قاسىم پالۋان كىم ؟

tohotur

	1.سېيىت ھاجى ئوغلى قاسىم پالۋان مىلادى 1885-يىلى قومۇلنىڭ غەربى تاغ يېزىسى قالغايتى كەنتىدە ئولتۇرۇشلۇق دىنى ئۆلىما ئائىلسىدە دۇنياغاكەلگەن . 2. كىچىك قاسىم زېھنى ئۆتكۇر،تىرشچان بالا بولۇپ ،ئائىلىسدە دادسىى ۋە ئاپىسىنىڭ قولىدا ئوقۇپ تىزلا ساۋادىنى چىقارغان ،ھەم ئۆزلۇكىسىز تىرشىپ دىنى بىلىمىنى چوڭقۇرلاشتۇرغان. 3. قاسىمنىڭ ئاتىسى سېيىت ئاخۇن ۋە ئانىسى بۇۋىنىيازخانلار ئوقۇمۇشلۇق ئىلىم سۆيەر كىشلەر بولۇپ ، پەرزەنىتلىرىنىڭ ئۆگۇنىشى ۋە ھەر جەھەتتىن تەربىيلىنىشىگە ئالاھىدە كۆڭۇل بۆلگەن . 4. قاسىم 14 ياش ۋاقىتىدا دادىسنىڭ توققۇز ئاتار مىلتىقىنى ئېلىپ قومۇل تاغلىرىدا ئوۋچىلىق ھاياتىنى باشلىغان . ئوۋچىلىققا بولغان غايەت زور قىزىقىش ئۇنى ئاي ئايلاپ تاغ دالىلاردا يېتىپ قوپۇپ مەشىق قىلىشقا ئۇندەيتتى . ئۇزاققا قالماي قاسىمنىڭ ئاتقان ئوقى زايە كەتمەيدىغان ، ئىزىغا چۇشكەن ئوۋ چاڭگىلىدىن قېىچىپ قۇتۇلالمايدىغان ھالەتكە يەتكەن. 5. شۇنۇڭدىن كىيىن ئەل ئارىسىدا قاسىم پالۋان دەپ ئاتىلىشقا باشلىغان . 6. قاسىم  پالۋان ئوۋغا چىقسا ھەرگىز قۇرۇق قول قايىتىپ كەلمەيتتى .يايلاق تۇرمۇشى ۋەتاغ دالىلاردا تۇنەپ ئوۋچىلىق قىلىش قاسىم پالۋاندا قەيسەر ئىرادە ، ۋە ھېچنىمىدىن قورۇقمايدىغان خاراكتىر يىتىلدۇرگەن . 7. قاسىم پالۋان ئوۋچىلىق جەريانىدا قازاقلار بىلەن بىرىش كىلشى قىلىپ يۇرۇپ قازاقچىنى پىششق ئۆگەنگەن ، كىيىنكى گەنسۇ چىڭخەي جاھانكەزدى ھاياتىدا خەنسۇچە بىلەن مۇڭغۇلچىنىمۇ پىششىق ئۆگەنگەن . 8. 1908-يىلى قاسىم پالۋاننىڭ ئاتا ئانىسى سەئۇدى ئەربىستانغا ھەج تاۋابىغا بارىدۇ ،ۋە قايتىپ كىلىشىدە قىسسەسۇل ئەنبيا ، شاھ مەشرەپ ۋە مۇپتال جانان قاتارلىق كىتاپلارنى ئالغاچ كىلىپ ئوغلى قاسىم پالۋاننىڭ بىلىمگە بولغان تەشنالىقىنى ئاز بولسىمۇ قاندۇرغان. 9. 1911-يىلى ئېلىدا قوزغىلاڭ پارتىلايدۇ ، شىنجاڭنىڭ  باش ھەربى مەمورى ئەمەلدارى يۇەنداخۇا يەرلىك فېۋىدال ۋاڭلاردىن ھەربى ياردەم سورايدۇ ، قومۇل ۋاڭى شاھ مەخسۇت بۇيرۇققا بىنائەن قومۇل ياشلىرىدىن بىر نەچچە يۇزنى مەجبور ئەسكەرلىككە تۇتۇدۇ ، قاسىم پالۋانمۇ شۇ قاتاردا ئەسكەرلىككە تۇتۇلىدۇ ، ئۇرۇش ئاخىرلاشقاندىن كىيىن قاسىم پالۋان ئائىلىسگە قايتىپ كىلىدۇ . 10. 1913 -يىلى قاسىم پالۋان 28 يېشىدا جاھانكەزدى پالۋان بولۇپ قومۇلدىن گەنسۇغا قاراپ ماڭدۇ ، يولدا بىر خۇيزۇ ئوۋچى بىلەن سەپەرداش بولۇپ قالىدۇ . 