ئەزالار تارتىش بىشارىتى

ئەرتۇرا

	ئەسسالامۇ ئەلەيكۇم تورداشلار! يېقىندا "ئەزالار تارتىش بىشارىتى "دىگەن بىر قەدىمى ئەسەر قولۇمغا چۈشۈپ قالدى. كۆرۈپ بېقىڭلار!          ئەزالار تارتىش بىشارىتى ئەزالارتارتىش ئادەم بەدىنىدىكى مۆجىزىلەرنىڭ بىرى،شۇنداقلا ئەزالار تارتىش بىشارىتى قەدىمقى ئەجداتلىرىمىزنىڭ ئۆز بېشىدىن كۆچۈرگەن بۇجەھەتتىكى تەجرىبىللىرىنىڭ تەتقىقات يەكۈنى بولۇپ، بۇتەجرىبىلەر  پايدىلىنىش قىممىتى يۇقىرى ماتىرياللاردۇر. بىز داۋاملىق بەزىلەرنىڭ« قاپىغىم تارتىۋاتىدۇ،ئوڭ قاپىغىم تارتسا يارىشىدۇ، ياكى سول قاپىغىم تارتسا ياراشمايدۇ....» دىگەندەك سۆزلىرىنى ئاڭلاپ تۇرىمىز.مىنڭمۇ شۇنداق بولغان. ئاخىرى بۇھەقتە ئىزدىنىشكە باشلىدىم. ھەم بۇماتىريال قولۇمغا چۈشۈپ خېلى كۆپ بۇھەقتىكى بىشارەتلەر ئۆز بېشىم ئارقىلىق تەجرىبىدىن ئۆتتى. ماتىريالدا شۇنداق دىيلىدۇ؛ راۋايەت قىلىنىشىچە دانىيال ئەلەيھىسسالام مۇنداق دەپتۇ؛ ئەگەر كىشىنىڭ   كۆزى يەكشەنبە كۈنى تارىتسا، خوشاللىق بولۇر. ئەگەر دۈشەنبە كۈنى تارىتسا ئىشلىرى راۋان بولۇر. ئەگەر سەيشەنبە كۈنى تارىتسا ھەرئىشتىن ھەزەر قىلماق كىرەك.ھەرخىل خاپىلىقلار كىلىشى مۈمكىن(بۇتەجرىبىدىن ئۆتتى). ئەگەر چاشەنبە كۈنى تارىتسا سەپەر قىلۇر. ئەگەر پەيشەنبە كۈنى تارىتسا خوشاللىق بولۇر. ئەگەر جۈمە كۈنى تارىتسا مۇرادى ھاسىل بولۇر. ئەگەر شەنبە كۈنى تارتسا مىھمان كىلۇر، ياكى مىھمانغابارۇر. ئوڭ قۇلاق قىزىسا(غوڭۇلدىسا) ئەركىشى گىپىنى قىلغان، سول قۇلاق قىزىسا ئايال كىشى گىپىنى قىلغانلىقنىڭ بىشارىتىدۇر. بەدەننىڭ ئوڭ تەرەپ ئەزالىرىنىڭ تارىتماقنىڭ بايانى؛ 1-ئەگەر كىشىنىڭ ئوڭ تەرەپ تۆپىسى تارىتسا دۆلەت تاپار. 2-باشنىڭ تۆپە چۆرىسى تارىتسا رىزقى زىيادە بولۇر. 3- بېشىنىڭ ئالدى تەرىپى تارىتسا ئەيشى ئىشرەت قىلۇر. 4-ئەگەر قېشى تارىتسا دوسىتلىرى ۋە پەرزەنتىدىن شادلىق كۆرەر. 5-ئەگەر قوشۇمىسى تارىتسا دوستىنىڭ يۇزىنى كۆرەر. 6-قېشىنىڭ قۇيرۇقى تارىتسا كىشى بىلەن خۇسۇمەتتە بولغاي. 7-ئۈستۈنكى قاپىغى تارىتسا دوستىنى كۆرەر ياكى يامان سۆز ئىشتۇر. 8-كۆزنىڭ ئىچى تارىتسا مەنپەئەت كۆرەر. 9-كۆزنىڭ قۇيرىقى تارىتسا رىزقى كەڭرى بولۇر. 10-ئۈستۈنكى كىرپىك تارتسا دۈشمىنى غەيۋەت قىلۇر. 11-كۆزنىڭ چۆرىسى تارىتسا دۆلەت تاپار. 12-ئاستىنقى قاپىغى تارىتسا شاد بولۇر،ئاغرىق بولسا شىپا تاپار، ھەم دوستلىرىدىن شادلىق كۆرەر. 13-چىكىسى تارىتسا دۆلەت تاپار. 14-قاڭشىرى تارىتسا غەملىك بولۇر. 