قازان ( ھىكايە)

koxmak7

	قازان                                          (  ھىكايە)                                           ت.ئا. قوشماق ئىشخانىدا مەنلا قالغان ئىدىم، بىردەم كومپىيۇتۇردا ئويۇن ئويناپ باقتىم،كوت كوتتا مۇڭدۇشۇپمۇ باقتىم، لىكىن ھېچقايسىسى خوش ياقمىدى، سائەتكە قارىسام ، بەشتىن ئېشىپتۇ، شۇنىڭ بىلەن ئىشتىن چۈشمەكچى بولۇپ، پەسكە چۈشتىم، ئىدارىنىڭ ئىشىكىدىن چىقىىپ ئەتراپقا نەزەر سالدىم. بىر دەم پاراڭلىشاي دىسەم، مەن تونۇيدىغان بىرەرسى يوق. ئىدارىنىڭ ئىشىكىنىڭ يېنىدىكى چوڭ تاللا بازىرنىڭ ئالدىدا، قارا كۆك كاستىيۇم بۇرۇلكا كىيىپ، گالىستۇك تاقىۋالغان، قاپ - قارا بۇرۇتلۇق، چېچىنى مايلاپ، يانغا تارىۋالغان، ساقىلىنى پاكىز ئالدۇرغان، سول دولىسىغا جىگەررەڭ خۇرۇم سومكا ئېسىۋالغان ، ئاق پىشماق بىرسىگە كۆزۈم چۈشتى. بۇنداق ياسىنۋالدىغانلارنىغۇ بۇ يەردە دائىم ئۇچراتقىلى بولاتتى. چۈنكى تاللا بازىرنىڭ يېنىدىكى ساغلاملىق بويۇملىرنى ساتىدىغان شىركەتنىڭ مال ساتقۇچىللىرى بىر يىلنىڭ تۆت پەسىلنىڭ ھەممىسىدە مۇشۇنداق ياسىنۋاللاتتى. ئۇ قولىدىكى يانفۇندىن ھە دەپ بىر نەرسە ئىزدەۋاتاتتى. ئۇنىڭغا سىنچىلاپ قاراپ ، خۇددى قىمەتلىك بىر نەرسىنى تېپىۋالغان ئادەمدەك ناھايىتى خوش بولۇپ كەتتىم. يارىشىملىق شىم كاستىيۇم كىيۋالغان بۇ كىشى دەل مىنىڭ ئوتتۇرا مەكتەپتىكى ساۋاقدىشىم  يەھيا ئىدى. ئۇنىڭ بىلەن كۆرشۈش ئۈچۈن ئۇنىڭ يېنىغا بېرىپ سالام قىلدىم،   — ئەسسالامۇ ئەلەيكۇم ئاداش ! ئۇ ئەندىكىپ بېشىنى كۆتىردى، — ۋەئەلەيكۇم ئەسسالام، — دەپ سالامىمغا جاۋاپ قايىتتۇردى. ئۇ مىنى كۆرۈپ تۇرۇپلا قالدى.  ئىككەيلەن قىزغىن قۇچاقلىشىپ كۆرۈشۈپ كەتتۇق. —        سەن بۇ يەردە نىمىش قىلسەن؟ — سوردى ئۇ خۇشاللىقتا كۆزۈمنىڭ ئىچىگە قاراپ خۇش تەبەسسۇم بىلەن. —        مەن مۇشۇ ئىدارىدە ئىشلەيمەن. —        نىمە مۇشۇ ئىدارىدە؟ يېزىدا ئىشلەيتىڭغۇ؟ —        ئىدارىگە تەرجىمان لازىم بولۇپ قېلىپ، يۆتكەپ ئەككىرۋالدى. —        ھە ياخشى بوپتۇ، — دىدى ئۇ. —        ھە، سەن بۇ يەردە نىمىش قىلىسەن؟ — سوردۇم مەن. —        مەن ئاۋۇ يەردە ئىشلەيمەن، — دەپ تاللا بازىرى يېنىدىكى ساغلاملىق بويۇملىرى ساتىدىغان شىركەتنىڭ ماگزىننى كۆرسەتتى. مەنمۇ باشقىلاردىن ئۇنىڭ ئاشۇ يەردە ئىشلەۋاتقانلىقىنى ئاڭلىغان ئىدىم. ئۇ دەرھال سومكىسىنى ئېچىپ ئۆزىنىڭ نام ئەمەل كارتۇچكىسىنى ئېلىپ ماڭا ئۇزاتتى. ئۇنىڭدا « badboy » شىركىتىنىڭ سېتىپ چىقرىشقا مەسئۇل باش دىرىكتورى، ئاتاقلىق دوختۇر يارمۇھەممەد» دەپ يېزىلىپ ،ئالاقىلشىش تىلفۇن نومرى، ئېلىكتىرۇنلۇق خەت ساندۇقى، تور ئادىرېسى قاتارلىقلار خاتىرلەنگەن ئىدى. —        بۇ كىم يارمۇھەممەد دىگەن ؟ — دەپ سوردۇم ئۇنىڭدىن. —        مەن. —        قاچان ئىسمىڭنى ئۆزگەرتىۋالدىڭ؟ —        ئىككى ئۈچ يىل بولدى، بەكلا مەتۇ ئىسىمكەن ئاداش. ئاشۇ ئىسىم بىلەن نومۇس قىلماي يىگىرمە نەچە يىل ياشىغىنىمغا ئۆكۈنۈمەن. —        ئۇنداق دىمە، ئۇ دىگەن يەھيا ئەلەيھىسسالامنىڭ ئىسمى. —        شۇنداق بولسىمۇ. ھازىرقى جەميەتتكى كىشلەر توغرا چۈشەنمەيدىكەن، ئىسمىڭ نىمە دەپ سورسا نۇرغۇن يەرلەردە بەكلا نومۇس قىلىپ ئۆزگەرتىۋەتتىم.ھە ھازىر نەدە ئولتۇرۋاتىسەن؟ —        تاختا كۆرۈكتە. —        ئۆزەڭنىڭ ئۆيىمۇ ياكى ئىجارە ئۆيمۇ؟ —        ئىجارە، ئىدارە ئۆي سېلىۋاتىدۇ، كىلەر يىلى شۇنى بىر.... —        ماۋۇ ئىش قاملاشماپتۇ، مانا مەن، ئىدارەمدىكى خىزمىتىمدىن پۈتۈنلەي، ئىستىپا بىرىپ، ھازىر مۇشۇ ئىشنى قىلۋاتىمەن، ئۈچ يەردە بىنا ئۆيۈم بار، ھازىرغىچە ئىچكىرى ئۆلكىلەردە بەش ئالتە قېتىم ساياھەتتە بولغاندىن باشقا، ئۆتكەندە تۈركىيە بىلەن دۈبەيگە ساياھەتكە چىقتىم، — ئۇ يەنە دەرھال سومكىسىنىڭ ئاغزىنى ئېچىپ بىرنەرسىلەرنى ئاقتۇرۇشقا باغشلىدى، ئاندىن، بىر پارچە قەغەزنى ئېلىپ ماڭا كۆرسەتتى، — شىركەتتتىكلەر، ئالدىمىزدىكى ھەپتە بىزنى ئامېرېكىغا ساياھەتكە ئەپچىقماقچى. مانا بۇئايرۇپىلان بېلىتى. مەن مۇشۇ ۋاقتىمغىچە چەتئەل دىگۈل ئۈرۈمچىگىمۇ بېرىپ باقمىغان ئادەم ئايرۇپىلان بېلىتى قانداق بولىدۇ پەقەتلا بىلمەيتىم. ئايرۇپىلاننى تىلۋۇزۇدا ئاندا- ساندا ككرۈپ تۇرمەن شۇ. دەل شۇ چاغدا تىلفۇنۇم سايراپ كەتتى، مەن دەرھال تىلفۇننى ئالدىم، بىر دوستۇمدىن كەپتىكەن، مەن ئۇنىڭ بىلەن كۆرشۈپ بولۇپ، يەنە ئۇنىڭ ئاغزىغا قارىدىم، — ماۋۇ تۇتۋاتقان تىلفۇنۇڭنى قارا، كۆر مانى! —  دەپ تىلفۇنىنى تەڭلىدى، تىلفۇننى ئېلىپ ئالدى كەينىگە ئۆرۈپ قارىدىم، — بۇ دىگەن ئايفۇننىڭ ئەڭ يېڭى نۇسخىسى، بەش مىڭ سوملۇق شىركەت ئېلىپ بەردى، ئەپەندىم مانداق بىخۇت ھالەتتە يۈرىۋەرمەيلى، ھۆكىمەت بەرگەن ئىككى تال توك توك مائاشقا تەلمۈرۈپ ياشاشنىڭ ئۆزى ئەخمەقلىق، مائاش دىگەن توخۇغا دان سېپىپ بەرگەندەكلا بىر ئىش، ئۆلمەسلىكنىڭ دورىسى، تېمىتىپ سۇغرۇش، سىللە ئەقىللىق ،شۇڭا ئەينى چاغدا سىللە ئالىي مەكتەپكە، بىز ئوتتۇرا تېخىنىكومغا ئۆتكەن. ئۇ ھە دەپ سۆزلىمەكتە ئىدى. مىنىڭ ئۆي ئالالمىغىنىم، ئايفۇن تۇتالمىغىنىم ئۇنىڭ ئالدىدا گۇناھدەك جىم تۇردۇم، ئۇنىڭ بىلەن كۆرۈشمىگىلى شۇنچە يىل بولغان بولسىمۇ، شۇنچىلىك قىسقا ۋاقىتتا ئۇنىڭدىن زىرىككىلى تۇردۇم، شۇڭا مەن بالدۇرراق ئۇنىڭدىن ئايرىلىشقا باھانە ئىزدەپ، يالغاندىن، — يەسلىدىن ئەككىلىدىغان بالام بارتى، ماڭمىسام بولمايدۇ، ئىككىمىز بىر بىنادا ئىكەنمىز، بۇندىن كىيىن پات- پات كۆرۈشۈپ تۇرايلى ، — دىدىم. —        كىملىكىڭلار بارمۇ؟ يانچۇققا قاراڭلار!— دىدى ئۇ. مەن يانچۇقۇمغا قولۇمنى سېلىپ قارىدىم، قارىمامدىغان كىملىكىم چىقىپ قالدى، ئۇ مىنى ياندىكى بىر نۇسخا كۆپەيتىش ئورنىغا باشلاپ كىلىپ، كىملىكىمنى بىر نۇسخا كۆپەيتىۋېلىپ، ئاۋايلاپ سومكىسىغا سالدى، ھەم مىنىڭ تىلفۇن نومۇرۇمنى خاتىرلىۋېلىپ، ئاندىن ماڭا قاراپ، — سىللىنى بارغۇ بىر يىلغا قالماي، مۇئاۋېن دىرىكتور قىلىۋېتىمەن، ئاداش سىلىمۇ بىكار تۇرماي، بىزنىڭ شىركەتنىڭ مېلىدىن سېتىڭلار، سىللە گەپكە مەندىن ئۇستا، مەن سىللىگە پىچكە مال ئېلىپ بىرەي، ئالدى بىلەن بىرنەچچە قېتىم تەربىيلىنىشكە قاتنىشىڭلار، يېقىندا تەربىيلەش كۇرسى ئاچماقچى ئۆزەم بىر قوللۇق تىلفۇن قىلىمەن، — دىدى. ئۇنىڭدىن ئايرىلىپ ئۇھ دىدىم. يولدا كىتىپ بارغۇچە ئويلاپ قالدىم. ئۇنىڭدىن نىمىشقا خاپا بولىمەن، ئۇمۇ مىنى پۇل تاپسۇن، خەقتەك باياشات ياشىسۇن دەۋاتىدۇ، ئۇنىڭ دىگىننىڭ نەرى خاتا. ھەممە ئادەم قىلۋاتقان ئىشكەن، پايدىسى ياخشى بولسا قىلىپ باقمايمەنمۇ؟ . شۇنىڭدىن كىيىن، ئىككى ئۈچ ھەپتىگىچە يەھيا، ھوي يەنە خاتالاشتىمغۇ، يارمۇھەممەد بىلەن كۆرشەلمىدىم، بىر شەنبە كۈنى سەھەردە يارمۇھەممەد «قوشنا ۋىلايەتتە موھىم يىغىن بار ئىدى، بىللە بېرىپ كىلەيلى» دەپ تىلفۇن قىپتۇ. مەن دەرھال بىر نىمە دىيەلمەي، مەن ناھىيىگە خىزمەتكە چۈشكەن دەپ يالغان ئېيتىپ قۇتۇلدۇم، يەنە بىر ھەپتىدىن كىيىنكى بىر ئارام ئېلىش كۈنىدە يەنە ئۇنىڭدىن تىلفۇن كەلدى،«ناھىيلەردە پائالىيەت بارتى بىللە بېرىپ كىلەيلى» دەپ . يەنە بىرنىملەرنى دەپ ئاران قۇتۇلدۇم. بارغانسىرى ئۆزەمنى گۇناھكار ئادەمدەك ھىس قىلىشقا باشلىدىم، بۇرۇنلاردا پەقەت يالغان گەپ قىلمايتىم. ئەمما ساۋاقدىشىم يارمۇھۇھەممەد بىلەن كۆرۈشكەندىن بۇيان، ئۆزەمنى  پەقەتلا راس گەپ قىلمايدىغاندەك ھىس قىلىشقا باشلىدىم. نىمە ئۇچۈنكى ئۇنىڭدىن تىلفۇن كەلسە، ئېغىر يۇقۇملۇق كىسىلى بار ئادەمدىن قاچقاندەك ئۆزەمنى قاچۇراتتىم. كىيىن ئۆزەمگە نىمىشقا ئۇنداق قىلىسەن، بۇنداق قىلىۋەرسەڭ، ئۆزەڭگە يۈك بولۇپ قالىدۇ، دەپ نەسىھەت قىلدىم. شۇ كۇنلەردە يەنە ئۇنىڭ بىلەن كۆرشۈپ ،ئۇنىڭ شىركىتىنىڭ مەھسۇلاتىدىن ئازراق سېتىپ باقماقچى بولدۇم.  سېتىپ باقمايمۇ، بىزنىڭ ئىدارىدىمۇ ئاشۇنداق نەرسىلەرنى سېتىپ، بېيىپ كىتۋاتقانلار ئاز ئەمەسقۇ دەپ، ئۇنىي ئىزدەپ تېپىپ، مۇددايىمنى ئېيىتتىم، دوستۇم ناھايىتى خوش بولۇپ كەتتى،ئەتىسى دىگەن قەرەلىدە، بىزنىڭ ئىدارە ئالدىدىكى ھېلىقى سېتىش نوقتىسىدا كۆرۈشتۈق، دوستۇم مىنى باشلاپ، مال سېتىش نوقتىسىغا باشلاپ كەلدى، —        ئالدى بلىەن قانچە پۇللۇق سېتۋالىسەن ؟ — دەپ سوردى ئۇ، — ئەڭ كىمىدە، ئون مىڭ سوملۇق سېتۋالمىساڭ مال بەرمەيدۇ. ئۇنىڭ سۆزىنى ئاڭلاپ تۇرۇپلا قالدىم. مەن ئۇ مالنى ماڭا نىسى بىرىپ تۇردۇ، ساتقاللىرىمنىڭ پايدىسىنى ئېلۋېلىپ،  ساتالمىغانلىرىمنى ئۇنىڭغا قايىتتۇرۇپ بىرىمەن دەپ خاتا ئويلاپتىكەنمەن ئەمەسمۇ؟ ئاسماندىكى غازنىڭ شورپىسىغا نان چىلاپ يۈرۈپتىكەنمەن . يەرگە كىرىپ كەتمىدىم، ئەمما ئۆلگىدەك نومۇس قىلدىم، ئۇنىڭغا تىكىلىپ قارىيالمىدىم. يەنە ھەپتە ئۆتكەندىن كىيىن دوستۇم ،« ئەتە كەچتە 20 –باشلانغۇچ مەكتەپنىڭ دەرۋازىسنىڭ يېنىدىكى بىنانىڭ ئۈچۈنجى قەۋەتىدە مەخسۇس لىكسىيە بار،كىلىپ قاتنىشىپ كەتكىن» دەپ تىلفۇن قىلدى. مەن چوقۇم باردىغانلىقىمنى ئېيىتتىم. ئەتىسى مەنمۇ ساقال بۇرۇتۇمنى پاكىز قىردۇرۇپ، چىرايلىق شىم -كاستىيۇمۇمنى كەيدىم. لىكىن گالىستۇك تاقىمىدىم، رەسمىي ئەزاسى بولغاندا تاقىساممۇ بولىدۇغۇ دەپ ئويلىدىم. دەل سائەت يەتتىدە 20 - باشلانغۇچنىڭ يېنىدىكى بىنانىنىڭ ئۈچىنجى قەۋىتىگە چىقتىم. باشلانغۇچ مەكتەپنىڭ سىنىپىچىلىك كىلدىغان بىر ئۆيگە قاتار ئورۇندۇقلار تىزۋېتىلگەن بولۇپ، ئەللىك ئاتمىشچە ئادەم ئولتۇراتتى. ئىشىك يېنىدىكى « badboy »  شىركىتىنىڭ ئايال خادىمى ناھايىتى قىزغىنلىق بىلەن قارشى ئالدى. ئۇ قىز مىنى «ئەپەندىم »دەپ ئاتاپتى، بىر خىل ھوزۇر تومۇر تومۇرلىرىم ئارقىلىق پۈتۈن بەدىنىمگە تارقاپ، ئۆزەمنى ناھايىتى بەخىتلىك ھىس قىلدىم. رەئىس سەھنىسىنىڭ يېنىدا ئۆرە تۇرغان دوستۇم يۈگۈرۈپ كەلگەنچە،مەن بىلەن ئىككى قوللاپ كۆرۈشۈپ، —        دوستۇم كەلگەن قەدىمىڭگە مەرھابا!