ئىســــلامدىكى ھېيتــــنىڭ مەنىســـــــسى

شاتئاي

	ھېيىت-بۈيۈك ھېكىمەت، يۇقۇرى مەزمۇن ۋە ئاجايىب سىرلارنى ئۆز ئىچىگە ئالغان دىنىمىزنىڭ كۆرۈنۈشلىرى ۋە شۇئارلىرىنىڭ بىرسىدۇر. دىنىمىزدىكى ھېيىت: ئىبادەتنىڭ تولۇق بولغانلىقى ۋە ئاياغلاشقانلىقى ئۈچۈن ئاللاھقا مىننەتدارلىق بىلدۈرۈش يۈزىسىدىن تەشەككۈر ئېيتىش دېمەكتۇر. ھېيىت: باينىڭ كۈچى ۋە كەمبەغەلنىڭ ئاجىزلىقى زاكات، سەدىقە، ياخشىلىق، خەيرىخاھلىقتىن ئىبارەت تېمىنى ئۆزلەشتۈرگەن مۇھەببەت، رەھمەت، كۆيۈنۈش ۋە ئادالەت ئۈستىدە ئۇچىرىشىدىغان كۈندۈر.   ھېيىت: كۆڭۈل ئارام تاپىدىغان ئەزالار ئارام ئالدىغان، غەم-قايغۇلار ئۇنتۇلدىغان، قەلىب راھەت ۋە خۇرسەنلىك ھېس قىلدىغان ۋە ئاللاھقا زىكىر تەسبىھلار ئېيتىلدىغان كۈندۈر. ھېيىت: كىچىك بالىلار خۇشال ئوينايدىغان، كەمبەغەللەر كەڭچىلىككە ئېرىشىدىغان، تۇققانلار ئۆز-ئارا ئالاقىسىنى جانلاندۇردىغان، مۇسۇلمانلار ئىجتىمائى ئالاقىسىنى كۈچەيتىدىغان، دوسىتلار مۇھەببەت رىشتىلىرىنى يېڭىلايدىغان، ئېسىل كىشىلەر ئاداۋەتلىرىنى ئۇنتۇيدىغان، يۇيدىغان ۋە كەچۈرۈم قىلىشىدىغان ئۇلۇغ كۈندۇر. ھيىتتا ئاجىزلار ۋە بىچارىلەرنىڭ ھەققىنىڭ بارلىقى جەمئىيەت ئوغلانلىرىغا ئەسلىتىدىغان، ھەر بىر ئۆينى خۇرسەنلىك ۋە نېمەت قاپلايدىغان كۈندۇر. شۇنىڭ ئۈچۈن روزا ھېيىت بايرىمىدا ھەر بىر كىشى ئۈچۈن سەدىقە، پىتىر بىرىش ۋاجىپ، قۇربان ھېيىتتا قۇدرىتى يەتكەنلەر قۇربانلىق قىلىپ بىر قىسىم گۆشنى كەمبەغەللەرگە ئۈلەشتۈرۈپ بىرىش ۋاجىپ. ھېيىتتا ئىخلاس روھى ھەممىدىن ئۈستۈن ئورۇن ئالىدۇ، كىشىلەر بىر-بىرىگە خالىس مۇھەببەت سوۋغاتلىرىنى تەقدىم قىلىشىدۇ. ھېيىت بىر مىللەت بەلكى بىر ئۈممەتنى بىر ئائىلە كىشىلىرىدەك قىلىۋىتىدۇ. دېمەك، ھېيىت ياخشىلىق قىلىشتا رىقابەتلىشىش مەيدانى ۋە ئېسىل ئىشلاردا مۇسابىقىلىشىش ساھەسىدۇر. ئىسلامدىكى ھېيىتلارنىڭ بۈيۈكلىكىگە دەلىل شۇكى، ئىسلام دىنى ھەر بىر ھېيىتنى روھى تەربىيەنىڭ يىلتىزى، ياخشىلىق، تەقۋالىق، رەھىمدىللىق، قېرىنداشلىقنىڭ ئاساسى بولغان ئالاھىدە بىر ئىبادەت ئاياغلاشقاندىن بىكىتتى. ئۇلۇغ رامىزان ئىبادىتى ئاياغلاشقانلىقى ئۈچۈن مۇسۇلمانلار روزا ھېيىت بايرىمىنى تەنتەنىلىك بىلەن خۇرسەنلىك ئىچىدە ئۆتكۈزىدۇ. ئىبادەتنىڭ تامام بولغانلىقىغا ئاللاھقا تەشەككۈر بىلدۈرىشىدۇ. قۇربان