11. سەپەرنىڭ مەلۇم بىر كۇنى  قاسىم پالۋان شەخسى ھاجىتى ئۇچۇن تۇرغاندا ئۇلارغا ئېيىق ئۇچراپ قالدۇ ،خۇيزۇ ئوۋچى قاسىم پالۋاننىڭ توختاپ تۇر ، ئاتماي تۇر ، تەككۇزەلمىسەك ھاياتىمىزغا خەۋىپ يىتىدۇ دىگەن ئاگاھلاندۇرۇشىغا پەرۋا قىلماي ئېيققا ئوق ئۇزۇدۇ ، ئوق ئېيقنىڭ جان يېرىگە تەگمەي ئېيىق ئېتىلىپ كىلىپ خۇيزۇ ئوۋچىنىڭ بېشىنى ئۇزىۋېتىدۇ ،قاسىم پالۋان چەندەسلىك بىلەن ئېيىقنىڭ يۇرۇكىنى چەنلەپ ئوق ئۇزۇپ نەق تەككۇزۇپ بۇ بالادىن قۇتۇلىدۇ ،ھەمدە خۇيزۇ ئوۋچىنى دەپنە قىلىپ سەپەرنى داۋاملاشتۇرىدۇ. 12.قاسىم پالۋان گەنسۇ چىڭخەي ئۆلكۇلىرىدە جاھانكەزدىلىك قىلىپ يەتتە يىل تۇرۇپ قالىدۇ بۇ جەرياندا يەرلىكلەر بىلەن قايغۇ خوشاللىقتا بىرگە بولۇدۇ . قاسىم پالۋان بىر قېتىم ،دۇڭخۇاڭنىڭ يېزىسدا كىتىپ بارغاندا بىر ئۆينىڭ ئۆگىزىسىدىكى بىرمۇنچە كىشى قاسىم پالۋانغا يېققىن كەلمە ھويلىدا بۆرە بار دەپ ۋارقىرايدۇ .قاسىم پالۋان قىلچە ئىككىلەنمەي ھويلىغا كىرىپ يەتتە چېلبۆرىىنى ئېتىپ تاشلاپ ئۆي ئىچىدىكى ئاياللار ۋە نارسىدىلەرنى ساقلاپ قالىدۇ . 13.قاسىم پالۋان بىر قېتىم جاھانكەزدىلىك قىلىپ يۇرۇپ مۇڭغۇللار يۇرتىغا بېرىپ قالىدۇ ، ھازىرقى گەنسۇ ئۆلكىسىنىڭ سۇبى مۇڭغۇل ئاپتۇنۇم ئوبلاستى ، قارىسا شەھەر ئىچىدىكى مەيداندا نۇرغۇن ئادەم توپلۇشۇپ تۇرغانلىقىنى كۆرۇپ نىمە بولغانلىقىنى سورايدۇ ، ئەسلىدە ناھايىتى چوڭ بىر توپ باسمىچى بۇلاڭچىلار قوشۇنى دائىم بۇ شەھەردىكى مۇڭغۇل خەلقىنىڭ مال مۇلكىنى بۇلاپ تالاپ يۇرگەنلىكىنى  ،يېققىندا تېخى قىرىق مۇڭغۇل قىزىنى بۇلاپ ئېلىپ كەتكەنلىكىنى ھازىر مۇڭغۇللارنىڭ ئاقساقىلى خەلقىنى يىغىپ بۇ قىزلارنى قانداق قۇتقۇزۇشنى مەسلىھەت قىلۋاتقانلىقىنى ئاڭلاپ قاسىم پالۋان دەرھال  ئۆزىنىڭ بۇ بۇلاڭچىلارغا قارشى كۆرەشكە ئاتلىنىدىغانلىقىنى تەلەپ قىلىدۇ ، مۇڭغۇل ئاقساقال ۋە باشقا مۇڭغۇل پۇقرالىرى ناھايىتى تەسىرلىنىپ قاسىم پالۋانغا 300 مۇڭغۇل يىگىتىنى قوشۇپ يولغا سالىدۇ . 14. قاسىم پالۋان قاراقچىلار ئوۋىسىغا پەم بىلەن كىرىپ تۇيۇقسىز ھۇجۇم بىلەن قاراقچىلار باشلىقىنى تىرىك تۇتۇپ قاراقچىلارنىڭ ئىچكى ئەھۋالىنى ۋە قىزلارنىڭ تۇتقۇن قىلغان ئورنىنى بىلۋالغاندىن كىيىن  ئۇجۇقتۇرىۋېتىدۇ . قاسىم پالۋاننىڭ پىلانلىق ۋە شىددەتلىك ھۇجۇمى ئارقىسىدا بارلىق قاراقچىلار تەل تۆكۇس ئۆلتۇرۇلۇپ ، 40 مۇڭغۇل قىزى قۇتقۇزىۋېلىنىدۇ . بۇ بىر چوڭ ۋەقە ئھتىمال سۇبى مۇڭغۇل ئاپتۇنۇم ئوبلاستىنىڭ يەرلىك تەزكىرسىدە بار بولۇشى مۇمكىن . 15.