بىز نىمىگە ئوخشاپ قالدۇق؟

DAMKU

	بۈگۈن يەكشەنبە ،مەن ئىدارىدا دۈجۈرنى ئىدىم،ئالا ئىشتىنىمنى كىيىپ چۇماقنى تۇتۇپ دەرۋازىنى ساقلاپ ئولتۇراتتىم ،تېخى ئەتتىگەن ئىدى،تۇيۇقسىز ئىدارىنىڭ ئالدىدا جودا ئاڭلاندى قارىسام پۈتۈن-سۈرۈك بىر يىگىت كىچىككىنە بىر بالىنى تەستەكلەپ كەتتى،يېنىغا بارغۇچە باشقىلا تۇتىۋېلىشتى،ئۇقسام ئۇ بالا 3-قەۋەتتتە تۇربا رېمىنۇت قىلىۋاتقان ئىكەن ،ھەمراھى 3 چاقلىق موتسىكىلىتىنىڭ ئاچقۇچىنى بېرىپ كىرەكلىك نەرسىنى ئېلىپ كىلىشكە بۇيرۇپتۇ،ئۇ بالا ئۇقۇشماي ئاچقۇچنى باشقا موتسىكىلىتقا ساپتۇ ،ئويلىمىغان يەردىن موتسىكىلىت ئوت ئاپتۇ ئۇ بالا ئىشىنى پۈتتۈرۈپ كەلگەندە بۇ موتسىكىلىتنىڭ ئېگىسى ئىزدەپ تىت-تىت بوپتۇ ۋە ئوغلى بىلەن ساقچىغا مەلۇم قىلىپ ساقلاپ تۇرغان ئىكەن،گەرچە  موتسىكىلىت تېپىلغان بولسىمۇ  ۋە   ئۇ بالا ئۇقۇشماسلىقنى  چۈشەندۈرگەن بولسىمۇ  بوۋاينىڭ بالىسى ئۆكتەملىك قىلىپ    ئاغزىنى بۇزۇپ تىللاپتۇ ۋە بىر قانچىنى ئۇرۇپتۇ،بىز ئاران دىگەندە ئۇ كىشىگە روزا-رامىزاندا سەت بولىدۇ خاپا بولمىسىلا قەستەن قىلماپتۇ دەپ ئاران يولغا سالدۇق ،چۈشتىن كىيىن بولغاندا يەنە ئىدارىنىڭ ئالدىدىكى يولغا بىر مۇنچە ئادەم يىغىلىپ قاپتۇ،ئەمدى نىمىش بولغاندۇ دەپ بارساق يول ياقىسىدا بىر ياش يىگىت يايما يېيىپ سېتىۋاتسا(نەچچە ئون تال مايكا ئىكەنتۇق) بىر ماشىنا كىلىپ ئۇنىڭ دوكىنى ئالدىدا كىشىلە ماڭىدىغان يولدىلا توختاپ باشقا بىر دوكانغا ماڭغانىكەن،ئۇ ياش بالا،  -ئاكا ماشىنىڭىز دوكىنىمنى توسىۋالدى، دىسە غېمىدە يوق مېڭىپتۇ يوغان بىر نىمىسى باردەك،ئۇ بالا بىر نەرسە دىدىمۇ تۇيۇقسىز ماشىنىلىق يىگىت بۇ بالىنىڭ كارنىيىدىن ئېلىپ ئۇرۇپ كىتىپتۇ،قارىسام يايمىنىڭ ئالدى كەينى بوش تۇرىدۇ بولمىسا ،توۋا قىلدىم بازار كۈندە ئادەم توپلاپ مۇش كۈتۈرگىچە ئالدىغاراق توختۇتۇپ قويسا بولىدىغانمۇ ئىشكەنتۇق،كېيىن ساقچىلا كىلىپ كىشىلەرنى تارقىتىۋېتىشتى،ساقچىلار بۇ نوچى يىگىتنىڭ تۇنۇشلىرى ئوخشايدۇ بىرنىمىلەرنى دەپ كۈلىشىپ ھېلىقى بالىغا ھۈرپىيىپ قۇيۇپ كىشىلەرگە غالىپلارچە بىر قارىۋېتىپ كىتىپ قېلىشتى،ھەممىمىزنىڭ ئىچى شۇنداق ئاچچىق بولدى ئەمىليەتتە ئۇ ماشىنا چوڭ يولدا پىيادىلەر يولىدا بازارنىڭ قايناق يېرىدە توختاپتۇ،ئۇ بالىنىڭ مېلىنىلا توسماپتۇ يولدا ماڭغان پىيادىلىكلەرنىمۇ توسۇپ توختاپتىكەن بولمىسا،  ھەممىمىز ھېلىقى ياش بالىغا تەسەللى بېرىشتۇق،بۇ ئىككى جىدەلدىكى باش قەھرىىمانلار ئوبدانلا زىيالى خېلى يۈز ئابرويلۇق كىشىلەر ئىدى بولمىسا،ئۇلۇق رامىزان كۈنلىرىدە بۇ نىمە قىلىق ئەمدى دىيىشىپ كەتتى ئەتراپتىكىلەر ، توۋا بىزگە نىمە بولغاندۇ، بۇ بىر ئەرزىمەس ئىش ئىدى  لېكىن ئەرزىمەس ئىشتىن كۈڭۈلسىزلىك كەپ چىقتى، بۇ ئەسلى كىچىكلا بىر ئىش ئىدى ئەمما نەتىجىسى تۇلىمۇ كۈڭۈلسىز ئاخىرلاشتى،ئەجىبا بەزى كىشىللىرىمىزنىڭ قەلبىدىن  ئىنساپ -دىيانەت،ئىمان -ئېتىقات راسلا كۈتۈرلۈپ كەتتكەنمىدۇ

