجىشىپ قالغان باشقا قېرىنداشلىرىمنىڭ دىلىغا  ئەپۇچانلىقنى ئاتا قىلىپ ئارىدىكى ئاداۋەت ئۇرۇقلىرىنى قۇرتىۋەتسۇن . ھېيىت كۈنلىرىڭىز خۇشال-ىۇرام  كۆڭۇللۇك ئۆتسۇن ،ئەڭ ياخشى تىلەكلىمىز سىز بىلەن بىللە !!

Danggal

	مىسرانىم خەلقىنىڭ روزى ھېيتىنى قىزغىن تەبرىكلەيمەن-قۇرۇق!