ئەرتېكىن: ئانا ھەققىدە ئاچچىق خىياللار

رولچى

	ئانا  ھەققىدە ئاچچىق خىياللار                            (فىلىيەتۇن)                     ئەنۋەرجان خوجا ئەرتېكىن كىچىكىمدە، ئانامنىڭ ئىللىق قۇچىقىدا قىزىقارلىق چۆچەكلەرنى ئاڭلاپ  يېتىپ، «ئەمدى ئانامنى ھەرگىز خاپا قىلمايمەن» دەپ ئويلايتىم، ئەمما قۇچىقىدىن چۈشسەملا تولا غەلۋە قىلىپ جاپا سالاتتىم. ئوتتۇرا مەكتەپتە ئوقۇۋاتقىنىمدا، ئانا ھەققىدە شېئىر-ھېكايە يېزىشقا تولىمۇ ھېرىسمەن ئىدىم، ئەمما مەكتەپتىن كېلىپلا ئوينىغىلى قاچاتتىم. ئالىي مەكتەپتە ئوقۇۋاتقىنىمدا، «تېزرەك تەتىل بولسا، ئانامنى كۆرسەم» دەپ كېتەتتىم، ئەمما ئۆيگە كېلىپ ئۈچ-تۆت كۈن ئۆتەر-ئۆتمەيلا ئۇنى سىلكىشلەپ يىغلىتىپ قوياتتىم. خىزمەتكە چىقىپ تۈنجى ئايدا، «مائاشىمنى ئېلىپلا ئانامغا ھېچبولمىسا بىر تال ياغلىق ئېلىپ بىرىمەن» دىدىم، ئەمما مائاشىمنى ئالغاندا قاۋاقلارغا بىر-بىرلەپ «ھەدىيە» قىلۋەتتىم. بويتاق چاغلىرىمدا، «توي قىلغاندىن كېيىن خوتۇنۇم ئانامغا شەرتسىز بويسۇنۇشى كېرەك» دەپ ئويلايتىم، ئەمما توي قىلىپ ئۇزاق ئۆتمەيلا، خوتۇنۇمنىڭ كۆزىگە قارايدىغان بۇلۇپ قالدىم. پەرزەنىت كۆرۈشتىن بۇرۇن، «ھەي... ئەمدى بولسىمۇ ئانامغا كۆپرەك قاراي» دەپ ئويلىدىم، ئەمما بالام توغۇلۇشى بىلەنلا تېخىمۇ «يۈزى قېلىن ئالدىراش» لاردىن بۇلۇپ كەتتىم... («ئاقسۇ گېزىتى» نىڭ 2005-يىل 22-ئاپرېلدىكى سانىدا ۋە «شىنجاڭ قانۇنچىلىق گېزىتى» نىڭ 2005-يىل 23-ئاپرېلدىكى سانىدا ئېلان قىلىنغان)

xahzoda1

	دىۋان ماڭا قاپتۇ دە , ھى ھى ...  ھەقىقەتەن ياخشى تىما ئىكە كۆپ رەھمەت .......        ن

uyol

	ھەقىقەتەن ياخشى تېمىكەن

intikam2

	ياخشى تېما..........

سۈمەييە

	كىچىگىمدىن ئاپامنىڭ ئەتىۋارلىشى بىلەن چوڭ بولغاچقا ئۆي ئىشلىرىغىمۇ تۈزۈك قاراشماي ، چوڭ بوپ بىر ئاز ئەقلىمنى تاپقاندا بولسا خىزمەت بىسىمى بىلەن بىر ئاز ئىگىلىك تىكلەپ بوپ بىراقلام ھالىدىن خەۋەر ئالىمەن دەپ ئويلىغان ئىدىم ، ئەپسۇس تەقدىرنىڭ كاجلىقى تۈپەيلى  مىنىڭ ئاپامغا كۆرسەتمەكچى بولغان راھەتنى كۆرمەيلا مەن بىلەن مەڭگۈلۈك خوشلاشتى ، ئىچىمدە بىر ئوت كۆيدۈ ، ياش ئەمەس قان يىغلاپ كىتىمەن ،،،،،،،،،،،،،،،

太阳

	ئاتا -ئانىمىزنىڭ قەدرىنى ھايات ۋاقتىدا قىلايلى، كىتىپ قالسا پۇشايماننى ئالىدىغان قاچا يوق،

بەرگى

	يوق ۋاقتىدا ئانا دەپ قالغىچە بار ۋاقتىدا مانا دەپ تۇر .

dahai

	ئانىلار بار ۋاقىتتا قەدىرگە يەتمەيمىز. يوق ۋاقىتتا ۋاي ئىست دەپ يىغلاپ قالىمىز .مانا بۇ تۇرمۇش

abdulahad

	بۇ يازمىنى يازغان كىشى يالغانچى ئەمەسكەن