كۆتۈرۈلمىسۇن قەۋمىمدىن بەرىكەت

bahwanbiz

	كۆتۈرۈلمىسۇن  قەۋمىمدىن بەرىكەت كۆپۈكچەم يوق ، يالغان كۆپۈكچەم ، پۈۋىلىمەڭلار مېنى بېلىقلار . شاخلىرىمدا پىشىۋالغۇچە ، يەپ كەتمەڭلار يىقىن – يورۇقلار  . ناۋات يەيدۇ ئالدامچى سۇلار ، كېكەچلەيدۇ گاچا قىرغىقىم ، قان يالايدۇ دۇنيا بارمىقى      رىزقىمنى ئاز ، دەيدۇ بىر سىقىم . ياز پەسلىمنى  چايناپ باراڭلار ، يەكلىمەكتە كاۋىلىرىمنى . غەيۋەت سېتىپ قوشنام تىرنىقى ، تاتلىماقتا يارىلىرىمنى . ئاق رەڭگىدىن تانماقتا ئۆتنە ، تەببەسسۇملار تۇرار ئىلىمان . سۈركىلىشلەر ئىت – مۈشۈك بولۇپ ، تۇرخۇن ئىسى چىقار بىنورمال . ئىدىيەنىڭ بويى پاكارلاپ ، ئارتۇق كېسەر  ۋىجدان رەختىنى . دەقىقىنى  گۆھەر قىلالماي ، ئۆلتۈرىدۇ ھورۇن بەختىنى . ئەخلاق سىرلىق كۆرۈنمەس كىيىم ، يات كۆزلەرگە سۈركەيدۇ سامساق . سۈكۈت بۇزار ئازغۇن سېپىلنى ، سەۋىرچاننى دىمەيلى پاناق . رەت قىلىنغان مايلىق بەتىنكە ، بوسۇغىنى قىلالماس پاتقاق . بىر قەۋىمنىڭ ھۆرمىتى ئۈچۈن ، ساۋاتسىزلىق ئەڭ يامان ئاتاق . كۆڭۈل دىمەك _ تۇرمۇش ئاشپىزى ، تەڭشەپ تۇرار مۇناسىۋەتنى . شىلدىرلايدۇ سەزگۈرلىكىمىز ، ۋاراقلىساق يېڭى بىر بەتنى . ئاستا ماڭغان ۋاقىت سېمىزمۇ؟ ئابرۇيى چوڭ تېرىمۇ يۈزمۇ؟ . تەڭشەلمىسە جاھىل ئىدىيە، خاتا ھۆكۈم قىلىدۇ كۈزمۇ. ، تەمدىن كەتتى مېھىر قىسمىقى ، شاكللارغا بەردۇق ئەھمىيەت . ھالال ئاشقا چىۋىن چۈشۈرۈپ ، قاچانلىققا تۈگەر رەسمىيەت ؟ بىز سەھەرنى نوقىماي تۇرۇپ ، نام بېرىمىز پۇرسەتكە  ئەخلەت . قۇرۇق ئەسنەك بەرسە خۇشاللىق ، دەپ قويىمىز ھاۋاغا رەھمەت. كېسىلمىگەچ نىشان پۇتىقى ، مايسىرىدى  شارىكلىرىمىز  . بىر بالدىكى پەرىشان ئىستەك ، ئىسراپ بولۇپ كېتەر بارىمىز . دوقمۇشىمىز سالماقتا قورساق ، ئەھمىيەتسىز بولماقتا ھەرىكەت . غەزنىچىنىڭ سۆيەي قولىغا  ، كۆتۈرۈلمىسۇن خەلقىمدىن بەرىكەت . ئا. مۇھەممەت باغۋەن شېئىرى

putbilqi

	ياخشى چىقىپتۇ،باغۋەنكا... ئاللا قەۋمىمىزگە ئىناقلىق ئاتاقىلسۇن....

dunya005

	مۇشۇنداق ياخشى شىىرغا قارىماپسىلەردە

qaraxani

	سېنىڭ خىيال ئامبىرىڭدا كەم نەرسە يوق ئىكەن...