پۇل

suhayla

	پۇل     بىر رامىزان كۈنى ئىدى، ئەزھەر ئىپتارغا يىقىن نان ئېلىش ئۈچۈن ناۋايخانىغا باردى. ناۋايخانىنىڭ ئالدىدا ئۇزۇن ئۆچرەت بار ئىدى. ئىپتار ۋاقتى يېقىنلاشقانسىرى ئۆچرەتتە ساقلاۋاتقانلار سەۋىرسىزلىنىشكە باشلىدى.     ناۋاي تېخىمۇ بەك ئالدىراش ئىدى. نۆۋىتى كەلگەنلەرگە ناننى بېرىپ، پۇلىنى ئېلىش ئۇنچىمۇ ئاسان ئەمەس ئىدى.     ئىپتارغا ئەزان ئوقۇلاي دەپ قالغاندا ئەزھەرگە نۆۋەت كەلدى. قاتتىق ھېرىپ كەتكەن ناۋاي ئەزھەرگە دېققەتسىزلىكتىن ئارتۇق پۇل ياندۇرۇپ بەردى.     ئەزھەر توختاپ قالدى. ناۋاينىڭ يۈزىگە ھەيرانلىق بىلەن قارىدى. ناۋاي:      _بىرەر خاتالىق بولدىمۇ بالام؟_دەپ سورىدى. ئەزھەر:           _ ياقەي._دەپ پۇللارنى ئېلىپ ئۆيىگە يۈگۈرۈپ كەتتى.     ئەزھەر ئىپتار دوستىخىنىدا خىيال سۈرۈپ ئولتۇراتتى. ئۇخلاش ئۈچۈن ياتقان چېغىدا بىئاراملىق تېخىمۇ كۈچەيدى. كۆزگە كۆرۈنمەس بىرەيلەن خۇددى ئۇنى ھېساپقە تارتىۋاتقاندەكلا ئىدى......      _نېمىشقا ئۇنداق قىلدىڭ؟      _ھەققىڭ يوق پۇلنى نىمىشقا ئالدىڭ؟  .....     ئەزھەر بولغان ئىشنى ئانىسىغا دىمەكچى بولدى_يۇ، لېكىن يەنە دەرھال ۋاز كەچتى. ئانىسى ئۇنى چوقۇمكى قاتتىق ئەيىپلەپ، ئاچچىقلايتتى.     كېچە چۈشىدە قار باستى. ئەتتىگەن ئورنىدىن تۇرغاندىمۇ ئىچىدىكى بىئارامچىلىقنىڭ ئازايمىغانلىقىنى ھېس قىلدى.     ئەزھەر تامدىكى كالىندارنىڭ ۋارىقىنى ئېچىپ ئوقۇشقا باشلىدى. ئۇنىڭدا پەيغەمبىرىمىزنىڭ مۇنۇ ھەدىسى يېزىغلىق ئىدى:                                             << گۇناھ_          ئىچىڭنى تاتلىغان ۋە باشقىلارنىڭ بىلىشىنى سەن خالىمايدىغان بىر ئىشتۇر >>                                               مۇسلىم رىۋايىتى.     ئەزھەر يۈزىنىڭ قىزارغانلىقىنى ھېس قىلدى. بۇ ھەدىسنى پەيغەمبىرىمىز گويا ئۇنىڭ ئۈچۈن سۆزلەۋاتقاندەكلا ئىدى.                                                                    ئەزھەر ئۇدۇل ناۋايخانىغا باردى ۋە ھەققى يوق پۇلنى كەچۈرۈم سورىغان ھالدا ناۋايغا قايتۇرۇپ بەردى.

مارشال

	يازما بەك قىسقا بولسىمۇ لېكىن بىزگە بېردىغان تەربىۋى ئەھمىيتى ئىنتايىن زور ئىكەن.

0997tumuqi

	سەمىمى بالىكەن

apndim

	ھەقىقى  مۇسۇلمانلار  مۇشۇنداق  قىلىدۇ  ،،  دۇنيادىكى  ئەڭ نۇمۇسسىز  كىشىلەر   ھىچقانداق دىنغا ئتىقات  قىلمايدىغان  ئاتىزىمچىلاردۇر  ،  بۇلار  ياخشى يامان ھالال ھارامنى ئايرىمايدىغان ھەقىقى  ئوزمەنپەتى ئۇچۇن ياشايدىغان  ھەممەنەرسنى  ئوزمەنپەتى ئۇچۇن   قۇربان قىلىدىغان   نۇمۇسسىز  كىشىلەردۇر ،

sargarda

	ئۇنداق   ئازغىنە   پۇلنى   قايتۇرۇپ  بېرىش  ھەممە  ئادەم قىلالايدىغان ئىش . ئەگەر   نەچچە   تۈمەن  ،  نەچچە  مىليۇن  بولۇپ  قالسۇنچۇ  قېنى  ؟ ئىگىسىگە   قايتۇرۇپ  بېرىدىغاندىن  نەچچىسى  چىقار  ؟

fathullah

	ئەجەپ ئۆرۈك بازىرى مەسجىدنىڭ يېنىدىكى ناۋايخانىدەكلا بىلىندى ماڭا.

bozyigit0997

	[ئۇنداق   ئازغىنە   پۇلنى   قايتۇرۇپ  بېرىش  ھەممە  ئادەم قىلالايدىغان ئىش .ئەگەر   نەچچە   تۈمەن  ،  نەچچە  مىليۇن  بولۇپ  قالسۇنچۇ  قېنى  ؟ئىگىسىگە   قايتۇرۇپ  بېرىدىغاندىن  نەچچىسى  چىقار  ؟.......................................................بۇ قاراش خاتا ، مىنىڭچە ئىمانى بار ئىنسان بولسا ،پۇلنىڭ كۈزىگە قارىمايدۇ .

ARZUY

	ئاللاھ ھەممە  كۈڭۈللەرگە ئىنساپ  بەرسۇن ئامىن !!!

mahatjan

	پۇل،ھەي پۇل--پۇل.

سائەت

	sargarda يوللىغان ۋاقتى  2013-8-6 12:00 AM ئۇنداق   ئازغىنە   پۇلنى   قايتۇرۇپ  بېرىش  ھەممە  ئادەم ق ... جەننەتكە ھەقىقى چىن قەلبىدىن كىرگۈسى بار ھەرقانداق ئادەم نەچچە مىليون پۇل بولسىمۇ قايتۇرىدۇ.