مۇۋاپىقىيەت قازانغۇچىلار شۇنى ئېيتىدۇكى: ھەرگىز چېكىنمەڭ!

xahzoda1

	مۇۋاپىقىيەت قازانغۇچىلارغا ئورتاق بولغان بىر خىل ئادەت بار، ئۇ بولسىمۇ چېكىنمەي ئىزچىل ئالدىغا قاراپ مېڭىش. بۇ ھەقتە ئىلگىرى بىز KFC نىڭ قۇرغۇچىسى Harland Sanders بوۋاينىڭ كەچۈرمىشلىرى بىلەن تونۇشقان ئىدۇق. بۈگۈن كۆپچىلىك بىلەن بىرگە بىر تارىخى شەخىسنىڭ مۇۋاپىقىيىتى ھەققىدە كۆرۈپ ئۆتەيلى. تۆۋەندىكىسى بىر ئادەمنىڭ كۆرەش تارىخى… 1816 -يىلى ئۇنىڭ ئائىلىسىدىكىلەر ئەسلى ماكاندىن قوغلاندى. ئۇ ئىشلەپ ئائىلىسىنى بېقىشقا مەجبۇر بولدى. 1818-يىلى ئانىسى ئالەمدىن ئۆتتى. 1831-يىلى سودىدا مەغلۇپ بولدى. 1832-يىلى پارلامېنىت ئەزالىق سايلام رىقابىتىگە قاتنىشىپ سايلىنالمىدى. 1832-يىلى خىزمىتىدىنمۇ قۇرۇق قالدى. قانۇن ئىنىستىتوتىغا كىرىپ ئوقۇماقچى بولدىيۇ، ئوقۇشقىمۇ كىرەلمىدى. 1833-يىلى دوستىلىرىدىن پۇل ئۆتنە ئېلىپ سودىغا كىرىشتىيۇ يىل ئاخىرسىغىچە ۋەيران بولدى. گەدىنىدىكى قەرزنى 16 يىل تۆلەپ قۇتۇلدى. 1834-يىلى پارلامېنىت ئەزالىق سايلام رىقابىتىگە يەنە قاتنىشىپ يەڭدى. 1835-يىلى توي قىلىشقا پۈتۈشكەن بولغۇسى ئايالى ئالەمدىن ئۆتۈپ،يۈرىكىدە ساقايماس ھىجران قالدى. 1836-يىل روھىي جەھەتتىن پۈتۈنلەي بەربات بۇلۇپ،ئالتە ئاي ياتتى. 1838-يىلى پارلامېنىت ئەزاسىنڭ باياناتچىلىقىنى تالىشىپ مەغلۇب بولدى. 1840- يىلى سايلامغا قاتنىشىشىغا بار كۈچى بىلەن تىرىشتىيۇ مەغلۇب بولدى. 1843- يىلى پارلامېنىت چوڭ سايلىمىغا قاتناشتى،ئەمما سايلىنالمىدى. 1846- يىلى پارلامېنىت چوڭ سايلىمىغا يەنە قاتنىشىپ سايلاندى ۋە ۋاشىنگتوننى نىشانلاشقا باشلىدى، ئىپادىسى يامان ئەمەس بولدى. 1848-يىلى پارلامېنىت ئەزالىقىغا قايتا سايلىنىشقا تىرشتىيۇ مەغلۇب بولدى. 1849-يىلى ئۆزى تۇرۇشلۇق شىتاتىنىڭ يەر-زېمىن ئىدارىسىگە باشلىق بولۇش خىيالىدا چاپتىيۇ، رەت قىلىندى. 1854-يىلى ئامېرىكا ئالىي پالاتاسنىڭ ئەزالىقىنى تالىشىپ سايلىنالمىدى. 1856-يىلى جۇمھۇرىيەتچىلەر پارتىيىسىنىڭ مەملىكەتلىك ۋەكىللەر چوڭ يىغىنىدا مۇئاۋىن زۇڭتۇڭلۇققا كۆرستىلىشنى قولغا كەلتۈردى، ئەمما بېلەت سانى يۈزگىمۇ يەتمىدى. 1858-يىلى يەنە بىر قېتىملىق ئامېرىكا ئالىي پالاتاسنىڭ ئەزالىقىنى تالىشىپ،يەنە سايلىنالمىدى. 1860-يىلى ئامېرىكا زۇڭتۇڭى بولۇپ سايلاندى.بۇ دەل ئامېرىكا تارىخىدا ئەڭ زور شۆھرەت قازانغان زوڭتۇڭ لىنكولىندۇر! ”بۇ يول شۇ قەدەر جاپالىق ھەم ئەگرى-توقاي بولدى.بىر پۇتۇم ئازىراقلا تېيىپ كەتسە، يەنە بىر پۇتۇممۇ لىڭشىپ قالىدۇ. ئەمما مەن ئۆزەمنى تۇتىۋېلىپ، ئۆز-ئۆزۈمگە شۇنداق دەپ كەلدىم.بۇئازىراقلا پۇت تېيىش،مۆدۈرۈپ كېتىش،ھەرگىزمۇ ئۆلۈش ياكى دۈم چۈشۈش ئەمەس!“ لىنكولىن ئالىي پالاتا ئەزالىق سايلىمىدا مەغلۇب بولغاندىن كېيىن شۇنداق دېگەنىدى. مۇۋەپىقىيەتتە ھېچقانداق مەخپىيەت يوق.بار دېيىلسە،بىرىنچى،ئاخىرغىچە تىركىشىش، ۋاز كەچمەسلىك، مەغلۇب بولغىنىنى ھەرگىز تەن ئالماسلىق ؛ ئىككىنچى، ۋاز كېچىش خىيالىغا كەپ قالغان چاغلاردا،ئارقىسىغا بۇرۇلۇپ بىرىنچى مەخپىيەتكە قاراش؛ ئاخىرىغىچە تىركىشىش، ۋاز كەچمەسلىك، مەغلۇب بولغىنىنى ھەرگىز تەن ئالماسلىق! قەتئىي ئىرادىلا، قول سېلىپ ئىشلەشكە بولىدىكەن،مۇمكىن بولمايدىغان ئىش يوق.بۈيۈك شائىر شىللى شۇنداق دېگەنىدى:“مەن ئۆز تەقدىرىمنىڭ خوجىسى،ئۆز روھىمنىڭ رولچىسى“.پەقەت شۇنداق بولغاندىلا، مەڭگۈ چېكىنمەي ئالغا باسالايسىز. ئابراھام لىنكولىن يۇلۇققان دۈشمەنگە ھەممىمىز ئۇچرىغان.ئۇ قىيىنچىلىققا ئۇچىرىغاندا ۋاز كەچكەن قاچقان ئەمەس،بەلكى داۋاملىق تىرىشىپ كۈرەش قىلغان.ۋازكېچىشنى ئەسلا ئويلاپ باقمىغان.شۇڭا مۇۋەپپەقىيەت قازىنالىغان. قېنى ئۆزىڭىزدىن سوراپ بېقىڭ، سىز قانداق قىلىسىز؟ قانداق قىلىۋاتىسىز؟

