تەلەپ ۋە تەقدىم( فېلىيەتون)

goldiway

	تەلەپ ۋە تەقدىم                (فېليەتون) مەمتىمىن ئابلىز كالتە ئاقساقال مەشرەپ ساقى رادىئو تېلېۋىزىيە ئىدارىسىنىڭ مۇخبىرلارنى تەربىيلەش كۇرسىدا باشلىنىش سۆزى قىلىپ ئىنچىكە تەلەپلەرنى ئوتتۇرىغا قويدى:   -... خەۋەر يازغاندا پالانى رەھبەر پۇكۇنى يەردە تۆۋەنگە  چۈشۈپ خىزمەتلەرنى تەكشۈرۈپ نەق مەيداندا ئەمىلى مەسىلىلەرنى ھەل قىلدى دېگەن خەۋەرنىڭ ئاخىرىنى« تەكشۈرۈپ تەتقىق قىلىپ مۇھىم ئىجادىي يوليۇرۇق بەردى» دەپ يازىمىز. ناۋادا مېنىڭ خىزمىتىم توغرىسىدا خەۋەر يازساڭلا ئۇدۇل ئالدىمغا ئەكىرسەڭلار مەن ئاۋارىچىلىق ھېس قىلماي بىر قوللۇق تەھرىرلەپ بېرىمەن. قۇر تاشلاپ يېزىشنى ئۇنۇتماڭلار. مەشرەپ ساقى ئۆز تەلىۋىنىڭ مېۋىسىنى مۇنۇ خەۋەردىن كۆرگەن بولسىمۇ قانائەتلەنمەي زاپاس قۇرنى بوش قويماي كۇچايتىپ تەھرىرلىدى: -... مەشرەپ ساقى يەكشەنبە كۈنى دەم ئېلىش ۋاقتىنى قۇربان قىلىپ پىژقىرىم ئىسسىققا پىسەنت قىلماي ئائىلىسىدىكىلەر بىلەن بىللە ناھىيىمىزنىڭ زەمبىلتاياق سۇ ئامبىرىغا بېرىپ نەق مەيدانغا چوڭقۇر چۆكۈپ سۇغا چۈمۈلۈپ سۇنىڭ چۇڭقۇرلىقىنى،تىمپۇراتۇرسىنى،تەمىنى ۋە سۈزۈكلىكىنى ئەستايىدىل تەكشۈرۈپ تەتقىق قىلدى. قىرغاققا چىقىپ ھۆ قىلىپ يۇتىۋالغان سۇنى پاك دىيانەتلىك بىلەن ئامبارغا ياندۇرىۋېتىپ ئىلمىي يەكۈن چىقاردى: سۇ يۈزىگە سۇنىڭ چوڭقۇرلىقىنى كۆرسىتىدىغان سانلىق تاختاي ئورنۇتۇپ، ئېھتىيات قۇلۋاقلىرىنى  سەپلەپ ھادىسە چىقىشنىڭ ئالدىنى ئېلىپ تەكشۈرۈپ تەتقىق قىلىشقا قۇلايلىك يارىتىش كېرەك›- مەشرەپ ساقى يەنە بىر خەۋەرنى قولىغا ئالدى. ئۇنىڭ تەھرىرلىكى بارغانسىرى تەتقىقات تۈسىنى ئېلىپ خەۋەرگە ئىجادىي جان كىرگۈزىۋەتتى: -«...مەشرەپ ساقى دوختۇرنىڭ بالنىستتا يېتىش قارارىغا پىسەنت قىلماي چارۋىچى كەسپىي ئائىلىلەردە تەكشۈرۈپ تەتقىق قىلىپ تۆل ئېلىش سالمىقىنى ئاشۇرۇش توغرىسىدا ئۆزىگە خاس ئىجادىي تەدبىرلەرنى ئوتتۇرىغا قويدى»- بۇ خەۋەردىكى« تەكشۈرۈپ تەتقىق قىلىپ» دېگەندىن باشقا سۆزلەر ئۇنىڭغا يارىماي  خەۋەرنىڭ ئاخىرىنى مۇنداق بېيىتتى: -«ئېنىقىنى ئېيتقاندا چارۋىلارنىڭ جىنسىي پائالىيىتى ھەر قانچە ئاشكارا،تۇغىشى تىز بولسىمۇ قانۇن تۈزۈمنىڭ، پىلانلىق تۇغۇش سىياسىتىنىڭ ھەتتا ئەخلاق