15 -بۇرنىنىڭ ئوڭ تەرىپى تارىتسا غېنى بولۇر. 16-بۇرنىنىڭ ئىچى تارىتسا خوتۇنى ئاغرىپ قالۇر. 17 - ياڭىقى تارىتسا شادلىق كۆرەر. 18- ئۈستۈنكى لىۋى تارىتسا مىھماندارلىققا بارۇر. 19 -جاۋغىيى تارىتسا شادلىق كۆرەر. 20ئىڭەكنىڭ ئۈستى تەرىپى تارىتسا،يېقىن ئادىمى كىلۇر،ياكى ئەيشى-ئىشرەت قىلۇر. 21  -ئاغزى تارىتسا غايىپلار(يوق) ھازىر بولۇر. 22-تىلى تارىتسا نىئمەت زىيادە بولۇر. 23  -زىناق تارىتسا دوسىتلىرىدىن شادلىق كۆرەر. 24 -ھەلقۇمى تارىتسا نىئمەتلىرى زىيادە بولۇر. 25-قۇلىق تارىتسا شادبولۇر. 26  -قۇلاقنىڭ ئىچى تارىتسا مۇرادى ھاسىل بولۇر. 27-كۆزى تارىتسا دۆلەت تاپار. 28 -قۇلاق ئالدى يۇمشىقى تارىتسا ئازراق غەم يىتەر. 29-گەدىنى تارىتسا خوشال بولۇر. 30  -بىلىكى تارتسا نىئمەتلىرى كۆپ بولۇر. 31  -بېغىشلىرى تارىتسا قولىغا مال كىرەر. 32   -ئالقىنى تارىتسىمۇ ھەم قولىغا مال كىرەر. 33 -قولىنىڭ ئارقا دۇمبىسى تارىتسا يامان ئىشتىن ئەندىشە قىلۇر. 34   -باشبارمىقى تارىتسا خۇدائىتائالا يار بولۇر. 35-بىگىز بارماق تارىتسا خۇسۇمەت قىلۇر. 36-ئوتىرائىگىز بارماق تارىتسا ئوبدان سۆز ئىشتۇر. 37-ئوتىرا بارماق تارىتسا خوش-خەۋەر ئىشتۇر. 38-چىمچىلاق تارىتسا ھەم خوش-خەۋەر ئىشتۇر. 39-ئەگەر كۆكرىگى تارىتسا خۇسۇمەت قىلۇر. 40-ئەمچىكى تارىتسا شاد بولۇر. يۈرەكنىڭ ئۈستى تەرىپى تارىتسا دۈشمەندىن خالاس بولۇر. 41-قورسىقى تارىتسا ئىززەت تاپار.   42-كىندىكى تارىتسا يىراقتىن غايىبى كىلۇر. 43-  بېقىنى تارىتسا كىسەل بولۇر. 44-بىلى تارىتسا ئىززەت ھۆرمەت تاپار. 45- ساغرىسى تارىتسا دۈشمىنىنىڭ مەغلۇبىيتىنى ئاڭلار. 46- ئەرەنلىكنىڭ ئارقىسى تارىتسا غەمكىن بولۇر. 47-پەرجىنىڭ ئىچى تارىتسا مال تاپار. 48-ئالقان تارىتسا بىغەم بولۇر. 49-دوۋسىنى تارىتسا مال تاپار. 50-ئالىتى(جىنسى ئەزاسى) تارىتسا سەپەر قىلۇر. 51 -يوتىسى تارىتسا سەپەردە خوشال بولۇر. 2 5-يوتىنىڭ ئىچى تارىتسا ئەيشى-ئىشرەت قىلۇر. 53 -تىزى تارىتسا ئۆيدىن-ئۆيگە كۆچەر. 54-پاچىغى تارىتسا خوشخەۋەر ئىشتۇر. 55-پاچاقنىڭ ئىچى تارىتسا يىراقتىكى تۇققانلىرى كىلۇر. 56-پۇتنىڭ ئالدى تەرىپى تارىتسا دۆلەت تاپار. 57 - ھوشىقى تارىتسا سەپەر قىلۇر. 58-ئىچكى ھوشۇقى تارىتسا نىمەتلىرى زىيادە بولۇر. 59 -پۇتنىڭ ئۈزەڭگۈلىكى تارىتسا سەپەردىن مال تاپار. 60 -پۇتنىڭ باشبارمىقى تارىتسا مەرتىبىسى ئۈستۈن بولۇر. 61 -باشبارماق يېنىدىكىسى تارىتسا شادلىق كۆرەر. 62-ئوتىراپۇت بارمىقى تارىتسا مېلى زىيادە بولۇر. 