«ئىستىقبال سەھنىسى» ئىش كۈتۈپ تۇرغان ياشلارغا...

تارىم

	«ئىستىقبال سەھنىسى» ئىش كۈتۈپ تۇرغان ياشلارغا ئۈمىد ئاتا قىلدى شىنجاڭ تېلىۋىزىيە ئىستانسىسى ئۇيغۇرچە ئىقتىساد-تۇرمۇش قانىلىدىكى رېژىسسور خادىملارنىڭ ئەتراپلىق ئىزدىنىشى ۋە تىرىشچانلىقى، ئىستانسا رەھبەرلىكىنىڭ قىزغىن قوللىشى بىلەن ئىش كۈتۈپ تۇرىۋاتقان ھەرمىللەت ياشلىرىغا ئەمەلىي ئىش قىلىپ بېرىش يۈزىسىدىن، نۆۋەتتە شىنجاڭ ئۇيغۇر ئاپتونۇم رايونىمىزدىكى تۇنجى خىزمەت تېپىش مەزمۇنىدىكى چوڭ تىپتىكى پروگرامما « ئىستىقبال سەھنىسى» پروگراممىسى يولغا قويۇلۇپ، ساخاۋەتچى كارخانىلىرىمىزغا خادىم قوبۇل قىلىش، تالانتلىقلارنى بايقاش سۇپىسىنى ھازىرلاپ، قوش ئۈنۈمگە ئېرىشتى. شىنجاڭ ئەلدوست بىئو-تېخنىكا تەرەققىيات چەكلىك شىركىتى بۇ پائالىيەتنى قىزغىن قوللاپ، بىر مىلىيون 500 مىڭ يۈەن ئىقتىسادىي ياردەم بەردى. ئىستانسا مەرىكە زالىدا رەڭگارەڭ چىراق ۋە پىلاكاتلار بەدىئىي ئۇسۇلدا تەييارلانغان بولۇپ، «ئىستىقبال سەھنىسى» ۋە «پۇرسەت ۋە سەھنە بىزدىن، تىرىشچانلىق سىلەردىن » دېگەن ئوتلۇق شوئارلار كۆزنى چاقنىتىپ، كىشلەرگە زوق ۋە ئىلھام بېرەتتى. بەيگىگە تەييارلىنىپ ئولتۇرغان قارا كۆزلەر زالغا لىق توشقان بولۇپ، تولىمۇ جىددى ۋە پەخىرلىك ھېسسىياتقا تولغانىدى. 7-ئاينىڭ 17-كۈنى ئىش كۈتۈپ تۇرغان ياشلارغا ئاخىرى پۇرسەت يارىتىلدى. شىنجاڭ ‹‹ شانئال ›› ئىگىلىك تىكلەش كەسپىي تەربىيلەش مەركىزى، شىنجاڭ ‹‹ ئىنتىل ›› كەسپىي تېخنىكا تەربىيلەش مەكتىۋى، شىنجاڭ ‹‹ ئارمان ›› مۇسۇلمانچە يېمەكلىكلەر سانائىتى گۇرۇھى، شىنجاڭ ‹‹ بۇغدا ›› دوختۇرخانىسى ۋە شىنجاڭ ‹‹ ئابىدە ››، ‹‹ مەغرىپ ››، ‹‹ ساداقەت ››، ‹‹ ھەرەمباغ ››، ‹‹ ئامىنە ››، ‹‹ پارلاق ››، ‹‹ سىتار ››، ‹‹ ئەلدوست ››، ‹‹ مىراس ›› قاتارلىق سودا شىركەتلىرىدىن بولۇپ، جەمئىي 12 چوڭ ئورۇننىڭ مەسئۇللىرى سەھنىدە ھازىرلاندى. مۇنىرە غوپۇر، جۇشقۇن جۈمە بۈگۈنكى سورۇنغا رىياسەتچىلىك قىلىپ، خىزمەت ئىزدىگۈچىلەر بىلەن خىزمەت قوبۇل قىلغۇچىلارنى بىۋاستە ئۇچراشتۇردى. شىنجاڭ ئۇيغۇر ئاپتونوم رايونلۇق ئەمگەك كۈچى ۋە ئىجتىمائى كاپالەت نازارىدىن ئىلھامجان غوپۇر، شىنجاڭ ئۇيغۇر ئاپتونوم رايونلۇق تۈرمە باشقۇرۇش ئىدارىسى مائارىپ بۆلىمىدىن گۈلباھار قاسىم، شىنجاڭ ‹‹ تەۋپىق ›› مائارىپ تەربىيلەش مەركىزىنىڭ مۇدىرى ئېلى قۇربان قاتارلىقلار نەق مەيداندا باھالاپ، خىزمەت ئىزدىگۈچىلەرنىڭ مەنپەئەتى ئۈچۈن كۆرسەتمە بېرىپ، ئۇلارغا پىسخىكا جەھەتتىن مەسلىھەت بەردى. بۈگۈنكى تۆت نەپەر خىزمەت ئىزدىگۈچى ئۆزلىرىنىڭ قىسقىچە تەرجىمالىنى ئېكران ئارقىلىق نامايان قىلىپ، شىركەتلەرنى ئۆزىگە جەلىپ قىلدى، ئۇلار ئۆز سەۋىيەسى ۋە ئېھتىياجىغا ئاساسەن شىركەتلەرنىڭ تەلىۋىگە ئاساسەن خىزمەت تاللىدى. خىزمەتكە تونۇشتۇرۇش كۈنتەرتىۋى تۆت باسقۇچ بويىچە ئېلىپ بېرىلدى. 1-باسقۇچ ‹‹ ئەسرا ›› ( ئۇچرىشىش ). 2-باسقۇچ ‹‹ مەرتنى مەيداندا سىنا ››. 3-باسقۇچ ‹‹ ئارزۇيۇمدىكى خىزمەت ››. 4-باسقۇچ ‹‹ ئاخىرقى تاللاش ›› دىن ئىبارەت بولدى. بۇ مەيداندا سۇئال-جاۋابلار جىددى تاللاش ئارقىلىق تۇڭجى ئۇنۋېرسىتېتى ماركىتىڭى كەسپىنى بۇيىل پۈتۈرگەن تولۇق كۇرس ئوقۇغۇچىسى خالىقجان تۆمۈر، شىنجاڭ رادىئو تېلىۋىزىيە مەكتىۋى دېكتور-رىياسەتچىلىك كەسپىنى پۈتتۈرگەن نىساگۈل سەيدۇللا، بىڭتۇەن رادىئو-تېلىۋىزىيە مەكتىۋى بوغالتىرلىق كەسپىنى پۈتتۈرگەن رابىگۈل ئىلھام، 2013-يىللىق شىنجاڭ ئۇنۋېرسىتىتىنىڭ فىزىكا كەسپىنى پۈتتۈرگەن ئاسپىرانت ئوقۇغۇچى مەردان كېرەم قاتارلىق تۆت نەپەر ئوقۇغۇچى ئۆزى تاللىغان كۆڭۈلدىكىدەك مۇۋاپىق خىزمەتكە ئېرىشتى. بۇ ھەم جىددى ھەم قىزىقارلىق ئەمەلىي بىلىم ۋە ماھارەت تەلەپ قىلىدىغان جەلىپكار فىلىمنىڭ ۋاقتى 70 مىنۇت بولۇپ، 8-ئاينىڭ 4-كۈنى شىنجاڭ تېلېۋىزىيە ئىستانسىسىنىڭ ئۇيغۇرچە ئىقتىساد-تۇرمۇش قانىلىدا ۋە 2-5-قاناللىرىدا تەكرار كۆرسىتىلىدۇ. مەنبەسى: شىنجاڭ خەلق رادىيو ئىستانسىسى تورى