— دىدى. ئۇنىڭ بۇ سۆزىنى ئاڭلاپ ناھايىتى ھاياجانلاندىم، ئۆزەمنى خۇددى پادىشاھ ئوردىسىدا ھۆرمەتلىنۋاتقاندەك، ياكى چەتئەلدە ياشاۋاتقاندەك تۇيغۇدا بولدۇم. دوستۇم مىنى ئوتتۇردىكى بىر ئورۇنغا ئورۇنلاشتۇردى. ئۇلار ھەر بىر كەلگەن كىشىنى ناھايىتى قىزغىنلىق ۋە سىپايە سۆزلەر بىلەن قارشى ئالاتتى،ئون بەش مىنۇتلاردىن كىيىن، رىياسەتچىنىڭ يېقىملىق سۆزلىرى بىلەن لىكسىيە باشلىنىدىغانلىىقنى جاكارلىغاندا ، چاۋاك ساداسى ئەۋىجگە چىقتى،« badboy » شىركىتىنىڭ خىزمەتچىلىللىرى چىرايىغا تەبەسسۈم يۈگۈرتىپ، چاۋاكنى بىز توختاتساقمۇ ،ئۇلار توختاتماي خېلى ئۇزاققىچە ياڭراتتى. نۇتۇق سۆزلىگۈچى ئىگىز بويلۇق، 40ياشلار چامىسىدىكى كىشى بولۇپ، ئۇ ئالدى بىلەن لىكسىيە ئاڭلىغېلى كەلگەنلەرگە بىر قۇر رەھمەت ئېيتىۋېتىپ، نوتۇقىنى باشلىدى. ئۇ ئەسلىدە بىر ئالىي مەكتەپنىڭ كەسىپتە پىشقان، داڭلىق  ئوقۇتقۇچىسى ئىكەن، ئون يىل ئوقۇتقۇچىلىق قىلىپ، ئۆي ئالالمىغاننىڭ، ۋېلسىپىت مىنىشتىن قۇتۇلالمىغاننىڭ ئۈستىگە، قاتتىق ئاغرىپ قاپتۇ. ھەم ئۆزىنى داۋالىتىش ئۇچۈن 120 مىڭ سوم قەرزگە بوغۇلۇپ قاپتۇ. قانداق قىلىش كىرەك، ئېغىر غەم ئۇنى تېخىمۇ ئېغىر كىسەلگە مۇپتىلا قىلىش مۇمكىنچىلىكى باركەن، دەل شۇ چاغدا، ئۇ « badboy » شىركىتىنىڭ مەھسۇلاتىنى ساتىدىغان بىر قىزغا ئۇچراپ قاپتۇ، ئۇ قىزنىڭ تەشەبۇسى بىلەن  « badboy » شىركىتىنىڭ مەھسۇلاتىنى سېتىپ سىناپ باقماقچى بوپتۇ. ھە يەنە بىر ئىش ھەر قېتىم « badboy » شىركىتىنىڭ ئىسمى تىلغا ئېلنىشى بىلەن « badboy » شىركىتىنىڭ گالىستۇكلۇك خادىملىرى چىرايىغا كۈلكە يۈگۈرتىپ، ئورۇنلىرىدىن لەسسىدە تۇرۇپ،  ئارقىدىكى لىكسىيە ئاڭلىغىلى كەلگەنلەرگە قاراپ قوللىرىنى ئىگىز كۆتىرىپ، ئالقىش ياڭرىتاتتى. ئۇلارنىڭ چاۋاك چالغىننى كۆرۈپ يىغىن قاتناشچىللىرىمۇ دەرھال چاۋاك چېلىشقا باشلايتى. مەنمۇ بۇنى ئۆگۈنۈپ ئۈلگۈردۈم. چاۋاك توختىغاندىن كىيىن، ئۇ «مەن نىجاتلىق يۇلتۇزۇمغا ئىگە بولدۇم» دىيىشى بىلەن يەنە يىغىن زالى يەنە چاۋاك ساداسى بىلەن تولدى. ئۇ ئىككى يىل « badboy » شىركىتىنىڭ مەھسۇلاتىنى ساتقاندىن كىيىن، قەرىزلىرىنى پۈتۈنلەي تۈكەتكەنلىكىنى ئېيتىۋېدى مەيداندا قىزغىن ئالقىش سادالىرى يەنە ئۇزاققىچە ياڭرىدى. ئاندىن ئۇ قولىغا بور ئېلىپ، قانچىلىك دەسمىي سالسا، قانچىلىك پايدا ئالدىغانلىقىنى ھىساپلاشقا باشلىدى. ئۇ ھەر قېتىم مانچە پۇل دەسمىي سالسىڭىز مانچە پۇل پايدا ئالىسىز دىگەن سانلىق قىممەتلەرنى ھىساپلىغاندا، مەيداندا يەنە ئالقىش سادالىرى ئۇزاققىچە ياڭرايتى. مەن بۇنىڭدىن بىر ئىشنى سەزدىمكى، ھەر قېتىم مەلۇم نەتىجىلەر تىلغا ئېلىنغاندا قىزغىن چاۋاك چېلنىدىكەن. «مەنمۇ مانچە پۇل پايدا ئالىسىز»  دىگەندەك سۆزلەرنى ئاڭلىغىنىمدا ئويلىماي ئولتۇرماي چاۋاكنى تېخمۇ چىڭ، تېخىمۇ ياڭراق، تېخىمۇ ئۇزۇن چېلىۋەردىم، چاۋىكىممۇ خېلى توغرا چىقتى. بۇ چاۋاك دىگەنگە يا پۇل كەتمىسە چېلىشتىن نىمە قورقاتتىم. دوستۇمغا قارىدىم، ئۇنىڭ چىرايى لىقلا تەبەسسۇم بىلەن توشۇپ كەتكەن بولۇپ، ئۇ لىكسىيە سۆزلىگۈچىگە قوياشقا تەلپۈنگەن ئاپتاپپەرەسدەك قاراپ تۇراتتى. بىرىنجى قېتىملىق لىكسىيە تۈگىگەنگەندىن كىيىن، دوستۇمنى لىكسىيە بېرىشكە تەكلىپ قىلدى. دوستۇمنىڭ بۇ شىركەتتىكى ئىناۋېتى ، باشتا سۆزلىگەن كىشىدىن قالسا ئىككىنجى ئورۇندا تۇردىكەن، دوستۇمممۇ ئۆزىنىڭ تۇرمۇشىنىڭ باشتا قيىنچىلىقتا ئۆتكەنلىكىنى، كىيىن « badboy »شىركەتتە ئىشلىگەندىن كىيىن ئىختىسادىنىڭ زور دەرجىدە