63-پۇت چىمچىلاق يېنىدىكىسى تارىتسا نىئمەتىلىرى زىيادە بولۇر. 64- چىمچىلاق پۇتى تارتسا خۇشخەۋەر ئىشتۇر. 65 -تاپىنى تارتسا غايىپتىن مال تاپار. 66-پۇتىنىڭ دۈمبىسى تارتسا راھەت تاپار. بەدەننىڭ سول تەرەپ ئەزالىرىنىڭ تارىتماقنىڭ بايانى؛ 1-بېشىنىڭ تۆپىسى تارىتسا ئىززەت تاپار. 2-بېشىنىڭ چۆرىسى تارىتسا ئاداۋەت قىلۇر. 3-ئېڭىكى تارىتسا شادلىق كۆرەر. 4-پىشانىسى تارىتسا كۆپ پىكىر(تەپەككۇر)قىلۇر. 5-يان بويۇن تارىتسا دۈشمەنلىرى غەمكىن بولۇر، ئەيشى-ئىشرەت كۆرەر. 6 -قېشى تارىتسا مېلى زىيادە بولۇر. 7-قېشىنىڭ قۇيرىقى تارىتسا شادلىق كۆرەر. 8-قاپىقى تارىتسا دوستلىرىدىن شادلىق كۆرەر ۋە خوشخەۋەر ئىشتۇر. 9- كۆزىنىڭ ئىچى تارىتسا خوشخەۋەر ئىشتۇر. 10-ئاستىن قاپىقى تارىتسا ئاداۋەت كىلۇر ھەم غايىپلىرى كىلۇر. 11 - يۇزى تارتسا دوست تاپار. 12-بۇرنى تارتسا غەمكىن بولۇر. 13 - ئۈستۇنكى لېۋى تارىتسا رىزقى زىيادە بولۇر . 14-ئاستىنقى لېۋى تارىتسا ئەيشى-ئىشرەت كۆرەر. 15 - ياڭىقى تارىتسا خوشخەۋەر ئىشتۇر. 16 -قۇلىقى تارتسا ياخشى سۆز ئىشتۇر. 17-ئىڭىكى تارىتسا كۆڭۈلسىزلىك بولۇر. 18-ھەلقۇمى تارىتسا كىسەل بولۇر. 19  - دولىسى تارىتسا مەقسەتكە يىتەر. 20-بازىسى(تاغىقى)تارىتسا خوشخەۋەر ئىشتۇر. 21 -قولىنىڭ ئارقىسى تارىتسا پازىللاردىن بولۇر. 22-قولنىڭ ئالقىنى تارتسا مال تاپار . 23- باشبارماق تارىتسا ئۇلۇغ بولۇر. 24-بىگىز بارماق تارىتسا نىئمىتى زىيادە بولۇر. 25-ئوتىرا بارماقلىرى تارىتسا نىئمىتى زىيادە بولۇپ ئەھۋالى خۇشھال ئۆتكەي. 26- چىمچىلاق تارىتسا ئىززەت تاپار . 27 -گەدىنى تارىتسا غايىبى كىلۇر. 28-ئەمچىكى تارىتسا دۆلەتمەن بولۇر. 29 -سىنىسى(جىنسى ئەزاسى) تارىتسا مالدار بولۇر. 30-قوسىقى تارىتسا مەقسىدى ھاسىل بولۇر. 31-بېلى تارىتسا باي بولۇر. 32-بىقىنىىڭ تۆپىسى تارىتسا ئاداۋەت كىلۇر. 33-بىقىننىڭ ئالدى تەرىپى تارىتسا ئۇلۇغلۇققا ئىرىشۇر.   34-تىزى تارىتسا غايىبى(يوقلىرى) كىلۇر. 35-لىپەك تارىتسا كىسەل بولۇر. 36-ھوشۇقى تارىتسا ئاداۋەتكار بولۇر. 37- تاپىنى تارىتسا مال تاپار. 38-پۇتىنىڭ ئارقىسى تارىتسا پازىل بولۇر. 39-باشبارماق پۇتى تارتسا ئىززەت تاپار. 40-باشبارماق يېنىدىكىسى تارىتسا سەپەر قىلۇر. 41-ئوتىرا بارمىقى تارىتسا مۇشكىلى ئاسان بولۇر. 42-چىمچىلاق يېندىكى بارمىقى تارىتسا دۆلەت تاپار. 43 -چىمچىلاق پۇتى تارىتسا ئەيشى-ئىشرەت قىلۇر.               2013-3. ھىجرىيە1331-يىلى تاشكەندە بېسىلغان نۇسخسىدىن ئۇيغۇرچىلاشتۇرۇلدى.

