ساپما كەشتە كەلمەكتە گۇگۇم

bahwanbiz

	ساپما كەشتە كەلمەكتە گۇگۇم 1 سەلكىن قىلار لەشكىرىي يۈرۈش ، چايقاپ توموز ھارارىتىنى . قوچقاچلارغا سۆزلەيدۇ نوتوق ، شەپەق تىكلەپ ئىناۋىتىنى . چۇرۇقلايدۇ توقايلىق قوينى ، باشلىنىدۇ كەچكى ئولتۇرۇش . بۇ سېھىرلىك يازنىڭ ئادىتى ، نۆۋىتىدە ئەنجۈمەن قۇرۇش . كەچ كەڭتاشا بوشىتار بەلباغ ، كەچ ھەممىگە قاراپ ھېجارار . مەيدىسىنى كۆتۈرۈپ ھاۋا ، قويوق ئۆسكەن چېچىنى تارار. يۇلتۇزلارنى ياندۇرسا كېچە ، پەرۋانىلەر ئېقىتار شۆلگەي . يازنىڭ ئىزگۈ خاسىيىتىنى ، بارچە جانلىق شۇنىڭدىن بىلگەي . 2 ياز ___ نىيىتى دۇرۇس ئوتۇنچى ، ياز ___ھاراقكەش قېرى چال ئەمەس . بىر ئىنجىقتا تۇغۇلار ھايات ، ياز رامكىسى ئۇنچە تار ئەمەس . تۆت پەسىلنىڭ تۆت خىل كېچىسى ، تۆت خىل رەڭلىك ئاكا – ئۇكىلار . قورسىقى ئاچ نېگىر بۇلۇتلار ، ياز تېنىگە دائىم سوقىلار . يامغۇر سۆيسە باغاشلاپ يەرنى ، سۈت چىقىدۇ زىمىن كۆكسىدىن . چاڭقاپ كەتكەن ئاسمان يېرىلار ، ۋىلىق قىلغان سەبىي كۈلكىدىن . بارمىقىدا نوقوپ گۇگۇمنى ، شەپەرەڭلەر يايىدۇ قانات . كەچ كۆرپىسى راھەتمىكىنتاڭ ؟ سۇنايلىنىپ ياتىدۇ ھايات . كەچ مايلىسا بەتىنكىسىنى ، ساپما كەشتە ھەممە شېپىقار . مايلاش ئۈچۈن سايىلىرىنى ، ئالتۇن ئايلار بارماقنى سانار . ساپما كەشتە كەلمەكتە گۇگۇم . ئوڭ قولىدا بىر تاۋاق پەتنۇس . ياز غەزنىدىن چىقىرار مەبلەغ ، چىن مەقسىتى بىر سۆھبەت قۇرۇش . قويۇلغاچقا كۈندە كونسېرت ، ئايرىمايدۇ كۆپچىلىك ئازنى . زوكاملارغا سۈركىلىپ كەتمەي ، ئۆتكىزەيلى مۇشۇنداق يازنى . ئاپتۇرى : ئا. مۇھەممەت باغۋەن

fathullah

	ئاللاھ رەھمەت قىلسۇن ئاكا!شىئىر–ئۇ ھاپىزنىڭ ناخشىسى ئەمەس،كىشىلەرنى مۈگدىتىدىغان.ئۇ گۈلدۈرمامادۇركى نىمىگە چىللايدىغانتى؟ئۈندەمتى يا؟ ئااااائېېېېې!بىلمىگەن ھالىمغا يېزىپ.ئۇفففففف

mahatjan

	مەنىسى چوڭقۇ ئىكەن

qaraxani

	ساپما كەشتە كەلمەكتە گۈگۈم، ساپما كەشسىز ئۆتتى نۇزۇگۈم. ئالتۇن كەشنى چۈشەپ نەۋرىلەر، ئويناپ يۈرەر تويدا نازىركۇم...

uyol

	مەنىسى راسلا چۇڭىقۇركەن

xahzoda1

	مەنىسى ياخشىكەن

zulal0999

	qaraxani يوللىغان ۋاقتى  2013-8-1 09:43 AM ساپما كەشتە كەلمەكتە گۈگۈم، ساپما كەشسىز ئۆتتى نۇزۇگۈ ... يانداشمىلار ئېسىل