قاسىم پالۋاننىڭ چىڭخەي تاغلىرىدا يەرلىكلەر ئۇخلاپ چۇشىدىمۇ تۇتالمايدىغان ئىپار كىيىكىنى ئوۋلاپ نامى چىقىپ كىتىدۇ ،قاسىم پالۋاننىڭ نامىنى ئاڭلىغان مابۇفاڭنىڭ ئىنىسى ماچى قاسىم پالۋان بىلەن كۆرۇشۇپ بىر نەچچە ئادەمنى قوشۇپ ئۆزىگە ئىپار كىيىك ئوۋلاپ بىرشىنى ئېيتىدۇ .قاسىم پالۋان ئۇنىڭ كۇتكىنىدىنمۇ ئارتۇق ئىپار كىيىك ئوۋلاپ بىرىدۇ ، ھەمدە باشقا يەرلىك ئوۋچىلارغا ئىپار كىيىك ئوۋلاشنىڭ ئېپىنى ئۆگۇتىدۇ . 16. ماچى قاىسم پالۋاننىڭ شەرىپىگە كاتتا زىياپەت ئۇيۇشتۇرۇپ ئۆز ئوردىسىدا ئۆي جاي تەييارلايدۇ ، ئەمما قاسىم پالۋان يەنىلا ئىجارە ئۆيدە تۇرۇپ قوپۇدۇ . قاسىم پالۋان ماچى بىلەن ئەسرارلىشىپ يۇرگەن كۇنلەردە ماچى دۇشمىنى يەنشىشەن بىلەن ئىككى قېتىم چوڭ جەڭ قىلىدۇ ، قاسىم پالۋان ھەر ئىككى قېتىملىق جەڭدە ئاجايىپ باتۇرلۇق كۆرسۇتۇپ جەڭنىڭ ھەل قىلغۇچ غەلبىسىنى قولغا كەلتۇرىدۇ . 17 ماچى قاسىم پالۋانغا تېخىمۇ قايىل بولۇپ ئوردىغا مەكتۇپ سۇنۇپ قاسىم پالۋاننى ئەمەلدار قىلىپ يېنىدا ئۇزۇن مۇددەت ئېلىپ قالماقچى بولۇدۇ ، ئەلۋەتتە بىزنىڭ جاھانكەزدى پالۋانىمىز قانداقمۇ ئۇزۇن مۇددەت تۇرۇپ قالالسۇن ، رەت قىلىپ خۇددى گۇەنيۇي ساۋساۋنىڭ ئىلىتپاتىنى رەت قىلغاندەك ماچىنىڭ ئىلتىپاتىنى رەت قىلىپ ئۆزىنىڭ يولىغا راۋان بوپتۇ . 18. ماچى ئادەم ئەۋەتىپ تۇتۇپ كىلىشنى بۇيرۇپتۇ .ماچىنىڭ ئادەملىرى قاسىم پالۋاننى بىر جىلغىدا قورشىۋاپتۇ ، قاسىم پالۋان بىر ئۆڭكۇرگە كىرۋاپتۇ ئەمما ئوق چىقارماپتۇ ، ماچىنىڭ ئادەملىرى كىرىشكە پېتىنالماپتۇ ، توققۇز كىچە كۇندۇز ئۆتكەندە ماچىنىڭ ئادەملىرى قايتىپ كىتىپتۇ . 19. قاسىم پالۋاننى تۇتۇپ قالالمىغان ماچى قومۇل ۋاڭى شاھمەخسوتقا ئالاقە ئەۋەتىپ قاسىم پالۋاننىڭ ئۆز تەۋەلكىدە ئىكەنلىكىنى ،نامى جاھانغا پۇر كەتكەن بۇ پالۋاننىڭ بۇنداق ئۆز ئالدىغا جاھانكەزدى بولۇپ يۇرۇشنىڭ ھاكىميەت ئۇچۇن تەھدىت ئىكەنلىكىنى قايتۇرۇپ كىىتپ خىزمەتكە سېلىش كېرەكلىكىنى ئەسكەرتىپتۇ . 20. قومۇل ۋاڭى شاھمەخسۇت قاسىم پالۋاننىڭ ئانىسى بۇۋىنىيازخان ھاجىنى چاقىرتىپ كىلىپ ئوغلىنىڭ دېرىكىنى بىرىپتۇ ،بۇۋىنىيازخان ھاجى ئىككى يىلدا ئاران ئوغلى قاسىم پالۋاننى تاپتۇرۇپ كىلىپ ،ئوغلىنى شاھمەخسۇت ۋاڭغا ئوردا ئەسكەرلىكىگە تۇتۇپ بىرىىپتۇ . 21. قاسىم پالۋان قومۇل ۋاڭ ئوردىسىدا ئوردا مۇھاپىزەتچىلەر ئەتىرتىنىڭ باشلىقى بوپتۇ . 22. قاسىم پالۋان ۋاڭنىڭ بۇيرۇقى بىلەن قومۇلدىكى پالۋانلارنى باشلاپ قومۇل ۋە گەنسۇ تاغلىرىغا بېرىپ ياۋا ئات ، ياۋا تۆگە بىر بۆكەنلىك تۆگە ، قۇلان ،ۋە باشقا ياۋايى ھايۋانلارنى ئوۋلاپ ئوردىدا چوڭقۇر ھۆرمەتكە سازاۋەر بوپتۇ . 23. 