دىيارىم

	ئەجەپمۇ ياخشى ئىش بولۇپتۇ ، بىزنىڭمۇ ئۆزىمىزنىڭ مۇشۇنداق خىزمەت ئىزدەيدىغان پروگراممىمىز بولۇپتۇ ، بۇ پروگراممىنى ئاپىرىدە قىلغانلارغا تەشەككۈر . سەھنىنىڭ ئورۇنلاشتۇرۇلىشىمۇ شۇنداق كۆركەم ھەم ئۇيغۇرچە بوپتۇ ، بۇ پروگراممىنىڭ تىخىمۇ روناق تىپىشىنى ئۈمىد قىلىمەن . قاچانمۇ 8-ئاينىڭ 4-كىلەر

kaLGundi

	جەمىيىتىمزدىكى ئىش كۇتۇپ تۇرغان  ياشلىرىمىزغا  بىر قېتىملىق پۇرسەت ئىكەن. ياشلىرىمزىغا ئۇتۇق تىلەيمەن

پادىشاھ

	مەنچە ئىش كۈتۈپ تۇرۇش ھاماقەتلىكتۇر.چۈنكى نۆۋەتتىكى كەسكىن رىقىبەتتە بىز چوقۇم  تىرىشىپ -تىرمىشىپ ئىش تېپىشىمىز كېرەك.چۈنكى ھاماقەتلەر پۇرسەت كۈتىدۇ،ئەقىللىق كىشى پۇرسەتنى تاپىدۇ .نۆۋەتتە ئۈرۈمچىدە خىزمەت تېپىش خېلى ئاسان شۇ كىشى شۇ ئىشنى ياراتسىلا بىر كىشىلىك خىزمەت تاپقىلى بولىدۇ.