ھېيىت بايرىمى بولسا مۇسۇلمانلارنىڭ خەلقئارالىق قۇرۇلتيى بولغان ھەج پائالىيتى مۇناسىۋىتى بىلەن ئۆتكۈزۈلىدۇ. قۇدىرىتى يەتكەن مۇسۇلمانلار ئاللاھقا تەشەككۈرلىرىنى بىلدۈرۈش يۈزىسىدىن قۇربانلىق قىلىشىدۇ. ھەج قۇرۇلتىيىغا قاتناشقان مۇسۇلمانلار ھەرەمدە قۇربانلىق قىلسا، باشقا جايلاردىكى مۇسۇلمانلارمۇ ھەج قۇرۇلتىيىغا ماسلىشىپ ۋە ھەج ۋەكىللىرى بىلەن بىرلىكنى ئىپادىلەش ئۈچۈن قۇربانلىق قىلىشىدۇ. ئىسلامدىكى ئىككى ھېيىت بايرىمىنىڭ دۇنيا بويىچە بىرلا ۋاقىتتا ئادا قىلندىغان ئۇلۇغ ئىككى ئىبادەتكە باغلانغانلىقى بۇ ئىككى ھېيىتنىڭ ئورىننىڭ يۇقۇرلىقنى، نۇرغۇن ھېكىمەت ۋە سىرلارنى ئۆز ئىچىگە ئالغانلىقنى ئىپادىلەيدۇ. شۇنداقلا بۇ ئىككى ھېيىتنىڭ باشقا مىللەتلەرنىڭ بايراملىرىدىن ئۈستۈن تۇرىدىغانلىقنى بىلدۈرىدۇ. ئىككى ھېيىت ئىبادەتتۇر،  ھېيىتتا چىرايلىق كىيىنىش، ئىسراپ بولماسلىق شەرتى بىلەن ياخشى نەرسىلەرنى ئىستىمال قىلىش ۋە ئىسلام روھىغا زىت كەلمەيدىغان ئويۇنلارنى ئويناش ئىبادەت ھېسابلىندۇ. ئىسلامدىكى ھېيىت: گۈزەللىك، پاكىزلىق، خۇرسەنلىك، ياخشىلىق، سىخىلىق، دىل خاتىرجەملىكى ۋە ئىجتىمائى ئالاقىدىن ئىبادەتتۇر. ھيىتتىكى بۇ سىرلار ھېيىت كۈندىكى ۋاقىتتا بولماستىن، بەلكى ھېيىت كۈندە بولدىغان گۈزەل ئىشلار، خەيىر-ساخاۋەتلەر، قېرىنداشلىق تۇيغۇلىرى ۋە مۇسۇلمانلار ئارسىدىكى ئىجتىمائى، سىياسى ۋە ئىقتىسادى ئالاقىلەردە كۆرۈنىدۇ. مانا بۇلار ھېيىتنىڭ ھەققى ماھىيتى، لىكىن بىزنىڭ ھېيىتلىرىمىزنى ھالتى قانداق؟ ھېيىتتا يۈز بىرىۋاتقان ئىشلار ئسلام روھىغا ئۇيغۇنمۇ؟ ھېيىتتىكى بۈيۈك مەقسەتلەر بىزنىڭ ھېيىتلىرىمىزدا  ئەمەلىيلەشتىمۇ؟ سىز ھېيىتنى خۇرسەن ئۆتكۈزسىڭىز قوشنىڭىز ۋە دوستىڭىز قېيىن ۋە غەم-قايغۇ شارائىتىدە ئۆتكۈزسە ھېيىت ئىبادىتىڭىز قانداق بولاركىن؟! ئاڭلىق جەمئىيەت ھېيىتقا ئوخشاش مۇشۇنداق پۇرسەتلەردە ئەخلاقنى ئۆستۈرىدۇ، ئىنسانپەرۋەرلىك تۇيغۇسىنى يۇقۇرى كۆتۈرىدۇ، بىرلىكنى ۋە ئىتتىپاقلىقنى ئىپادىلەيدۇ. ئۆز-ئارا كۆيۈنۈش، ئىچ ئاغرىتىش، ھېسداشلىق قىلىش ئارقىلىق ئەقىدە، مەدەنىيەت، تارىخ ۋە سالاھىيەت بىرلىكنى كۆرسىتىدۇ. دېمەك، ھېيىت ئىبادەت،ئاللاھقا زىكىر ئېيتىش، رەھمەت ئېيتىش، ھەقىقى مۇسۇلمانلىقنى ئىپادىلەش ۋە ئىسلام قېرىنداشلىقنى جانلاندۇرۇشتۇر. مەنبە: ساقلىۋالغانلىرىم

