غەلىتە قىلىق

uzum-tal

	غەلىتە قىلىق                                                    ( ھىكايە )                                                 مەمتىمىن ھوشۇر       ھاكىمجانلارنىڭ ئۆيىگە يىغىلىپ ئولتۇرۇپ ھاراق ئىچكەچ بەزى ئاياللارنىڭ غەلىتە قىلىقلىرى ئۈستىدە تازا قىززىق پاراڭغا چۈشۈپ كەتتۇق ،           - ھېلىقى بىزنىڭ ئىدارىدىكى ماشىنكىدا خەت باسىدىغان خېنىمنى بىلىسلەرغۇ ؟ _ دەپ سۆزىنى داۋام قىلدى بىرەيلەن _ پاھوي ، ئۇنىڭ غەلىتە قىلىقلىرىنى بىر دىمەڭلار ، خوتۇنلار بىلەن ئولتۇرۇپ قالسا ، قانچە يەردە چاي ئويناۋاتقىنى بىلەن ماختىنىپ ھالى قالمايدۇ ، بىچچارە شۇ چايغا بارغان يىرىدىلا ئوبدانراق بىر تويۇنىۋالامدىكىن ، باشقا ۋاقىتتا قاچانلا قارساڭ قۇرۇق ناننى غاجاپ ، قايناق سۇ ئىچىپ ئولتۇرغان ، بەك بولالمىغاندا دوقمۇشقا چىقىپ بىر قاچا سېرىق ئاش يەيدۇ ،           - بۇنداق جاننى قىيناپ چاي ئويناپ نىمە جاپا ھوي ،           - قىلىق - دە بىر           - بىزنىڭ ئارخىپ بۆلۈمدە ئىشلەيدىغان ئايزىمقىزنى تونۇيسىلەر _ دەپ گەپ باشلىدى يەنە بىرى .           - قايسى ئايزىمقىز ئۇ ؟           - ھېلىقى ..... ھېلىقىچۇ ، سول مەڭزىگە يالغان مەڭ چىكىۋالغان شۇ خىنىمنىڭ مۇئاشى يۈزىگە سۈركەيدىغان گىرمىگىمۇ يەتمەمدىكىن دەيمەن ، يىقىندىن بىرى ئۇ بىر قىلىق چىقىرىپتۇ ، كىچىسى ياتىدىغان ۋاقىتتا يىگەن قوغۇن تاۋۇزنىڭ شاپىقىنى يۈزىگە سۈركەپ ياتقۇدەك .          - ئۇ نىمە قىلىق ئەمدى ؟          - تەبىئى گىرىممىش ،         ھاراقنىڭ كەيپىدە ھەر خىل گەپلەر چىققىلى تۇردى :         - پالانچى خىنىم ئورۇقلايمان دەپ كۈندە ئىككى ۋاخ سۈرگە دورىسى ئىچىپ ، ئوبىرنىدىن كىلەلمەيدىغان بوپ قاپتۇدەك .         - پوكۇنچىنىڭ ئايالى تاتلىق چۈش كۆرمەن دەپ ، ئېرىنىڭ ئىشتىنىنى بىشىغا قويۇپ ياتارمىش .        قىززىقچىلىقتا مەنمۇ پاراڭغا قوشۇلۇپ كەتتىم      - بىزنىڭ بىنانىڭ ئالدىدىكى بىنادا ئولتۇردىغان ھاشىمكامنى بىلىسلەرغۇ - دىدىم مەن      - ھە ، ھېلىقى ئايالى ئۆلۈپ كىتىپ  ياشلا بىر چوكاننى ئىلىۋالغان ....      - ھەببەلى دەل شۇ ئادەم ، پىنسىيەگە چىقىۋالغىلى خېلى يىللار بولۇپ قالدى ، بالىلىرىنىڭ ئۆلەيدىغىنىنى ئۆيلەپ ، ئەرگە بېردىغىنىنى ئەرگە بېرىپ بولدى نەچچە ئىغىز يوغان ئۆيدە شۇ ياش خوتۇنى بىلەن يالغۇز ، يىقىندىن بىرى قۇلاق سالسام ، كۈندىلا كەچتە ئۇلارنىڭ ئۆيىدە دۇتتار بىلەن ناخشا ، نىمانداق تۈگۈمەيدىغان ئولتۇرۇشتۇ بۇ ؟ دەپ بىر كۈنى ھېلىقى چەت ئەللىكلەردىن سىتىۋالغان دۇربۇنۇمنى ھاشىمكاملارنىڭ ئۆيىگە شۇنداق توغۇرلاپ قارىمايمەنمۇ ، ئەييۇھانناس ! نىمە كارامەتنى كۆردۈڭ دىمەمسىلەر ...........       - ھە ، ھە ، نىمە كارامەتنى كۆردۈڭ ؟ - دەپ ئولتۇرغانلارنىڭ ھەممىسى ئاغزىمغا قاراشتى      - ھاشىمكام بىشىدىكى  قالپىقىنى ئالدىدىكى ئۈستەلگە ئوڭدىسىغىلا تاشلاپ ساپادا دۇتارنى قولىغا ئىلىپ ناخشىغا تىگىپتۇ ، ھېلىقى ياش  چوكاننى ياڭىلاچ دىسىمۇ بولىدۇ ، ساغرىسىنى ئوينۇتۇپ ئۇسسۇلغا چۈشۈپتۇ ......        - توۋا نىمە دەيدىغانسەن ، ھەرقانچە بولسىمۇ قىپياڭىلاچ ئەمەستۇ ؟        - مانا ئىشەنمەيسىلەر ، دۇربۇننىڭ ھېلىقى يىقىن ئەكىلىپ كۆرسىتىدىغان يېرىنى تولغاپ تەڭشەپ تازا زەن سىلىپ قارسام ئۈستىدە لىپتىك بىلەن ئىككىلىك ئىشتاندىن باشقا ھىچنىمە يوق ئىكەن .        - ۋاھ ، < يالغۇز ئۆيدە ياڭىلاچ پېرە >  دىگەندەك ئىش بوپتۇ - دە !       - ئويۇننىڭ چوڭى تىخى كەينىدە ........... بىر چاغدا ھاشىمكاممۇ قىززىپ كىتىپ باشتا چاپاننى سىلىپ پىقىرتىپ تاشلىدى ، ئاندىن كوڭلىكىنى يەشتى ، ئاندىن شىمىنى ..............        گەپنىڭ تازا قىززىق يىرىگە كىلىپ قىلىۋىدىم ، ئىشىكنى تاراققىدە ئىچىپ ھاكىمجاننىڭ تامدەك يوغان خوتۇنى كىرىپ قالدى         - قايسىڭلارنىڭ ئىسمى كامال ؟ - دىدى ئۇ         - مەن - دىدىم .         -  تىلىفۇن !        ھاكىمجاننىڭ ئايالىغا ئەگىشىپ چىقىپ ، تىلىفۇن بار ئۆيگە كىردىم ، تىلىفۇن تۇرۇپكىسىنى ئالاي دەپ ئىڭىشىشىمگە ساغرامنى بىرسى قاتتىق چىمدىماسما ( چوقۇم كۆكۈرۈپ چىقتىغۇ دەيمەن ) ئاغرىققا چىدىماي سەكرەپ كەتتىم ، ئارقامغا ئۆرۈلۈپ قارسام ھاكىمجاننىڭ ئايالى ماڭا تىكىلپ قاراپ تۇرۇپتۇ ،       - بۇ نىمە قىلىق ؟ - دىدىم مەن يا كۈلۈشۈمنى يا خاپا بولۇشۇمنى بىلمەي ،       - ئەجەپ ياخشى دۇربۇنىڭىز باكەن - ھە ،       - دۇ ..... دۇ .... دۇربۇننى دەمسىز ؟ ......       - سىزنىڭ باشقىلارنىڭ ئۆيىگە ئوغۇرلۇقچە قاراپ تاماشا كۆرگىنىڭىز غەلىتە قىلىق بولماي خەقنىڭ ئۆز ئۆيىدە ناخشا ئىيتىپ ئۇسسۇل ئوينىغىنى غەلىتە قىلىق بولغىنى قىززىق ، بۇنىڭدىن كىيىن ئاياللارنىڭ غەلىتە قىلىقلىرى توغۇرسىدا سۆز - چۆچەك قىلىشقاندا ، مىنىڭ ھازىرقى بۇ غەلىتە قىلىقىمنى قوشۇپ سۆزلەپ ئاغزىڭىزنى تاتلىق ئىتەرسىز ، . .... توۋا ، سىلەرنىڭ ئىتىڭلارمۇ ئەر بولدىمۇ ؟     بۇ گەپنى ئاڭلاپ نىمە دىيىشىمنى بىلمەي تۇرۇپلا قالدىم .           مەنبە : مەمتىمىن ھوشۇر ئەسەرلىرى  2  < كونا - يىڭى ئىشلار > ناملىق ھىكايىلەر توپلىمىدىن