13629982958

	بىلۋىلىشقا تىگىشلىك ئىكەن . رەھمەت

mardan306

	بۇ ئىسلامدا بار گەپلەرما؟ئۇنداق ئەمەستۇ؟ياخشى ئۇخلىماي بىقىڭ قاپاق بىر كۈن كەشكىچە تارتىدۇ،يەنە قان بىسىم يۇقىرى بولسىمۇ ئەيتاۋۇر،قاپاق ئايلاپ ئايلاپ تارتىدۇ،مىنىڭمۇ دادام قاراپ تۇرسام سائەتلەپ تارتىپ كىتىدۇ،يەنە سوغۇقىڭىز ئىشىپ كەتكەن بولسا پىيىڭىزمۇ تۇرۇپلا تارتىشىپ قالىدۇ،ئىسسىقلىق جىق قىلغان ئادەمنىڭ تارتىشمايدۇ

0997tumuqi

	بىلىۋالدىم

lokmanhakim

	بىز كەلگۈسىنى بىلمەيمىز ھەتتا ئەتە بولىدىغان ئىشلاردىنمۇ خەۋەرسىز،غەيىپنى بىلگۈچى ئاللاھ.بەزى بولۇر-كىلۇرلارغا ئىشىنىپ،ئاللاھقا شېرىك كەلتۈرۈپ سالىدىغان خاتالىقلاردىن ئاللاھ ساقلىغاي،چۈنكى بۇ ئاتالمىش  بېشارەتلەر ئەجدادلىرىمىزنىڭ بۇددا-شامان دىنلىرىغا ئېتىقاد قىلغان دەۋىرلىرىدىكى باتىل ئەقىدىلەرنىڭ قالدۇقلىرىدىن ھېساپلىنىپ،ئىشىنىشكە بولمايدۇ.21-ئەسىردىكى  تەرەققى قىلغان بۈگۈنكى كۈندىمۇ ئەپقاچتى گەپلەرنى  تۇتىيا بىلىپ يۈرمەستىن،تىرىشىپ قۇرئان-ھەدىس بېلىملىرىنى ئۈگىنەيلى،پەن-تېخنىكا بېلىملىرىنى ئۈگىنەيلى.ھەممىمىزگە ئاللاھ رەھمەت قىلغاي.