crazysoul110

	مۇۋاپىقىيەت يولىدا مېڭىۋاتقانلار شۇنداق ئېيتىدۇكى توختىماي تىرىشسىڭىزلا ئاز بولسۇن ،جېق بولسۇن چۇقۇم نەتىجە چىقىدۇ. مەنمۇ مۇشۇ يول بويىچە مېڭىۋاتىمەن،ھەم كۆرىنەرلىك نەتىجىلەرگىمۇ ئىرىشتىم.

ئۇتغۇر

	ئۆزىنىڭ ئارزۇ-ئارمانلىرى ۋە غايە-ئىستەكلىرى ئۈچۈن تىنىمسىز ئىزدىنىۋاتقان ، تىرىشىۋاتقان، گۈلدەك ياشلىقىنى شۇ ئىشقا بېغىشلاۋاتقانلار __ مەن ئەڭ ياقتۇرىدىغان قەلبى گۈزەل كىشىلەردۇر!

fathullah

sardor

	مۇۋاپىقىيەت قازانغۇچىلار شۇنى ئېيتىدۇكى: باشقىلاردىن ئاغرىنىپ ياشاش بىمەنىلىك ،بىدئەت قاراشقا قۇل بولۇش ئەقىلسىزلىك.

t629

	توختىماي تىرىشقاندا غەلبەقىلغىلى بولىدۇ . مەنمۇ مۇشۇيولدا كىتىپ بارىمەن . بەلگىلىك ئۈنۈمنى كۆردىم.

rahmansaykin

	ئىرادە مۇھىم !

miskin1314

	دۇنيادىكى ئەڭ خۇشاللىنارلىق ئىش شۇكى يەتمەكچى بولغان غايە ئۇچۇن كۆرەش قىلىش .

mahatjan

	مۇۋاپىقىيەت قازىنىش ئۈچۈن مەخسەت-نىشان  ئېنىق،يول توغرا بولۇش كىرەك.