يۈكسەلگەنلىكىنى، شۇڭا بىر ئوبدان خىزمىتىنى تاشلاپ، « badboy » شىركىتىدە ئىشلەۋاتقانلىقىنى سۆزلەپ بىرنەچچە قېتىم قىزغىن چاۋاككا چۈمۈلۈپ بولدى. دوستۇم ئاندىن ئادەم بەدىننىڭ تۈزلىشى، ئادەم بەدىننىڭ قانداق ماددىلارغا ئىھتىياجلىق ئىكەنلىكى ھەققىدە سۆزلەشكە باشلىدى. ئۇ موھىت ۋە يىمەكلىكنىڭ غايەت زور دەرجىدە بۇلغىنۋاتقانلىقىنى سۆزلەپ كىلىپ، مۇشۇنداق كىتىۋەرسە، يەنە بەش يىلدىن كىيىن، پۈتۈن دۇنيادىكى ئەرلەرنىڭ ئۇرۇقى ئۆلۈپ، پەرزەنت كۆرۈش ئىقتىدارىنى پۈتۈنلەي يوقۇتىدىغانلىقىنى سۆزلىۋېدى، پۈتۈن زال چىۋىن ئۇچسا ئاڭلانغۇدەك جىمىپ كەتتى. نىمىشقىمۇ پىلانلىق تۇغۇتقا رىئايە قىلىپ، ئىككىلا پەرزەنت كۆرگەنلىكىمگە، جىقراق بالا تېپىۋالمىغىنىمغا بەكلا پۇشايمان قىلدىم، چۈنكى دۇنيادىكى ئۇرۇقى ئۆلۈپ پۈچەك ئۇرۇققا ئايلىنىپ قالدىغانلارنىڭ ئىچىدە مەنمۇ بار ئىدىم. ئەتراپقا قارىسام ئاياللار مەندىنمۇ ئۆتە ئازاپلىنىپ كىتىپتۇ. دەل شۇ چاغدا دوستۇم تەنتەنە بىلەن جاكارلىدى، — شىركىتىمىز پۈتۈن دۇنيادىكى ئەرلەرنى قۇتقۇزۇشنى ئۆزىنىڭ شەرەپلىك بۇرچى دەپ بىلىپ يېقىندا، « ئوكيان گۆھىرى شاپاق كومىلىچى » نى دەبدەلىك ھالدا بازارغا سالدى، بارلىق ئەرلەر ئەمدى غەم قىلمىسىمۇ بولىدۇ. بارلىق  « badboy » شىركىتىدىكلەر ۋە مەنمۇ خۇشاللىقتا ئورنۇمدىن تۇردۇق، چاۋاك ساداسى تۇرۇسنى ئېچىۋەتكىدەك دەرجىدە ياڭرىدى. دوستۇمغا قارىسام ئۇمۇ خۇشاللىقتا چاۋاك چېلىۋېتىپتۇ. بۇ خىل دەبدەبىلىك مەنزىرە بەش مىنۇتتەك داۋام قىلدى، ئاندىن دوستۇم  « ئوكيان گۆھىرى شاپاق كومىلىچى » نىڭ قانداق ئالاھىدىلىكى بارلىقىنى چۈشەندۈرۈشكە باشلىدى. ئۇنىڭ چۈشەندۈرۈپ بولغاندىن كىيىن، بۇ شىركەتنىڭ پەخرىي مەھسۇلاتى بولغان، پۈتۈن دۇنيا بويىچە سېتىلىش جەھەتتە ئالدىنجى قاتارغا ئۆتكەن 12 مىڭ سوملۇق مەلىكە قازاننى قولىغا ئېلىپ تونۇشتۇرۇشقا باشلىدى. دوستۇمنىڭ چۈشەندۈرشىگە ئاساسلانغاندا، بۇ قازاندا ئېتىلگەن تاماقنى يىگەن ئادەم پەقەت كىسەل بولمايمىش، ئەگەر كىسىلى بولسا ساقىيىپ كىتەرمىش، شۇڭا دۇنيادىكى 100دىن ئارتۇق دۆلەتلەرنىڭ پىرىزدىنىتلىرى ، كاتتا مىليۇنىرلدىن تارتىپ ئاددىي پۇخراغىچە بۇ قازاننى ئىشلىتۋېتىپتىمىش. ئىلگىركى قازاننى ئەخلەتخانىغا تاشلىۋېتىپتىمىش. بۇ قازاندا بىر تال سەرەڭگىدە بىر قازان پولۇ پىشۇرغىلى بولارمىش، بۇنىڭغا پەقەت بىر تال گۈرۈچ، بىر تېمىم ياغلا كىتەرمىش. ئەگەر توك ئوچاق ئىشلىتىپ قالسا، بىركىلوۋات سائەت توكتا، بىر يىل تاماق ئەتكىلى بولارمىش،دوستۇم قازاننىڭ ئارتۇقچىلىقنى سۆزلەپ بولغاندىن كىيىن، — بىز ئۇيغۇرلار نىمىشقا دۆت؟ —        مەلىكە قازاننى ئىشلەتمىگەچكە! — لىكسىيەخانىدىكلەر قاتتىق ۋاقىراشقا باشلىدى، —        بىز ئۇيغۇرلار نىمىشقا تەرەققى قىلالمايمىز؟ —        مەلىكە قازاننى ئىشلەتمىگەچكە؟ —        بىز ئۇيغۇرلاردا نىمىشقا ئىتتىپاقلىق، بىرلىك يوق؟ —        مەلىكە قازاننى ئىشلەتمىگەچكە؟ لىكسىيە ئاڭلىغىلى كەلگەنلەر بىلەن « badboy » شىركىتىنىڭ خادىملىرى دوستۇمغا ئەگىشىپ مەس بولغان بىر توپ قاۋانلاردەك ساراڭلارچە ۋاقىرايتى، بولۇپمۇ ئۇلارنىڭ مىللىتىمىزنى ھاقارەت قىلغىنىغا پەقەتلا چىداپ تۇرالمىدىم. ئورنۇمدىن چاچراپ تۇرۇپ دوستۇمنىڭ چىرايىغا خەلپۈك ئارلاش شالاققىدە بىرنى تۈكۈرگۈم كەلدىم. دوستۇم تېىخىمۇ ئەۋزەيلەپ ۋاقىراۋاتاتتى. —        يېڭئىدىن توي قىلدىغانلار تويلىقىغا نىمە سېلىشى كىرەك. —        مەلىكە قازان سېلىشى كىرەك. ئاخىرنى ئاڭلاشقا چىداپ تۇرالمىدىم. ئورنۇمدىن لىككىدە تۇرۇپ سىرىتقا چىقىپ كەتتىم. ئاللىقاچان قاراڭغۇ چۈشۈپ كەتكەن بولۇپ، كوچا چىراغلىرى يوللارنى كۈندۈزدەك يورۇتۋەتكەن ئىدى. مەن سىرىتقا چىقىپ ساپ ھاۋادىن قانغۇچە نەپەسلەندىم، ئىچىمدە  دۇنيادىكى ئەڭ سەت، ئەڭ پەسەندە تىللار بىلەن دوستۇمنى تىللىدىم. لىكىن ئۇلارنىڭ ھايۋانلارچە ۋاقىرشى بوش ئاڭلىنىپ تۇراتتى. مەن تىز- تىز مېڭىپ پەشتاقتىن چۈشۈپ كەتتىم. يولدا كىتىپ بارمەن، خىيالىمدا ئابىيامقى قاۋانلارنىڭ  ئالا -تاغىل ۋاقىراشلىرى.  ئاللاھ ئۆز پاناھىدا ساقلاپتۇ، ھېلىمۇ ياخشى شۇلارنىڭ كەينىگە كىرىپ شۇلار ماڭغان يولدا مېڭىپ تاشلىماپتىمەن. ئۆمرۈم يالغانچىلىقتا ئۆتەركەن، ئۇلار سېتىۋاتقان « badboy » شىركىتىنىڭ مەھسۇلاتلىرى  ھەقىقەتەن ياخشى ئىدى، بولمىسا  دۇنيا بازىردا قانداقمۇ پۇت تىرەپ تۇرالايدۇ. ئىشلەتكەنلەردىن ھەقىقەتەن ئۈنۈمىنى كۆرگەنلىكىنى كۆپ ئاڭلىغان ئىدىم. لىكىن ئۇنى ساتقۇچىلارنىڭ مەدەنىيەت ساپاسىنىڭ ئوخشاش بولماسلىقى، پۇلنىلا كۆزلەپ، بىرگە مىڭنى قېتىپ يالغان سۆزلەشلىرى بۇ مەھسۇلاتلارنىڭ نامىغىمۇ داغ يەتكۈزۋاتقان بولىشى مۇمكىن. لىكىن ئۇلار نىمىش قىلسىمۇ مەيلى دەيلى ، مىللىتىمىزگە ھاقارەت قىلماسلىقى كىرەك ئىدى. شۇندىن كىيىن دوستۇمدىن يەنە تىلفۇن كىلىشتىن ئەنسىرەپ، تىلفۇن نومۇرۇمنى ئۆزگەرتىۋەتتىم، ھەم باشلىققا دەپ شۆبە ئىدارىگە يۆتكىلىپ كەتتىم. شۆبە ئىدارە ئۆيۈمگە يىراق بولۇپلا قالماي، يەنە دوستۇمنىڭ شىركىتىگىمۇ يىراق ئىدى.   بىر ئايدىن كىيىن، ۋىلايەتلىك خەلق دوختۇرخانىغا كىسەل يوقلىغىلى چىقتىم، كىسەل يوقلاپ بولۇپ بىردىنلا دوستۇمغا كۆزۈم چۈشۈپ قالدى. دوستۇم، جىددىي كىسەللىكلەر بۆلىمنىڭ ئالدىدا تۇراتتى. مەن دەرھال ئۆزەمنى چوڭ سىمۇنۇت تۈۋرىكنىڭ ئارقىسىغا دالدىغا ئالدىم. دەل شۇ چاغدا 120نىڭ بىر ماشىنىسى چىقىرغىنىچە جىددىي كىسەللىكلەر بۆلىمىنىڭ ئالدىغا كىلىپ توختىدى. دوختۇرلار بىر بىمارنى نوسۇلكىغا ياتقۇزۇپ، ئېلىپ ماڭدى. دوستۇم ئۇلارغا ئەگىشىپ بىرنىملەرنى دەپ ئۇلارنىڭ كەينىدىن سوكۇلداپ ماڭدى. مەن بىرەر تۇققىنىمىدۇ دەپ ئويلۇدۇم، دەل مىنىڭ ئالدىمغا كەلگەندە، — سوقۇر ئۈچەي بولۇپ قالغان بولسا، ئوپراتسىيە قىلىپ يۈرمەڭلار، بىزنىڭ« badboy » شىركىتىنىڭ تابلىتكىسىنى يىسە، شۇ زامات  ئۈچەيدىكى تۈشۈككە بېرىپ كامىر چاپلىغاندەكلا تۈشۈكنى ئېتىدۇ..... بىمارنىڭ ئىگىللىرى دوستۇمنى سەت سىلكىپ، «ساراڭ» دىگىنىچە بىنا ئىچىگە كىرىپ كەتتى. ئۇ ۋاقىتقىچە دوستۇم دوختۇرخانىدىن چىققان بىر ئېغىر ئايالنىڭ ئالدىغا يۈگرۈپ بېرىپ بىرنىملەرنى دىيىشكە باشلىدى، بەلكىم ئۇ ئۇ ئايالغا « badboy » شىركىتىنىڭ مەھسۇلاتلىرنى ئىستىمال قىلغان ئېغىرياغ ئاياللارنىڭ بالىسى تۇغۇلۇشىدىنلا بىرنەچچە خىل  تىلدا تىلى چىقىدىغان، تۇغۇلۇپلا ماڭدىغان، باشلانغۇچ مەكتەپنىڭ دەرسلىكلىرىنى ئۆگۈنۈپ بولدىغان،  ھەتتا خەتنىسى قىلىقلىق ئىسمى قويۇقلۇق تۇغۇلىدۇ دەپ چۈشەندۈرۋاتقاندۇ..... مىنىڭ دوستۇمغا ئېچىم ئاغرىپ قالدى، بىچارە دوستۇمنىڭ ھالى ئەخلەتخانىدىن يىمەكلىك ئىزدەۋاتقان لالما ئىتقىلا ئوخشاپ قالغان ئىدى.