1927- شاھ مەخسۇت ۋاڭ شىنجاڭنىڭ ھەر قايسى جايلىردىكى ھەر قايسى يەرلىك ۋاڭلارنى ۋە ئۇلارنىڭ قول ئاسىتىدىكى مەرگەن ۋە پالۋانلارنى قومۇلغا تەكلىپ قىلىپ  قومۇلدا چوڭ كۆلەمدە بىر قارغا ئېتىش تەنتەربىيە مۇسابىقىسى ئۇيۇشتۇرغان . ئاڭلاشلارغا قارىغاندا  مۇڭغۇليەدىنمۇ شوپۇل ئارقىلىق مۇڭغۇل مەرگەنلەر قومۇلغا كەلگەن . 24.قاسىم پالۋان بۇ قارىغا ئېتىش مۇسابىقسىدە بىرىنچىلىكنى قولدىن بەرمىگەن ، ئاخىردا قاراشەھەردىن كەلگەن مۇڭغۇل مەرگەنلەر بىلەن مۇسابىقىگە چۇشكەن .  مۇسابىقىدە تۇخۇم چېچىش تۇرىدە مۇڭغۇل مەرگەنلەر ئۇچ پاي ئوقتا بىر تۇخۇم چاچسا قاسىم پالۋان ھەربىر پاي ئوقتا بىر تۇخۇم چېچىپ كۆپچۇلۇكنى ھەيران قالدۇرغان . ئاخىردا مۇسابىقىنىڭ ئەۋجىدە تۇخۇمنى ئاسمانغا ئېىتىپ بەرسە باشقا مەرگەنلەر تەككۇزەلمىگەن ، قاسىم پالۋان ئوقنى ئاسمانغا ئېتىلغان تۇخۇمغىمۇ دەل تەككۇزۇپ قومۇل خەلقىگە شان-شەرەپ ئېلىپ كەلگەن . 25.قاسىم پالۋان ئۇستا مەرگەن بولۇپلا قالماي چوڭقۇر تەجرىبگە ئىگە تىۋىپ ۋە ئۇستا سۇنۇقچى ئىكەنتۇق . ئۇ تاڭغان سۇنۇق بىر تېڭىش بىلەنلا كۇپايە قىلىدىكەن .داۋالىغان كىسەللەرنىڭ ساقىيشى نىسىبىتىمۇ يوقۇرى ئىكەن. 26. خەنسۇچە تىل يېزىقنى پىشىشق بىلگەچكە ئادەتتە ئوردىدا شاھمەخسۇت ۋاڭنىڭ مېھمانلىرىغا تەرجىمانلىق ۋەزىپىسىنى ئۇستىگە ئالدىكەن. نوچىلىقى ئوخشىغان بىلەن بۇ يەرلىرى سېيىت نوچىغا ئوخشىمايدىكەن ھە 27. قاسىم پالۋاننىڭ ۋاڭغا ھەققانى جاۋابى ، ۋاڭنىڭ ئاغزىغا تاماق تېتىمايدىغان بولۇپ قالغان كۇنلەردە قاسم پالۋاندىن سوراپتۇ .'پالۋان ' مەن كىچىك ۋاقتىمدا ئارپا ، قوناق ، تېرىق قاتارلىق زىرائەتلەرنىڭ ئۇنىدىن يېقىلغان نانلارنى يەيتتىم ، بۇ ناھايىتى تەملىك تېتىيتتى ،، ھازىر بولسا بۇلار ئېغزىمغا تېتىمايدىغان بولۇپ قالدى . بۇنىڭ سەۋەبى نىمە ؟ قاسىم پالۋان قىلچە ئىككىلەنمەي ، جانابى ۋاڭ ئالىلىرى ئىلگىرىى جاپا مۇشەققەتلىك تۇرمۇش شارائىتىدا ياشىغاچقا ئارپا قوناق ،تېرىق ،نانلىرى مېزىلىك تېىتىغان ،ھازىر بولسا ئالىيلىرى دۆلەت ئۇستىدە بولغاچقا تېتىماس بولۇپ قالغان بولسا كېرەك دەپ جاۋاپ بەرگەندە شاھمەخسۇت ۋاڭ قاسىم پالۋاننىڭ جاۋابىغا قايىل بولۇپ دىگنىڭىز توغرا دەپ مۇرىسگە ئۇرۇپ قويۇپتۇ . 28.قاسىم پالۋان ئوردىدا ئوردا مۇھاپىزەتچىلەر باشلىقى بولۇپ ئون يىل تۇرۇدۇ ، بۇجەرياندا ۋاڭغا تالاي قېتىم خەلق ئۇستىدىكى باج سېلىق ئالۋان ياساقلارنى ئازايتىىش ،ۋە ياخشى ئىش خەيرىلىك ئىشلارنى قىلىش توغۇرلۇق تەكلىپ بىرىدۇ . 29. 1931-يىلى قومۇلدا سالى دورغا ئۆز غۇرۇرىغا ھاقارەت كەلتۇرۇشكە ئۇرۇنغان جاڭ جىسانىڭ يۇركىگە بىر پىچاق ئۇرۇپ قومۇل دىخانلار قوزغىلڭىنىڭ پىلىتىسىنى تارتىدۇ.  