شائىر ئىبراھىم قۇربان ۋاپات بولدى

iptihar2014

	شائىر ئىبراھىم قۇربان ۋاپات بولدى 2013-يىلى 8-ئاينىڭ 3-كۈنى چۈشتىن بۇرۇن شائىر ئىبراھىم قۇربان كېسەل سەۋەبىدىن ئۇچتۇرپان ناھىيىسىدە ۋاپات بولدى. ناماز پېشىندىن كېيىن  ناھىيە مەركىزىدىكى رەستە جامىئەسىدە نامىزى چۈشۈرۈلدى. مېيىتى ناھيىمىز تەۋەسىدىكى ئەڭ چوڭ قەبرىستانلىقلاردىن بىرسى بولغان قولتۇق قەبرىستانلىقىغا قويۇلدى. شائىرنىڭ نامىزىغا ئۇچتۇرپان تەۋەسىدىكى  قەلەمكەشلەرنىڭ ھەممىسى دېگۈدەك قاتناشتى.       مەرھۇم شائىر ۋە دىراماتىروگ ئىبراھىم قۇربان 1942-يىلى ئۇچتۇرپان ناھىيىسىنىڭ يامانسۇ يېزىسىدا  تۇغۇلغان. 1958-يىلىدىن 2003-يىلىغا قەدەر ئاقسۇ ۋىلايەتلىك سەنئەت ئۆمىكى، ئۇچتۇرپان ناھىيىلىك 1-ئوتتۇرا مەكتەپ، ئۇچتۇرپان ناھىيىلىك مەدەنىيەت يۇرتى قاتارلىق ئورۇنلاردا ئىلشىگەن.  شائىر ئۆز ئۆمرىدە 1000 پارچىغا يېقىن شېئىر يازغان بولۇپ، يازغانلىرىنىڭ كۆپۈنچىسى ھەرقايسى مەتبۇئاتلاردا ئېلان قىلىنغان. «سۆيگۈ»،«توي تەنتەنىسى»،«تارىم ناۋاسى»،«سېنى ئۇنتالمايمەن» قاتارلىق كۆللىكتىپ شېئىرلار توپلىمىغا شېئىرلىرى كىرگۈزۈلگەن. باشقىلار بىلەن بىرلىكتە«گۈزەللىك ئىلھاملىرى»،«ئايرىلىش» قاتارلىق بىرلەشمە شېئىرلار توپلىمى ئېلان قىلىنغان. 1984-يىلى«يەتتە قىزلىرىم» ناملىق داستانى قەشقەر ئۇيغۇر نەشىرياتى تەرىپىدىن نەشىر قىلىنغان. 2006-يىلى مىللەتلەر نەشىرياتى تەرىپىدىن «تەڭرىتاغ پەرىشتىلىرى»ناملىق داستانلار توپلىمى نەشىر قىلىنغان. ئۇنىڭ يەنە«ھەسرەت»،«ئۇچقۇن»قاتارلىق دىرامىلىرى ئېلان قىلىنىپ، «مۆلجەر تاغ بورانلىرى» قاتارلىق سەھنە ئەسەرلەر توپلىمىغا كىرگۈزۈلگەن. ئۇ يەنە «ئۇچتۇرپان خەلق قوشاقلىرى»،«ئۇچتۇرپان خەلقى چۆچەكلىرى»، «ئۇچتۇرپان خەلق ماقال-تەمسىللىرى» قاتارلىق ئۈچ توپلامنىڭ نەشىر قىلىنىشغا تېگىىشلىك تۆھپە قوشقان. شائىر ئاخىرقى ئۆمرىدە  دەم سىقىلىش، زىقچە كانەي ياللۇغى قاتارلىق كېسەللەر بىلەن قازا قىلدى. ئىبراھىم قۇربان جوڭگۇ ئاز سانلىق مىللەتلەر ئىلمىي جەمىئىيىتىنىڭ، شىنجاڭ «12 مۇقام»ئىلمىي جەمىئىيىتىنىڭ،  شىنجاڭ خەلق ئېغىز ئەدەبىياتى تەتقىقات جەمىئىيىتىنىڭ، شىنجاڭ ئۇيغۇر ئاپتونوم رايونلۇق يازغۇچىلارجەمئىيىتىنىڭ، ئاقسۇ ۋىلايەتلىك يازغۇچىلار جەمىئىيىتىنىڭ ئەزاسى ئىدى. شائىرنىڭ ۋاپاتىغا چوڭقۇر قايغۇرىمىز، ئائىلىسىدىكىلەرگە سەۋر ۋە ياخشىلىق تىلەيمىز.

iptihar2014

	ئۇستازىمىزنىڭ ياتقان يىرى جەننەتتە بولغاي.

uyol

	مەرھۇمنىڭ ياتقان يېرى جەننەتتە بولغاي

شاتيار

	مەرھۇمنڭ ياتقان يىرى جەننەتتە بولغاي، ئائىلىسىگە سەۋىر يار بولغاي.

magrurjan

	ئۇستازنىڭ ياتقان يىرى جەننەت بولغاي

hayringul

	ياتقان يېرى جەننەتتە بولغاي ئامىن!

aptap104

	ياتقان يېرى جەننەتتە بولغاي

سەفەر

	شائىرنىڭ  قايتقان كۈنى ، قەدىر كېچىسىگە  توغرى كەپتۇ . اللاھ جەننەتتىن ئورۇن بەرگەي ....

qaraxani

	ئاللا بۇ ئۇستازنىڭ ئىمانىنى سالامەت قىلسۇن،ئۇلۇغ ئايلاردا ئۇنىڭ روھ قۇشى جان قەپىزىدىن ئايرىلىپتۇ،مەن ئۇنىڭ ‹‹تەڭرىتاغ پەرىشتىلىرى›› ناملىق داستانلار توپلىمىدىن بەھىر ئالغان....

biruyghur

	ياخشى كۈنلەردە قايتىپتۇ