madonna

	بىلىۋالدىم . كۆپ رەھمەت .

madonna

	بۈگۈن كۆڭلۈم بەك يېرىم . ئۇخمۇدۇم زادى .

OkYa.Biz

	ئىسىل تىمىكەن،  كۆپ رەخمەت  سىزگە!!!!!

13629982958

	يوۋۋۋۋۋۋۋۋۋۋۋ ما سەت.ئاي يۇقاپ كىتىپ فەچەت تىمىدىن بىرنى  ئىلىپلا كەپتىغۇ . بۈگۈنسە دىجورنىلىق قىلغاچ يىزىپ يوللاپسىزدە ماۋۇ تىمىنى ؟

ئەرتۇرا

	13629982958 يوللىغان ۋاقتى  2013-8-8 10:02 PM يوۋۋۋۋۋۋۋۋۋۋۋ ما سەت.ئاي يۇقاپ كىتىپ فەچەت تىمىدىن بىر ... ئاغزىڭغا تاشتۇپراق ياغسۇن!  سەن رامىزانە مۇبارەكنى (سەت ئاي) دەۋاتامسەن! بارلىق مۇسۇلمانلار ئۇلۇغ رامىزانە مۇبارەكنىڭ چىقىپ كەتكەنلىكىدىن مەيۈسلەنسە سەن خۇشال بولدىڭما! رامىزاندىن پەقەت دىنسىز شەيتانلار قورقىدۇ!  تىما ئىگىسى شاتئاي سىڭلىم سىزگە ئاللاھ رەھمەت قىلسۇن! ناھايىتى ئىسىل تىما يوللاپسىز!

13629982958

	ئەرتۇرا يوللىغان ۋاقتى  2013-8-8 10:19 PM ئاغزىڭغا تاشتۇپراق ياغسۇن!  سەن رامىزانە مۇبارەكنى (س ... ھېي ھېي ما گەپنى چۈشۈنۈپ ئاندىن گەپ قىللى ماقۇلما؟ مەن ما شاتئاي بىلەن تۇنشىمەن ، ئەركىلتىپ شاتئاينى سەت ئاي دەيمەن . بىلىپ گەپ قىلىڭ قېرىندىشىم . سەنلىمەي ، چۈشۈنۈپ ئاندىن ئىنكاس يىزىڭ. بىلمەي تۇرۇپلا خەقنى تىللاپ چۈشۈپسىزيا؟

13629982958

	ئەرتۇرا يوللىغان ۋاقتى  2013-8-8 10:19 PM ئاغزىڭغا تاشتۇپراق ياغسۇن!  سەن رامىزانە مۇبارەكنى (س ... خاپا بولماي ما ئىنكاسنى بىر تەھرىرلىۋىتەمسىز يە؟

13629982958

	ئەرتۇرا يوللىغان ۋاقتى  2013-8-8 10:19 PM ئاغزىڭغا تاشتۇپراق ياغسۇن!  سەن رامىزانە مۇبارەكنى (س ... باشقىلارغا ئىنكاس يىزىشتىن بۇرۇن . تۇنۇپ ،قانداق ئەزا . قاچانقى ئەزا. بىلىپ ئاندىن كىمگە يازدى ئىنكاسنى ئاندىن قايتۇرۇڭ ئىنكاسنى. رامىزان تىخى بۈگۈن چىكەتسە مەن يۇقاپ كىتىپ دەۋاتسام قانداق ئوخشايدۇ ئىككىسى ؟ يەنە كىلىپ رامىزان يۇقمايدىغان تۇرسا؟ يۇقاپ كەتسىمۇ قانداق ۋاقتا يۇقايدۇ ؟ نىمشىقا يۇقايدۇ ؟ قاراپ تۇرۇپ تىللاۋاتسىزيە مىنى؟ مىنۇىڭ رامىزاننىڭ چىقىپ كەتكىنىگە خۇشال بولغىنىمنى سىز كۆردىڭىزمۇ؟ مىنىڭ دىنسىزلىقىمنى سىز بىلدىڭىزمۇ؟ مانداق ئ.ىشنى باش ئايغىنى چۈشۈنۈپ ئاندىن يىزىڭ ئىنكاسنى . بەك چۈشەنمىسڭىز نىمە گەپ ماۋۇ دەپ سورۋىتىپ ئاندىن تىللاشنى باشلىسڭىزمۇ كىچىكمەيسىز ماقۇلمۇ؟ يەنە كىلىپ رامىزان تىما يوللىيالامدا؟ ۋاي خۇدا . بىلمەي تۇرۇپلا بىكادىنلا تىللاپ كەتتىڭىزيا مىنى؟ مۇشۇنداق ئۇلۇغ ئايەم كۈنلەردە شۇنداق خەقنى بىلمەي تۇرۇپلا ھاقارەتلىگەن ئادەمنى نىمە دەيمىز ئەمسە؟ قېرىندىشىم  بۇنىڭدىن كىيىن ئ.ۆزڭىزنى تۇتۇۋىلىپ ئىنكاسنى بەش قىتىم ئوقۇپ چۈشەنگەندىن كىيىن ئاندىن قايتۇرۇڭ ئىنكاسنى . ئۆزۈمنى بىسۋالاي ..... خەررررررررررر