بۇ قومۇل تاغلىرىدا بولىۋاتقان ئىشلار ، قومۇل شەھەر ئىچىدە شەھەرنى ساقلاۋاتقان ئۆلكە ئەسكەرلىرى شاھمەخسوتنىڭ ئۆلىمىدىن پايدىلنىپ شەھەر ئىچىدىكى ئوردىغا ۋە پۇقرالارنىڭ مال مۇلكىگە تىگىش قىلماقچى بولغاندا قاسىم پالۋان ئادەم تەشكىللەپ ئۆلكە ئەسكەرلىرىگە ئەجەللىك زەربە بىرىپ ئاممىنىڭ ھاياتى ۋە مال مۇلكىنى قوغداپ خەلىقنىڭ قىزغىن ئالقىشىغا ئېىرشىدۇ ، 30. 1931-يىلى 5-ئايدا جىن شۇرىن قومۇل دىقانلار ئىنقىلابىنى باستۇرۇش ئۇچۇن ئۆرۇمچىدىن بەشيۇز كىشلىك ئەسكەر ئەۋەتىدۇ .بۇنىڭدىن خەۋەر تاپقان قاسىم پالۋان ،ئۆلكە ئەسكەرلىرىنىڭ ئالدىنى توساش ئۇچۇن بىشردىن رۇخسەت سورىغاندا بىشىر رۇخسەت بەرمىگەن ، بىشر بولسا شاھمەخسۇتنىڭ ئوغلى نەزەرنىڭ ئوغلى ئىدى ،  ئاخىرى قاسىم پالۋان ئارغامچە بىلەن ئوردا سىپىلىدىن ئارتىلىپ چۇشۇدۇ ، مىنىدىغان ئېتىننى سۇغۇرۇش باھانىسدا ئوغلى ھاشىم ئاخۇن ئوردىدىن ئاپچىقىپ بىرىدۇ . 31.قاسىم پالۋان يوشۇرۇن يولغا چىقىپ قومۇلنىڭ شەرقىدىكى سىڭار قۇم دىگەن يەردە ئۆرۇمچىدىن كەلگەن بەشيۇز ئۆلكە ئەسكىرىنىڭ ئالدىنى ئۆزى يالغۇز توساپ ياتىدۇ . 32. قاسىم پالۋان سىڭار قۇمدا ئۆرۇمچىدىن كەلگەن بەشيۇز ئەسكەرگە قارىشى بىر كىچە ئورۇن يۆتكەپ ئۇرۇش قىلىدۇ ، ئۆزىنىڭ يالغۇزلىقىنى ۋە كىملىكىنى بىلىندۇرمەيدۇ .   33.شىڭشىڭشىيا دا چازىنى ساقلاۋاتقان بەشيۇزدىن ئوشۇق ئەسكەر ماجۇڭيىڭىنىڭ شىنجاڭغا يۇرۇش قىلغانلىقىنى ئاڭلاپ چازىدا تۇرالماي قومۇلغا قاراپ ھەربى ئەشيالارنى يۆتكەپ چىكىىنىدۇ، قاسىم پالۋان بۇ خەۋەرنى ئاڭلاپ ھەر قايسى تاغلاردىكى قوزغىلاڭچىلارنىڭ باشچىلىرىغا خەۋەر بىرىپ قومۇلنىڭ شەرقىدىكى دۆربەجىن غولئېرىق مەھەللىسىدە يىغىلىىشنى ئېيتىدۇ . 34. شۇ كۇنى غول ئېرىققا چىققان قاسىم پالۋان غولئېرىقتا ئاتتىن يىقلىپ پۇتى سۇنغان ناسىر ئىسىملىك بالىنىڭ پۇتىنى تېىڭىپ قويىدۇ . 35.ئارىدىن ئۇزۇن ئۆتمەي تۆۋەنتۇردىن يارى دورغا ، شوپۇلدىن سالى دورغا ، خوتۇنتامدىن سۇبۇر دورغا ، ئېدىردىن ئابدۇرېھىم دورغا ، ۋە خوجانىياز ھاجىلار ئۆز قوشۇنلىرىنى باشلاپ دۆربەجىندىكى جىگدە بۇلاققا يىتىپ كىلىدۇ . 36. قاسىم پالۋان بۇ يەرگە توپلانغان يۇزدەك قوزغىلاڭچىلار بىلەن كۆرۇشۇپ قىسقا ۋاقىت باش قوشۇپ شىڭشىڭشا چازا ئەسكەرلىرىگە500(دىن ئارتۇق ئەسكەر ) بۆكتۇرمە قويۇش پىلانىنى كىېڭەشتىن ئۆتكۇزىدۇ . 