NASA: بۈگۈن مارسقا بارغان «ھەۋەسكار» نىڭ بىر يىللىقى خاتىرىلەندى

bilimxumar

	بۈگۈن مارسقا بارغان «ھەۋەسكار» نىڭ بىر يىللىقى خاتىرىلەندى بىلىمخۇمار ناسا نىڭ «مارس ئىلىم-پەن تەجرىبىخانىسى» (Mars Science Laboratory) دەپ ئاتىلىدىغان، بەزىدە «مارسنى تەكشۈرغۈچى ھەۋەسكار» (Mars Curiosity Rover) دەپمۇ ئاتىلىدىغان ماشىنىسىنىڭ مارسقا قونغانلىقىغا بىر يىل بولغان مۇناسىۋەت بىلەن، بۈگۈن ناسا مەركىزى، كالىفورنىيە تېخنولوگىيە ئىنستىتۇتى (Caltech) نىڭ بىر تارمىقى بولغان JPL ھەر خىل خاتىرىلەش پائالىيەتلىرىنى ئۆتكۈزدى.  بۇ ماشىنا 2012-يىلى 5-ئاۋغۇست كۈنى مارسقا قونغان بولۇپ، ئۇ ناسا ھازىرغىچە مارسقا چىقارغان 4 ماشىنىنىڭ ئىچىدىكى ئەڭ چوڭى بولۇپ ھېسابلىنىمۇ.  يەنى، بۇ ماشىنىنىڭ ئېغىرلىقى 6.9 توننا كېلىدۇ.  «ھەۋەسكار» بۇ بىر يىل ئىچىدە جەمى 1.75 كىلومېتىر ئارىلىققا ماڭغان بولۇپ، يېقىندا ئۇ مارس يۈزىدىكى تاشلارنى تېشىپ، ئۇنىڭدىكى ماددىلارنىڭ خېمىيىلىك تەركىۋىنى ئانالىز قىلىشنى باشلىدى.  تۆۋەندىكى رەسىملەرنىڭ ئىچىدە «ھەۋەسكار» قازغان تۆشۈكلەرنىڭ بىرسىنىڭ رەسىمىمۇ بار.  ئالىملارنىڭ ئېيتىشىچە، قەدىمقى بىر ۋاقىتلاردا مارس يۈزىدە دەريا، دېڭىز ۋە ھاياتلىقلار مەۋجۇت بولغان ئىكەن.  ھازىر جپل دىكى «ھەۋەسكار» نى باشقۇرغۇچىلار ھەر كۈنى ئۇنىڭغا 500-600 بۇيرۇق ماڭدۇرىدىكەن.  «ھەۋەسكار» يەر يۈزىگە ئىۋەرتكەن ئىلمىي ئۇچۇرلارغا ئاساسەن، ئالدىنقى بىر يىل ئىچىدە ئالىملار بىر قانچە يۇز پارچە ئىلمىي ماقالە ئېلان قىلىپ بولۇپتۇ. ھازىر مارسنىڭ ئۈستىدە تەكشۈرۈش ئېلىپ بېرىۋاتقان «ھەۋەسكار» 2011-يىلى 11-ئايدا ئالەم بوشلۇقىغا چىقىرىلىش ئۈچۈن ئېلىپ كېتىلىشتىن بۇرۇن، مەن ئۇنىڭ بىلەن «خوشلىشىۋالغان» ئىدىم.  JPL بۇ ماشىنىدىن ئىككىنى تەڭلا ياسىغان بولۇپ، ئۇنىڭ يەنە بىرسى بىزنىڭ ئىدارىدە ھازىرمۇ كۆرگەزمە قىلىنىپ ساقلىنىۋاتىدۇ.  مارستىكى «ھەۋەسكار» 2011-يىلى نويابىردا يولغا چىقىپ، 8 ئاي ھەر سائەتىگە 90 مىڭ كىلومېتىر تېزلىك بىلەن يول يۈرۈپ، مارسقا 2012-يىلى 6-ئايدا يېتىپ باردى.  مارسنىڭ ئوربتىسىدا 2 ئاي ئايلىنىپ، ئۆزىنىڭ تېزلىكىنى مارسنىڭ تارتىش كۈچىنىڭ تەسىرى بىلەن يېتەرلىك دەرىجىدە ئاستىلاشتۇرىۋالغاندىن كېيىن، ئۆتكەن يىل 5-ئاۋغۇست كۈنى مارسقا قوندى. 1-رەسىم: ھازىرغىچە ناسا مارسقا چىقارغان 4 ماشىنا 1-رەسىم: ھازىرغىچە ناسا مارسقا چىقارغان 4 ماشىنا 2-رەسىم: ھەۋەسكار ئۆزى تارتقان، كېيىن بىرلەشتۈرۈلگەن رەسىم 2-رەسىم 3-رەسىم: ھەۋەسكار تەشكەن بىر تۆشۈك 3-رەسىم 4-رەسىم: مارستىكى بۇرۇن سۇنىڭ ئاستىدا قالغان تاشلارنىڭ بىر كۆرۈنىشى 4-رەسىم

akbar0997

	تىمىلىرىڭىز ئۈزۈلۈپ قالمىسۇن قېرىندىشىم .