uyol

	ئاشۇنداق كەستۇم كىيۋالغان،سومكا ئېسۋالغان كىشىلەرنى كۆرسەم، بۇ لۇپمۇ مۇشۇنداق ئىسسىقتا ...........ھەي يامان كۈلگۈم كىلىدۇ..نېمدىگەن چاكىنىلىق!!!

نۇرنىسە

	بۇ ھىكايىنى ئۇقۇپ بىې قىسىمىلا بوپ قالدىم دىسە.

kvkbvra

	ھاھاھاھاھاھاھاھاھاھا......مىلىنى داڭلا ئاشۇنداقمۇ داڭلامدا........

katran

	رەت- رېتى بىلەن كۈنىگە بىر ئىككىسىنىڭ قەدىمى يېتىۋاتىدۇ مېنىڭ دۇكىنىمغىمۇ، ئۆتكەندە ئالتۇن قازاننى داڭلاپ ئېلىڭ يەي، بىر تال شامدا بىر ئاي تاماق ئېتىسىز يەي دەپ....... ۋاي ئاللا، ئېغىزىدا نەم قالمىدى بىچارىلەرنىڭ، تېخى ئۆزىنى شىركەتنىڭ خادىمى دەپ كېتىدىكەن، تېلىۋۇزۇرلاردا كۆرۈشۈمچە شىركەتتە ئىشلەيدىغانلارنىڭ ھېچ بولمىغاندا مۇقىم ئىشخانىسى، كىچىك بولسىمۇ كومپىيۇتېر يوق بولمىسىمۇ بىر خىزمەت ئۈستىلى بولغاننى كۆرگەن، مۇقىم مائاشىنىغۇ دىمەيلا قوياي، بۇلار شۇ تەمەخورلۇققا كۆنۈپ كەتكەندە.