37. قوزغۇلاڭچى قوشۇن قومۇلنىڭ شەرقىدىكى قارا مۇقچا بىلەن سايبۇلاق مەھەللىسنىڭ ئارلىقىدىكى قېلىن قومۇشلۇق ئىچىگە ئورۇنلۇشىدۇ . قاسىم پالۋان  بۇ پاراكەندە قوزغۇلاڭچى قوشۇنغا ھەربى تەلىم بىرىپ دۇشمەن تەرەپ ئالدى بىلەن 10-20 نەپەرچە چارلىغۇچى ئەترەت ئەۋەتىپ چارلايدۇ ،ئۇلارغا تىگىشكە بولمايدۇ ، پەقەت ئۇلارنىڭ ئاساسى قىسمى بۆكتۇرمىمىزنىڭ كەينىگە توغرا كەلگەندە مېنىڭ بىر پاي ئوق ئېتىشىم بىلەن ئاندىن دۇشمەنگە ئومۇمى ھۇجۇم باشلايمىز دەپتۇ . 38.ئاخىردا قاسىم پالۋان كۆپچۇلۇككە يەنە بۇگۇن كىچە ئوت يېقىشقا ، تاماكا چىكىشكە ، پاراڭ سېلىشقا ، ھوشيارلىقنى بوشاشتۇرۇپ قويۇشقا بولمايدۇ دەپ ھەربى تەلىم بىرىپتۇ . 39.ئەتىسى تاڭ سۇزۇلگەندە شەرق تەرەپتىن ئەسكەرلەر كىلىۋاتقانلىقى كۆرۇنۇپتۇ . 15-يىگىرمدەك چارلىغۇچى يىتىپ كىلىپتۇ . شۇ ئارىدا قوزغىلاڭچى قوشۇندىكى ئۆپكىسى يوق بىرسى ئالدىراپ ئوق چىقىرۋېتىپتۇ ، شۇنىڭ بىلەن قوزغىلاڭچى قوشۇن "قاسىم پالۋان ئوق چىقارغان ئوخشايدۇ دەپ ئويلاپ قاپتۇ . ئۇرۇش باشلىنىپ كىتىپتۇ . 40.دۇشمەنلەر قوزغىلاڭچى قوشۇننى ئاز دەپ ئويلاپ سەل چاغلاپتۇ ، قوزغۇلاڭچىلار دۇشمەننى تۆت تەرەپتىن مۇھاسىرگە ئېلىپ قاتتىق ئوققا تۇتۇپتۇ ، جەڭ ئۇدا داۋاملىىشىپ ئەتتىگەنلىك چاي ۋاقتى بولغاندا دۇشمەن تەرەپ 400 دىن ئۇشۇق ئادىمى يوقۇتۇلۇپ ، دۇشمەنلەر ئاخىرى تەسلىم بولغانلىقىنى جاكارلاپتۇ . بۇنى بىلمىگەن قوزغىلاڭچى قوشۇن  دۇشمەنگە تېخىمۇ شىددەتلىك ئوق ياغدۇرۇپتۇ . 41. قاسىم پالۋان دۇشمەننىڭ تەسلىم بولغانلىقىنى بىلىپ ئاتماڭلار ئوق چىقارماڭلار دەپ ھەر قانچە ۋارقىرىسىمۇ قوشۇننى ئوق چىقىرىشتىن توختىتالماپتۇ . جەڭ داۋامىدا خوجانىياز ھاجى قاسىم پالۋاندىن ، سىز  ھازىرغا قەدەر قانچە دۇشمەننى يوقاتتىڭىز دەپ سوراپتۇ ، قاسىم پالۋان جاۋابەن ، مەن ئاتقان ئوقنىڭ پۇگۇتىنى ساناڭ پۇگەت قانچە بولسا مەن يوقاتقان دۇشمەنمۇ شۇنچە دەپ جاۋاپ بىرىپتۇ . 42. جەڭ داۋامىدا قاسىم پالۋانلارنىڭ ئوقى تۇگەپ قاپتۇ ، قاسىم پالۋان  راھاتباغ قارىتاللىق ھادى پالگاننى دۇشمەن ھەربى ئەشيا ھارۋىسىدىن ئوق ئېلىپ كىلىشكە بۇيرۇپتۇ . ھادى پالۋان ئەكەلگەن ئوق يەتتە ئاتارنىڭ ئوقى ئىكەن قاسىم پالۋاننىڭ مىلتىقى بولسا توققۇز ئاتار مىلتىق بولغاچقا قاسىم پالۋان بۇ ئوقلارنى ئىشلىتەلمەي ئوق ئەكىلىشكە قايتا بېرىپتۇ . 43. قاسىم پالۋان ھارۋىغا سەكرەپ چىقىپ بىر ساندۇقنى بۇزسا يەتتە ئاتارنىڭ ئوقى ئىكەن ، يەنە بىر ساندۇقىنى بۇزسا نەق توققۇز ئاتارنىڭ ئوقى چىقىپتۇ . بۇ چاغدا ھارۋا ئاستىدا قانغا مىلىنىپ ئۆلۇك قىياپىتىگە كىرۋالغان دۇشمەن ئەسكەر باشلىقى قاىسم پالۋانغا قارىتىپ ئوق ئۇزۇپتۇ . قاسىم پالۋان ھارۋا ئاستىدا ئادەم بارلىقىنى سىزىپ دەرھال مىلتىقىنى ئېلىپ ئوق چىقىىرىپ ئۇ ئەسكەر باشلىقىنى جەھەننەمگە يولغا ساپتۇ .