ھەق يۇلىدا ماڭمايدىغان بىۋاپالاردىن يىراق بول،ئۇلاردىن ساڭا جاپا ۋە زۇلۇمدىن باشقا نەرسە كەلمەيدۇ.
-نەۋائىي
كۆردۈم شۇنداق تۇز كورنى
(ساتىرا)
ئاپتۇرى: ئابدۇۋەلى راخمان ھەققانىي
كۆردۈم ئوقنى ۋاپاغا چەنلەيدىغان تۇزكورنى،
ياخشىلىققا يامانلىق نەقلەيدىغان تۇزكورنى.
**
ھەيران قالدىم مەن كۆرۈپ،ئاش بەرگەنگە مۇشت ئېيتىپ،
ۋىجدان سېتىپ پۇل قىلىپ خەشلەيدىغان تۇز كورنى.
**
داستىخاننى كەڭ سېلىپ داخىل قىلسام نىممەتكە،
«گۇناھ»ىمنى بىر-بىرلەپ رەتلەيدىغان تۇزكورنى.
**
مەنپەئەتكە دۈم چۈشۈپ«مەن بەك دۇرۇس»دەيدىغان،
سىر-بوياقتا ئۆزىنى رەڭلەيدىغان تۇزكورنى.
**
كىلىشىچە قولۇمدىن تەكرار قىلسام ياخشىلىق،
مىننەتدارلىق يادىغا يەتمەيدىغان تۇزكورنى.
**
يېقىن دوستتەك نايناقلاپ،كىلىپ مەندىن گەپ ئېلىپ،
دۈشمىنىمگە چاي بىرلە تەڭلەيدىغان تۇزكورنى.
**
شۇملۇق بىلەن قايتۇردى ئاق كۆڭلۈمگە جاۋاپنى،
كۆردۈم توۋا! ياخشىنى قەستلەيدىغان تۇزكورنى.
**
كەلسە دىشۋار تەسچىلىك،ماڭا ئاپەت-نەسچىلىك،
«خۇشخەۋەر!..»دەپ شادلىنىپ،سەكرەيدىغان تۇز كورنى.
**
«تويغان يەرگە ئون تازىم»قىلماق ۋاجىپ بىلگەنگە،
كۆردۈم «رەھمەت»تىلىغا كەلمەيدىغان تۇزكورنى.
**
تۇزىنى يەپ تۇزلۇقنى چاققان رەزگى نامەرتتۇر،
كۆردۈم شۇنداق خەققە كۈن بەرمەيدىغان تۇزكورنى.
**
مەندىن ساۋاق-ئىبرەتتۇر،يولاتما دوست يېنىڭغا،
ياخشىلىقنىڭ قەدرىنى بىلمەيدىغان تۇزكورنى.
**
كۆرسەتمىگىن ئېھ تەڭرىم،زىنھار ئەزىز بەندەڭگە،
ئېگىسىنى ئىت بولۇپ چىشلەيدىغان تۇز كورنى.
******
مەنبە: كەچمىشلىرىم.
بۇ يازمىنى ئاخىرىدا akkani تەھرىرلىگەن. ۋاقتى 2013-8-6 10:20 AM
يوللىغان ۋاقتى 2013-8-6 10:18:54 AM
.gif)
ئەمما ئاخىرىدا ئازراق دىققەت قىلىشقا تىگىشلىك يېرى بارىكەن ئەپۇقىلغايسىز ، يەنى(تەڭرىم )ئەمەس (رەببىم ) دەپ ئالغان بولسىڭىز چۈنكى ئاللاھنى ھەرخىل ناملار بىلەن ئاتاشقا بۇلىدۇ ئەمما يارالمىش ئىلاھلار چاقىرىلىدىغان (تەڭرى ،تەڭرىم) نامى بىلەن چاقىرىشقا بولمايدۇ ،ئەپۇقىلىڭ ئاتىكاچىلىق قىپ قويدۇم .ئاللاھ قۇلىڭىزنىڭ قۇۋىتىنى زىيادە قىلسۇن. شۇنداقلا مۇنبەردىكى قېرىنداشلىرىمنىڭمۇ مۇشۇنداق شىرىككە ياتىدىغان ئىسىملارنى ئىشلەتمەسلىككە دىققەت قىلىشىنى ئۈمىت قىلىمەن .