بانكىر

	ئامۋاي قازىنى 1500 يۈەنكەن، مەن سىتىۋالغان.

fathullah

	قىزىم ساڭا دەي.كىلىنىم سەن ئاڭلا! راس قاملىشىپتۇ.

izqel

	ئەسلى شۇنداق شىركەتلەرنىڭ مىلى بولىدۇ،ياخشى،بىراق كەسپى خادىملارنىڭ ساپاسى تكۋەن،پۇلنىلا كۆزلىگەچكە ئاغزىنى قۇيۋىتىپ سۆزلەۋىرىدۇ.شۇنىڭ بىلەن كىشىلەر بۇ سپاسىز خادىمنىڭ قالايمىقان چۈشەندۈرۈشلىرىدىن بەسىنىپ بولسىمۇ بۇ خىل مەھسۇلاتنى سىتىۋىلىش ئويىدىن ۋاز كىچىدۇ.بارا بارا مۇشۇنداق ئىشلار ئاۋۇسا خەقلەرمۇ بىر بىرى بىلەن مۇشۇ تۇغۇرلۇق پاراڭلىشىپلا قالسا بۇ خادىملارنىغۇ تىللا،شىركەتنىمۇ قۇشۇپ تىللاپ سالىدۇ. بىر چاغدا مىنىمۇ شۇنداقراق بىر شىركەتنىڭ خادىملىرى تولا زورلاپ كەتتى،ئەزا بولۇپ باقسام باقايمۇ يا دەپ ئويلىدىم،بىر قانچە سۆھبەت يىغىنىغا قاتنىشىپ باقتىم،لىكىن بۇ سۆھبەت يىغىنى پەقەتلا ياقمىدى،خۇددى يۇقارقى تىمىدىكى چۈشەندۈرۈشلەردەك چۈشەندۈرۈپ كەتتى،كىيىن بۇ ئويۇمدىن ۋاز كىچىپ ئۇلاردىن يىراق تۇرۇشقا مەجبۇر بولۇپ قالدىم.بۇ شىركەت خادىملىرى دەل شۇ ئامۋاي ئىدى.ئامۋاي مەھسۇلاتى بولىدۇ،بىراق خادىملىرى بولمايدۇ. بىر كۈنى بازاردا ئايلىنىپ كىتىۋاتسام بىر كىشىنى بىر قانچە كىشى يۆلەپ مىڭىپتۇ،ئارقىدىن بىر قىزنىڭ ئاۋازى ئاڭلاندى،قارىسام بۇرۇن شۇ سۆھبەتكە تەكلىپ قىلىپ تۇرۋالغان قىزكەن،نىمە دەيدىغاندۇ دەپ تۇرسام:ئىسسىق ئۆتۈپ قالسا بىزنىڭ شىركەتنىڭ پلانى مەھسۇلتىنى يەڭ،دىسە ئۇ كىشى ئاران قالغان ماجالىدا:قىزىم،مەن يۈرەكتە كىتىپ قالغان،ئىسسىق ئۆتمىدى دىسە ئۇ قىز دەرھاللا،ئۇنداقتا يۈرەك كىسىلىنى تۈپتىن داۋالايدىغان پالانى دورا بىزدە بار،بەش مىنۇتتىلا ساقىيىسىز دەپ بىر نىمىلەرنى دەپ كەتتى،قالغان كىشىلەر بولسا:ساراڭلا نىمىكەن بۇ،ئەرگە تىگىۋالساڭ شۇ ئاغزىڭ يۇمۇلارمۇ سىنىڭ ،دەپ كەتكەن. مەيلى قايسى شىركەتنىڭ بولمىسۇن،كەسپى خادىم بولغان بالىلار،بىر ئىناۋىتىڭلارغىلا ئەمەس،شىركەتنىڭ ئىناۋىتىنى قويساڭلار.سىلەرمۇ شۇ شىركەتتىن نان يەۋاتقاندىكىن.سۆزۈڭلارمۇ بىر ئەمىلىي بولسۇن.نەگىلا قارىسا ئون ئادەمنىڭ ئىچىدە يەتتە سەككىزىڭلار پۇلنىڭلا گىپىنى قىلىدىكەنسىلەر.ساپا،مانداق بىر كەسپى خادىملاردا بولۇشقا تىگىشلىك كەسپى بىلىم ۋە كىشىلەرنىڭ قەلبىنى چۈشىنىدىغان بىر ھەقىقى قەلبىڭلار بولسۇن.مۇشۇنداق سۈننىيلىك قىلىۋەرسەڭلار بىر كۈنى ئاھانەتكە قالىسىلەر.

13629982958

	ئىنكاسىم ئارقىلىق ساقلىۋىلىپ  ئىپتاردىن كىيىن ئىشىمنى تۈگتىپ بوپ ئوقۇي . ھىكايىلەرگە قىزقىمەن .