قاسىم پالۋان بۇ ئەسكەر باشلىقىنىڭ جەسىتىگە بىرنى تۇكۇرۋېىتپ ھارۋىدىن يىقىلىپ چۇشۇپ شېھىت بوپتۇ . ياتقان يېرى جەننەتتە بولسۇن . 44.قاسىم پالۋان شېھىت بولغاندىن كىيىن قوزغۇلاڭچى قوشۇننىڭ جەڭگىۋارلىقى سۇنۇپ كىتىپتۇ ، دەل موشۇ چاغدا قومۇلدىن نەچچە يۇز ئۆلكە ئەسكىرى ياردەمگە كىلىپ قاپتۇ . تەسلىم بولغان ئەسكەرلەرگە قايتىدىن جان كىرىپ قوزغىلاڭچى قوشۇنغا قارشى قايتارما ھۇجۇمغا ئۆتۇپتۇ ، قوزغۇلاڭچى قوشۇن بۇنۇڭغا تاقابىل تۇرالماي تاغ تەرەپكە چىكىنىشكە مەجبۇر بوپتۇ . 45.بۇ قېتىمقى قارامۇقچى بۆكتۇرمىسىدەجىن شۇرىن  ھۆكۆمەت قوشۇنى 400 دىن ئارتۇق ئادىمىدىن ئايرىلىپتۇ ،قوزغۇلاڭچى قوشۇندىن بەش ئادەم شېھىت بوپتۇ. تېخى بىرسى ئۇرۇشتا پۇتىغا ئوق تىگىپ پۇتىنى سۆرەپ چىكىنگەندە قومۇل تەرەپتىن كەلگەن ئەسكەرلەرنىڭ قولىغا چۇشۇپ قاپتىكەن جادۇغا بېسىپ توغراپ ئۆلتۇرۇپتۇ . 46.جەڭ بولغان كۇننىڭ ئەتىسى قاسىم پالۋاننىڭ ئاكىسى نىياز پالۋان قاتارلىق كىشلەر تۆت شىھىتنىڭ جەسىتىنى چوڭ يولنىڭ يېنىدىكى ئېگىز قۇم دۆڭنىڭ كەينىگە دەپنە قىلىپتۇ . شۇ ۋاقىتتا قاسىم پالۋان 46 ياشتا ئىكەن . بۇ قەۋرىلەر ھازىرمۇ بار................................................... 47.قومۇللۇقلار زار زار يىغلاپ ئۆز پالۋىنىغا ئاتاپ مۇنداق قوشاقلارنى توقۇپتۇ . سايبۇلاقنىڭ دادۇزىسى ئىككى يۇز پالۋانغا ئاش بولدى ، قارمۇقچىدىكى جەڭدە ، قاسىم پالۋان باش بولدى چېرىكلەرمۇ ئاتۇركەن ئورا كولاپ ياتۇركەن قاسىم پالۋان ئاتۇركەن مىڭىلەرنى چاچۇركەن . قاسىم پالۋان ئاتلاندى ئاسماندىكى يۇلتۇزدەك چېرىكلەرنى قاچۇردى ئۇركۇپ كەتكەن ئۆكۇزدەك ئايرىلدۇق ئاداۋەتتە داۋايىم قىيامەتتە ئايرىلغانغا ئۆلمەيمەن ئەقىدەمگە يىغلايمەن قاسىم پالۋاندەك ئەر بارمۇ تاشتا سوققان شەر بارمۇ قاسىم پالگاننى كۆرگەندە دۇشمەنلەردە جان بارمۇ قارمۇقچىنىڭ يولىدا يولغا يېققىن زارەتلىك پالۋانلارنىڭ ئارسىدا قاسىم پالۋان رەھمەتلىك قومۇل شەھىرىنىڭ تارىخ ماتېرياللىرى 4 -كىتاپ255 -بەتتىكى ئابلىمىت ئابدۇللا ئاكىنىڭ قاسىم پالۋان توغۇرسىدا دىگەن ماقالىسىدىن ئېلىندى  . تولۇقلىما مەزمۇن (2013-8-2 12:51 AM): قومۇلنىڭ غەربىدىكى سىڭار قۇم دىگەن يەردە تولۇقلىما مەزمۇن (2013-8-2 12:57 AM): پالۋانلارنىڭ ئارىسدا ، قاسىم پالۋان غەيرەتلىك تولۇقلىما مەزمۇن (2013-8-2 01:09 AM): ئېيىققا تەككۇزەلمىسەڭ ھاياتىمىزغا خەۋىپ يېتىدۇ ،مېنى ساقلاپ تۇر

