قەشقەردىكى نارات -- پولوڭ جىلغىسى

UYGRAF

	پولوڭ--ئۇ قاغىلىق ناھىيە كۆكيار يېزا پۇسا كەنتىگە يېقىن بولغان بىر جىلغىنىڭ نامى. ئەگەر سىز قاغىلىقتا بولسىڭىز  جەنۇبقا قاراپ شىنجاڭ-شىزاڭ تاشيولى(دۆلەت يولى 219-نومۇر)نى بويلاپ 70 كىلومېتىر مېڭىپ، پۇسا كەنتىگە يېتىپ بارغاندىن كېيىن، چىغىر يول بىلەن شەرقى-جەنۇبقا بۇرۇلۇپ يەنە 30 كىلومېتىر ماڭسىڭىز، پولوڭ جىلغىسىغا يېتىپ بارىسىز. پولوڭ--ئۇ بۇ دۇنيادىن ئايرىلغان باشقا بىر دۇنيا، ئۇ يەردە رادىئو، تېلېۋىزىيە دەيدىغان نەرسە يوق، سىزنىڭ ئەڭ ئېسىل تېلېفۇنلىرىڭىزمۇ ئۇ يەردە كېرەكسىز كېسەككە ئايلىنىپ قالىدۇ، چۇنكى ئۇ يەرگە توك تارتىلمىغان، ئەگەر ھېچنىمىنى ئويلىمايمەن دىسىڭىز، دەم ئېلىشقا ئىنتايىن مۇۋاپىق جاي، بۇ يەردە جىلغىنىڭ شاقىراپ ئاققان سۈيى بىلەن كالىلارنىڭ سوزۇپ مۆرەشلىرىدىن باشقا قۇلاققا ھېچنەرسە ئاڭلانمايدۇ. تېلېفۇن ئۇرۇشقا توغرا كەلسە، 30 كىلومېتىر كەينىڭىزگە يېنىپ پۇسا كەنتىگە بېرىشىڭىز كېرەك. بۇ جاينىڭ ئارقا سەپ مۇلازىمىتى ئانچە يۈرۈشلەشمىگەن، شۇڭا قوساقنىڭ غېمىنى كۆكيار يېزىسىدا ھەل قىلىشقا توغرا كېلىدۇ، بىز ئالدىراپ يولغا چىققاچقا، يەرلىك ئيغۇر چارۋىچىلارغا بىر پاقلاننى پۇشۇرۇش ھەققىنى قوشۇپ ھەر كىلوسىنى 120 يۈەندىن سويدۇرۇپ، ئۆي ئىگىسى ۋە ئۇنىڭ روزى تۇتقان ئالتە ياشلىق قىزى بىلەن بىرلىكتە ئىپتا قىلدۇق، گۆش تۆت سائەت قاينىغاندىن كېيىن ئاران چىش ئۆتكۈدەك بوپتۇ، چۈنكى بۇ يەدىكى ئوكسىگېننىڭ مىقدارى قەشقەر-يەكەن تۈزلەڭلىكىدىكى ئوكسىگېننىڭ %80 گە تەڭ كېلىدىكەن.

UYGRAF

	راس گەپنى دىسەم بۇ جاينىڭ مەنزىرىسى نارات يايلىقىغا يەتمەيدۇ، ئەمما قەشقەردەك تەكلىماكانغا تۇتاش بولغان سۇسىز بوستانلىقتا بۇنداق يىڭنە يوپۇرماقلىق ئىپتىدائى ئورمانلىقنى تېپىش ناھايىتى تەس.

UYGRAF

	بۇ كىچىك ياغاچ ئۆيلەرنىڭ بىر كېچىلىك قونالغۇ ھەققە 250 يۇەنكەن، گەرچە ياتاق پاكىز بولسىمۇ، ئىككى كارۋات، بىر ئۈستەل ۋە بىر تال شامدىن  باشقا نەرسە يوق، شۇڭا سەل قىممەتكەن.

UYGRAF

	پولوڭ جىلغاسىنىڭ يامغۇرلۇق ئاخشىمى

UYGRAF

	ئۇيغۇرچە خەت يېزىلمىغان ۋىۋىسكا. ئەسلىدە بۇجاي ناھىيىلىك ساياھەت ئىدارىسىنىڭ باشقۇرىشىدا بولۇپ، غېنى باي دەيدىغان بىرسى كۆتۈرە ئېلىپ نۇرغۇن مەبلەغ ساپتۇ، ھازىر ئۇ ئۇيغۇرچە، خەنزۇچە، ئېنگىلىزچە ئۈچ خىل يېزىقتىكى تاختاينى قەشقەردە ياسىتىۋېتىپتۇ. بۇ ئىشىكتىن كىرسىڭىز 30 يۇەن ھەق ئالىدىكەن. سۈرەت ئالما5 تە تارتىلغان، يوللاشنى بىلمىگەچكە قالايمىقان چىقىپ قالدى، باشقۇرغۇچىلار رەتلەپ قويسا. مەنبەئە: پولۇڭدىكى نەقمەيدان.

abdulla350

	تېمىڭىزغا كۆپرەھمەت ھازىرچە مۇنداق تەبى قوغداش رايونىنىڭ مۇھتى بۇلغانمىغان مۇشۇ بىرسى قالغان ئوخشايدۇ........................

fathullah

	ساياھەت رايونى بولدى دىگەن گەپ بۇلغىنىدۇ دىگەن گەپ بىلەن مەنىداشتەكلا ئاڭلىنىدىغان بوپقالدى دىسە.......

rahatmakan

	بۇ يەرگە يەنە 10 يىلدىن كىيىن بارساق كۆكتاتلىىقنى بۇ مەنزىرنى كۆرگىلى بولمايمۇ قالارمۇ؟ موھىت بۇلغىنىپ.

بەرگى

	قەشقەر شەھرىگە ئازراق يىراقلىقىنى ھىساپقا ئالمىغاندا ھەقىقەتەن بىرىپ كىلىشكە ئەرزىگۈدەك ئورۇنكەن  ،

sayim

	راسلا گۇزەل جايكەن