xohsanam886

	بۇ توغۇرلۇق قۇرئان ۋە ھەدىستە ھىچنىمە كۆرسىتىلمىگەن،تازا ئىشەنچىلىك ئەمەسمىكىن؛

fathullah

	1–ئىسلامدا پال يوق. 2–بۇ قاراشلارنىڭ ئاساسى يوق. 3–ئەقىل ئىگىسىنىڭ قەلبىدە بۇنىڭغا ئىشىنىشكە ئورۇن يوق.

bulbulgoya

	fathullah يوللىغان ۋاقتى  2013-8-6 01:07 AM 1–ئىسلامدا پال يوق. 2–بۇ قاراشلارنىڭ ئاساسى يوق. 3–ئەقىل ... مەن ئۇنداق دەپ قارىمايمەن :ھېچ بولمىغاندا خاتا دەپ كىسىپلا ئېيتىۋەتمەسلىكىمىز كىرەك ؛     بىزنىڭ نۇرغۇنلىغان گەپلىرىمىز ئىلىم-پەن تەرپىدىن قالاق ئىدىيە دەپ قارالدى ، ئەمىلىيەتتە ھەممىسىنىمۇ ئۇنداق دەپ بولغىلى بولمايدۇ ...   مەسىلەن : كونىلار ئەقلىدىن ئادىشىپ ، ساراڭ بوپ قالغان ئادەملەرنى ‹ياڭاق دەرخى ئاستىدا ئۇخلاپ قالغان ئوخشايدۇ › دىيىشىدۇ ، لىكىن خىلى بىر قىسىم كىشىلەر بۇنى ئىلىمى ئاساسى يوق دەپ قارايدۇ ، مەن چوڭلاردىن ئاڭلىشىمچە ، ياڭاق غازىڭى زەھەرلىك بۇلۇپ ئۇ ئادەمنىڭ نىرۋا ھۈجەيرىلىرىنى زەھەرلەپ ئۆلتۈرەمىش شۇنىڭ بىلەن ئادەم ئەقلىدىن ئادىشىپ قالىدىكەن ،مىسال : كىچىك ۋاقتىمدا ئاناملار كىگىز-گىلەمنىڭ تىگىگە ياڭاق غازىڭى سېلىپ قۇيۇپ ، ئۇنى كۈيە يەپ كىتىشنىڭ ئالدىنى ئالاتتى ، بۇ ئۇنىڭ زەھەرلىك ئىكەنلىكىنى ئىسپاتلىيالايدۇ. (ئوبدان ئويلىساقمۇ چوڭ ياڭاق دەرخى سايىسىدا ئۈيى بار كىشىلەرنىڭ كاللىسى سەل سۈزۈك ئەمەس ) ئەمىلىيەتتە خاتا ئەمەس ، لىكىن ئىلىم-پەن خاتا دەپ قارىغان  مۇشۇنىڭغا ئوخشاش  يەنە نۇرغۇن ئىشلار بار ،  كىم بىلىدۇ ، بۇلارنىمۇ تەكشۈرۈپ كەلسە نۇرغۇنلىرىنىڭ توغرىلىقى ئىسپاتلىنىپ قېلىشى مومكىن .

bulbulgoya

	بۇ مۇشۇ كىتاپنىڭ تۇلۇق نوسخىسىمۇ ؟ ئەگەر يەنە قالغان مەزمۇنلار بولسا يوللاپ قۇيامسىز  ئورتاق پايدىلىنايلى .....

fathullah

	bulbulgoya يوللىغان ۋاقتى  2013-8-6 07:43 AM مەن ئۇنداق دەپ قارىمايمەن :ھېچ بولمىغاندا خاتا دەپ كى ... دىگىنىڭىزنىڭ ئاساسى بار.ئۆتمۈش ۋە ھازىرغا نىسبەتەن ياكى ئاگاھلاندۇرۇشلاردا ھەقىقەتەن ئاساسى بار،پەن تېخنىكا تېخى ئىسپاتلاپ بولالمىغان ھىكمەتلىرىمىز نۇرغۇن.بىراق ماۋۇ بىشارەت مەسلىسىگە كەلگەندە چۈشنىڭ ئاساسى بار.ھەدىس بىلەن دەلىللەنگەن.باشقىسى ئاساسەن يالغان ياكى باتىل.