artilak

	ئوھوي بۇرادەر ، بۇ يازغانلىرىڭىز بىر روماننىڭ بولمىغاندا بىر پوۋىستنىڭ تىزىسى بوپتۇ ،قەلەم قۇۋۋىتىم يېتىشكەن بولسا بىرەر يىل تىرىشىپ بىرەر نەرسە يازاركەنمەن جۇمۇ .

korul

	مەن بۇ كىشى توغرۇلۇق ئاڭلاپ باقماپتىكەنمەن.....ئەمدى بىلىۋالدىم ،رەھمەت

ata.ata

	يوقۇلۇپ كەتكەن تارىخكەن ، بىزنى خەۋەردار قىلغىنىڭىزغا رەھمەت .     ( پالۋاننىڭ ياتقان جايى جەننەت بولسۇن )

banker625

	مەن ئەمدى ئاڭلاپتىمەن  بۇ پالۋاننىڭ ئىسمىنى ياتقان يىرى جەننەتتە بولسۇن

tarim-darya

	قاسىم پالىۋاننىڭ ئىش پائالىيەتلىرى. ھايات مۇساپىسلىردىن بىزنى خەۋەردار قىلغىنىڭىشغا رەخمەت .پالۋاننىڭ ياتقان جايى جەننەتتە بولسۇن .

KaRoL

	مەنمۇ بۇرۇن ئاڭلاپ باقماپتىكەنمەن .

UYGRAF

	4. قاسىم 14 ياش ۋاقىتىدا دادىسنىڭ توققۇز ئاتار مىلتىقىنى ئېلىپ قومۇل تاغلىرىدا ئوۋچىلىق ھاياتىنى باشلىغان . ============================================================== قارا مىلتىق(火枪) ، ئوقيا ئىشلىتىلىدىغان ئاشۇ زامانلاردا توققۇز ئاتار مىلتىق نىمىش قىلسۇن؟ ئككىنچى دۇنيا ئۇرۇشى مەزگىلىدە بەش ئاتار مىلتىق، بىر بەتلەپ، بىر ئاتىدىغان مىلتىق  ياكى قوش ئاتار ئوۋ مىلتىقى ئىشلىتىلگەن، مېنىڭچە توققۇز پاي ئوق بېسىپ، بىر تالدىن ئوق ئۈزىدىغان «توققۇز ئاتار مىلتىق›› ھازىرمۇ مەۋجۈت ئەمەس. ئەگەر 14 ياشلىق بالا مىلتىق ئېتىشقا توغرا كەلسە، بۇنى ‹‹قارا مىلتىقنى ئېلىپ...›› دەپ ئۆزگەرتىش كېرەك. يەنە بىر ئىش، بۇ پالگاننىڭ غوجىنىياز ھاجى بىلەن بولغان مۇناسىبىتى خېلى قويۇقكەن، ئۇنىڭ ئۈستىگە خېلى-خېلى ئىشلارنى ۋۇجۇتقا چىقىرىپتۇ . لېكىن ‹‹ئىز››، ‹‹ئويغانغان زىمىن›› رومانىدا بۇ شەخسنىڭ ئىش-پائالىيەتلىرى تىلغا ئېلىنمىغان. ئەجىبا مەشھۇر يازغۇچى ئۆتكۈر ئەپەندىم بۇ داڭلىق شەخسنى ئۇنتۇپ قالغانمىدۇ؟ تەسلىم بولغان دۈشمەنگە ئوق چىقارغان قوشۇننىڭ ئاتامانىنى ‹‹پالۋان›› دىسەك توغرا بولامدۇ؟؟؟