شاتيار

	ئىگىلىدىكەن ئالما شاخلىرى، مىۋىسى قانچە ئوخشىغانسىرى. كەمتەرلىك بىلەن ئادەم چىرايلىق، سەتلىشىدىكەن غادايغانسىرى. ئۆزىگە تەمەننا قويغان، ئۆزىگە بەك ئىشىنىپ كىتىپ كىشى دىلىنى رەنجىتكەن كىشى ھامان زىيان تارتقۇچىدۇر.

6722442

	بۇ راس بولغا ن ئىشما

778899

	ئا     ئىككى     ئاخسانى    چىشقىچە    ئۇرۇدىغان   نىمىلەركەنتۇق   ،      بىلسەم   -  بىلمىسەم  دادىسى ئىلىپ  بەرگەن   ماشىنا  تايىنلىق   ،   تەييا  پۇلنى  خەجلەپ   دادىسىنىڭ   چاپىندا تەلىنىپ   ..          شۇ   قىلغانلىرىنىڭ   بىر كۇنى جازاسىنى تارتىدۇ  ،   ۋۇ   بەچچىغەرلە  .

mostafa

	ئاشۇنداق نۇچىلاردىن ھەممە يۇرتتا بار ئۇخشايدۇ، ئەنە ئەشۇنداق نۇچىلار شەرىقتىن چىققان ماڭلۇرلارغا قول تەككۈزۈش ئەمەس ئالىيىپ قاراشقىمۇ پىتىنالمايدۇ، ئەمما ئۇلۇغ اللە دىن باشقا ھىچ نىمىسى يۇق بىچارە ئۇيغۇرغا تېتىپ ئاشۇدۇ، نىمىدىگەن ناھەقچىلىقلار بۇ؟

biruyghur

	زىيالى دىگەن نىمىگە ھىساپ، ئۇنداق دىسەم مەن زىيالىيتىم دەپ قاقشاپ قالپاق كىيگۈزمەڭ، ئۇ بىر ئاتالغۇ خالاس، ھازىر مەن مەركىزى شەھەردە ئوقۇدۇم بىلىم ئالدىم ئاسپىرانت بولدۇم دەپ قەلبىدىن ئەخلاق كۆتۈرلۈپ كەتكەن بىر ئۇچۇم كىشىلەر جاھاندا ئۆزىنى بىر چاغلايدۇ،ئەمما ئۆلمەيدىغاندەك ،قىيامەتتە سورىقى بولمايدىغاندەك يۈرۈشسە بولماس، ئۇنداقلارغا ئارتۇق گەپنىڭ ئورنى يوق، ئىسلامدىن سۆز ئىچىشنىڭ تىخىمۇ ئورنى يوق، ناۋادا سۆز ئىچىپلا قالسىڭىز نەلەردىندۇر ئاڭلىۋالغان ئاقماس گەپلىرىنى ئەزۋەيلەپ سۆزلەپ ئىچىڭىزنى پۇشۇرۇپ قويىدۇ، مىنىڭچە ئىتلار بىلەن يىقىن بولسا ئۇمۇ ھەم ئىتتەك قاۋايدىغان ئادەم نەسلى بولۇشى مۇمكىن. قىرانداشلىرىم ،زىيالىمەن ئوقۇغانمەن ۋە ياكى بىلىمدارمەن دىسە ئۇ سالاھىيەتلىرىگە ئىشىنپمۇ كەتمەڭ، مەنمۇ ھەم ئۆزى ھاجىم چەتئەلدە ئوقۇغان مەلۇم شەخىسكە شۇنداقلا ئىمانىغا ئىشىنىپ بىلىمىگە ھۆرمەت قىلغانتىم...قويۇلۇپ كەتتىم قويۇلۇپ كەتسەملا مەيلىتى شۇنداق كۆڭۈل زىدىسى تىپىۋالدىم، ئەمما بىر ئىغىز سۆز قىلمىدىم ئىگىسى بار جاھان بۇ دەپ. شۇڭا دەيمىزغۇ ئىنساپ بولمىسا بىكا ئۇ.

fathullah

	بىلىم باشقا ئەمەل باشقا.

دۈشمەن

	تۇغۇلغاندا تەڭ ئىدۇق تەڭرى ئالدىدا، لىكىن تەڭ ئەمەس بىز دەۋىر ئالدىدا. كۆرەڭلەپ كەتمىگىن ئامەتلىرىڭدىن، ئاخىر يەنە تەڭ بولىمىز قەبرە ئالدىدا.   تەييارغا ھەييار بوپ كۆنۈپ قالغان مۇشۇنىڭغا ئوخشاشلار نى پۈتكۈل بىساتىنى تاتىۋىلىپ كوچىغا چىقىرۋەتسە جاپالىق ئىشلەشنى تەس كۆرۈپ ئۆلىۋالامىكى دەيمىنا !

kokboraa

	كەچلىرى مەسچىت ئالدىدا بىزىرىپ تۇرغان غالچىلارمۇ شۇ زىيالى

qvyvn