ئۆلچىمىنىڭ چەكلىمىسىگە ئۇچرىمايدۇ. بىز بۇ مۇتلەق ئەركىنلىككە ئىگە ئەۋزەل شارائىتتىن تولۇق پايدىلىنىپ ھايۋانلارنىڭ ئۆزىگە خاس باتۇرانە ھەۋەس يوشۇرۇن كۈچىنى تولۇق قېزىپ، تەبىئىي ئەۋزەللىكىنى پۈتمەس-تۈگىمەس بايلىق ئەۋزەللىكىگە ئايلاندۇرۇش ئۈچۈن ھەسسىلەپ تۆل ئېلىش ئۆتكىلىگە ھۇجۇم قىلىپ، پىلىمۇتنىڭ ئوقىدەك ئاقا-ئارقىدىن قوشلاپ، قاتلاپ تۆل ئېلىشتەك ئۇلۇغۋار  نىشاننىڭ يېڭى رىكورتىنى يارىتىشىمىز كېرەك! بۇنىڭ ئۈچۈن چارۋىلارغا، بولۇپمۇ بىر قىسىم پاسسىپ، ئاجىز چارۋىلارغا قوزغۇتۇش خاراكتىرلىك تەشۋىقات پىلانى تۈزۈپ، قۇتانداشلىرىنىڭ ئەۋجىگە چىققان شەھۋانىي ھەركەتلىرى ئۇچۇق تەسۋىرلەنگەن سېرىق فىلىملەرنى ئۈزمەي قويۇپ بېرىش كېرەك!. شۇنىڭ بىلەن بىرگە ئېغىل قۇتانلارنىڭ تاملىرىغا بۇ تۈردىكى ئىنقىلاۋىي ئۈلگىلەرنىڭ ئاكتىپ ئىش-ھەركەتلىرى يۇقۇرى چەكتە مۇبالىغىلەشتۈرۈلگەن جەلىپكار رەڭلىك سۈررەتلەرنى ئالا قويماي چاپلاش كېرەك. بىز نوپۇسنىڭ كۆپىيىپ كېتىشىنى چەكلىگەن بىلەن ھايۋاننىڭ كۆپ بولىشىنى قوللايمىز،ھەم مەبلەغ سالىمىز. چۈنكى ھايۋانلار بىزنىڭ بايلىقىمىز. يەيدىغانلار ئاز يەم بولىدىغانلار كۆپ بولسا دۇنيانى مولچىلىق ،ئائىلىمىزنى توقچىلىق قاپلايدۇ ئەمەسمۇ!؟»    مەشرەپ ساقى بۈگۈن ئىشخانىسىغا كىرىپلا يەنە قەلىمىنى قولىغا ئالدى. ئەپسۇس،ئۈستەل ئۈستىدە تۇرغىنى يۇقۇرىنىڭ قىزىل باشلىق ھۆججىتى ئىدى: -مەشرەپ ساقى ھازىرقى ۋەزىپىسىدىن قالدۇرۇلۇپ تەكشۈرۈپ تەتقىق قىلغۇچى بولۇشقا تەيىنلەندى- ئۇنىڭ « تەكشۈرۈپ تەتەقىق قىلغۇچى» دېگەن سۆزنى شارت-شۇرت ججىۋەتكۈسى كەلدى-يۇ  بۇ «خەۋەر» ئۇنىڭ قولىدا جان قويماي قەلىمى «توك!» كىدە يەرگە چۈشۈپ كەتتى

Gvlbargi0999

	بۇ فىليەتۇن راسلا بەك قاملىشىپتۇ.

xahzoda1

	بەك قاملىشىپتۇ

815MUJAHIDA

	تازا قاملىشپتۇ.

uyol

	بۇ فىليەتۇن راسلا بەك قاملىشىپتۇ.

axek13999649893

	بەزى يەرلىرى خىلى كۈلكىلك چىقىپتا

alenur

handanjan

	قىزىقارلىقكەن

555rikabatqi

	ما پىلىيەتۇن خېلى بولاپ قۇيىدىكەن لېكىن ما ئىنكاس ئارىلىقىدا چىقىدىغان سېرىق ئېلان ئادەمنىڭ ئىچىنى بەكلا سىقىدىكەن ..............................................

fathullah

	خەت نومۇرى بەكلا چوڭ بوپكىتىپتۇ.يانفوندا ئوقۇغىلى بولمىغۇدەك.