QQtulpar

	ئەجەپ ياخشى،  ( 8 - 4  ) تىمڭىزغا رەھمەت .

izqel

	پادىشاھ يوللىغان ۋاقتى  2013-7-31 11:05 PM مەنچە ئىش كۈتۈپ تۇرۇش ھاماقەتلىكتۇر.چۈنكى نۆۋەتتىكى ك ... گىپىڭىزچە ئەقىللىقلا بولسا بولىدىكەندە.نى نى ئەقىللىق تالانىتلىقلار بار.ئەمما ئۇلارنىڭ ئارقا تۈۋرىكى يوق،دىمەك ئۇلار ھاماقەتكەندە،شۇڭا جەمىيەتتە داشۆسىڭ ناخشىسى بىلەن ئۈچىنجى كەسىپ قىلىۋاتىدۇ.نى نى ساپاسىزلارمۇ بار،پۇلى بولغاچقا كانايغا پاق پاق ئۇرۇپ ئالاھىدە ئورۇندا يۈرىدۇ.شۇڭا بۇ سۆزىڭىزنى قوللىمايمەن،ئەلۋەتتە بۇ جەمىيەتتە ئەقىللىقلا بولماستىن پۇلىڭىزمۇ بولىشى كىرەك.بولۇپمۇ يىڭى ئۇقۇش پۈتتۈرگەنلەرگە نىسبەتەن. ئىستىقبال سەھنىسى ياخشى سەھنە بوپتۇ.مۇنىرە غۇپۇر ھەدىمىزنىڭ سەھنىگە قايتىشىنى ئۆمۈد قىلىمەن.ھەم بۇ سەھنىنى داۋاملىق ئىجىرا قىلىشىنى،كارخانىچىلارنىڭ قوللاپ قۇۋۋەتلىشىنى ئۆمۈد قىلىمەن. شۇنداقتىمۇ دوسىتلارغا دائىم خىزمەت،خىزمەتلا دەپ ئۆيدە ئولتۇرۋالماي جەمىيەتنى چۈشىنىشىنى،ئاق ياقىلىق بولالمىسىمۇ كۆك ياقىلىقلاردىن بولسىمۇ خىزمەتكە ئۆزىنى ئۇرىشىنى،ئەڭ مۇھىمى ئاتا كەسىپنى ئۇنتۇپ قالماسلىقىنى ئۆمۈد قىلىمەن.

musilina

	ئىش كۈتۈپ تۇرغان ياشلارغا ياخشى پۇرسەت بوپتۇ،ھەقىقەتەن خۇشاللىنىشقا تېگىشلىك ئىشكەن....

korul

	ناۋا ۋەباشقا سەنئەت پېروگىراممىلارغا قارىغاندا ئەمىلىيەتچىل سەھنە بوپتۇ ،داۋاملىق ئۆتكۈزۈلۈپ تۇرۇلسا بولاتتى

ئۆل

	ياخشى بوپتۇ مانا ..

ئالبىنى

	ھەجەپ ياخشى !  مۇشۇنداق رەڭدار پىروگراممىلارغا مۇھتاج ئىدۇق . مۇنىرە غۇپۇر ھەدىمىزنىڭ رىياسەتچىلىك قىلغىنىدىن تولىمۇ خۇرسەن بولدۇم .  دىللارغا ھۇزۇر بېرىدىغان يېقىملىق ئاۋازىنى بەكمۇ سېغىنغان ئىدۇق .    مۇشۇنداق ئاۋام -خەلىققە ھەقىقىي نەپ يەتكۈزەلەيدىغان پىروگراممىلانىڭ كۆپلەپ مەيدانغا كىلىشىنى ئۈمۈد قىلىمىز . پىروگىراممىنى ئىقتىساد بىلەن قوللىغان ھەرقايسى مەرد ئەل ئوغلانلىرىغا ئاپرىن ئېيتىمىز . رەھمەت سىلەرگە !!!