katran

	زامان تەرەققىي قىلغانچە غەلىتە قىلىقلار كۆپەيگىلى تۇردى دىسە، بۇنداق قىلىقلار مەيلى ئايال بولسۇن، ياكى ئەر بولسۇن كۈندىن كۈنگە ئەۋج ئېلىپ كېتىۋاتىدۇ، تېمىنىڭ ئاساسىي مەقسىدىمۇ باشقىلاردىكى ‹غەلىتە قىلىق› لارنى دىيىشتىن يۈزىڭىز قىزارسۇن دىگەندىن ئىبارەت دەپ چۈشەندىم. ئىشقىلىپ ھەر ھالدا پىچاقنى ئۆزۈڭگە ئۇر، ئاغرىمىسا كىشىگە......

elzat1119

	katran يوللىغان ۋاقتى  2013-8-2 01:39 AM زامان تەرەققىي قىلغانچە غەلىتە قىلىقلار كۆپەيگىلى تۇر ... نېمە ئۈچۈن ئەسەر قىلسا مۇنبەر باشقۇرغۇچىلىرى تەستىقلىمايدۇ؟

dilqin0998

	شۇنى دەيمەن ،تىما يوللاش ئۈچۈن ئارقا ئىشىك قىلساق بولىدىغان ئوخشايدۇ،مىسرانىمنىڭ ئارقا دەرۋازىسى نەدە بولغىيتى.

13629982958

	dinar يوللىغان ۋاقتى  2013-8-2 02:18 AM مەنمۇ  نۇرغۇن  تېما يۇلىدىم تەستىقلىمىدى  ئاخىرى يۇلىم ... بەزى  تىمىلارنى تەستىقلىمايدىكەن توغرا . لىكىن تەستىقكاشقا بولىدىغان ھەر قانداق تىمىنى تەستىقلايدۇ. مەنمۇ ئۆتكەندە ئىككى قىتىم تىما يوللىسام جىملا يۇقاپ كەتكەن . كىيىن باشقۇرغۇچىلار بىلەن كۆرۈشسەم . بىرسى شىئىر ئىدى .مۇھەببەت شىئىرلىرنى تەستىقلىمايدىكەن. يەنە بىرسى بۇرۇن يولىنىپ بولغان تىمىكەن شۇڭا تەستىقلىمايدىكەن . ئۇنداق بولمىغان ھەرقانداق تىمىلارنى تەستىقلايدۇ . خاتالىقلىرنى تۈزتىپ يوللاپ بىقىڭلا .

13629982958

	ھازىر جاھان تەرەقى قىلغانسىرى  ئىش قىلىپ تاس قىلۋاتمىز...............

ئۆل

	ۋۇي رومانچىمىز كېلىپ قىسقلا ھېكايە يولاپتا شۇنداق قىلقلا كۆپەيگلى تۇردى شۇ ...ئاياللار غەيۋەت قىلماي ئەرلەر قىلدىغان .

sardor

	ھەي....