anka1314

	ئىسىل تىمىلار يەنىلا مىسرانىمدا  ، ياخشى تىمىلارنى كۆرەشكە تەشنابىز  ،

fathullah

	بۈگۈن 5–ئاۋغۇست ئەمەس 6–ئاۋغۇست.خاتالىشىپ قالدىڭىزمۇ ئاكا؟ چاقچاق ھە.مۇشۇ چىسلا سىزىقى مۇشۇنداق رايۇن ئاتلىغان ئالاقىدە ئاجايىپ.ياپونىيەدىن ھاۋاي ياكى ئالياسكىغا ئۇچقان ئايروپىلان بىر كۈن بۇرۇنقى چىسلادا قونىدۇ.

قۇمباغ79

	كائىنات يېڭىلىقلىردىن خەۋەردار قىلغىنىڭىزغا رەھمەت.

uyghuruqun

	ئەسسىلامۇ ئەلەيكۇم ئەركىن ئاكا ! بىزنى مۇشۇنداق يېڭى خەۋەرلەردىن خەۋەردار قىلىپ تۇرغىنىڭىزغا رەھمەت . ئاللا تىنىڭىزنى ساق ، ئىشلىرىڭىزنى ئوڭۇشلۇق ، ئائىلىڭىزنى خاتىرجەم قىلسۇن . سىزدىن بىر نەچچە مەسىلىنى سۇرىماقچى ئىدىم  . ئىلگىرى مارىسقا ئەۋەتىلگەن ئىككى مارىسنى تەكشۈرۈش ماشىنىسى ( ئىسمى تازا ئىسىمدە قالماپتۇ . بىرىنىڭ جاسارەت يەنە بىرنىڭ پۇرسەتقۇ دەيمەن ) ھازىر پۈتۈنلەي ئىشتىن توختىتىلدىمۇ ؟ ئۇلار بايقىغان ئەڭ چوڭ تەتقىقات نەتىجىسى نىمە ؟ ناسانىڭ ھازىرقى تەرەققىياتىدا تەخمىنەن قانچە يىلدا مارىسقا ئادەم ئېلىپ چىقىپ قايتۇرۇپ كىلەلەيدۇ ؟

yik

	ىسىل تىما

urann

	ئېسىمگە ئامرىكىنىڭ چوڭ پارتىلاش دېگەن كومىدىيىلىك تىلۋىزىيە تىياتىرىدىكى ھېلقى خوئارد ئىسىملىك يەھۇدى ماگىستىر كەپ قالدى،فىلىمدە ئۇ دائىم ناسا ئۈچۈن ئالەم ئۇچقۇ،بوشلۇق پونكىتىنىڭ زاپچاسلىرىنى ياساپ،تەڭشەپ بېرەتتى،يەنە بىر قېتىم قىزلارنى كەلتۈرۈش ئۈچۈن مارىس تەكشۈرۈش ئاپتوموبىلىنى كونتىرول قىلىپ ئازگالغا تىقىۋىتىدۇ،دېمەكچى بولغىنىم،مارىستىكى تەكشۈرۈش ئۈسكۈنىلىرى ۋە بوشلۇقتىكى ناساغا مۇناسىۋەتلىك ئۇچقۇلار راستىنلا فىلىمدىكىدەك ھەر قايسى ئۇنۋېرستىتلاردىكى تەجىربىخانىلارنىڭ ماس تەتقىقاتىغا ئۆتكۈزۈپ بېرىلەمدۇ ياكى ناسا بىر تۇتاش كونتىرول قىلامدۇ؟

uyol

	مەن تېخى بايا ئەركىن سىدىن توغۇرلۇق فىلىمنى كۆرگەن ئىدىم. بۇ يەردە بۇ تېمىڭىزنى كۆرگىنىمدىن خۇشالمەن

kizzik99

	موللا ئالىملىرىمىزنىڭ «ئالىم» بولۇپ ئاتىلىشى  تولىمۇ توغرا ئېيتىلغان سۆز ئىدى. چۈنكى قۇرئاندا پىكىر قىلسىلا پۈتۈن مەۋجۇداتنىڭ سېرى ئېچىلاتتى. لېكىن ھازىرقى  موللا ئالىملىرىمىز پىكىر يۈرگىزىشتىن شەكىلۋازلىققا يۈزلىنىپ،  غاپىللىقتا مۈگىدەۋاتىدۇ.  يېغىپ ئەكەلسەك ھەۋەسكاردەك ۋە باشقا پەن تەتقىقاتلار قۇرئان كەرىم ئۈچۈن خىزمەت قىلىدىغان ئاللاھنىڭ ھېكمىتىدۇر.